പാർവതി

13. വി​ലാ​സി​നി​യും സൗ​മി​നി​യും

ഒ​രുദി​വ​സം ഒ​ട്ടും പ്ര​തീ​ക്ഷി​ക്കാ​തെ ത​​ന്റെ പോ​സ്റ്റ്ബോ​ക്സി​ൽ ഒ​രു ക​ത്ത് കി​ട​ക്കു​ന്ന​ത് ക​ണ്ട​പ്പോ​ൾ സൗ​മി​നി പ​ക​ച്ചു​പോ​യി. പൊ​തു​വെ ആ​രും അ​വ​ർ​ക്ക് ക​ത്ത​യ​ക്കാ​റി​ല്ല. ആ​ർ​ക്കും ക​ത്തെ​ഴു​താ​റു​മി​ല്ല. എ​ഴു​താ​ൻ തു​ട​ങ്ങു​മ്പോ​ൾ മ​ല​യാ​ളം അ​ക്ഷ​ര​ങ്ങ​ൾ മ​റ​ന്നു പോ​കു​ന്ന​തു​പോ​ലെ. മി​ക്ക പ​ണി​ക​ളും ലാ​പ്ടോ​പ്പും ടാ​ബും ഫോ​ണും ചെ​യ്യു​ന്നു. ഇ​ത് വാ​ട്സ്ആ​പ്പി​ന്റെ​യും എ​സ്സെ​മ്മ​സി​ന്റെ​യും കാ​ലം. ഒ​രു ക​ത്ത് കി​ട്ടി​യി​ട്ടു​ത​ന്നെ കാ​ല​മേ​റെ​യാ​യി. അ​തു​കൊ​ണ്ട് താ​ഴെ​നി​ന്ന് ക​യ​റി​വ​രു​മ്പോ​ൾ ആ ​എ​ഴു​ത്തു​പെ​ട്ടി തു​റ​ന്നു​നോ​ക്കാ​റേ​യി​ല്ല.

വാ​ച്ച്മാ​ൻ സൂ​ചി​പ്പി​ച്ച​പ്പോ​ളാ​ണ് താ​ക്കോ​ൽ ത​പ്പി ക​ണ്ടു​പി​ടി​ച്ച​ത്. ആ ​പെ​ട്ടി എ​ന്നും തു​റ​ന്നു​നോ​ക്കു​ന്ന​ത് ശി​വ​കാ​മി​യു​ടെ മ​ക​ൾ കാ​വേ​രി മാ​ത്ര​മാ​ണ​ത്രേ. മെ​ഡി​സി​ൻ എ​ൻ​ട്ര​ൻ​സ് പ​രീ​ക്ഷ തു​ട​ർ​ച്ച​യാ​യി എ​ഴു​തു​ന്ന അ​വ​ളു​ടെ വ​രാ​ത്ത ക​ത്തി​ന് വേ​ണ്ടി​യു​ള്ള കാ​ത്തി​രി​പ്പ് നീ​ണ്ടു​പോ​കു​ക​യാ​ണ്. വാ​ച്ച്മാ​ൻ​മാ​ർ അ​വ​ളെ ര​ഹ​സ്യ​മാ​യി വി​ളി​ക്കു​ന്ന​ത് ‘ഇം​ഗ്ലീ​ഷ് മീ​ഡി​യം’ എ​ന്നാ​ണ്. ഹി​ന്ദു​സ്ഥാ​നി വെ​ടി​പ്പാ​യ ഇം​ഗ്ലീ​ഷി​ൽ പ​റ​യു​ന്ന മ​ദ്രാ​സി പെ​ണ്ണ്! കാ​ലം ഇ​ത്ര​യാ​യി​ട്ടും യാ​തൊ​രു മാ​റ്റ​വു​മി​ല്ല​ത്രേ.

അ​ത് വി​ലാ​സി​നി​യു​ടെ ക​ത്താ​ണെ​ന്ന് ക​ണ്ട​പ്പോ​ൾ സൗ​മി​നി തു​ള്ളി​ച്ചാ​ടി. കാ​ല​മി​ത്ര​യാ​യി​ട്ടും ഒ​ട്ടും ത​ള​രാ​ത്ത സു​ന്ദ​ര​മാ​യ കൈ​പ്പ​ട. പ​തി​വു​ള്ള ഇ​ളം റോ​സ് ക​ട​ലാ​സി​ൽ ഒ​രു നീ​ണ്ട ക​ത്ത്. റോ​സ് ച​ങ്ങാ​ത്ത​ത്തിന്റെ നി​റ​മാ​ണെ​ന്ന് അ​വ​ൾ എ​പ്പോ​ഴും പ​റ​യാ​റു​ണ്ട്. ര​ണ്ടു താ​ളു​ക​ളി​ലാ​യി വ​ള​രെ നീ​ണ്ടൊ​രു ക​ത്ത്. പ​ല​തും ചോ​ദി​ച്ച​റി​യാ​നു​ള്ള വെ​പ്രാ​ളം -വി​ലാ​സി​നി എ​ഴു​തി​യി​രി​ക്കു​ന്നു.

