നാ​ട്ടു​മ​ഹി​മ​യി​ലെ ക​ല​ർ​പ്പും ച​ടു​ല​ത​യും

മാ​ർ​ച്ച് 13ന് ​ഓ​സ്ക​ർ പ്ര​ഖ്യാ​പി​ക്ക​പ്പെ​ട്ട​പ്പോ​ൾ ഇ​ന്ത്യ​ക്ക് അ​ഭി​മാ​നി​ക്കാ​നേ​റെ. തെ​ലു​ങ്കി​ൽ ച​ന്ദ്ര​ബോ​സ് എ​ഴു​തി കീ​ര​വാ​ണി സം​ഗീ​തസം​വി​ധാ​നം​ ചെ​യ്ത ‘‘നാ​ട്ടു നാ​ട്ടു’’ മി​ക​ച്ച ഗാ​ന​മാ​യി (ഒറിജിനൽ സോങ്)  തി​ര​ഞ്ഞെ​ടു​ക്ക​പ്പെ​ട്ടു. ആ ​പാ​ട്ടി​നെ​ക്കു​റി​ച്ചും അ​ത് സൃ​ഷ്ടി​ച്ച ത​രം​ഗ​ങ്ങ​െ​ള​പ്പ​റ്റി​യും എ​ഴു​തു​ക​യാ​ണ് ഗ്ര​ന്ഥ​ക​ർ​ത്താ​വും എ​ഴു​ത്തു​കാ​ര​നും അ​ധ്യാ​പ​ക​നു​മാ​യ ലേ​ഖ​ക​ൻ.

ഇ​ന്ത്യ​ൻ സി​നി​മ വീ​ണ്ടും അ​ക്കാ​ദ​മി പു​ര​സ്കാ​ര​ത്തി​ന്റെ നി​റ​വി​ൽ. എ​സ്.​എ​സ്. രാ​ജ​മൗ​ലി സം​വി​ധാ​നംചെ​യ്ത ‘ആ​ർആ​ർ​ആ​ർ’ (2022) എ​ന്ന സൂ​പ്പ​ർ​ഹി​റ്റ് തെ​ലു​ഗു ചി​ത്ര​ത്തി​ലെ, ഒ​രു​പ​ക്ഷേ ചി​ത്ര​ത്തെ​ക്കാ​ൾ പോ​പു​ല​റാ​യ ‘‘നാ​ട്ടു​നാ​ട്ടു...’’ എ​ന്ന ഗാ​ന​ത്തി​നാ​ണ് മി​ക​ച്ച ഒ​റി​ജി​ന​ൽ സോ​ങ്ങി​നു​ള്ള അ​ക്കാ​ദ​മി പു​ര​സ്കാ​രം. സം​ഗീ​ത​സം​വി​ധാ​യ​ക​ൻ കീ​ര​വാ​ണി​യും വ​രി​ക​ളെ​ഴു​തി​യ ച​ന്ദ്ര​ബോ​സും ചേ​ർ​ന്ന് ഓ​സ്ക​ർ പു​ര​സ്കാ​രം സ്വീ​ക​രി​ച്ചു. ‘ദ ​എ​ലി​ഫ​ന്റ് വി​സ്പ​റേ​ഴ്സ്’ മി​ക​ച്ച ഹ്ര​സ്വ ഡോ​ക്യു​മെ​ന്റ​റി​ക്കു​ള്ള പു​ര​സ്കാ​രം നേ​ടി- സം​വി​ധാ​യി​ക കാ​ർ​ത്തി​കി ഗോ​ൺ​സാ​ൽ​വ​സും നി​ർ​മാ​താ​ക്ക​ളി​ലൊ​രാ​ളാ​യ ഗു​നീ​ത് മോം​ഗ​യും പു​ര​സ്കാ​രം സ്വീ​ക​രി​ച്ചു. ഇ​ന്ത്യ​ൻ​ സി​നി​മ​യു​ടെ അ​വി​ഭാ​ജ്യ​ ചേ​രു​വ​ക​ളി​ലൊ​ന്നാ​യ പാ​ട്ട് ഇ​മ്മ​ട്ടി​ൽ ലോ​കാം​ഗീ​കാ​രം​നേ​ടു​ന്ന​ത് ന​ടാ​ടെ​യാ​ണ്. ഗാ​ന​പു​ര​സ്കാ​രം ഏ​ഷ്യ​യി​ലേ​ക്കെ​ത്തു​ന്ന​തു​ത​ന്നെ ആ​ദ്യ​മാ​ണ്.

