സിനിമയിൽതന്നെ ജീവിച്ചു മരിച്ച ഒരാൾ

മേയ്​ 8ന്​ വിടവാങ്ങിയ സംവിധായകനും ഛായാഗ്രാഹകനുമായ സംഗീത്​ ശിവനെ ഒാർമിക്കുകയാണ്​ തിരക്കഥാകൃത്തും സുഹൃത്തുമായ ലേഖിക. ഒ​രു നി​ശ്ച​ല ഛായാ​ഗ്രാ​ഹ​ക​നെ​ന്നനി​ല​ക്ക് സം​ഗീ​ത് ശി​വ​​​​​ന്റെ സം​ഭാ​വ​ന​ക​ൾ ഇ​നി​യും ക്യൂ​റേ​റ്റ് ചെ​യ്യ​പ്പെ​ടാ​നി​രി​ക്കു​ന്ന​തേ​യു​ള്ളൂവെന്നും എഴുതുന്നു.

ജീ​വി​ത​ത്തി​ൽ അ​ത്ര​യും പ്ര​കാ​ശം പ​ര​ത്തി​യ ഒ​രാ​ൾ പൊ​ടു​ന്ന​നെ ഇ​ല്ലാ​താ​കു​മ്പോ​ഴാ​ണ് ഇ​ല്ലാ​താ​യ​ത് എ​ന്തൊ​രു വെ​ളി​ച്ച​മാ​യി​രു​ന്നു എ​ന്ന് നാം ​തി​രി​ച്ച​റി​യു​ന്ന​ത്. സം​ഗീ​ത് ശി​വ​ൻ പ​റ​യാ​തെ പോ​യ​പ്പോ​ൾ ഞാ​നും അ​റി​​യു​ന്നു ആ ​മ​നു​ഷ്യ​ൻ എ​ന്തൊ​രു വെ​ളി​ച്ച​മാ​യി​രു​ന്നു എ​ന്ന്. പെ​ട്ടെ​ന്ന് ഇ​രു​ട്ടി​ലാ​യപോ​ലെ. എ​​​​​ന്റെ അ​ച്ഛ​ൻ, തി​ര​ക്ക​ഥാ​കൃ​ത്ത് ടി. ​ദാ​മോ​ദ​ര​ൻ മാ​സ്റ്റ​റു​ടെ സു​ഹൃ​ദ് വൃ​ന്ദം എ​ന്ന​ത് അ​ച്ഛ​​​​​ന്റെ സി​നി​മപോ​ലെ​ത്ത​ന്നെ ബൃ​ഹ​ത്താ​യി​രു​ന്നു, ബ​ഹു​സ്വ​ര​വും. മീ​ഞ്ച​ന്ത​യി​ലെ​യും ബേ​പ്പൂ​രി​ലെ​യും മീ​ൻ​കാ​ര് മു​ത​ൽ സി​നി​മ​യി​ലെ​യും രാ​ഷ്ട്രീ​യ​ത്തി​ലെ​യും താ​രാ​പ​ഥ​ങ്ങ​ൾ വ​രെ അ​ത് പ​ര​ന്നുകി​ട​ക്കു​ന്നു. എ​ന്നാ​ൽ, 2012 മാ​ർ​ച്ച് 28ന് ​ആ വെ​ളി​ച്ചം അ​ണ​ഞ്ഞ​തി​ൽ പി​ന്നെ ആ ​ബൃ​ഹദ്പ്ര​പ​ഞ്ച​ത്തി​ലെ താ​രാ​പ​ഥ​ങ്ങ​ൾ -പ്ര​ത്യേ​കി​ച്ച് സി​നി​മ​യി​ലെ- അ​ധി​ക​വും ത​മോ​ദ്വാ​രത്തി​ലേ​ക്ക് (Black Hole) മ​റ​ഞ്ഞു. അ​താ​ണ് സി​നി​മ.

സി​നി​മ​ക്ക് ഇ​പ്പോ​ൾ മാ​ത്ര​മേ​യു​ള്ളൂവെ​ന്ന് മ​റ​ക്ക​രു​ത് എ​ന്ന പാ​ഠം സം​ഗീ​തസം​വി​ധാ​യ​ക​ൻ ജോ​ൺ​സ​ൻ മാ​സ്റ്റ​റാ​ണ് പ​ണ്ട് പ​റ​ഞ്ഞുത​ന്ന​ത്. എ​ന്നാ​ൽ മാ​സ്റ്റ​ർ​ക്ക് തെ​റ്റി, സി​നി​മ​യി​ല്ലെ​ങ്കി​ലും ചി​ല സ്നേ​ഹ​സൗ​ഹൃ​ദ​ങ്ങ​ൾ മ​രി​ക്കാ​തെ നി​ൽ​ക്കും. അ​താ​യി​രു​ന്നു തി​രു​വ​ന​ന്ത​പു​ര​ത്തെ ‘ശി​വ​ൻ​സ്’ കു​ടും​ബം. അ​ച്ഛ​​​​​ന്റെ സ്ഥാ​ന​ത്തു ത​ന്നെ നി​ന്നു മ​രി​ക്കുംവ​രെ​യും ശി​വ​ൻ ചേ​ട്ട​ൻ. സം​ഗീ​തും സ​ന്തോ​ഷും സ​ഞ്ജീ​വും സ​രി​ത​യും ചേ​ർ​ന്ന ശി​വ​ൻ​സ് കു​ടും​ബം സ്വ​ന്തം കു​ടും​ബ​മാ​യിത​ന്നെ ഞ​ങ്ങ​ളെ ചേ​ർ​ത്തുനി​ർ​ത്തി. സി​നി​മ മാ​ത്ര​മ​ല്ല ജീ​വി​തം എ​ന്നും സി​നി​മ​ക്ക​പ്പു​റ​വും സ്നേ​ഹ​ബ​ന്ധ​ങ്ങ​ളു​ണ്ട് എ​ന്നും കാ​ട്ടി​ത്ത​ന്നു.

ശി​വ​ൻ​സ് കു​ടും​ബ​ത്തെ പി​രി​ച്ചെ​ഴു​താ​ൻ ബു​ദ്ധി​മു​ട്ടാ​ണ്. അ​തൊ​രു ഗോ​ത്രംപോ​ലെ​യാ​ണ്. എ​ല്ലാ​വ​രും സി​നി​മ​ക്കാ​ർ. അ​മ്മ ച​ന്ദ്ര​മ​ണി ചേ​ച്ചി​യാ​ണ് നി​ർ​മാ​ണ​ത്തി​നു​ള്ള ദേ​ശീ​യ പു​ര​സ്കാ​രം മ​ല​യാ​ള​ത്തി​ലേ​ക്ക് ആ​ദ്യ​മാ​യി എ​ത്തി​ച്ച സ്ത്രീ ​എ​ന്ന് പ​ല​പ്പോ​ഴും ഓ​ർ​ക്ക​പ്പെ​ടാ​റി​ല്ല. എ​ന്നാ​ൽ, ശി​വ​ൻ​സ് കു​ടും​ബ​ത്തെ ഒ​ന്നി​പ്പി​ച്ചുനി​ർ​ത്തു​ന്ന ശ​ക്തി ച​ന്ദ്ര​മ​ണി​ച്ചേ​ച്ചി​യാ​ണ്. അ​വ​രു​ടെ പ്ര​ണ​യ​മാ​ണ് ശി​വ​ൻ ചേ​ട്ട​നെ സൃ​ഷ്ടി​ച്ച​ത്. അ​ത്​ ആരു മ​റ​ന്നാ​ലും ശി​വ​ൻ ചേ​ട്ട​ൻ ഓ​രോ നി​മി​ഷ​ത്തി​ലും ഓ​ർ​ത്തുകൊ​ണ്ടേ​യി​രു​ന്നു. തി​രു​വ​ന​ന്ത​പു​ര​ത്തെ പോ​ങ്ങും​മൂ​ടി​ലെ മ​ണി​മ​ണ്ഡ​പം ആ ​സ്നേ​ഹ​സ്മ​ര​ണ​യു​ടെ സ്മാ​ര​ക​മാ​ണ്.

