ടിക്​ടോകിനെ ശ്രദ്ധയോടെ നിരീക്ഷിക്കുന്നു; പൂട്ടിടാനൊരുങ്ങി ആസ്​ട്രേലിയയും ?

സിഡ്​നി: ഇന്ത്യയിൽ നേരിട്ട വിലക്കും അതിനെ തുടർന്നുള്ള ഭീമൻ സാമ്പത്തിക നഷ്​ടവും അലട്ടുന്ന ചൈനീസ്​ ഷോർട്ട്​ വിഡിയോ ഷെയറിങ്​ ആപ്പായ ടിക്​ടോകിന്​ ആസ്​ട്രേലിയയിലും ഭീഷണി. പുറത്തുവരുന്ന റിപ്പോർട്ടുകൾ പ്രകാരം ആസ്​ട്രേലിയൻ സർക്കാരും വ്യക്​തികളുടെ സ്വകാര്യ വിവരങ്ങളുടെ സുരക്ഷാ പ്രശ്​നങ്ങൾ ചൂണ്ടിക്കാട്ടി ടിക്​ടോകിനെതിരെ അന്വേഷണം പ്രഖ്യാപിച്ചിരിക്കുകയാണ്​. 

സാധ്യമായ വിദേശ ഇടപെടൽ കാരണം ആപ്പ്​ ഉപയോക്​താക്കൾക്ക്​ എന്തെങ്കിലു വിധത്തിലുള്ള സ്വകാര്യതാ അപകടങ്ങൾ ഉണ്ടാക്കുന്നുണ്ടോയെന്നാണ്​ ഒാസീസ്​ സർക്കാർ അന്വേഷിക്കുന്നത്​. ഇന്ത്യയിൽ 59 ചൈനീസ്​ ആപ്പുകൾ നിരോധിച്ച്​ ദിവസങ്ങൾ പിന്നിടവേയാണ്​ മറ്റൊരു രാജ്യവും ടിക്​ടോകിനെതിരെ സംശയം പ്രകടിപ്പിച്ച്​ രംഗത്തെത്തിയത്​. നേരത്തെ അമേരിക്കയും ആപ്പ്​ നിരോധിക്കുന്നതിന്​ കോപ്പുകൂട്ടന്നതായുള്ള വാർത്തകൾ വന്നിരുന്നു. 

മെൽബണിലുള്ള ഒരു പ്രദേശിക റേഡിയോ സ്​റ്റേഷനോട്​ ആസ്​ട്രേലിയൻ പ്രധാനമന്ത്രി സ്​കോട്ട്​ മോറിസൺ സർക്കാർ രാജ്യത്ത്​ ടിക്​ടോകി​​െൻറ പ്രവർത്തനം ശ്രദ്ധയോടെ നിരീക്ഷിക്കുന്നുണ്ടെന്ന്​ പറഞ്ഞിരുന്നു. ടിക്​ടോകി​​െൻറ കാര്യത്തിൽ ഭരണ കക്ഷിയോടൊപ്പം പ്രതിപക്ഷവും സംശയം പ്രകടിപ്പിക്കുന്നുണ്ട്​. ടിയാൻമെൻ സ്​ക്വയർ, ഹോങ്കോങ്​ വിഷയം ഉയർത്തി പ്രതിപക്ഷ നേതാക്കളിലൊരാളായ ജെന്നി മകാലിസ്റ്റർ രംഗത്തെത്തിയിരുന്നു.

അതേസമയം, അപ്രതീക്ഷിതമായി കിട്ടിയ തിരിച്ചടിക്ക്​ പിന്നാലെ ആസ്​ഥാനം മാറ്റാനൊരുങ്ങുകയാണ്​ ടിക്​ടോക്​. ചൈനയിൽനിന്ന്​ ആസ്​ഥാനം ലണ്ടനിലേക്ക്​ മാറ്റുന്നതി​​​െൻറ ചർച്ചകൾ യു.കെ സർക്കാരുമായി പുരോഗമിക്കുന്നതായാണ്​ വിവരം. ആസ്​ഥാനം മാറ്റുന്നതുമായി ബന്ധപ്പെട്ട്​ ചർച്ചകൾ നടത്തിയതായും അന്തിമ തീരുമാനമായില്ലെന്നും ബന്ധപ്പെട്ടവർ പറയുന്നു. മറ്റു സ്​ഥലങ്ങളും പരിഗണിക്കുന്നുണ്ട്​. നേരത്തേ വാൾട്ട്​ ഡിസ്​നിയിൽ നിന്നെത്തിയ കെവിൻ മേയർ സി.ഇ.ഒ ആയി ചുമതലയേറ്റതി​ന്​ പിന്നാലെ ബൈറ്റ്​ഡാൻസ്​ അധികാരകേന്ദ്രം മാറ്റുന്നുവെന്ന വാർത്തകൾ പുറത്തുവന്നിരുന്നു. ടിക്​ടോകി​​​െൻറ ഉടമസ്​ഥ സ്​ഥാപനമാണ്​ ബൈറ്റ്​ഡാൻസ്​. കാലിഫോർണിയ മൗണ്ടൻ വ്യൂവിലെ ടിക്​ടോകി​​​െൻറ ഗവേഷണ വികസന എൻജിനീയറിങ്​ പ്രവർത്തനങ്ങൾ വിപുലമാക്കുകയും ചെയ്​തിരുന്നു. എന്നാൽ യു.എസി​​​െൻറ ടിക്​ടോക്​, ചൈനീസ്​ വിരോധം പ്രവർത്തനങ്ങൾ ഇവിടെ കേന്ദ്രീകരിക്കുന്നതിനെ പ്രതികൂലമായി ബാധിച്ചേക്കും.