ഗൂഗിൾ ക്രോം ഇന്ന് ലോകത്ത് ഏറ്റവും കൂടുതൽ പേർ ഉപയോഗിക്കുന്ന വെബ് ബ്രൗസറാണ്. അതുകൊണ്ട് തന്നെ സൈബർ കുറ്റവാളികൾ ഏറ്റവും കൂടുതൽ ലക്ഷ്യമിടുന്നത് ക്രോമിനെയാണ്. ഇടക്കിടെ സുരക്ഷാ സോഫ്റ്റ് വെയർ അപ്ഡേറ്റുകൾ നൽകിയാണ് ക്രോമിനെ ഗൂഗിൾ സൈബർ ആക്രമണങ്ങളിൽ നിന്ന് സംരക്ഷിക്കാറുള്ളത്. ഇപ്പോഴിതാ ക്രോം ബ്രൗസറിനൊരു പ്രീമിയം പതിപ്പുമായി എത്തിയിരിക്കുകയാണ് ഗൂഗിൾ.
ബിസിനസുകളെ ലക്ഷ്യമിട്ട് ഗൂഗിൾ, അവരുടെ ക്രോം ബ്രൗസറിന് ഒരു സുരക്ഷാ മേക്ക് ഓവർ നൽകാൻ പോവുകയാണ്. ക്രോം എൻ്റർപ്രൈസ് പ്രീമിയം എന്നാണ് പുതിയ ഫീച്ചറിന് പേര് നൽകിയിരിക്കുന്നത്. പ്രതിമാസം പണമടയ്ക്കാൻ തയ്യാറുള്ളവർക്കായി വിപുലമായ സുരക്ഷാ ഫീച്ചറുകളാണ് വാഗ്ദാനം ചെയ്യുന്നത്.
ബ്രൗസർ ക്രമീകരണങ്ങളും എൻ്റർപ്രൈസ് ഉപയോക്താക്കൾ ഉപയോഗിക്കുന്ന ആപ്പുകളും പോലുള്ള കാര്യങ്ങൾ നിയന്ത്രിക്കാൻ ഐടി അഡ്‌മിനുകളെ അനുവദിച്ചുകൊണ്ട് ഗൂഗിൾ കുറച്ചുകാലമായി എൻ്റർപ്രൈസ് ക്രോം ഉപയോഗിച്ചുവരികയാണ്. ഡാറ്റ സംരക്ഷണം, മാൽവെയർ ഗാർഡുകൾ, ഫിഷിങ് പരിരക്ഷ എന്നിവയും Chrome എൻ്റർപ്രൈസ് വാഗ്ദാനം ചെയ്യുന്നുണ്ട്.
ഒരു ഉപയോക്താവിന് പ്രതിമാസം ആറ് ഡോളർ എന്ന നിരക്കിൽ, ക്രോം എൻ്റർപ്രൈസ് പ്രീമിയം സുരക്ഷ കൂടുതൽ മെച്ചപ്പെടുത്തുന്നു.
ക്രോം എൻ്റർപ്രൈസ് പ്രീമിയം രണ്ട് ഫ്ലേവറുകളിലാണ് വരുന്നത്: ഒന്ന് സൗജന്യമായ ‘കോർ’, രണ്ടാമത്തേത് - പ്രീമിയം. ഓൺലൈൻ സുരക്ഷ, ആഴത്തിലുള്ള മാൽവെയർ സ്കാനിങ്, ട്രാക്കുകളിലെ ഡാറ്റ ചോർച്ച തടയൽ, കൂടാതെ ഏത് തരത്തിലുള്ള വെബ്‌സൈറ്റുകളാണ് എന്നതിനെ അടിസ്ഥാനമാക്കി URL-കൾ ഫിൽട്ടർ ചെയ്യാൻ നിങ്ങളെ അനുവദിക്കുന്ന ഒരു വെബ് ബ്രൗസറായി ഗൂഗിൾ ഈ പതിപ്പ് അവതരിപ്പിക്കുന്നു.
അതേസമയം, സൗജന്യമായതും പ്രീമിയം ക്രോം പതിപ്പുകൾക്ക് ചില വലിയ വ്യത്യാസങ്ങളുണ്ട്. മാൽവെയറുകളുടെ കടന്നുകയറ്റവും വിവരച്ചോർച്ചയുമൊക്കെ ആഴത്തിൽ തടയാൻ പ്രീമിയം പതിപ്പ് തന്നെ ഉപയോഗിക്കേണ്ടിവരും. എങ്കിലും ബേസിക് ആയിട്ടുള്ള സുരക്ഷ കോർ പതിപ്പും വാഗ്ദാനം ചെയ്യുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.