ചേ​രു​വ​യു​ടെ –കോ​ൺ​ഗ്ലോ​മ​റേ​ഷ​ന്റെ– ക​ല​യാ​ണ് ഇ​ന്ത്യ​ൻ സി​നി​മ​യെ​ന്നു പ​റ​യാ​റു​ണ്ട്. ആ​ട്ട​വും പാ​ട്ടും സം​ഘ​ർ​ഷ​ങ്ങ​ളും സം​ഘ​ട്ട​ന​ങ്ങ​ളും ചേ​രും​പ​ടി ചേ​ർ​ത്ത, എ​രി​വും പു​ളി​യും നി​റ​ഞ്ഞ മ​സാ​ല​ക്കൂ​ട്ടാ​യ – ന​ല്ല അ​ർ​ഥ​ത്തി​ലും ശ​കാ​ര​മെ​ന്ന​നി​ല​യി​ലും – ഇ​ന്ത്യ​ൻ പോ​പു​ല​ർ സി​നി​മ ഒ​രു സ​വി​ശേ​ഷ ജ​നു​സ്സാ​യി​ത്ത​ന്നെ വി​ല​യി​രു​ത്ത​പ്പെ​ടു​ന്നു. ക​ഥാ​ഖ്യാ​ന​ത്തി​ന്റെ വെ​ളി​യി​ലാ​ണ് ആ​ട്ട​വും പാ​ട്ടു​മൊ​ക്കെ സെ​റ്റു​ചെ​യ്യ​പ്പെ​ടു​ന്ന​ത്. മു​മ്പും പി​മ്പു​മു​ള്ള ക​ഥ, ആ ​ആ​ട്ട​വും പാ​ട്ടും ഓ​ർ​മി​ക്കു​ന്നു​പോ​ലു​മു​ണ്ടാ​വി​ല്ല. ഒ​രു നി​റ​പ്പ​കി​ട്ടാ​ർ​ന്ന സ്വ​പ്നം​പോ​ലെ, ക​ടും​വ​ർ​ണ​ങ്ങ​ൾ വാ​രി​വി​ത​റു​ന്ന കെ​ട്ടു​കാ​ഴ്ച​പോ​ലെ അ​ത് സി​നി​മ​യി​ൽ നി​ല​കൊ​ള്ളു​ന്നു. ക​ഥ​യി​ൽ കാ​ര്യ​മാ​യ പ​ങ്കൊ​ന്നും വ​ഹി​ക്കാ​ത്ത ഇ​ത്ത​ര​മൊ​രു കെ​ട്ടി​യെ​ടു​പ്പ് ഇ​ന്ത്യ​ൻ​ സി​നി​മ​യു​ടെ ത​നി​മ​യാ​യി മാ​റു​ന്ന​ കാ​ഴ്ച അ​ത്ഭു​ത​ത്തോ​ടെ​യാ​ണ് ലോ​ക​സി​നി​മ ശ്ര​ദ്ധി​ച്ച​ത്. സി​നി​മ യാ​ഥാ​ർ​ഥ്യ​ത്തെ പ​ക​ർ​ത്തു​ന്ന ഒ​ന്ന​ല്ല, അ​തൊ​രു ക​ലാ​രൂ​പ​മാ​ണ് എ​ന്ന തി​രി​ച്ച​റി​വ് ഈ ​അ​ത്ഭു​തം അ​ലി​യി​ച്ചി​ല്ലാ​താ​ക്കാ​ൻ പോ​ന്ന​ത​ത്രേ. ക​ഥ​യി​ൽ​നി​ന്ന് അ​ട​ർ​ത്തി​മാ​റ്റി​യാ​ലും നി​ല​നി​ൽ​പു​ള്ള, സ​വി​ശേ​ഷ ക​ലാ​രൂ​പ​മാ​യി​മാ​റു​ന്നു ന​മ്മു​ടെ ഗാ​ന​നൃ​ത്ത​രം​ഗ​ങ്ങ​ൾ. സി​നി​മ​ക്കു​ള്ള പ​ര​സ്യ​മാ​യും അ​ല്ലാ​തെ​യും അ​വ റേ​ഡി​യോ​യി​ലും ടെ​ലി​വി​ഷ​നി​ലും തു​ട​ർ​ന്ന് സൈ​ബ​റി​ട​ത്തി​ലും സ്വ​ത​ന്ത്ര​ജീ​വി​തം ന​യി​ക്കു​ന്നു. അ​ത്ത​ര​മൊ​രു മാ​ർ​ക്ക​റ്റു​കൂ​ടി ല​ക്ഷ്യ​മി​ട്ടു​കൊ​ണ്ട്, അ​മ്മ​ട്ടി​ൽ പ്രാ​ധാ​ന്യം ന​ൽ​കി​ക്കൊ​ണ്ടു​ത​ന്നെ​യാ​ണ് ഗാ​ന​നൃ​ത്ത​ ചി​ത്രീ​ക​ര​ണം ന​ട​ക്കു​ക. മ​ല​യാ​ള​ സി​നി​മ​യു​ടെ കാ​ര്യ​മെ​ടു​ത്താ​ൽ ഇ​ക്കാ​ര്യം വേ​ഗം തി​രി​ഞ്ഞു​കി​ട്ടും. റി​യാ​ലി​റ്റി ഷോ​വി​ലും റീ​ലു​ക​ളി​ലും ക​വ​റു​ക​ളി​ലു​മൊ​ക്കെ​യാ​യി ഇ​ന്നും സ​ക്രി​യ​മാ​യി​രി​ക്കു​ന്ന പ​ഴ​യ​ പാ​ട്ടു​ക​ളി​ൽ ബ​ഹു​ഭൂ​രി​പ​ക്ഷ​ത്തി​ന്റെ​യും ആ​ലാ​പ​ന​സ​ന്ദ​ർ​ഭ​ങ്ങ​ൾ ന​മു​ക്കോ​ർ​മ​യി​ല്ല. പാ​ട്ടി​നെ സം​ബ​ന്ധി​ക്കു​ന്ന ഒ​രു ജ​ന​റ​ൽ നോ​ള​ജെ​ന്ന​ നി​ല​യി​ലാ​ണ് അ​തു പ്ര​ത്യ​ക്ഷ​പ്പെ​ട്ട സി​നി​മ​യു​ടെ പേ​ര് പ​ല​പ്പോ​ഴും ഓ​ർ​ക്കു​ക. പാ​ട്ടി​ന് സ്വ​ത​ന്ത്ര​ജീ​വി​ത​മു​ണ്ടെ​ന്നു ചു​രു​ക്കം.

