ഗബ്രിയേല സബറ്റീനി

സ്കൂ​ൾ വി​ട്ടു​വ​രു​ന്ന വൈ​കു​ന്നേ​ര​ങ്ങ​ളി​ൽ

ചാ​ച്ഛ​ൻ വീ​ട്ടി​ലേ​ക്കു​ള്ള സാ​ധ​ന​ങ്ങ​ൾ

വാ​ങ്ങി​ത്ത​രു​ന്ന​തും കാ​ത്ത്,

ആ​ണു​ങ്ങ​ൾ കാ​ൽ​പ്പ​ന്തു​ക​ളി​ക്കു​ന്ന

മൈ​താ​ന​ത്തി​ന്റെ മൂ​ല​ക്ക്,

ഞാ​ൻ ഇ​രി​ക്കാ​റു​ണ്ടാ​യി​രു​ന്നു.

വ​ല്ല​പ്പോ​ഴു​വാ പ​ന്ത്

എ​ന്റ​ടു​ത്തേ​ക്കു​രു​ണ്ടു​വ​ന്നു.

ചി​ല​പ്പോ പ​റ​ന്നു വ​ന്നു.

ഒ​രി​ക്ക​ൽ നെ​റ്റി​യി​ൽ വ​ന്നി​ടി​ച്ച്

മ​തി​ലി​ന​പ്പു​റ​ത്തേ​ക്ക് തെ​റി​ച്ചു പോ​യി.

എ​ന്തേ​ലും പ​റ്റി​യോ മോ​ളേ​ന്ന്

ഓ​ടി​വ​ന്ന ക​ളി​ക്കാ​രെ

ഓ ​അ​തു സാ​ര​വി​ല്ല​ന്നേ​ന്ന്

തി​രി​ച്ചു​വി​ളി​ച്ച്

ചാ​ച്ഛ​ൻ ക​ളി തു​ട​ർ​ന്നു.

ക​ളി ക​ഴി​ഞ്ഞ​പ്പ​ഴാ​ണ് ചാ​ച്ഛ​ന്

എ​ന്നെ ഓ​ർ​മ​വ​ന്ന​ത്.

അ​ന്നെ​നി​ക്കൊ​പ്പം ചാ​ച്ഛ​ൻ നേ​ര​ത്തേ വീ​ട്ടി​ലേ​ക്ക് വ​ന്നു.

ചാ​യ​ക്ക​ട​യി​ൽ​നി​ന്ന് ചാ​യ​യും നെ​യ്യ​പ്പ​വും

മേ​ടി​ച്ചു​ത​ന്നു.

എ​ന്നി​ട്ടും തീ​ർ​ന്നി​ല്ല എ​ന്റെ സ​ങ്ക​ടം.

ഒ​ന്നി​ൽ മു​ഴു​കു​ന്ന​തി​ന്റെ

ആ​ന​ന്ദം അ​ന്നെ​നി​ക്ക​റി​യാ​യി​രു​ന്നി​ല്ല...

കാ​റ്റു നി​റ​യ്ക്കാ​നും തു​ന്നി​ച്ചേ​ർ​ക്കാ​നു​വാ​യി

ചാ​ച്ഛ​ൻ

പ​ഴ​യ കാ​ൽ​പ്പ​ന്തു​ക​ൾ

വീ​ട്ടി​ലേ​ക്ക് കൊ​ണ്ടോ​രു​വാ​യി​രു​ന്നു.

എ​ന്റെ സ​മ​യ​വും ബ്ലാ​ഡ​ർ പൊ​ട്ടി​യൊ​രു

കാ​ൽ​പ്പ​ന്തു​പോ​ലെ അ​ക്കൂ​ട്ട​ത്തി​ൽ

ചു​രു​ങ്ങി​ച്ചു​രു​ണ്ട് കി​ട​ന്നു.

കാ​ലു​കൊ​ണ്ട് ബ​ല​ത്തി​ല​ടി​ച്ച​പ്പോ​ൾ

അ​ത് ലേ​ശം ദൂ​രം നി​ര​ങ്ങി​നീ​ങ്ങി.

അ​വ​ളെ-

ഗ​ബ്രി​യേ​ല സ​ബ​റ്റീ​നി​യെ-

ഞാ​ൻ കാ​ണും​വ​രെ

അ​ത​ങ്ങ​നെ​യാ​രു​ന്നു.

എ​ന്ന​ത്തേം​പോ​ലെ ആ​ദ്യം

പ​ത്ര​ത്തി​ലെ സ്പോ​ർ​ട്സ് പേ​ജി​ലേ​ക്ക്

ത​ന്നെ കേ​റി​ച്ചെ​ല്ലു​മ്പോ​ൾ,

ഉ​യ​ർ​ന്നു ചാ​ടി പ​ന്ത​ടി​ച്ചു​നി​ന്ന

അ​വ​ളി​ൽ ഞാ​ൻ ത​റ​ച്ചു​പോ​യി.