അ​ക്കാ​ല​ത്ത് വി​ടപ​റ​ഞ്ഞ ച​ന്ദ്ര​മ​ണി ചേ​ച്ചി​യു​ടെ ഓ​ർ​മ​ദി​ന​ത്തി​ന് ലോ​ക​ത്ത് എ​വി​ടെ​യാ​യി​രു​ന്നാ​ലും മ​ക്ക​ൾ പ​റ​ന്നെ​ത്തു​മാ​യി​രു​ന്നു. എ​ല്ലാ ഓ​ർ​മദി​ന​വും സം​ഗീ​താ​ർ​ച്ച​നകൊ​ണ്ട് സ​മ്പു​ഷ്ട​മാ​ക്കി ആ ​ഓ​ർ​മയെ മ​ര​ണ​ത്തി​ന് വി​ട്ടുകൊ​ടു​ക്കാ​തെ നി​ർ​ത്തി ശി​വ​ൻ ചേ​ട്ട​ൻ. ചേ​ച്ചി ഇ​ല്ലാ​ത്ത ‘ശി​വ​ൻ​സി’ലേ​ക്ക് ആ​ദ്യം ക​ട​ന്നുചെ​ല്ലു​മ്പോ​ൾ ‘‘മോ​ളേ ഇ​താ, ദീ​ദി​യും പാ​പ്പാ​ത്തി​യും പ്രേംച​ന്ദും വ​ന്നി​ട്ടു​ണ്ട്’’ എ​ന്ന് പ​റ​ഞ്ഞാ​ണ് ശി​വ​ൻ ചേ​ട്ട​ൻ ഞ​ങ്ങ​ളെ സ്വാ​ഗ​തംചെ​യ്ത​ത്. മോ​ളേ എ​ന്ന് വി​ളി​ച്ച​ത് മ​ക​ൾ സ​രി​ത​യെ ആ​യി​രി​ക്കും എ​ന്നാ​ണ് ആ​ദ്യം ധ​രി​ച്ച​ത്. പി​ന്നെ​യാ​ണ് മ​ന​സ്സി​ലാ​യ​ത് ചേ​ച്ചി​യോ​ട് പ​റ​യാ​തെ ശി​വ​ൻ ചേ​ട്ട​ൻ ഒ​ന്നും ചെ​യ്യാ​റി​ല്ല എ​ന്ന​ത്. അ​ന​ശ്വ​രപ്ര​ണ​യം എ​ന്നൊ​ക്കെ ക​ഥ​യി​ൽ വാ​യി​ക്കാ​റു​ള്ള ത​രം പ്ര​ണ​യ​ത്തി​​​​​ന്റെ ആ​ൾ​രൂ​പ​മാ​യി​രു​ന്നു ശി​വ​ൻ ചേ​ട്ട​നും ച​ന്ദ്ര​മ​ണി ചേ​ച്ചി​യും ത​മ്മി​ലു​ള്ള പ്ര​ണ​യം.

ശി​വ​ൻ ചേ​ട്ട​ൻ നി​ശ്ച​ല ഛായാ​ഗ്ര​ഹ​ണ രം​ഗ​ത്തെ ച​രി​ത്ര​പു​രു​ഷ​നാ​ണ്, ശി​വ​ൻ​സ് സ്റ്റു​ഡി​യോ​വി​ലൂ​ടെ മ​ല​യാ​ള സി​നി​മ​യെ കോ​ട​മ്പാ​ക്ക​ത്തുനി​ന്നും കേ​ര​ള​ത്തി​ലേ​ക്ക് പ​റി​ച്ചു​ന​ടാ​ൻ വ​ഴി​കാ​ട്ടി​യ​വ​രി​ൽ മു​ൻ​ഗാ​മി​യാ​ണ്. ഇ​ന്നും ഓ​ർ​ക്ക​പ്പെ​ടു​ന്ന അ​ന​ശ്വ​ര ഗാ​ന​ങ്ങ​ളു​ടെ ‘സ്വ​പ്നം’ എന്ന സിനിമ അ​ദ്ദേ​ഹ​ത്തി​​​​​ന്റെ സ്വ​പ്ന​സ​ന്ത​തി​യാ​ണ്. ശി​വ​ൻ​സ് സി​നി​മാ​ സ്കൂ​ളി​ൽ കാ​മ​റ ക​ളി​പ്പാ​ട്ട​മാ​ക്കി വ​ള​ർ​ന്ന സം​വി​ധാ​യ​ക​രാ​ണ് മ​ക്ക​ളാ​യ സം​ഗീ​ത് ശി​വ​ൻ, സ​ന്തോ​ഷ് ശി​വ​ൻ, സ​ഞ്ജീ​വ് ശി​വ​ൻ എ​ന്ന ത്രി​മൂ​ർ​ത്തി​ക​ൾ.

സ​രി​ത മാ​ത്ര​മേ സി​നി​മ​യി​ൽ എ​ത്താ​തെപോ​യു​ള്ളൂ. എ​ന്നാ​ൽ, സ​രി​ത എ​ല്ലാ​വ​രു​ടെ സി​നി​മ​ക​ളു​ടെ​യും പ്ര​ചോ​ദ​ന​മാ​ണ്. ശി​വ​ൻ​സ് സ്കൂ​ളി​ലേ​ക്ക് വ​ന്ന മ​രു​മ​ക​ളാ​യ സ​ഞ്ജീ​വ് ശി​വ​​​ന്റെ ജീ​വി​തപ​ങ്കാ​ളി ദീ​പ്തി​യും ഒ​രു സം​വി​ധാ​യി​ക​യാ​യി നി​ല​യു​റ​പ്പി​ച്ചു​ക​ഴി​ഞ്ഞു. ശി​വ​ൻ​സി​​​​​ന്റെ അ​ടു​ത്ത ത​ല​മു​റ​യും ഇ​പ്പോ​ൾ സി​നി​മ​യി​ൽ സ​ജീ​വ​മാ​ണ്. സം​ഗീ​തി​​​​​ന്റെ മ​ക്ക​ൾ സ​ജ്ന​യും സ​ന്തോ​ഷി​​​​​ന്റെ മ​ക​ൻ സ​ർ​വ​ജി​ത്തും സ​ഞ്ജീ​വി​​​​​ന്റെ മ​ക​ൻ സി​ദ്ധാ​ൻ​ശു​വും സ​രി​ത​യു​ടെ മ​ക​ൻ ഉ​ണ്ണി​യും ആ ​വ​ഴി​യി​ലാ​ണ്.