ടെ​ലി​വി​ഷ​ൻ കാ​ഴ്ച​ക​ൾ പ്ര​ധാ​ന​മാ​യ​തോ​ടെ ചി​ത്രീ​ക​ര​ണ​ത്തി​ൽ ശ്ര​ദ്ധ​യേ​റി. വ​രി​ക​ളും സം​ഗീ​ത​വും ആ​ലാ​പ​ന​മാ​ധു​ര്യ​വും മു​ന്നി​ൽ​നി​ൽ​ക്കു​ന്ന​ത് റേ​ഡി​യോ​യു​ടെ സ​ന്ദ​ർ​ഭ​ത്തി​ലാ​യി​രു​ന്നു. കാ​ഴ്ച പ്ര​ധാ​ന​മാ​യ​തോ​ടെ സം​ഗീ​ത​വും സാ​ഹി​ത്യ​വും ചേ​രു​വ​ക​ളി​ലൊ​ന്നു​ മാ​ത്ര​മാ​യി. സി​നി​മ​യി​ൽ​നി​ന്ന് അ​ട​ർ​ത്തി​മാ​റ്റി​യാ​ലും നി​ല​നി​ൽ​പു​ണ്ടാ​വു​ക എ​ന്ന​തി​ന​ർ​ഥം അ​ത് ആ​ഖ്യാ​ന​പ​ര​മാ​യ നൃ​ത്ത​സം​ഗീ​ത​ങ്ങ​ളാ​വ​ണ​മെ​ന്ന് നി​ർ​ബ​ന്ധ​മി​ല്ലെ​ന്നാ​ണ്. ഉ​ത്സ​വ​പ്പ​റ​മ്പി​ലെ വി​വി​ധ മാ​യ​ക്കാ​ഴ്ച​ക​ളെ അ​നു​സ്മ​രി​പ്പി​ക്കും​വി​ധം ഗാ​ന​നൃ​ത്ത​രം​ഗ​ങ്ങ​ൾ ജ​ന​പ്രി​യ​ സി​നി​മ​യി​ൽ ഒ​രു ആ​ഹ്ലാ​ദ​വി​ഭ​വ​മാ​യി നി​ല​കൊ​ണ്ടു. മും​ബൈ സി​നി​മ​യി​ലെ നൃ​ത്ത​രം​ഗ​ങ്ങ​ളെ​ക്കു​റി​ച്ചു​ള്ള അ​ക്കാ​ദ​മി​ക പ​ഠ​ന​ങ്ങ​ളി​ൽ അ​വ എ​ങ്ങ​നെ​യാ​ണ് ഒ​രു ദേ​ശീ​യ​താ ചി​ഹ്ന​മാ​യി മാ​റു​ന്ന​തെ​ന്ന് വി​ശ​ദ​മാ​ക്കു​ന്നു​ണ്ട്. സ്ത്രീ​യെ​യും പു​രു​ഷ​നെ​യും നി​റ​ത്തെ​യും സൗ​ന്ദ​ര്യ​ത്തെ​യും വേ​ഷ​ങ്ങ​ളെ​യും ഫാ​ഷ​നെ​യു​മൊ​ക്കെ നി​ർ​ണ​യി​ക്കു​ന്ന വ​ലി​യൊ​രു ക​മ്പോ​ള​യി​ന​മാ​യി ബോ​ളി​വു​ഡ് നൃ​ത്ത​രം​ഗ​ങ്ങ​ൾ ജ​ന​പ്രി​യ സം​സ്കാ​ര​ത്തി​ൽ അ​ട​യാ​ള​പ്പെ​ട്ടു. ബോ​ളി​വു​ഡി​നെ അ​സ്ത​പ്ര​ജ്ഞ​രാ​ക്കി മു​ന്നേ​റു​ന്ന ദ​ക്ഷി​ണേ​ന്ത്യ​ൻ സി​നി​മ​ക​ളു​ടെ സ​മ​കാ​ല​ത്ത്, അ​ത്ത​രം പൂ​ർ​വ​ധാ​ര​ണ​ക​ളെ മാ​റ്റി​മ​റി​ക്കു​ന്ന ഗാ​ന​നൃ​ത്ത​രം​ഗ​മാ​യി ഉ​യ​ർ​ന്നു​വ​ന്നു​വെ​ന്ന​താ​ണ് ‘‘നാ​ട്ടു​നാ​ട്ടു​’’വി​ന്റെ ത​ത്സ​മ​യ​പ്ര​സ​ക്തി.

