മോദിക്കെതിരായ ഹാഷ്​ടാഗ്​; അക്കൗണ്ടുകൾ​ അൺബ്ലോക്ക്​ ചെയ്ത ട്വിറ്ററിന്​ കേന്ദ്രത്തി​െൻറ നോട്ടീസ്​

ന്യൂഡൽഹി: കർഷക സമരത്തെ കുറിച്ച്​ ട്വീറ്റ്​ ചെയ്​ത പ്രമുഖരുടെ അടക്കമുള്ള നൂറുകണക്കിന്​ ട്വിറ്റർ അക്കൗണ്ടുകൾ അധികൃതർ ബ്ലോക്ക്​ ചെയ്യുകയും പിന്നീട്​ അൺബ്ലോക്ക്​ ചെയ്​ത്​ തിരികെ കൊണ്ടുവരികയും ചെയ്​തിരുന്നു. 'മോഡി പ്ലനിങ്​ ഫാർമർ ജി​നോസൈഡ്​' (മോദി കർഷക വംശഹത്യ ആസൂത്രണം ചെയ്യുന്നു) എന്ന ഹാഷ്​ടാഗ്​ ഉപയോഗിച്ചവരെയായിരുന്നു ട്വിറ്റർ ബ്ലോക്​ ചെയ്​തത്​. എന്നാൽ, വലിയ പ്രതിഷേധം ഉയർന്ന പശ്ചാത്തലത്തിൽ ആറ്​ മണിക്കൂറുകൾ കൊണ്ട്​ അവ അൺബ്ലോക്ക്​ ചെയ്യുകയും ചെയ്​തു.

എന്നാൽ, അക്കൗണ്ടുകൾ തിരികെ കൊണ്ടുവന്നതിനെതിരെ കേന്ദ്ര സർക്കാർ ട്വിറ്റർ അധികൃതകർക്ക്​ നോട്ടീസ്​ നൽകിയിരിക്കുകയാണ്​. ഐടി നിയമത്തിലെ സെക്ഷൻ 69-എ പ്രകാരം പുറപ്പെടുവിച്ച നിർദ്ദേശങ്ങൾ പാലിക്കാത്തതിന് നടപടിയെടുക്കുമെന്ന് ഐടി മന്ത്രാലയം മുന്നറിയിപ്പ് നൽകിയിട്ടുണ്ടെന്നും ഇന്ത്യൻ എക്സ്പ്രസ് റിപ്പോർട്ട് ചെയ്യുന്നു. "കേന്ദ്ര സർക്കാരി​െൻറ ഉത്തരവുകൾക്ക് വിധേയമായ ഒരു ഇടനിലക്കാരൻ മാത്രമായ ട്വിറ്ററിന് ഈ നടപടിയുടെ അപ്രായോഗികതയോ അനുപാതമില്ലായ്മയോ തീരുമാനിക്കാൻ കഴിയില്ലെന്ന കാര്യം ശ്രദ്ധിക്കേണ്ടതാണെന്ന്​," ഐടി മന്ത്രാലയത്തി​െൻറ നോട്ടീസിൽ പറയുന്നു.

'വ്യാജവും ഭയപ്പെടുത്തുന്നതും പ്രകോപനപരവുമായ ട്വീറ്റുകൾ നടത്തുന്നുവെന്ന്​ ആഭ്യന്തര മന്ത്രാലയത്തിൽ നിന്നും നിയമപാലകരിൽ നിന്നും പരാതി ഉയർന്നതോടെയായിരുന്നു ട്വിറ്ററി​െൻറ​ നടപടി. 'ദി കാരവൻ' മാസികയുടെ അകൗണ്ടും ​ബ്ലോക്​ ചെയ്​തിരുന്നു. റിപബ്ലിക് ദിന ട്രാക്ടർ റാലിക്കിടെ മരിച്ച കർഷകനെകുറിച്ച്​ തെറ്റിദ്ധരിപ്പിക്കുന്ന വിവരങ്ങൾ പ്രചരിപ്പിച്ചുവെന്ന് ആരോപിച്ച് ഡൽഹി പോലീസ് കാരവൻ എഡിറ്റർക്കെതിരെ എഫ്‌ഐആറും ഫയൽ ചെയ്തിരുന്നു. സിപിഎം നേതാവ് മുഹമ്മദ് സലീമിന്‍റെ അകൗണ്ടും കിസാൻ ഏക്താ മോർച്ച, ഭാരതീയ കിസാൻ യൂണിയൻ ചില ആം ആദ്മി എം‌എൽ‌എമാരുടെ അകൗണ്ടുകൾ എന്നിവയും തടഞ്ഞവയിൽ പെടും.