ശി​വ​ൻ എ​ന്ന മ​ഹാ​വൃ​ക്ഷം എ​ന്നും ത​ണ​ൽ വി​രി​ച്ചുനി​ന്നു. ആ ​ത​ണ​ലി​ലേ​ക്കാ​ണ് ശി​വ​ൻ ചേ​ട്ട​ൻ ഞ​ങ്ങ​ളെ​യും ചേ​ർ​ത്തുനി​ർ​ത്തി​യി​രു​ന്ന​ത്. ആ​യു​സ്സി​​​​​ന്റെ സൗ​ഹൃ​ദ​ങ്ങ​ൾ ഉ​ണ്ടാ​കു​ന്ന​ത് എ​ങ്ങ​നെ​യാ​ണെ​ന്ന് ചെ​റി​യ യു​ക്തി​ക​ൾകൊ​ണ്ട് വി​ശ​ദീ​ക​രി​ക്കാ​നാ​കി​ല്ല. 1991ലാ​ണ് അ​ച്ഛ​നെ​ക്കൊ​ണ്ട് ഒ​രു മോ​ഹ​ൻ​ലാ​ൽ സി​നി​മ​ക്ക് തി​ര​ക്ക​ഥ എ​ഴു​തി​ക്കാ​ൻ സം​ഗീ​തും സ​ന്തോ​ഷും വീ​ട്ടി​ലെ​ത്തു​ന്ന​ത്. ഹ​രി​ഹ​ര​ൻ സാർ മു​ത​ൽ ഐ.​വി.​ ശ​ശി വ​രെ​യു​ള്ള എ​ത്ര​യോ സം​വി​ധാ​യ​ക​രു​മാ​യി അ​ച്ഛ​ൻ തി​ര​ക്ക​ഥ ച​ർ​ച്ചചെ​യ്യു​ന്ന​ത് ഞാ​ൻ ക​ണ്ടി​ട്ടു​ണ്ട്. സം​ഗീ​തും സ​ന്തോ​ഷും കൊ​ണ്ടു​വ​ന്ന ഒ​രു പ്ര​മേ​യ​ത്തെ മു​ൻനി​ർ​ത്തി ര​ണ്ടാ​ഴ്ച​യോ​ളം അ​ച്ഛ​ൻ അ​വ​രു​മാ​യി ന​ട​ത്തി​യ ച​ർ​ച്ച മു​ന്നോ​ട്ടുപോ​യി​ല്ല. പ്രി​യ​ദ​ർ​ശ​​​​​ന്റെ മോ​ഹ​ൻ​ലാ​ൽ ചി​ത്ര​മാ​യ ‘അ​ദ്വൈ​തം’ തു​ട​ങ്ങി​യ​തോ​ടെ അ​ത് മ​റ്റാ​രെ​ങ്കി​ലും എ​ഴു​തു​ന്ന​താ​കും ന​ന്നാ​വു​ക​യെ​ന്ന് നി​ർ​ദേ​ശി​ച്ച് അ​ച്ഛ​ൻ പി​ൻ​വാ​ങ്ങി. അ​താ​യി​രു​ന്നു, അ​താ​ണ് അ​ച്ഛ​ൻ എ​ഴു​താ​ത്ത ‘യോ​ദ്ധ’. സ​ഞ്ജീ​വ് ശി​വ​നും ഒ​രി​ക്ക​ൽ ഒ​രു മ​മ്മൂ​ട്ടി സി​നി​മ​ക്കുവേ​ണ്ടി അ​ച്ഛ​നെ​ക്കൊ​ണ്ട് തി​ര​ക്ക​ഥ എ​ഴു​തി​ക്കാ​ൻ വ​ന്നി​രു​ന്നു. അ​ത് വ്യ​ത്യ​സ്ത​മാ​യ ഒ​രു ഹൊ​റ​ർ സി​നി​മ​യാ​യി​രു​ന്നു. അ​ച്ഛ​ൻ വീ​ണ്ടും അ​വ​രെ നി​രാ​ശ​പ്പെ​ടു​ത്തി തി​രി​ച്ച​യ​ക്കുക​യാ​ണ് ചെ​യ്ത​ത്. അ​താ​ണ് പി​ന്നീ​ട് ‘അ​പ​രി​ചി​ത​ൻ’ എ​ന്ന മ​മ്മൂട്ടി സി​നി​മ​യാ​യി വ​ന്ന​ത്.

എ​ന്നെ സി​നി​മ​യെ​ഴു​ത്തി​ന് ആ​ദ്യം പ്ര​ചോ​ദി​പ്പി​ച്ച​ത് ശി​വ​ൻ ചേ​ട്ട​നാ​ണ്. സ​രി​ത മാ​ത്രം എ​ന്തുകൊ​ണ്ട് സി​നി​മ​യി​ൽ വ​ന്നി​ല്ല എ​ന്ന ചോ​ദ്യ​ത്തി​ന് ശി​വ​ൻ ചേ​ട്ട​ൻ ഒ​രു മ​റുചോ​ദ്യ​മാ​ണ് മ​റു​പ​ടി​യാ​യി ത​ന്ന​ത്. എ​ന്തു​കൊ​ണ്ട് നീ ​വ​രു​ന്നി​ല്ല എ​ന്ന്. ജ​യ​രാ​ജ് സം​വി​ധാ​നംചെ​യ്ത ‘ഗു​ൽ​മോ​ഹ​ർ’ അ​ങ്ങനെ​യാ​ണ് എ​ഴു​തു​ന്ന​ത്. മ​ക​ൾ മു​ക്ത​യെ സി​നി​മ പ​ഠി​ക്കാ​ൻ വ​ഴി​കാ​ട്ടി​യാ​യി നി​ന്ന​തും ശി​വ​ൻ ചേ​ട്ട​നാ​ണ്. ശി​വ​ൻ​സ് സ്റ്റു​ഡി​യോ​യി​ലെ ഏ​ത് കാ​മ​റ​യും അ​വ​ൾ​ക്കാ​യി ഷ​ട്ട​ർ തു​റ​ന്നുവെച്ചി​രു​ന്നു. ച​ന്ദ്ര​മ​ണി ചേ​ച്ചി​യു​ടെ വി​യോ​ഗ​ത്തി​ൽ നി​ശ്ച​ല​നാ​യി നി​ന്നുപോ​യ ശി​വ​ൻ ചേ​ട്ട​ൻ ‘ചി​ത്ര​ഭൂ​മി’യി​ൽ ആ​ത്മ​ക​ഥ എ​ഴു​തി​ത്തു​ട​ങ്ങി​യ​ത് പ്രേം​ച​ന്ദു​മാ​യു​ള്ള സ്നേ​ഹ​ത്തി​​ന്റെ വെ​ളി​ച്ച​ത്തി​ലാ​ണ്. കോ​വി​ഡ് മ​ഹാ​മാ​രി​യു​ടെ കാ​ല​ത്ത്.

 2021 ജൂ​ൺ 24ന് ​ശി​വ​ൻ ചേ​ട്ട​ൻ വി​ടപ​റ​യു​ന്ന ദി​വ​സം വ​രെ ഈ ​മ​ക്ക​ളൊ​ക്കെ​യും കു​ട്ടി​ക​ൾ മാ​ത്ര​മാ​യി​രു​ന്നു. ക​ഷ്ടി​ച്ച് മൂ​ന്നു വ​ർ​ഷം തി​ക​യു​ന്ന​തി​നി​ടെ​യാ​ണ് സം​ഗീ​തി​​​​​ന്റെ മ​ര​ണം. പു​തി​യ ചി​ത്ര​മാ​യ ‘ക​പ് ക​പി’യു​ടെ പോ​സ്റ്റ് പ്രൊ​ഡ​ക്ഷ​ൻ ജോ​ലി​ക​ൾ പൂ​ർ​ത്തി​യാ​ക്കു​ന്ന തി​ര​ക്കി​ലാ​യി​രു​ന്നു സം​ഗീ​ത്. മ​ല​യാ​ള​ത്തി​ൽ സൂ​പ്പ​ർഹി​റ്റാ​യ ‘രോ​മാ​ഞ്ച’മാ​ണ് ‘ക​പ് ക​പി’. അ​ടു​ത്ത മാ​സ​മാ​ണ് റി​ലീ​സ്. ശി​വ​ൻ ചേ​ട്ട​​​​​ന്റെ ഓ​ർ​മ​ക്ക് തി​രു​വ​ന​ന്ത​പു​ര​ത്തെ ശി​വ​ൻ​സ് സ്റ്റു​ഡി​യോ ഒ​രു ബൃ​ഹ​ദ് കേ​ന്ദ്ര​മാ​ക്കി മാ​റ്റി​യെ​ടു​ക്കാ​നു​ള്ള ഒ​രു​ക്ക​ത്തി​ലാ​യി​രു​ന്നു മ​ക്ക​ൾ. പ​ല നി​ല​ക​ളി​ൽ ഒ​രു ഫി​ലിം ​ഇ​ൻ​സ്റ്റി​റ്റ്യൂ​ട്ടും സാം​സ്കാ​രി​ക സ​മു​ച്ച​യ​വും ആ​റ് പ​തി​റ്റാ​ണ്ടി​ന്റെ ച​രി​ത്രം പ​റ​യു​ന്ന ശി​വ​ൻ​സ് ചി​ത്ര​ങ്ങ​ളു​ടെ ഒ​രു മ്യൂ​സി​യ​വുമ​ട​ക്ക​മു​ള്ള ബ​ഹു​വി​ധ പ​ദ്ധ​തി​ക​ളാ​യി​രു​ന്നു അ​വ​രു​ടെ മ​ന​സ്സി​ൽ. ശി​വ​ൻ ചേ​ട്ട​​​ന്റെ ക​ഴി​ഞ്ഞ ഓ​ർമ​ദി​ന​ത്തി​ന് ആ ​പ​ദ്ധ​തി​ക​ളു​ടെ ഉദ്​ഘാ​ട​ന​വും കു​റി​ച്ച​താ​യി​രു​ന്നു.

അ​വ​സാ​ന​ നി​മി​ഷംവ​രെ സം​ഗീ​ത് സി​നി​മ​യി​ൽ ജീ​വി​ച്ചു. ‘ക​പ് ക​പി’യു​ടെ ജോ​ലി തീ​ർ​ത്ത് മും​ബൈ കോ​കി​ല ബെ​ൻ ആ​ശുപ​ത്രി​യി​ലേ​ക്ക് ചെ​ക്ക​പ്പു​ക​ൾ​ക്കാ​യി വീ​ട്ടി​ൽനി​ന്നും ന​ട​ന്നി​റ​ങ്ങി​യ​താ​യി​രു​ന്നു. വ​ള​രെ പെ​ട്ടെ​ന്നാ​ണ് വൃ​ക്ക​ക​ളു​ടെ പ്ര​വ​ർ​ത്ത​നം നി​ല​ച്ച​ത​റി​യു​ന്ന​തും ഐ.​സി.​യു​വി​ൽ പ്ര​വേ​ശി​പ്പി​ക്ക​പ്പെ​ടു​ന്ന​തും. അ​വി​ടെ വെ​ച്ചും മൊ​ബൈ​ൽ ഫോ​ണി​ൽ അ​വി​ട​ത്തെ അ​ന്ത​രീ​ക്ഷം കാമ​റ​യി​ൽ പ​ക​ർ​ത്തു​ക​യാ​ണ് ചെ​യ്ത​ത്. വെന്റി​ലേ​റ്റ​റി​ൽ പ്ര​വേ​ശി​പ്പിക്ക​പ്പെ​ടുംവ​രെ ആ ​ക​ണ്ണു​ക​ൾ ദൃ​ശ്യ​ങ്ങ​ൾ ഒ​പ്പി​യെ​ടു​ത്തു. വ്യ​ത്യ​സ്ത​മാ​യ ഓ​രോ വെ​ളി​ച്ച​ങ്ങ​ളോ​ടു​മു​ള്ള അ​ഭി​നി​വേ​ശം ക​ണ്ണ​ട​യുംവ​രെ കാ​ത്തുസൂ​ക്ഷി​ച്ച പ്ര​തി​ഭ​യു​ടെ ഓ​ർ​മ​ച്ചി​ത്ര​ങ്ങ​ൾ.

മും​ബൈ ആ​ശുപത്രി​യി​ൽ ഐ.​സി.​യുവി​ന് പു​റ​ത്ത് കാ​ത്തി​രി​ക്കു​മ്പോ​ഴാ​ണ് സം​ഗീ​തി​​​ന്റെ ജീ​വി​തപ​ങ്കാ​ളി​യാ​യ ജ​യ​ശ്രീ പൊ​ടു​ന്ന​നെ​യു​ണ്ടാ​യ രോ​ഗവി​വ​രം വി​ളി​ച്ച​റി​യി​ക്കു​ന്ന​ത്. കോ​വി​ഡ് കാ​ല​ത്ത് ഒ​രു മാ​സ​ത്തി​ലേ​റെ വെന്റി​ലേ​റ്റ​റി​നോ​ട് പൊ​രു​തി ജീ​വി​ത​ത്തി​ലേ​ക്ക് തി​രി​ച്ചുവ​ന്ന ച​രി​ത്ര​മു​ള്ള​തുകൊ​ണ്ട് മാ​ത്ര​മ​ല്ല വീ​ണ്ടും മ​ല​യാ​ള​ത്തി​ൽ തി​രി​ച്ചെ​ത്താ​നു​ള്ള കെ​ടാ​ത്ത ആ​ഗ്ര​ഹം മ​ന​സ്സി​ൽ സൂ​ക്ഷിക്കു​ന്ന​തുകൊ​ണ്ടുകൂടി സം​ഗീ​ത് തി​രി​ച്ചുവ​രും എ​ന്നുത​ന്നെ​യാ​യി​രു​ന്നു പ്ര​തീ​ക്ഷ.

സം​വി​ധാ​യ​ക​ൻ

‘യോ​ദ്ധ’ (1992) എ​ന്ന ഒ​രൊ​റ്റ സി​നി​മ മാ​ത്രം മ​തി മ​ല​യാ​ള സി​നി​മ​യു​ടെ മു​ഖ്യ​ധാ​ര​യി​ൽ ആ ​പേ​ര് നി​ല​നി​ൽ​ക്കാ​ൻ. അ​ത്ര​യും സ​ന്തോ​ഷം പ്ര​സ​രി​പ്പി​ക്കു​ന്ന ഒ​രു സി​നി​മ​യാ​ണ് ‘യോ​ദ്ധ’. ഇ​ന്നും മ​റ്റൊ​രുത​വ​ണ മ​ല​യാ​ള​ത്തി​ൽ ആ​വ​ർ​ത്തി​ക്കാ​നാ​യി​ട്ടി​ല്ലാ​ത്ത ഒ​രു ‘എ.​ആ​ർ. റ​ഹ്മാ​ൻ’ മ്യൂ​സി​ക്ക​ൽ എ​ന്ന് ‘യോ​ദ്ധ’​യെ വി​ശേ​ഷി​പ്പി​ക്കാം. യേ​ശു​ദാ​സും എം.​ജി. ശ്രീ​കു​മാ​റും ചേ​ർ​ന്ന് ആ​ല​പി​ച്ച ‘‘പ​ട​കാ​ളി ച​ണ്ടി​ച്ച​ങ്ക​രി’’ ഇ​ന്നും ഏ​ത് പു​തി​യ ത​ല​മു​റ​ക്കും കാ​മ്പ​സ് വേ​ദി​ക​ളി​ലെ നൃ​ത്ത​ച്ചു​വ​ടി​ന് ഒ​രു വെ​ല്ലു​വി​ളി​യാ​ണ്. മ​ല​യാ​ള​ത്തി​ലെ ആ​ദ്യ സം​വി​ധാ​നസം​രം​ഭ​മാ​യ ‘വ്യൂ​ഹം’ (1990) ആ​ഖ്യാ​നപാ​ട​വ​ത്തി​ൽ ഹോ​ളി​വു​ഡ് സി​നി​മ​ക​ളോ​ട് കി​ട​പി​ടിക്കു​ന്ന മ​ല​യാ​ള​ത്തി​ലെ ത്രി​ല്ല​റു​ക​ളു​ടെ മു​ൻ​ഗാ​മി​യാ​ണ്. ര​ഘു​വ​ര​ൻ-സു​കു​മാ​ര​ൻ ടീ​മി​​​ന്റെ അ​വി​സ്മ​ര​ണീ​യ പ്ര​ക​ട​ന​വും സി​നി​മ​യെ മി​ക​വു​റ്റ​താ​ക്കി.

ദൃ​ശ്യ​ചാ​രു​ത​യെ ന​വീ​ക​രി​ച്ച സം​ഗീ​ത്-സ​ന്തോ​ഷ് ടീ​മി​​​​ന്റെ വ​ര​വ​റി​യി​ച്ച സി​നി​മ​യാ​യി​രു​ന്നു ‘വ്യൂ​ഹം’. ആ ​ടീം മ​ല​യാ​ള​ത്തി​ൽ പി​ന്നീ​ട് ‘ഗാ​ന്ധ​ർ​വ്വം’ (1993), ‘നി​ർ​ണ്ണ​യം’ (1995) എ​ന്നീ മോ​ഹ​ൻ​ലാ​ൽ സി​നി​മ​ക​ളി​ലും ആ​വ​ർ​ത്തി​ച്ചു. 1992ൽ ​അ​ര​വി​ന്ദ് സ്വാ​മി, സു​രേ​ഷ് ഗോ​പി എ​ന്നി​വ​രെ നാ​യ​ക​​രാ​ക്കി ചെ​യ്ത ‘ഡാ​ഡി’ എ​ന്ന സി​നി​മ വി​ജ​യം കാ​ണാ​തെ പോ​യി. 1993ൽ ​ചെ​യ്ത ‘ജോ​ണി’ എ​ന്ന കു​ട്ടി​ക​ളു​ടെ ചി​ത്രം സം​സ്ഥാ​ന സ​ർ​ക്കാ​റി​​​ന്റെ മി​ക​ച്ച കു​ട്ടി​ക​ളു​ടെ സി​നി​മ​ക്കു​ള്ള പു​ര​സ്കാ​രം നേ​ടി​യി​രു​ന്നു.