ക​ഥാ​ബാ​ഹ്യ​മാ​യി, അ​നാ​ഖ്യാ​ന​പ​ര​മാ​യി പ്ര​ത്യ​ക്ഷ​പ്പെ​ടു​ന്ന പോ​പു​ല​ർ ഗാ​ന​നൃ​ത്ത​രം​ഗ​ങ്ങ​ളി​ൽ​നി​ന്നു വ്യ​ത്യ​സ്ത​മാ​യി, സി​നി​മ​യു​ടെ പ്ര​മേ​യ​ത്തോ​ട് ചേ​ർ​ന്നു​നി​ൽ​ക്കു​ന്ന​ മ​ട്ടി​ൽ, ഇം​ഗ്ലീ​ഷ് അ​പ്ര​മാ​ദി​ത്വ​ത്തോ​ടു​ള്ള കോ​ള​നി​നാ​ടി​ന്റെ ചെ​റു​ത്തു​നി​ൽ​പാ​യാ​ണ് ‘‘നാ​ട്ടു​നാ​ട്ടു’’ ചി​ട്ട​പ്പെ​ടു​ത്തി​യി​രി​ക്കു​ന്ന​ത്. ക​ഥാ​പാ​ത്ര​ങ്ങ​ളു​ടെ ആ​ത്മ​ബ​ന്ധ​ത്തി​ന്റെ സൂ​ച​ക​മാ​യും പാ​ര​സ്പ​ര്യ​ത്തി​ന്റെ പ്ര​തീ​ക​മാ​യും ഈ ​രം​ഗം മാ​റു​ന്നു. ഇം​ഗ്ലീ​ഷു​കാ​രു​ടെ പ​ത്തി​മ​ട​ങ്ങു​ന്ന​ത് ന​ർ​ത്ത​ക​രു​ടെ ഐ​ക്യ​ത്തി​ലാ​ണ്. എ​തി​രാ​ളി​ക​ളെ നി​ലം​പ​രി​ശാ​ക്കു​ന്ന മ​ത്സ​ര​ബു​ദ്ധി, നൃ​ത്ത​ത്തി​നൊ​ടു​വി​ൽ ഒ​രാ​ളു​ടെ തോ​റ്റു​കൊ​ടു​ക്ക​ലി​ൽ – പ​ര​സ്പ​രം മ​ന​സ്സി​ലാ​ക്ക​ലി​ൽ അ​വ​സാ​നി​ക്കു​ന്നു. അ​പ്പോ​ൾ അ​വ​സാ​നി​ച്ചി​രു​ന്നി​ല്ലെ​ങ്കി​ൽ ആ ​നൃ​ത്തം അ​ന​ന്ത​മാ​യി നീ​ണ്ടു​പോ​വു​മാ​യി​രു​ന്നു​വെ​ന്ന പ്ര​തീ​തി സൃ​ഷ്ടി​ക്കാ​ൻ സാ​ധി​ക്കു​ന്നു​ണ്ട് ആ ​കൊ​റി​യോ​ഗ്ര​ഫി​ക്ക്.

ച​ന്ദ്ര​ബോ​സി​ന്റെ വ​രി​ക​ളി​ൽ നാ​ടി​ന്റെ സം​ഘ​ശ​ക്തി​യു​ടെ ഊ​ർ​ജ​മു​ണ്ട്. നാ​ട്ടു​ദേ​വ​ത​യും ആ​ലും ചെ​ണ്ട​മേ​ള​വും തീ​നും കു​ടി​യും മു​ള​കും വി​യ​ർ​പ്പു​മെ​ല്ലാം വ​രി​ക​ളി​ൽ ക​ട​ന്നു​വ​രു​ന്നു. ക​ർ​ണാ​ട​ക​ സം​ഗീ​ത​ത്തി​ലെ​യും നാ​ട്ടു​സം​ഗീ​ത​ത്തി​ലെ​യും താ​ള​ങ്ങ​ളും ഈ​ണ​പ​ദ്ധ​തി​ക​ളും ഇ​ണ​ക്കി​ച്ചേ​ർ​ത്താ​ണ് കൊ​ടൂ​രി മ​ര​ഗ​ത​മ​ണി കീ​ര​വാ​ണി സം​ഗീ​ത​മൊ​രു​ക്കി​യി​രി​ക്കു​ന്ന​ത്. അ​സാ​മാ​ന്യ​മാ​യ ഊ​ർ​ജ​പ്ര​വാ​ഹ​മാ​യി ഈ ​പാ​ട്ട് അ​നു​ഭ​വ​പ്പെ​ടാ​ൻ ത​ല​യ​റി​ഞ്ഞു പ​ണി​തി​ട്ടു​ണ്ട്, സം​ഗീ​ത​സം​വി​ധാ​യ​ക​ൻ. രാ​ഹു​ൽ സി​പ്ലി​ഗ​ഞ്ചും കീ​ര​വാ​ണി​യു​ടെ മ​ക​ൻ കാ​ല​ഭൈ​ര​വ​നും ചേ​ർ​ന്നാ​ണ് ഗാ​നം ആ​ല​പി​ച്ച​ത്. ഹി​ന്ദി​യി​ൽ ‘‘നാ​ച്ചോ നാ​ച്ചോ...’’, ത​മി​ഴി​ൽ ‘‘നാ​ട്ടു​കൂ​ത്ത്...’’ എ​ന്നി​ങ്ങ​നെ മൊ​ഴി​മാ​റ്റ​പ്പെ​ട്ട ഗാ​നം മ​ല​യാ​ള​ത്തി​ൽ ‘‘ക​രി​ന്തോ​ല് സം​ഘ​മാ​കെ പ​ട്ടി​ക്കാ​ട്ടു കൂ​ത്തു​ക്കാ​ട്ട്’’ എ​ന്നാ​ണ് ആ​രം​ഭി​ക്കു​ന്ന​ത്. മ​ങ്കൊ​മ്പ് ഗോ​പാ​ല​കൃ​ഷ്ണ​നാ​ണ് ര​ച​ന. പാ​ടി​യ​ത് കെ.​എ​സ്. ഹ​രി​ശ​ങ്ക​റും യാ​സി​ൻ നി​സാ​റും. വി​വി​ധ​ ഭാ​ഷ​ക​ളി​ൽ ഹി​റ്റാ​യ ഈ ​ഗാ​നം ഗോ​ൾ​ഡ​ൻ ഗ്ലോ​ബ് ഉ​ൾ​പ്പെ​ടെ പ​ത്തോ​ളം അ​ന്താ​രാ​ഷ്ട്ര​ പു​ര​സ്കാ​ര​ങ്ങ​ൾ നേ​ടി​യി​ട്ടു​ണ്ട്. പ​ത്തി​രു​പ​ത് വ്യ​ത്യ​സ്ത ഈ​ണ​ങ്ങ​ളി​ട്ട് അ​തി​ൽ​നി​ന്ന് തി​ര​ഞ്ഞെ​ടു​ക്ക​പ്പെ​ട്ട ട്യൂ​ണി​ലാ​ണ് ഇ​ന്നു ന​മ്മ​ൾ ആ ​പാ​ട്ടു കേ​ൾ​ക്കു​ന്ന​തെ​ന്നാ​ണ് ക​ഥ. ഗാ​ന​നി​ർ​മാ​ണ​ത്തി​ന് മൊ​ത്ത​ത്തി​ൽ 19 മാ​സം പി​ടി​ച്ച​ത്രേ. ഇ​റ​ങ്ങി 24 മ​ണി​ക്കൂ​റി​ന​കം തെ​ലു​ഗി​ൽ മാ​ത്രം 170 ല​ക്ഷം വ്യൂ​സ് ല​ഭി​ച്ച ഈ ​പാ​ട്ടി​ന് 2022 ഫെ​ബ്ര​ുവ​രി​യോ​ടെ​ത​ന്നെ 20 കോ​ടി​യി​ല​ധി​കം കാ​ഴ്ച​ക്കാ​രു​ണ്ടാ​യെ​ന്നാ​ണ് ക​ണ​ക്ക്; സി​നി​മ​യു​ടെ പ​ണം​വാ​രി​ക്ക​ണ​ക്കു​ക​ൾ വേ​റെ.

