'വർക്​ ഫ്രം ഹോം' നടപ്പിലാക്കിയതോടെ ഭീമൻ ലാഭമുണ്ടാക്കി ഗൂഗ്​ൾ; കണക്കുകൾ പുറത്തുവിട്ട്​ ആൽഫബറ്റ്​

കോവിഡ്​ മഹാമാരിക്ക്​ പിന്നാലെ ലോകമെമ്പാടുമുള്ള വമ്പൻ കോർപ്പറേറ്റ്​ കമ്പനികളും ടെക്​ ഭീമൻമാരും തൊഴിലാളികളെ വീട്ടിലിരുന്ന്​ ജോലി ചെയ്യാൻ പ്രോത്സാഹിപ്പിക്കുന്ന കാഴ്​ച്ചയായിരുന്നു. കോവിഡ്​ ഇടക്ക്​ ഒന്നടങ്ങിയെങ്കിലും, അപ്പോഴേക്കും 'വർക്​ ഫ്രം ഹോം' എങ്ങും തൊഴിൽ സംസ്​കാരത്തി​െൻറ ഭാഗമായി മാറി. ജീവനക്കാർക്കായി​ ഏറ്റവും പെട്ടന്ന്​ 'വർക്​ ഫ്രം ഹോം' നടപ്പിലാക്കിയ ടെക്​ കമ്പനികളിലൊന്നായിരുന്നു ഗൂഗ്​ൾ. ഇന്ത്യയടക്കമുള്ള രാജ്യങ്ങളിലെ ഗൂഗ്​ളി​െൻറ ജീവനക്കാർക്ക്​ കൊറോണയുടെ തുടക്കം മുതലേ, റിമോട്ട്​ വർക്​ അനുവദിച്ചിരുന്നു.

തൊഴിലാളികളോടുള്ള സമീപനത്തിലും അവർക്ക്​ നൽകുന്ന സുരക്ഷയിലും എന്നും മറ്റുള്ളവരേക്കാൾ ഒരുപടി മുന്നിലെത്താനായി പരമാവധി ശ്രമിക്കുന്ന കമ്പനിയാണ്​ ഗൂഗ്​ൾ. അതി​െൻറ ഭാഗമായിട്ടായിരുന്നു എല്ലാ സൗകര്യങ്ങളോടുകൂടിയും ജീവനക്കാരെ വീട്ടിലിരുന്ന്​ ജോലി ചെയ്യാൻ അവർ അനുവദിച്ചത്​. എന്നാൽ, അതും കമ്പനി വലിയ ലാഭമാക്കി മാറ്റിയിരിക്കുകയാണ്​. വർക്​ ഫ്രം ഹോം നടപ്പിലാക്കിയതോടെ വാർഷിക വരുമാനത്തിൽ ഗണ്യമായ ഉയർച്ചയാണ്​ ഗൂഗ്​ളിന്​ നേടാനായത്​.

ഒരു ബില്യൺ ഡോളറാണ്​ (7412 കോടി രൂപ) കമ്പനി ആ വിധത്തിൽ മിച്ചം പിടിച്ചത്​. ജീവനക്കാരുടെ യാത്ര, വിനോദം, മറ്റ്​ അധിക ചെലവുകൾ കുറക്കാൻ സാധിച്ചതും കോവിഡ്​ കാലത്ത്​ ഇൻറർനെറ്റ്​ അധിഷ്ഠിത സേവനങ്ങളുടെ ആവശ്യം  വൻതോതിൽ വർധിക്കുകയും ചെയ്​തതോടെ കഴിഞ്ഞ വർഷം 34 ശതമാനം വരുമാന വർധനവ്​ കമ്പനിക്ക്​ സ്വന്തമാക്കാൻ സാധിച്ചതായി​ ഗൂഗ്​ളി​െൻറ മാതൃകമ്പനി ആൽഫബറ്റ്​ പുറത്തുവിട്ട റിപ്പോർട്ടിൽ പറയുന്നു. കൂടാതെ, 2021​െൻറ ആദ്യ പാദത്തിൽ വീട്ടിലിരുന്നുള്ള തൊഴിൽ രീതി കാരണം 268 മില്യൺ ഡോളർ മിച്ചം പിടിക്കാനായതായും അവർ പറയുന്നു.

വർക്​ ഫ്രം ഹോം വിജയിച്ചതോടെ ഭാവിയിൽ 'ഹൈബ്രിഡ്​' മോഡൽ പരീക്ഷിക്കാനും കമ്പനി ഉദ്ദേശിക്കുന്നുണ്ട്​. ചില ​തൊഴിലാളികളെ വീട്ടിലിരുന്ന്​ ജോലി ചെയ്യാൻ അനുവദിക്കുകയും അവശേഷിക്കുന്നവർ​ ഒാഫീസിൽ വന്ന്​ ജോലി ചെയ്യേണ്ടതായും വരുന്ന സംവിധാനമാണിത്​. എന്നാൽ, ഒരു സമയപരിധി നിശ്ചയിച്ച്​ ഒാഫീസിലുള്ളവർക്ക്​ വർക്​ ഫ്രം ഹോം അനുവദിക്കും. അതോടെ വീട്ടിലിരുന്ന്​ ജോലി ചെയ്യുന്നവർ ഒാഫീസിലേക്ക്​ തിരിച്ചെത്തേണ്ടിയും വരും.