1989ൽ ​ആ​ദി​ത്യ ബ​ട്ടാ​ചാ​ര്യ​യു​ടെ ‘രാ​ഖ്’ എ​ന്ന സി​നി​മ​യു​ടെ എ​ക്സി​ക്യൂ​ട്ടി​വ് പ്രൊ​ഡ്യൂ​സ​റാ​യാ​ണ് സം​ഗീ​ത് ശി​വ​ൻ ബോ​ളി​വു​ഡി​ൽ അ​ര​ങ്ങേ​റി​യ​ത്. ശി​വ​ൻ ചേ​ട്ട​​​​​ന്റെ ആ​ത്മ​മി​ത്ര​മാ​യ ബോ​ളി​വു​ഡ് സം​വി​ധാ​യ​ക​ൻ ബ​സു ബ​ട്ടാ​ചാ​ര്യ​യു​ടെ മ​ക​നാ​ണ് ആ​ദി​ത്യ ബ​ട്ടാ​ചാ​ര്യ. ബ​സു ബ​ട്ടാ​ചാ​ര്യ​യു​ടെ അ​ഭ്യ​ർ​ഥ​ന മാ​നി​ച്ച് ത​​​​​ന്റെ ര​ണ്ടു മ​ക്ക​ളെ​യും കാ​മ​റ​ക​ളു​മാ​യി ബോ​ളി​വു​ഡി​ലേ​ക്ക് അ​യ​ക്കു​ക​യാ​യി​രു​ന്നു ശി​വ​ൻ ചേ​ട്ട​ൻ. സം​ഗീ​ത് നി​ർ​മാ​ണ​ത്തി​​​​​ന്റെ ചു​ക്കാ​ൻ പി​ടി​ച്ചു. സ​ന്തോ​ഷ് കാ​മ​റ ചെ​യ്തു. ആ​മിർ ഖാ​ൻ, പ​ങ്ക​ജ്ക​പൂ​ർ, സു​പ്രി​യ പ​ഥ​ക് എ​ന്നി​വ​ർ വേ​ഷ​മ​ണി​ഞ്ഞ ‘രാ​ഖ്’ സം​ഗീ​ത് ശി​വ​​​ന്റെ ഏ​റ്റ​വും ഇ​ഷ്ട യോ​ണ​ർ ആ​യ ഹൊ​റ​ർ സി​നി​മ എ​ന്ന നി​ല​ക്ക് ബോ​ളി​വു​ഡി​ൽ ന​വ​ത​രം​ഗം സൃ​ഷ്ടി​ച്ചു.

1998ൽ ​സ​ണ്ണി ഡി​യോ​ളി​നെ നാ​യ​ക​നാ​ക്കി ‘സോ​ർ’ ബോ​ളി​വു​ഡി​ൽ സൂ​പ്പ​ർഹി​റ്റാ​യ​തോ​ടെ​യാ​ണ് മ​ല​യാ​ള​ത്തി​ൽനി​ന്നും സം​ഗീ​ത് ശി​വ​ൻ ചു​വ​ടുമാ​റ്റി​യ​ത്. പി​ന്നീ​ട് 2000ത്തി​ൽ ‘സ്നേ​ഹ​പൂ​ർവം അ​ന്ന’ സം​വി​ധാ​നംചെ​യ്തെ​ങ്കി​ലും വി​ജ​യ​മാ​കാ​തെ പോ​യ​തും ബോ​ളി​വു​ഡി​ൽത​ന്നെ നി​ല​യു​റ​പ്പി​ക്കാ​നി​ട​യാ​ക്കി. ‘ചു​രാ ലി​യ ഹേ ​തും​നെ’ (2003), ‘ക്യാ ​കൂ​ൽ ഹെ ​ഹം’ (2005), ‘അ​പ്ന സ​പ്ന മ​ണി മ​ണി’ (2006), ‘ഇ​കെ, ദ ​പ​വ​ർ ഓ​ഫ് വ​ൺ’ (2009), ‘ക്ലി​ക്ക്’ (2010), ‘യ​ം​ല പ​ഗ​്ല ദി​വാ​ന 2’ (2013) തു​ട​ങ്ങി​യ സി​നി​മ​ക​ൾ​ക്ക് പു​റ​മെ വെ​ബ് സീ​രീ​സു​ക​ൾ​ക്കും ചു​ക്കാ​ൻപി​ടി​ച്ചു.

2000ത്തി​നു ശേ​ഷം ര​ണ്ടുത​വ​ണ മാ​ത്ര​മേ മ​ല​യാ​ള​ത്തി​ലേ​ക്ക് സം​ഗീ​ത് എ​ത്തിനോ​ക്കി​യി​ട്ടു​ള്ളൂ. 2012ൽ ​‘ഇ​ഡി​യ​റ്റ്സ്’ എ​ന്ന ആ​സി​ഫ​ലി സി​നി​മ​യു​ടെ നി​ർ​മാ​താ​വും 2017ൽ ​‘ഇ’ എ​ന്ന ഹൊ​റ​ർ സി​നി​മ​യു​ടെ ര​ച​യി​താ​വും നി​ർ​മാ​താ​വു​മാ​യും. ഈ ​സി​നി​മ​ക്കൊ​ക്കെ ഇ​ട​യി​ലും ഒ​രു സ്വ​പ്നംപോ​ലെ ഒ​പ്പം കൊ​ണ്ടുന​ട​ന്ന​ത് ത​​​​​ന്റെ ത​ന്നെ ‘യോ​ദ്ധ’​യു​ടെ ര​ണ്ടാം ഭാ​ഗ​മാ​യി​രു​ന്നു. പ​ല ഭാ​ഷ​ക​ളിലും അ​തി​നാ​യി ആ​ലോ​ച​ന​ക​ളു​ണ്ടാ​യി. എ​ന്നാ​ല​ത് ഒ​രു സ്വ​പ്ന​മാ​യിത​ന്നെ അ​വ​ശേ​ഷി​ച്ചു.

സി​നി​മ​ക്ക​പ്പു​റം

എ​ല്ലാ ഭാ​ഷ​ക​ളി​ലു​മു​ള്ള സി​നി​മ​ക​ളി​ലു​ള്ള അ​ഗാ​ധ​മാ​യ അ​റി​വും പ​ര​ന്ന വാ​യ​ന​യും രാ​ഷ്ട്രീ​യ സാ​മൂ​ഹി​ക സം​ഭ​വ​വി​കാ​സ​ങ്ങ​ളി​ലു​ള്ള അ​തിസൂ​ക്ഷ്മ​മാ​യ നി​രീ​ക്ഷ​ണപാ​ട​വ​വുമു​ള്ള സം​ഗീ​ത് ശി​വ​ൻ അ​തി​ന​നു​സൃ​ത​മാ​യ സി​നി​മ​ക​ൾ ചെ​യ്തി​ട്ടി​ല്ല എ​ന്ന​ത് അ​ത്ഭു​ത​ത്തോ​ടെ​യേ കാ​ണാ​നാ​വൂ. ജീ​വി​ത​ത്തി​ൽ ദു​ർ​ഘ​ട ഘ​ട്ട​ങ്ങ​ളി​ലൂ​ടെ ക​ട​ന്നുപോ​യ കാ​ല​ത്തു​ട​നീ​ളം നി​ര​ന്ത​രം പു​സ്ത​ക​ങ്ങ​ളെ​ക്കു​റി​ച്ചും സി​നി​മ​ക​ളെ​ക്കു​റി​ച്ചും സം​സാ​രി​ച്ചുകൊ​ണ്ട് മ​ര​ണ​ത്തെ നേ​രി​ടാ​ൻ പ്രേ​ര​ണ ന​ൽ​കി​യ സം​ഗീ​ത് ശി​വ​ൻ ഒ​രു സി​നി​മ​ക്കാ​ര​നാ​യി​രു​ന്നി​ല്ല. ജീ​വി​തം എ​ന്നാ​ൽ സി​നി​മ മാ​ത്ര​മ​ല്ല എ​ന്ന പാ​ഠം പ​ക​ർ​ന്നുത​ന്ന ആ​ത്മ​മി​ത്ര​മാ​യി​രു​ന്നു.