തി​ക​ച്ചും ഫോ​ക് എ​ന്നു വി​ളി​ക്കാ​വു​ന്ന നാ​ട്ടു​ക്കൂ​ത്തു​ശൈ​ലി​ക്കൊ​പ്പം ക​ർ​ണാ​ട്ടി​ക്കി​ന്റെ​യും പാ​ശ്ചാ​ത്യ​സം​ഗീ​ത​ത്തി​ന്റെ​യും സം​സ്കാ​രം മി​ശ്ര​ണം​ചെ​യ്ത് ചി​ട്ട​പ്പെ​ടു​ത്തി​യ ഈ ​ഗാ​നം അ​തി​ച​ടു​ല​മാ​യ നൃ​ത്ത​ത്തോ​ടൊ​പ്പ​മാ​ണ് ഇ​ത്ര​യ​ധി​കം ജ​ന​പ്രീ​തി​നേ​ടി​യ​ത് എ​ന്നു​കാ​ണാം. വി​ഷ്വ​ലി​നെ മാ​റ്റി​നി​ർ​ത്തി കേ​ട്ടാ​ൽ ഇ​ത്ര​ക്ക് ച​ടു​ല​ത ഫീ​ൽ ചെ​യ്യ​ണ​മെ​ന്നി​ല്ല. സി​നി​മാ​റ്റി​ക് ഡാ​ൻ​സി​നും വി​നോ​ദ​യാ​ത്ര​ക​ളി​ലെ സം​ഘ​നൃ​ത്ത​ത്തി​നു​മൊ​ക്കെ​യാ​യി ന​മ്മ​ൾ ഉ​പ​യോ​ഗി​ച്ചു​പോ​രു​ന്ന ത​മി​ഴ് പാ​ട്ടു​ക​ളെ​ക്കാ​ളൊ​ക്കെ ഫാ​സ്റ്റ് എ​ന്ന് ‘‘നാ​ട്ടു​നാ​ട്ടു’’​വി​നെ വി​ശേ​ഷി​പ്പി​ക്കാ​നാ​വി​ല്ല. അ​തേ​സ​മ​യം, പ്രേം ​ര​ക്ഷി​തി​ന്റെ അ​തി​സ​ങ്കീ​ർ​ണ​മാ​യ കൊ​റി​യോ​ഗ്ര​ഫി ‘‘നാ​ട്ടു​നാ​ട്ടു’’​വി​ന്റെ വേ​ഗം പ​ല​മ​ട​ങ്ങ് കൂ​ട്ടു​ന്ന​താ​യി അ​നു​ഭ​വ​പ്പെ​ടും. എ​ഡി​റ്റി​ങ്ങി​ലൂ​ടെ​യും മ​റ്റും ല​ഭി​ക്കു​ന്ന അ​ധി​ക​മാ​ന​ങ്ങ​ൾ ഈ ​ഗാ​ന​ത്തെ അ​ന​നു​ക​ര​ണീ​യ​മാ​ക്കി മാ​റ്റു​ന്നു​മു​ണ്ട്. ‘‘നാ​ട്ടു​നാ​ട്ടു’’ ഇ​റ​ങ്ങി​യ സ​മ​യ​ത്തു​ത​ന്നെ ഇ​തി​ന്റെ സ​ങ്കീ​ർ​ണ​മാ​യ സ്റ്റെ​പ്പു​ക​ൾ പ​ഠി​പ്പി​ക്കു​ന്ന ട്യൂ​ട്ടോ​റി​യ​ലു​ക​ൾ റീ​ലു​ക​ളാ​യും​ മ​റ്റും പ്ര​ത്യ​ക്ഷ​പ്പെ​ട്ട​തോ​ർ​ക്കു​ക. കാ​ൽ​മ​ട​മ്പും മു​ൻ​വി​ര​ലു​ക​ളും സ​വി​ശേ​ഷ​മാ​യി ച​ലി​പ്പി​ച്ചു​കൊ​ണ്ട് ന​ട​ത്തു​ന്ന ഒ​രി​നം അ​ഗ്ര​ത​ല​സ​ഞ്ചാ​രം അ​ത്ര​ത​ന്നെ ഫോ​ക്ക​ല്ല​താ​നും. പാ​ദ​ച​ല​ന​ത്തി​ന് സ​വി​ശേ​ഷ​ശ്ര​ദ്ധ​ ന​ൽ​കു​ന്ന​മ​ട്ടി​ലാ​ണ് ചി​ത്രീ​ക​ര​ണം. മ​റ്റേ​തു ഗാ​ന​നൃ​ത്ത​രം​ഗ​ത്തി​ലും നൃ​ത്ത​ച​ല​ന​ങ്ങ​ൾ​ക്കി​ടെ മു​ഖ​ഭാ​വ​ങ്ങ​ൾ​ക്കും ഇ​ത​ര