അ​തി​ൽ പി​ന്നെ അ​വ​ളെ ഞാ​ൻ ഓ​ർ​ത്തു​വെ​ച്ചു

വാ​യി​ച്ചു.

ഒ​ന്നാം ന​മ്പ​റു​കാ​രി​യു​മാ​യി

അ​വ​ൾ ന​ട​ത്തി​യ പോ​രാ​ട്ട​ങ്ങ​ളി​ൽ നെ​ഞ്ചി​ടി​പ്പോ​ടെ

പ​ങ്കു​ചേ​ർ​ന്നു.

അ​വ​ൾ കി​രീ​ടം നേ​ടി​യോ എ​ന്ന​റി​യാ​നാ​യി

വൈ​കു​ന്നേ​ര​ത്തെ കാ​പ്പി കു​ടി​ക്കാ​തെ

പ​ത്ര​മെ​ടു​ക്കാ​നോ​ടി.

ക​ളി​യി​ൽ പ​ക്ഷം​ ചേ​രു​മ്പോ​ൾ

ക​ളി​ക്കാ​ത്ത ക​ളി​ക​ൾ ന​മ്മ​ൾ ക​ളി​ക്കു​ന്നു

നേ​ടാ​ത്ത വി​ജ​യ​ങ്ങ​ൾ ന​മ്മ​ൾ നേ​ടു​ന്നു.

വ​ലി​യ മ​ത്സ​ര​ങ്ങ​ളി​ൽ സ​ബ​റ്റീ​നി

അ​ക്കാ​ല​ത്ത് മി​ക്ക​പ്പോ​ഴും തോ​റ്റു.

തോ​ൽ​ക്കു​ന്ന​വ​രോ​ട്

നി​ര​ന്ത​ര​ പ​ക്ഷ​പാ​തി​ത്വം കാ​ണി​ക്കു​ന്ന​വ​ർ

സ്വ​പ്ന​ങ്ങ​ളി​ൽ​പോ​ലും

മു​ത്ത​മി​ടു​ന്നി​ല്ല കി​രീ​ട​ങ്ങ​ളി​ൽ.

രാ​ത്രി​ക​ളി​ൽ ഞാ​ന​വ​ൾ​ക്കൊ​പ്പ​മോ

അ​വ​ളാ​യോ റാ​ക്ക​റ്റു പി​ടി​ച്ചു.

ഞാ​ൻ ചെ​യ്ത സെ​ർ​വു​ക​ളെ​ല്ലാം

നെ​റ്റി​ൽ കു​ടു​ങ്ങി.

എ​തി​രാ​ളി പാ​യി​ച്ച പ​ന്തി​ലേ​ക്ക്

ഓ​ടു​ന്ന​തി​നി​ട​യി​ൽ വ​ല്യ​പാ​വാ​ട​യി​ൽ ത​ട്ടി

ഞാ​ൻ പ​ല​ത​വ​ണ വീ​ണു.

ചി​ല​പ്പോ​ൾ ടൈ​ബ്രേ​ക്ക് വ​രെ​യെ​ത്തി

സെ​റ്റ് കൈ​വി​ട്ടു.

ആ​രാ​യി​രു​ന്നു എ​ന്റെ എ​തി​രാ​ളി?

മാ​ർ​ട്ടി​ന ന​വ​ര​ത്ത്ലോ​വ? അ​രാ​ന്ദ സാ​ഞ്ചെ​സ്?

സ്റ്റെ​ഫി​ഗ്രാ​ഫ്?

സിം​ഹം? പു​ലി? പാ​മ്പ്‌?

ചാ​ച്ഛ​ൻ? അ​മ്മ​ച്ചി? വ​ല്യ​മ്മ​ച്ചി?

ഏ​ത് വേ​ദി​യാ​യി​രു​ന്നു അ​ത്?

വി​ബിം​ൾ​ഡ​ൺ? ഫ്ര​ഞ്ച് ഓ​പ​ൺ?

യു.​എ​സ് ഓ​പ​ൺ? തി​രു​നാ​വാ​യ?

ചാ​ച്ഛ​ൻ കാ​ൽ​പ​ന്ത് ക​ളി​ക്കു​ന്ന മൈ​താ​നം?

ഏ​ത് ക​ളി​യാ​യി​രു​ന്നു അ​ത്?

മ​ല്ല​യു​ദ്ധം? മു​ഷ്ടി​യു​ദ്ധം? ചെ​സ്?

ഉ​റ​ക്ക​ത്തി​ൽ ക​ളി​യും ക​ളി​ക്ക​ള​ങ്ങ​ളും

കൂ​ടി​ക്കു​ഴ​ഞ്ഞ് കി​ട​ന്നു.