2010ലോ 2011ലോ ഒ​രു ഗോ​വ ഐ.​എ​ഫ്.​എ​ഫ്.​ഐ ന​ട​ക്കു​ന്ന സ​മ​യ​ത്താ​യി​രു​ന്നു ശി​വ​ൻ ചേ​ട്ട​ൻ ഹോ​ട്ട​ലി​ൽ വീ​ണ് പ​രി​ക്കേ​റ്റ​പ്പോ​ൾ സം​ഗീ​ത് മു​ംബൈ​യി​ൽനി​ന്ന് ത​​​​​ന്റെ സി​നി​മ​ക​ളു​ടെ തി​ര​ക്കു​ക​ൾ മാ​റ്റിവെ​ച്ച് അ​ച്ഛ​നെ പ​രി​ച​രി​ക്കാ​ൻ പ​റ​ന്നെ​ത്തി​യ​ത്. ശി​വ​ൻ ചേ​ട്ട​​​​​ന്റെ ജീ​വി​ത​ത്തി​ലെ പോ​രാ​ട്ട​കാ​ല​ങ്ങ​ൾ ക​ണ്ട​ത് മൂ​ത്ത മ​ക​നാ​യ സം​ഗീ​ത് മാ​ത്ര​മാ​ണ്. മ​റ്റു മ​ക്ക​ളൊ​ക്കെ മു​തി​രു​മ്പോ​ഴേ​ക്കും ശി​വ​ൻ​സ് സ്റ്റു​ഡി​യോ തി​രു​വ​ന​ന്ത​പു​ര​ത്ത് ഒ​രു പ്ര​സ്ഥാ​ന​മാ​യി മാ​റി​ക്ക​ഴി​ഞ്ഞി​ട്ടു​ണ്ടാ​യി​രു​ന്നു. അ​ച്ഛ​നെ കൊ​ച്ചുകു​ട്ടി​ക​ളെ എ​ന്നപോ​ലെ പ​രി​ച​രി​ക്കു​ന്ന ഒ​രു മ​ക​നെ​യാ​ണ് അ​വി​ടെ ക​ണ്ട​ത്.

ആ ​ഗോ​വ ഫെ​സ്റ്റി​വ​ലി​​​​​ന്റെ ഒ​രി​ട​വേ​ള​യി​ൽ എ​ല്ലാ​വ​രും ഒ​ന്നി​ച്ച് സം​സാ​രി​ച്ചി​രി​ക്കു​മ്പോ​ഴാ​ണ് ‘യോ​ദ്ധ 2’ എ​ന്ന സ്വ​പ്നം അ​ല്ലാ​തെ​യും മ​ല​യാ​ള സി​നി​മ​യി​ൽ ഒ​രി​ടം ഉ​ണ്ടെ​ന്നും അ​വി​ടേ​ക്ക് തി​രി​ച്ചുവ​ര​ണ​മെ​ന്നും പ​റ​ഞ്ഞ​പ്പോ​ൾ എ​ന്തുത​രം സി​നി​മ​യു​മാ​യാ​ണ് മ​ല​യാ​ള​ത്തി​ലേ​ക്ക് വ​രേ​ണ്ട​ത് എ​ന്ന കാ​ര്യ​ത്തി​ൽ തീ​ർ​ച്ച​പ്പെ​ടു​ത്താ​നാ​വാ​ത്ത ഒ​രു മ​നു​ഷ്യ​നെ​യാ​ണ് അ​വി​ടെ ക​ണ്ട​ത്. ആ ​സം​ഭാ​ഷ​ണ​ത്തി​നൊ​ടു​വി​ൽ ‘‘ഞാ​നെ​ന്ത് സി​നി​മ ചെ​യ്യ​ണ​മെ​ന്ന് നി​ന​ക്ക് ക​ണ്ടെ​ത്താ​ൻ പ​റ്റും എ​ന്നു​റ​പ്പു​ണ്ടെ​ങ്കി​ൽ ഞാ​ൻ മ​ല​യാ​ള​ത്തി​ലേ​ക്ക് വ​രാം. അ​ത് വേ​ണ​മെ​ങ്കി​ൽ നി​ന​ക്കെ​ഴു​താം, അ​ല്ലെ​ങ്കി​ൽ ലോ​ക​സാ​ഹി​ത്യ​ത്തി​ൽനി​ന്നു​ള്ള ഒ​രു അ​ഡാ​പ്ഷ​നാ​കാം, മ​ല​യാ​ള സാ​ഹി​ത്യ​ത്തി​ൽനി​ന്നു​ള്ള ഒ​രു തി​ര​ഞ്ഞെ​ടു​പ്പാ​കാം, ക​ണ്ടെ​ത്തു​ക എ​ന്ന ഉ​ത്ത​ര​വാ​ദി​ത്തം നി​ന​ക്കാ​ണ്’’ എ​ന്ന് സം​ഗീ​ത് ഉ​പ​സം​ഹ​രി​ച്ചു. അ​തി​ൽ പി​ന്നെ എ​ത്ര​യോ നോ​വ​ലു​ക​ൾ, നാ​ട​ക​ങ്ങ​ൾ, സി​നി​മ​ക​ൾ, സ​ങ്ക​ൽപ​ങ്ങ​ൾ ഒ​ക്കെ പി​ന്നി​ട്ട ര​ണ്ടു പ​തി​റ്റാ​ണ്ടി​ലേ​റെ​ക്കാ​ല​ത്ത് ഞ​ങ്ങ​ൾ ച​ർ​ച്ചചെ​യ്തി​ട്ടു​ണ്ട്. എ​ത്ര​യോ ഹൊ​റ​ർ, കോ​മ​ഡി, ത്രി​ല്ല​റു​ക​ളി​ലൂ​ടെ ഒ​രു യാ​ത്ര​യാ​യി​രു​ന്നു അ​ത്. ഇ​ക്കാ​ല​ത്തി​നി​ട​യി​ൽ സം​ഗീ​ത് ചെ​യ്ത ഓ​രോ സി​നി​മ​യു​ടെ തി​ര​ക്ക​ഥ​യും വാ​യി​ച്ച് അ​ഭി​പ്രാ​യം രേ​ഖ​പ്പെ​ടു​ത്തി​യി​ട്ടു​ണ്ട്.

സ്ക്രി​പ്റ്റ് ഡോ​ക്ട​റി​ങ്ങി​ലു​ള്ള ഒ​രു സ്കൂ​ളി​ങ് ത​ന്നെ​യാ​യി​രു​ന്നു ഈ ​വ്യാ​യാ​മ​ങ്ങ​ൾ. അ​വ​സാ​നം മ​ല​യാ​ള​ത്തി​ലെ ‘രോ​മാ​ഞ്ചം’ ഹി​ന്ദി​യി​ലെ ‘ക​പ് ക​പി’യാക്കു​മ്പോ​ഴും അ​തി​​​​​ന്റെ ബ്രെ​യി​ൻ സ്റ്റോ​മി​ങ് സെ​ഷ​നി​ൽപോ​ലും എ​ന്നെ​യും പ​ങ്കാ​ളി​യാ​ക്കി. വി​മ​ർ​ശ​ന​ങ്ങ​ളും നി​ർ​ദേ​ശ​ങ്ങ​ളും ഈ​ഗോ ഒ​ട്ടു​മി​ല്ലാ​തെ സ്വീ​ക​രി​ക്കാ​ൻ മ​ന​സ്സ് കാ​ണി​ച്ചു. ഏ​ത് പു​തി​യ സി​നി​മ മ​ല​യാ​ള​ത്തി​ൽ ഇ​റ​ങ്ങി​യാ​ലും ആ​ദ്യ ദി​വ​സംത​ന്നെ അ​തി​​ന്റെ അ​ഭി​പ്രാ​യം കി​ട്ടു​ന്ന​തുവ​രെ അ​സ്വ​സ്ഥ​നാ​യി​രി​ക്കു​ന്ന ഒ​രു കാ​ണി​യെ സം​ഗീ​ത് ശി​വ​ൻ എ​ന്നും ത​​ന്റെ ഉ​ള്ളി​ൽ കാ​ത്തുസൂ​ക്ഷി​ച്ചി​രു​ന്നു. ആ ​ശീ​ലം ഒ​രു മാ​റ്റ​വു​മി​ല്ലാ​തെ തു​ട​ർ​ന്നുപോ​ന്നി​രു​ന്നു. അ​വ​സാ​നം ‘ക​പ് ക​പി’യു​ടെ പോ​സ്റ്റ് പ്രൊ​ഡ​ക്ഷ​ൻ തി​ര​ക്കി​നി​ട​യി​ലാ​ണ് ‘മ​ഞ്ഞു​മ്മ​ൽ ബോ​യ്സും’ ‘ഭ്ര​മ​യു​ഗ​’വും ‘ആ​ടുജീ​വി​ത​’വും ഞ​ങ്ങ​ൾ ച​ർ​ച്ചചെ​യ്ത​ത്. ഐ.​സി.​യു​വി​ലേ​ക്ക് ക​യ​റു​ന്ന​തി​ന് തൊ​ട്ടുമു​മ്പാ​ണ് ‘വ​ർ​ഷ​ങ്ങ​ൾ​ക്കു ശേ​ഷം’ ച​ർ​ച്ചചെ​യ്ത​ത്.