അ​ഭി​ന​യ​ച​ല​ന​ങ്ങ​ൾ​ക്കും ഇ​ട​മു​ണ്ടാ​വാ​മെ​ങ്കി​ലും ‘‘നാ​ട്ടു​നാ​ട്ടു’’​വി​ൽ മു​ഴു​വ​ൻ അ​റ്റ​ൻ​ഷ​നും നൃ​ത്ത​ത്തി​നാ​ണ് ല​ഭി​ക്കു​ന്ന​ത്. ഇ​ട​യി​ൽ വ​ല്ല​പ്പോ​ഴും വ​രു​ന്ന ദൃ​ശ്യ​വ്യ​തി​യാ​ന​ങ്ങ​ൾ​പോ​ലും ച​ടു​ല​ത​ക്ക് എ​രി​കൂ​ട്ടു​ന്ന​താ​യാ​ണ് അ​നു​ഭ​വ​പ്പെ​ടു​ക. നാ​ട്ടു​ക്കൂ​ത്തി​ന് ഒ​രി​ക്ക​ലും യോ​ജി​ക്കി​ല്ലെ​ന്നു ക​രു​താ​വു​ന്ന വെ​സ്റ്റേ​ൺ കോ​സ്റ്റ്യൂ​മും നാ​ഗ​രി​ക​വും രാ​ജ​കീ​യ​വു​മാ​യ പ​ശ്ചാ​ത്ത​ല​വും അ​ത്ര​ത​ന്നെ നാ​ഗ​രി​ക​രാ​യ പ​ശ്ചാ​ത്ത​ല​ ന​ർ​ത്ത​ക​രു​മൊ​ക്കെ​യാ​ണ് ഈ ​പാ​ട്ടി​നു​ള്ള​ത്. പ​ശ്ചാ​ത്ത​ല​ന​ർ​ത്ത​ക​രി​ലേ​ക്ക് ഒ​രി​ക്ക​ലും ശ്ര​ദ്ധ​തി​രി​യാ​ൻ സ​മ്മ​തി​ക്കാ​ത്ത​മ​ട്ടി​ലാ​ണ് ജൂ​നി​യ​ർ എ​ൻ.​ടി.​ആ​റും രാം​ച​ര​ണും പെ​ർ​ഫോം ചെ​യ്യു​ന്ന​ത്. ട​ർ​ക്കി​ഷ് ബ്ലൂ​വി​നും ഇ​ളം മ​ഞ്ഞ​ക്കും പ്രാ​ധാ​ന്യം ല​ഭി​ക്കും മ​ട്ടി​ൽ രൂ​പ​ക​ൽ​പ​ന​ചെ​യ്ത പ​ശ്ചാ​ത്ത​ലം, യു​ക്രെ​യ്നി​ലെ രാ​ജ​കീ​യ​വ​സ​തി​യു​ടെ പ്രൗ​ഢി, നൃ​ത്ത​ത്തി​ന് സാ​ക്ഷി​യാ​വു​ന്ന ഇം​ഗ്ലീ​ഷു​കാ​രു​ടെ ഗ്രാ​ൻ​ഡ് എ​ന്നു​ത​ന്നെ​ വി​ളി​ക്കാ​വു​ന്ന വ​സ്ത്ര​ധാ​ര​ണ​വും വ​ർ​ണ​ബോ​ധ​വും – ഇ​തെ​ല്ലാം​ചേ​ർ​ന്നു നി​ർ​മി​ക്കു​ന്ന ക​ള​ർ പാ​റ്റേ​ൺ പ​തി​വ് ഇ​ന്ത്യ​ൻ നൃ​ത്ത​രം​ഗ​ങ്ങ​ളി​ൽ​നി​ന്ന് ‘‘നാ​ട്ടു​നാ​ട്ടു’’​വി​നെ വ്യ​ത്യ​സ്ത​മാ​ക്കു​ന്നു. ഇ​ളം സാ​പ് ഗ്രീ​നി​ലും ഓ​ഫ് വൈ​റ്റി​ലും സെ​റ്റ് ചെ​യ്യ​പ്പെ​ട്ട അ​ക​ത്ത​ള​ങ്ങ​ൾ സൗ​ണ്ട് ഓ​ഫ് മ്യൂ​സി​ക്കി​ലെ (1965) ചി​ല ഗാ​ന​രം​ഗ​ങ്ങ​ൾ​ക്ക് പ​ക​രു​ന്ന പ്രൗ​ഢി ഓ​ർ​ക്കു​ക. ക​ഥ സെ​റ്റ് ചെ​യ്യ​പ്പെ​ട്ട ബ്രി​ട്ടീ​ഷ് പ​ശ്ചാ​ത്ത​ല​ത്തി​ന് അ​നു​ഗു​ണ​മാ​വു​ന്നു ‘‘നാ​ട്ടു​നാ​ട്ടു’’​വി​ന്റെ വ​ർ​ണ​വി​ന്യാ​സം. ത​ബ​ല, മാ​ൻ​ഡോ​ലി​ൻ​പോ​ലു​ള്ള ഇ​ന്ത്യ​ൻ വാ​ദ്യ​ങ്ങ​ൾ​ക്കൊ​പ്പം പാ​ശ്ചാ​ത്യ​മാ​യ സം​ഗീ​തോ​പ​ക​ര​ണ​ങ്ങ​ളും ഇ​തി​ൽ ഉ​പ​യോ​ഗി​ച്ചി​ട്ടു​ണ്ട്. ഭാ​ഷ​ക്കും സം​സ്കാ​ര​ത്തി​നു​മ​പ്പു​റം ക​ട​ന്ന് ജ​ന​പ്രി​യ​മാ​കാ​ൻ സാ​ധി​ച്ചു​വെ​ന്ന​താ​ണ് ‘‘നാ​ട്ടു​നാ​ട്ടു’’​വി​ലെ ഈ​ണ​ത്തി​നും ആ​ലാ​പ​ന​ത്തി​നും നൃ​ത്ത​ച്ചു​വ​ടു​ക​ൾ​ക്കും അ​വ​കാ​ശ​പ്പെ​ടാ​വു​ന്ന മേ​ന്മ. അ​വ അ​ത്ര​ത​ന്നെ ‘നാ​ട്ടു​നാ​ട്ടു’​വ​ല്ലെ​ന്നു ചു​രു​ക്കം. ത​ന്റെ കേ​ൾ​വി​സം​സ്കാ​ര​ത്തി​ൽ പാ​ശ്ചാ​ത്യ പോ​പ്, റോ​ക്ക് ശൈ​ലി​ക​ൾ ഉ​ൾ​പ്പെ​ട്ടി​രു​ന്ന​ കാ​ര്യം സം​ഗീ​ത​സം​വി​ധാ​യ​ക​ൻ​ത​ന്നെ വി​ശ​ദീ​ക​രി​ച്ചി​ട്ടു​മു​ണ്ട​ല്ലോ.

ക​ഥാ​പാ​ത്ര​ങ്ങ​ൾ മ​ത്സ​രി​ച്ചാ​ടു​ന്ന നൃ​ത്ത​ങ്ങ​ൾ ന​മു​ക്ക് പു​ത്ത​രി​യ​ല്ല. സം​യു​ക്ത​നൃ​ത്ത​ങ്ങ​ളും കു​റ​വ​ല്ല. ‘‘നാ​ട്ടു​നാ​ട്ടു’’ പെ​ട്ടെ​ന്നോ​ർ​മി​പ്പി​ക്കു​ന്ന പ​ഴ​യൊ​രു നൃ​ത്ത​രം​ഗം സ​ഞ്ജ​യ് ലീ​ലാ ബെ​ൻ​സാ​ലി​ന്റെ ‘ദേ​വ​ദാ​സി’​ലെ (2002) ഇ​സ്മാ​ഇ​ൽ ദ​ർ​ബാ​ർ ഈ​ണ​മി​ട്ട ‘‘ഡോ​ലാ രേ ​ഡോ​ലാ’’​യാ​ണ്. മാ​ധു​രി ദീ​ക്ഷി​തി​ന്റെ​യും ഐ​ശ്വ​ര്യ റാ​യി​യു​ടെ​യും സം​യു​ക്ത​നൃ​ത്ത​മാ​ണ് ഈ ​ഗാ​ന​രം​ഗ​ത്തി​ൽ. പെ​ണ്ണും പെ​ണ്ണും അ​ല്ലെ​ങ്കി​ൽ ആ​ണും പെ​ണ്ണും മ​ത്സ​രി​ച്ചാ​ടു​ന്ന​തി​ലും പു​തു​മ​യു​ണ്ട് ര​ണ്ടു ന​ർ​ത്ത​ക​രു​ടെ മ​ത്സ​ര​യാ​ട്ട​ത്തി​ന്. ‘ആ​ർ​ആ​ർ​ആ​റി’​ലെ അ​ല്ലൂ​രി സീ​താ​രാ​മ രാ​ജു​വും കൊ​മ​രം ഭീ​മും മ​ത്സ​രി​ച്ചാ​ടു​ന്ന ഈ ​ന​ർ​ത്തന​രം​ഗ​ത്തി​ന് ഇ​ത്ത​ര​മൊ​രു സ​വി​ശേ​ഷ​ത​കൂ​ടി​യു​ണ്ട്. പ​തി​വു​മ​ട്ടി​ൽ ദൃ​ശ്യ​വി​ഭ​വ​മാ​യി മാ​റാ​റു​ള്ള സ്ത്രീ​ക​ൾ ഇ​തി​ൽ സ​ഹ​ന​ർ​ത്ത​ക​രോ കാ​ഴ്ച​ക്കാ​രോ ആ​ണ്.

