ഇന്ത്യയിലെ ആപ്പിൾ പ്രേമികൾക്കൊരു സന്തോഷ വാർത്ത. ദീപാവലി ഓഫറുകളുടെ ഭാഗമായി ഐ ഫോൺ 11 ആപ്പിൾ ഓൺലൈൻ സ്റ്റോറിൽ നിന്നും വാങ്ങുന്ന കസ്റ്റമേഴ്സിന് എയർപോഡ് തികച്ചും സമ്മാനമായി ലഭിക്കുമെന്നാണ് കമ്പനി അറിയിച്ചിരിക്കുന്നത്. ആപ്പിൾ ഓൺലൈൻ സ്റ്റേറിലൂടെ ഒക്ടോബർ 17 മുതൽ പരിമിതകാലത്തേക്ക് ഈ ഓഫർ ലഭ്യമാകും. 14,900 രൂപ വില വരുന്ന എയർപോഡാണ് കമ്പനി സൗജന്യമായി നൽകാൻ പോകുന്നത്.
കമ്പനിയിൽ നിന്നും നേരിട്ട് ഉൽപന്നങ്ങൾ വാങ്ങുന്നത് പ്രോത്സാഹിപ്പിക്കുന്നതിൻെറ ഭാഗമായാണ് ആപ്പിൾ അടുത്തിടെ രാജ്യത്ത് ഓൺലൈൻ സ്സ്റ്റോർ ആരംഭിച്ചത്.
ദീപാവലി ഉത്സവകാലത്ത് ആപ്പിൾ മാത്രമല്ല മറ്റ് ഓൺലൈൻ ഭീമൻമാരും സ്മാർട്ഫോണുകൾക്ക് വമ്പൻ വിലക്കിഴിവുകളുമായി ആളുകളെ ആകർഷിക്കുന്നുണ്ട്. ആമസോണിൽ 49,999 രൂപക്കാണ് ഐ ഫോൺ 11 വിറ്റഴിക്കുന്നത്. ഗ്രേറ്റ് ഇന്ത്യൻ ഫെസ്റ്റിവൽ സെയിലിൻെറ ഭാഗമായി ഓഫർ ഒക്ടോബർ 17 മുതൽ ലഭ്യമാകും.
കഴിഞ്ഞ വർഷം ഇന്ത്യൻ വിപണിയിലെത്തിയ ഐ ഫോൺ 11ൻെറ 64 ജി.ബി വേരിയൻറ് ആപ്പിൾ ഓണലൈൻ സ്റ്റോറിൽ 68300 രൂപക്കാണ് വിൽക്കപ്പെടുന്നത്. ആമസോണിൽ ഇത് 61,990ന് ലഭിക്കും.
ആമസോണിലും ആപ്പിൾ ഓൺലൈൻ സ്റ്റോറിലും ഈ സീസണിൽ ലഭിക്കുന്ന ഏറ്റവും മികച്ച ഓഫറുകളിൽ ഒന്നാണിത്. ആയതിനാൽ തന്നെ ഐ ഫോൺ 11 വാങ്ങാൻ ഉദ്ദേശിക്കുന്നവർ ഇപ്പോഴെ സമയം കുറിച്ച് വെച്ചോളൂ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.