പി​ന്നെ ജ​ന്മ​നാ​ട്ടി​ലേ​ക്ക് ഒ​രു തി​രി​ച്ചു​വ​ര​വി​ല്ലാ​തെ അ​ഗ്നി​യി​ൽ ദ​ഹി​ച്ച് മ​ൺ​മ​റ​ഞ്ഞ​തി​​​​​ന്റെ പി​റ്റേ​ന്ന് മും​ബൈ അ​ന്ധേ​രി വെ​സ്റ്റ് വീ​ര​ദേ​ശാ​യി റോ​ഡി​ലെ മെ​റി​ഡി​യ​ൻ അ​പ്പാ​ർ​ട്മെന്റ്സി​ലെ മൂ​ന്നൂ​റ്റിര​ണ്ടാം ഫ്ലാ​റ്റി​ലേ​ക്ക് ക​യ​റി​ച്ചെ​ല്ലു​മ്പോ​ൾ അ​വി​ടെ ഒ​രു സം​ഗീ​ത് വെ​ളി​ച്ച​മാ​യി നി​റ​ഞ്ഞുനി​ൽ​ക്കു​ന്നു​ണ്ടാ​യി​രു​ന്നു. സം​ഗീ​തി​​​​​ന്റെ ജ​യ​ശ്രീ​യി​ലും അ​നി​യ​ത്തി സ​രി​ത​യി​ലും മ​ക്ക​ളാ​യ സ​ജ്ന​യി​ലും ശാ​ന്ത​നു​വി​ലു​മൊ​ക്കെ ആ ഓ​ർ​മ​യു​ടെ വെ​ളി​ച്ചം ജ്വ​ലി​ച്ചുനി​ൽ​പു​ണ്ടാ​യി​രു​ന്നു.

വീ​ട്ടി​ൽനി​ന്നും ശ്മ​ശാ​ന​ത്തേ​ക്കി​റ​ങ്ങുംവ​രെ സം​ഗീ​തി​ന് ഏ​റ്റ​വും ഇ​ഷ്ട​പ്പെ​ട്ട പാ​ട്ടു​ക​ൾ വെ​ച്ചാ​ണ് മ​ക്ക​ൾ അ​ച്ഛ​ന് പ്ര​ണാ​മ​മ​ർ​പ്പി​ച്ച​ത്. ആ​കാ​ശ​ത്തോ​ളം ഉ​യ​ർ​ന്ന് ജ്വ​ലി​ക്കു​ന്ന ചു​മ​ന്ന തീ​നാ​ള​ത്തി​​​​​ന്റെ ചി​ത്രം ഇ​ൻ​സ്റ്റ​ഗ്രാ​മി​ൽ പ​ങ്കു​വെച്ചാ​ണ് മ​ക​ൾ സ​ജ്ന അ​ച്ഛ​ന് ഏ​റ്റ​വും ഇ​ഷ്ട​പ്പെ​ടു​ന്ന രീ​തി​യി​ൽ, ‘സി​നി​മാ​റ്റി​ക്’ ആ​യി​ത്ത​ന്നെ ആ ​വേ​ർ​പാ​ടി​നെ രേ​ഖ​പ്പെ​ടു​ത്തി​യ​ത്. അ​വ​സാ​ന ചി​ത്ര​മാ​യ ‘ക​പ് ക​പി’ ‘യോ​ദ്ധ’പോ​ലെ വെ​ള്ളി​ത്തി​ര​യി​ൽ ഒ​രു ദൃ​ശ്യ​വി​സ്മ​യ​മാ​കും എ​ന്നൊ​രു ഉ​റ​ച്ചവി​ശ്വാ​സം പ​ണി തീ​ർ​ന്ന​പ്പോ​ൾ സം​ഗീ​ത് ശി​വ​ൻ എ​ന്ന ത​ച്ച​നു​ണ്ടാ​യി​രു​ന്നു. മ​ഴ തോ​ർ​ന്നാ​ലും മ​രം പെ​യ്യും: സം​ഗീ​ത് ബാ​ക്കിനി​ർ​ത്തു​ന്ന പ്ര​ത്യാ​ശ​യാ​ണ​ത്.

ഒ​രു നി​ശ്ച​ല ഛായാ​ഗ്രാ​ഹ​ക​നെ​ന്ന നി​ല​ക്ക് സം​ഗീ​ത് ശി​വ​​​​​ന്റെ സം​ഭാ​വ​ന​ക​ൾ ഇ​നി​യും ക്യൂ​റേ​റ്റ് ചെ​യ്യ​പ്പെ​ടാ​നി​രി​ക്കു​ന്ന​തേ​യു​ള്ളൂ. ബ്ലാ​ക്ക് ആ​ൻഡ് വൈറ്റ് കാ​ല​ത്ത് ശി​വ​ൻ ചേ​ട്ട​ൻ കൂ​ടി​യു​ള്ള എ​ത്ര​യോ ഛായാ​പ​ട​ങ്ങ​ൾ അ​ക്കാ​ല​ത്ത് ശി​വ​ൻ ചേ​ട്ട​​​​​ന്റെ സ​ന്ത​തസ​ഹ​ചാ​രി​യാ​യി ഒ​പ്പം യാ​ത്രചെ​യ്ത സം​ഗീ​ത് ശി​വ​​​​​ന്റെ ക​ണ്ണു​ക​ൾ ക​ണ്ട കാ​ഴ്ച​ക​ളാ​ണ്. ബോ​ളി​വു​ഡി​ൽനി​ന്നും നാ​ട്ടി​ലെ​ത്തു​ന്ന ഓ​രോ ഇ​ട​വേ​ള​യി​ലും തി​രു​വ​ന​ന്ത​പു​ര​ത്ത് ശി​വ​ൻ​സ് സ്റ്റു​ഡി​യോ​യി​ൽ സ്റ്റി​ൽ ഫോ​ട്ടോ​ഗ്ര​ഫി സം​ബ​ന്ധി​ച്ച എ​ത്ര​യോ കോ​ഴ്സു​ക​ൾ സം​ഗീ​ത് പ​ല ത​ല​മു​റ​ക​ൾ​ക്കാ​യി ന​ട​ത്തി​യി​ട്ടു​ണ്ട്.

യാ​ത്ര​ക​ളാ​യി​രു​ന്നു സം​ഗീ​തി​​​​​ന്റെ മ​റ്റൊ​രു പാ​ഷ​ൻ. അ​ത് ദൂ​രദേ​ശ​ങ്ങ​ൾ എ​ന്ന അ​ർ​ഥ​ത്തി​ല​ല്ല, എ​ത്തി​ച്ചേ​രു​ന്ന ഇ​ട​ങ്ങ​ളി​ലെ​ല്ലാം വെ​ളി​ച്ച​ത്തി​ന് പി​റ​കെ സ​ഞ്ച​രി​ക്കു​ക എ​ന്ന​താ​യി​രു​ന്നു സം​ഗീ​തി​​​​​ന്റെ രീ​തി. ഓ​രോ യാ​ത്ര​യി​ലും അ​ങ്ങനെ എ​ടു​ത്തുകൂ​ട്ടി​യ ആ​യി​ര​ക്ക​ണക്കിനോ ല​ക്ഷ​ക്ക​ണ​ക്കി​നോ ഫോ​ട്ടോ​ഗ്രാ​ഫു​ക​ൾ ശി​വ​ൻ​സ് സ്റ്റു​ഡി​യോ​വി​ലും സം​ഗീ​തി​​​​​ന്റെ സ്വ​കാ​ര്യ സീ​ഡി, ഡീവിഡി, ഡ്രൈ​വു​ക​ളി​ലു​മൊ​ക്കെ​യാ​യി ചി​ത​റി​ക്കി​ട​പ്പു​ണ്ടാ​കും. കാ​ലം അ​ത് ചി​ക​ഞ്ഞെ​ടു​ത്ത് പു​റ​ത്തുകൊ​ണ്ടു​വ​രും എ​ന്ന് ത​ന്നെ ഞാ​ൻ ക​രു​തു​ന്നു.