ത​മി​ഴി​ൽ മ​ര​ഗ​ത​മ​ണി​യെ​ന്ന​റി​യ​പ്പെ​ടു​ന്ന കീ​ര​വാ​ണി മ​ല​യാ​ള​ത്തി​ലും നൂ​റി​ല​ധി​കം ഗാ​ന​ങ്ങ​ൾ ചി​ട്ട​പ്പെ​ടു​ത്തി​യി​ട്ടു​ണ്ട്. 1991ൽ ​പു​റ​ത്തു​വ​ന്ന ‘നീ​ല​ഗി​രി’​യെ​ന്ന ചി​ത്ര​മാ​ണ് അ​തി​ൽ ആ​ദ്യ​ത്തേ​ത്. പി.​കെ. ഗോ​പി​യു​ടെ വ​രി​ക​ളി​ൽ​ പി​റ​ന്ന ആ​റു​ പാ​ട്ടു​ക​ൾ ആ ​ചി​ത്ര​ത്തി​ലു​ണ്ട്. 1992ൽ ‘​സൂ​ര്യ​മാ​ന​സം’ എ​ന്ന ചി​ത്ര​ത്തി​ൽ കൈ​ത​പ്ര​ത്തി​ന്റെ വ​രി​ക​ൾ​ക്ക് അ​ദ്ദേ​ഹം ഈ​ണ​മി​ട്ടു. ‘‘ത​ര​ളി​ത​രാ​വി​ൽ മ​യ​ങ്ങി​യോ സൂ​ര്യ​മാ​ന​സം’’ ശ്ര​ദ്ധി​ക്ക​പ്പെ​ട്ടു. ‘ഏ​യ് ഹീ​റോ’ (1994), ‘ഇ​നി​യൊ​രു പ്ര​ണ​യ​ക​ഥ’ (1995), ‘സൂ​പ്പ​ർ​ഹീ​റോ എ​സ്.പി ​പ​ര​ശു​റാം’ (1996) എ​ന്നീ ചി​ത്ര​ങ്ങ​ളി​ൽ മ​ങ്കൊ​മ്പി​ന്റെ വ​രി​ക​ൾ​ക്ക് ഈ​ണ​മി​ട്ടെ​ങ്കി​ലും ഗാ​ന​ങ്ങ​ൾ ശ്ര​ദ്ധി​ക്ക​പ്പെ​ട്ടി​ല്ല. ‘ദേ​വ​രാ​ഗ’​ത്തി​ൽ എം.​ഡി. രാ​ജേ​ന്ദ്ര​ൻ എ​ഴു​തി ജ​യ​ച​ന്ദ്ര​ൻ-​ചി​ത്ര ടീം ​ആ​ല​പി​ച്ച ‘‘ശി​ശി​ര​കാ​ല മേ​ഘ​മി​ഥു​ന...’’ ആ​ണ് മ​റ്റൊ​രു ശ്ര​ദ്ധേ​യ​ഗാ​നം. 1995 മു​ത​ൽ ഗാ​ന​ര​ച​നാ​രം​ഗ​ത്തു​ള്ള ച​ന്ദ്ര​ബോ​സ് ഏ​താ​ണ്ട് 3500ല​ധി​കം ഗാ​ന​ങ്ങ​ൾ ര​ചി​ച്ചി​ട്ടു​ണ്ട്. ഓ​സ്ക​ർ പു​ര​സ്കാ​രം ഇ​രു​വ​രു​ടെ​യും ഇ​തു​വ​രെ​യു​ള്ള ക​രി​യ​റി​ലെ എ​ല്ലാ നേ​ട്ട​ങ്ങ​ളും അ​ക്ഷ​രാ​ർ​ഥ​ത്തി​ൽ നി​സ്സാ​ര​മാ​ക്കി​ക്ക​ള​ഞ്ഞു​വെ​ന്നു ചു​രു​ക്കം. അ​ന​വ​ധി പ്ര​ഗ​ല്ഭ​മ​തി​ക​ളാ​യ ഗാ​ന​ര​ച​യി​താ​ക്ക​ളും സം​ഗീ​ത​സം​വി​ധാ​യ​ക​രും അ​ര​ങ്ങു​വാ​ണ ഇ​ന്ത്യ​ൻ സി​നി​മ​യു​ടെ ഗാ​ന​മ​ഹി​മ ആ​ഗോ​ള​ത​ല​ത്തി​ൽ ശ്ര​ദ്ധി​ക്ക​പ്പെ​ടാ​ൻ ‘‘നാ​ട്ടു​നാ​ട്ടു’’ ടീം ​നി​മി​ത്ത​മാ​യെ​ന്നു ക​രു​താം. ‘ആ​ർ​ആ​ർ​ആ​ർ’ എ​ന്ന സി​നി​മ മു​ന്നോ​ട്ടു​വെ​ക്കു​ന്ന ആ​ശ​യ​ത്തി​ന​പ്പു​റം സം​ഗീ​ത-​നൃ​ത്ത​സം​ബ​ന്ധി​യാ​യ ഒ​രു ഇ​ന്ത്യ​ൻ​നെ​സ് ലോ​ക​സ​മ​ക്ഷം അ​വ​ത​രി​പ്പി​ക്കാ​ൻ ആ ​പാ​ട്ടി​നു ക​ഴി​ഞ്ഞു. പ്രാ​ദേ​ശി​ക​മോ തീ​വ്ര​ദേ​ശീ​യ​മോ ആ​യ ത​നി നാ​ട്ടു​ത​നി​മ​യ​ല്ല, ക​ല​ർ​പ്പി​ന്റെ രു​ചി​യാ​ണ് ആ ​പാ​ട്ടി​നെ ച​ടു​ല​മാ​ക്കു​ന്ന​ത്. വൈ​ദേ​ശി​ക​ത​യെ സ്വാം​ശീ​ക​രി​ച്ച് ശ​ക്തി​പ്പെ​ടു​ന്ന നാ​ട്ടു​മ​ഹി​മ​യാ​ണ് ആ ​പാ​ട്ട് പ്ര​സ​രി​പ്പി​ക്കു​ന്ന​ത് എ​ന്ന​ത് പ്ര​ധാ​ന​മാ​ണ്.