കേരള - ലക്ഷദ്വീപ് നേവൽ വിങ് എൻ.സി.സി കാഡറ്റുകളുടെ പായ്വഞ്ചിയിലെ പര്യവേഷണം
കൊല്ലം അഷ്ടമുടി കായലിൽനിന്ന് ആരംഭിച്ചപ്പോൾ
കൊല്ലം: അഷ്ടമുടിക്കായലിലും കല്ലടയാറിലുമായി സാഹസിക പായ്വഞ്ചി പര്യവേഷണത്തിന് തുടക്കമിട്ട് യുവ എൻ.സി.സി കാഡറ്റുകൾ. കേരള -ലക്ഷദ്വീപ് നേവൽവിങ് എൻ.സി.സി കാഡറ്റുകളാണ് എട്ട് ദിവസം നീളുന്ന പായ്വഞ്ചി യാത്ര നടത്തുന്നത്. എൻ.സി.സി കൊല്ലം ഗ്രൂപ് കമാൻഡർ ബ്രിഗേഡിയർ മനോജ് നായർ തേവള്ളി എൻ.സി.സി ജെട്ടിയിൽ യാത്ര ഉദ്ഘാടനം ചെയ്തു.
രണ്ട് പായ്വഞ്ചികളിലായി കേരള -ലക്ഷദ്വീപ് ഡയറക്ടറേറ്റിലെ 65 എൻ.സി.സി അംഗങ്ങളാണ് പര്യവേഷണത്തിൽ പങ്കെടുക്കുന്നത്. കേരളത്തിലെയും ലക്ഷദ്വീപിലെയും സ്കൂൾ, കോളജ് വിദ്യാർഥികളാണിവർ. മണ്ണടിയിലേക്ക് ആദ്യം യാത്ര ചെയ്യുന്ന സംഘം തുടർന്ന് തേവള്ളിയിലേക്ക് തിരികെവരുന്ന രീതിയിലാണ് ക്രമീകരണം. ഊഴമനുസരിച്ച് 65 കാഡറ്റുകളും യാത്രയുടെ ഭാഗമാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.