ശി​വ​ൻ ചേ​ട്ട​ൻ വി​ട പ​റ​ഞ്ഞ​പ്പോ​ൾ അ​ദ്ദേ​ഹ​ത്തി​​​​​ന്റെ സ്മ​ര​ണ​ക്കാ​യി ച​ല​ച്ചി​ത്ര അ​ക്കാ​ദ​മി​ക്കുവേ​ണ്ടി ഞാ​നും പ്രേം​ച​ന്ദും ചേ​ർ​ന്നാ​യി​രു​ന്നു ഓ​ർ​മ​പ്പു​സ്ത​കം ത​യാ​റാ​ക്കി​യ​ത്. കോ​വി​ഡ് കാ​ല​മാ​യി​രു​ന്ന​തുകൊ​ണ്ട് ഞ​ങ്ങ​ൾ കോ​ഴി​ക്കോ​ട്ടെ വീ​ട്ടി​ലും സം​ഗീ​ത് മു​ംബൈ​യി​ലെ വീ​ട്ടി​ലും ശി​വ​ൻ ചേ​ട്ട​​​​​ന്റെ ശി​ഷ്യ​ന്മാ​രാ​യ ലാ​ലും ശ്യാ​മും തി​രു​വ​ന​ന്ത​പു​ര​ത്തെ സ്റ്റു​ഡി​യോ​വി​ലു​മി​രു​ന്നാ​ണ് ദി​വ​സ​ങ്ങ​ളോ​ളം ഉ​റ​ക്ക​മി​ള​ച്ച് പ​ല കാ​ല​ങ്ങ​ളി​ൽ ശി​വ​ൻ ചേ​ട്ട​ൻ എ​ടു​ത്ത നൂ​റു​ക​ണ​ക്കി​ന് നി​ശ്ച​ല ദൃ​ശ്യ​ങ്ങ​ളി​ലൂ​ടെ ക​ട​ന്നുപോ​യി, അ​വ​യി​ൽനി​ന്നും ഒ​രു തി​ര​ഞ്ഞെ​ടു​പ്പ് ന​ട​ത്തി​യ​ത്. ഓ​രോ ഫോ​ട്ടോ​ഗ്രാ​ഫു​ക​ളെ​ക്കു​റി​ച്ച് പ​റ​യു​മ്പോ​ഴും അ​തെ​ടു​ത്ത കാ​മ​റ, അ​തി​​​​​ന്റെ സ​വി​ശേ​ഷ​ത​ക​ൾ, വി​ല, പ​രി​ണാ​മം എ​ന്നി​ങ്ങ​നെ ഛായാ​ഗ്ര​ഹ​ണ​ത്തി​​​​​ന്റെ സാ​ങ്കേ​തി​കവി​ദ്യ ന​മ്മു​ടെ കാ​ഴ്ച​യി​ൽ വ​രു​ത്തു​ന്ന മാ​റ്റ​ങ്ങ​ളെ​ക്കു​റി​ച്ചു​ള്ള സ്റ്റ​ഡി ക്ലാ​സു​ക​ൾകൂ​ടി​യാ​യി​രു​ന്നു. അ​ങ്ങനെ​യാ​ണ് ‘ശി​വ​ൻ​സ്- കാ​ല​ത്തെ കൊ​ത്തി​യ ക​ണ്ണു​ക​ൾ’ എ​ന്ന പു​സ്ത​കം രൂ​പംകൊ​ണ്ട​ത്.

‘ചെ​മ്മീ​ൻ’ അ​ട​ക്ക​മു​ള്ള സി​നി​മ​ക​ൾ​ക്കുവേ​ണ്ടി എ​ടു​ത്ത റോ​ൾ ഫി​ലി​മു​ക​ൾ ക​ണ്ടെ​ടു​ത്ത് സ്കാ​ൻ ചെ​യ്താണ് ഫോ​ട്ടോ ആ​ൽ​ബ​ത്തി​നാ​യി വീ​ണ്ടും ത​യാ​റാ​ക്കി​യ​ത്. അ​തി​ൽ ച​രി​ത്രം, സം​സ്കാ​രം, സി​നി​മ, വ്യ​ക്തി എ​ന്നി​ങ്ങ​നെ നാ​ലു ഭാ​ഗ​ങ്ങ​ൾ ഉ​ണ്ടാ​യി​രു​ന്നു. ച​ല​ച്ചി​ത്ര അ​ക്കാ​ദ​മി​യു​ടെ പു​സ്ത​ക​ത്തി​ൽ സി​നി​മ സം​ബ​ന്ധി​ച്ച ചി​ത്ര​ങ്ങ​ൾ മാ​ത്രം മ​തി എ​ന്ന തീ​രു​മാ​നം വ​ന്ന​പ്പോ​ൾ ബാ​ക്കി ചി​ത്ര​ങ്ങ​ൾ ആ ​വ​ർ​ഷ​ത്തെ ഐ.​എ​ഫ്.​എ​ഫ്.​കെയോ​ട​നു​ബ​ന്ധി​ച്ച് ന​ട​ന്ന ശി​വ​ൻ​സ് ഫോ​ട്ടോ പ്ര​ദ​ർ​ശ​ന​ത്തി​നാ​യി മാ​റ്റിവെക്കു​ക​യാ​ണു​ണ്ടാ​യ​ത്. വാ​സ്തവ​ത്തി​ൽ ശി​വ​ൻ ചേ​ട്ട​നെ​ക്കു​റി​ച്ചു​ള്ള ഒ​രു ഓ​ർമ​പ്പു​സ്ത​കം സി​നി​മ​യി​ലേ​ക്ക് മാ​ത്ര​മാ​യി ചു​രു​ക്കാ​നാ​കി​ല്ല എ​ന്ന് ക​ണ​ക്കാ​ക്കി​യാ​ണ് ചി​ത്ര​ങ്ങ​ൾ തി​ര​ഞ്ഞെ​ടു​ത്തി​രു​ന്ന​ത്. അ​ത്ത​ര​മൊ​രു പു​സ്ത​കം ഇ​നി​യും ഉ​ണ്ടാ​കേ​ണ്ട​താ​യു​ണ്ട്.

സം​ഗീ​ത് ശി​വ​​​ന്റെ ഫോ​ട്ടോ​ഗ്രാ​ഫു​ക​ളു​ടെ ബൃ​ഹ​ദ് ശേ​ഖ​ര​വും ഇ​നി​യും പു​റ​ത്തെ​ത്തി​യി​ട്ടി​ല്ലാ​ത്ത ഒ​രു ഖ​നി​യാ​ണ്. പ്രൊ​ഫൈ​ലു​ക​ളും പ്ര​കൃ​തി​യും പ​ക​ർ​ത്തു​ന്ന​തി​ൽ ഒ​രു മാ​സ്റ്റ​ർ ക്ലാ​സാ​ണ് ആ ​ചി​ത്ര​ങ്ങ​ൾ. അ​ത് സ​മാ​ഹരി​ക്ക​പ്പെ​ടു​ക​യെ​ന്ന​താ​യി​രി​ക്കും സം​ഗീ​ത് ശി​വ​ൻ എ​ന്ന പ്ര​തി​ഭ​ക്ക് ന​ൽ​കേ​ണ്ട ഏ​റ്റ​വും ഉ​ചി​ത​മാ​യ സ്മാ​ര​കം. വ​രും ത​ല​മു​റ​യു​ടെ കാ​ഴ്ച​ക്കും പ​ഠ​ന​ത്തി​നു​മാ​യി അ​ത് സം​ഭ​വി​ക്കാ​നി​ടവ​ര​ട്ടെ എ​ന്ന് ആ​ഗ്ര​ഹി​ക്കു​ന്നു. പ്രി​യ സം​ഗീ​തി​നോ​ട് വി​ട പ​റ​യു​ന്നി​ല്ല.