പി​ന്നെ പി​ന്നെ

ദ്വ​ന്ദ്വ​യു​ദ്ധ​ങ്ങ​ൾ എ​നി​ക്ക് മ​ടു​ത്തു.

തി​രി​ച്ച​ടി​ക്കാ​ൻ മ​ടി​ച്ചു.

റാ​ക്ക​റ്റു​ക​ൾ വ​ലി​ച്ചെ​റി​ഞ്ഞ്

വീ​ടി​ന​ടു​ത്തെ തോ​ട്ടി​ൻ​ക​ര​യി​ലൂ​ടെ

ഞാ​ന​വ​ൾ​ക്കൊ​പ്പം

ബ്യൂ​ണ​സ് അ​യേ​ഴ്സി​ലേ​ക്ക് ന​ട​ന്നു.

പ​ച്ച​പ്പു​ൽ​മൈ​താ​ന​ത്തി​ൽ

നെ​റ്റി​നി​പ്പു​റ​ത്തു​ള്ള എ​ന്റെ കോ​ർ​ട്ട് നി​റ​യെ

മ​ഞ്ഞ​പ്പ​ന്തു​ക​ൾ വീ​ണു​ കി​ട​ന്നു.

സ്പോ​ർ​ട്സ് പേ​ജി​ൽ അ​വ​ൾ നി​റ​ഞ്ഞു​നി​ന്നൊ​രു

ദി​വ​സം രാ​ത്രി

എ​തി​രാ​ളി നീ​ട്ടി​യ​ടി​ച്ച പ​ന്തു​ക​ളെ

ഞാ​ൻ ഏ​കാ​ഗ്ര​ത​യോ​ടെ നേ​രി​ട്ടു.

1990ലാ​യി​രു​ന്നു അ​ത്.

ഒ​ന്നാം ന​മ്പ​ർ താ​ര​ത്തോ​ട് പൊ​രു​തി

സ​ബ​റ്റീ​നി

യു.​എ​സ് ഓ​പ​ൺ ജ​യി​ച്ച​ ദി​വ​സ​മാ​യി​രു​ന്നു അ​ത്.

ദൂ​ര​ത്തി​ന്റെ ഭൂ​പ​ടം നി​വ​ർ​ത്തി​യി​ട്ട്

കാ​റ്റു​നി​റ​ച്ച സ​മ​യ​ത്തെ

ഞ​ങ്ങ​ൾ അ​ടി​ച്ചു​പ​റ​ത്തി.

നീ​ണ്ടു​നീ​ണ്ടു പോ​യ റാ​ലി​ക​ളി​ൽ

ഞ​ങ്ങ​ളി​രു​വ​രും

തോ​ൽ​ക്കി​ല്ലെ​ന്നു​റ​ച്ച്

മു​ന്നേ​റി.

ഒ​രു ദീ​ർ​ഘ​ച​തു​ര​മാ​യി

ലോ​ക​വും സ​മ​യ​വും മാ​റി.

എ​ല്ലാ മ​നു​ഷ്യ​രും ഞ​ങ്ങ​ളി​ലേ​ക്ക്

നോ​ക്കി​യി​രു​ന്നു.

ആ​കാ​ശ​ത്തി​ലേ​ക്കു​യ​ർ​ന്ന ആ​വേ​ശ​ത്തി​ര​മാ​ല​ക​ൾ

അ​വി​ടെ ത​ങ്ങി​നി​ന്നു താ​ഴേ​ക്ക് നോ​ക്കി.

ന​ക്ഷ​ത്ര​ങ്ങ​ൾ ഭൂ​മി​യി​ലേ​ക്ക്

ന​ട​ക്കാ​നി​റ​ങ്ങി.

മ​രി​ച്ചു​പോ​യ മ​നു​ഷ്യ​ർ ഉ​യി​ർ​ത്തെ​ണീ​റ്റ്

ശ​വ​ക്ക​ല്ല​റ​ക​ൾ​ക്കു മേ​ൽ

ഞ​ങ്ങ​ളെ നോ​ക്കി കു​ത്തി​യി​രു​ന്നു.

ഞ​ങ്ങ​ൾ ത​ള​രാ​തെ ക​ളി​ച്ചു.

ഒ​രു മ​ഞ്ഞ​പ്പ​ന്ത്

ഭൂ​മി​യി​ൽ തൊ​ട്ടു തൊ​ട്ട് പ​റ​ന്നു.

ഞ​ങ്ങ​ൾ ഏ​കാ​ഗ്ര​ത​യു​ടെ താ​ക്കോ​ൽ​കൊ​ണ്ട്

വി​ജ​യ​ത്തി​ന്റെ​യും ആ​ന​ന്ദ​ത്തി​ന്റെ​യും

വാ​തി​ൽ തു​റ​ന്നു.