സ്വച്ഛന്ദം വളർന്നുയരംവെച്ച വൻ വൃക്ഷങ്ങൾ വെട്ടിമുറിച്ച് മണ്ണിടിച്ചു നിരത്തി വഴി തെളിച്ച മലമുകളിൽ വെറുമൊരു ഓർമപ്പച്ച നിർത്തിയപോലെ അത്രമേൽ ശുഷ്കം അസ്വാഭാവികം അനുചിതം കാൽപനികവും ജൈവികവും സുന്ദരമായതുമായതെല്ലാം കാലമോ വിധിയോ മനസ്സോ തല്ലിക്കൊഴിച്ച ബന്ധത്തിൽ ബാധ്യതപോലെ ബാക്കിയായതിന്റെ മുരടിപ്പുകളുടെ സാക്ഷ്യപത്രം വൻകാറ്റടിച്ചോ തിരമാല തൂത്തുവാരിയോ നഷ്ടമായ ഭൂപ്രദേശങ്ങളിൽ ഉപയോഗശൂന്യമായോ ഉപേക്ഷിച്ചതോ ആയ കരയിലെ ഒറ്റപ്പെട്ട മനുഷ്യന്റെ അകലേക്കു ചെല്ലാത്ത അടക്കിപ്പിടിച്ച വിഷാദംപോലെ നിരാലംബം. ദുഃഖം സന്തോഷമായും കളവ് വെളിവായും വെറുപ്പ് സ്നേഹമായും കാമം...
സ്വച്ഛന്ദം വളർന്നുയരംവെച്ച
വൻ വൃക്ഷങ്ങൾ വെട്ടിമുറിച്ച്
മണ്ണിടിച്ചു നിരത്തി
വഴി തെളിച്ച മലമുകളിൽ
വെറുമൊരു ഓർമപ്പച്ച നിർത്തിയപോലെ
അത്രമേൽ ശുഷ്കം
അസ്വാഭാവികം
അനുചിതം
കാൽപനികവും
ജൈവികവും
സുന്ദരമായതുമായതെല്ലാം
കാലമോ വിധിയോ മനസ്സോ
തല്ലിക്കൊഴിച്ച ബന്ധത്തിൽ
ബാധ്യതപോലെ ബാക്കിയായതിന്റെ
മുരടിപ്പുകളുടെ
സാക്ഷ്യപത്രം
വൻകാറ്റടിച്ചോ
തിരമാല തൂത്തുവാരിയോ
നഷ്ടമായ ഭൂപ്രദേശങ്ങളിൽ
ഉപയോഗശൂന്യമായോ
ഉപേക്ഷിച്ചതോ ആയ കരയിലെ
ഒറ്റപ്പെട്ട മനുഷ്യന്റെ
അകലേക്കു ചെല്ലാത്ത
അടക്കിപ്പിടിച്ച വിഷാദംപോലെ നിരാലംബം.
ദുഃഖം സന്തോഷമായും
കളവ് വെളിവായും
വെറുപ്പ് സ്നേഹമായും
കാമം പ്രണയമായും
കറുപ്പ് വെളുപ്പായും
യുദ്ധം സമാധാനമായും
ഇരുൾ വെളിച്ചമായും
പകർന്നാടുന്ന അരങ്ങ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.