“ശ​രി​ക്കും എ​വി​ടെ​യാ​ണ് നീ? ​നീ എ​വി​ടെ​യെ​ങ്കി​ലും ഉ​ണ്ടോ? നി​​ന്റെ വി​ലാ​സ​വും ഫോ​ൺന​മ്പ​റും കി​ട്ടാ​നാ​യി ഞാ​ൻ ആ​രെ​യൊ​ക്കെ കോ​ണ്ടാ​ക്ട് ചെ​യ്തു​വെ​ന്ന​റി​യോ? ആ​ർ​ക്കും ഒ​രു പി​ടി​യു​മി​ല്ല. ഒ​പ്പം, പ​ഠി​ച്ചി​രു​ന്ന​വ​രി​ൽ മി​ക്ക​വ​രും രാ​ജ്യ​ത്തി​ന്റെ പ​ല ഭാ​ഗ​ങ്ങ​ളി​ലു​മാ​യി ചി​ത​റി​ക്കി​ട​ക്കു​ന്നു. പി​ന്നെ കു​റെ പേ​ർ ഭ​ർ​ത്താ​ക്ക​ന്മാ​രു​ടെ കൂ​ടെ വി​ദേ​ശ​ത്തും. ഒ​ട്ടു​മി​ക്ക പേ​രെ​യും ക​ണ്ടെ​ത്തി ഞ​ങ്ങ​ടെ വാ​ട്സ്ആ​പ്പ് ഗ്രൂ​പ്പി​ൽ ചേ​ർ​ത്തി​ട്ടു​ണ്ട്.

ഞാ​നാ​ണ് അ​തി​​ന്റെ അ​ഡ്‌​മി​ൻ. ക​ഴി​ഞ്ഞ വെ​ക്കേ​ഷ​ന് ഞ​ങ്ങ​ൾ കു​റെ പേ​ര് ഊ​ട്ടി​യി​ൽ ഒ​ത്തു​കൂ​ടി. ഭ​ർ​ത്താ​ക്ക​ന്മാ​രു​ടെ​യും മ​ക്ക​ളു​ടെ​യും ശ​ല്യ​മി​ല്ലാ​തെ അ​വി​ടെ ര​ണ്ടു​ദി​വ​സം ശ​രി​ക്കും ത​ക​ർ​ത്തു. അ​വി​ടെ എ​ല്ലാ​വ​രും ചോ​ദി​ച്ച​ത് ന​മ്മു​ടെ പ്രി​യ​പ്പെ​ട്ട സൗ​മി​നി ഇ​പ്പോ​ൾ എ​വി​ടെ​യാ​ണെ​ന്നാ​ണ്. ഞാ​ൻ ചി​ല​തൊ​ക്കെ കേ​ട്ടി​രു​ന്നെ​ങ്കി​ലും ഒ​ന്നും വി​ട്ടു​പ​റ​ഞ്ഞി​ല്ല. നി​ങ്ങ​ളു​ടെ നാ​ട​ല്ലേ. കു​സൃ​തി​യും കു​ന്നാ​യ്മ​യും ചി​ല​രു​ടെ ഒ​രു ഹോ​ബി​യാ​ണ് അ​വി​ടെ...”

പെ​ട്ടെ​ന്ന് ത​ങ്ങ​ളു​ടെ കൗ​മാ​ര​ക്കാ​ല​ത്തേ​ക്ക് തി​രി​ച്ചു​പോ​യ​തു​പോ​ലെ തോ​ന്നി സൗ​മി​നി​ക്ക്. മു​ടി ഇ​രു​വ​ശ​ത്തേ​ക്കും വ​ക​ഞ്ഞു പി​ന്നി​യി​ട്ട ച​ന്ത​ക്കാ​രി പെ​ൺ​കു​ട്ടി​യു​ടെ ചി​ത്രം ഉ​ള്ളി​ൽ തെ​ളി​ഞ്ഞു​വ​ന്നു. അ​മ്മ​യു​ടെ പ്രി​യ​പ്പെ​ട്ട മ​ക​ൾ. പോ​സ്റ്റ്മാ​ഷ് സ്ഥ​ലം മാ​റി​പ്പോ​യ ശേ​ഷം അ​ങ്ങോ​ട്ടു​മി​ങ്ങോ​ട്ടും ചി​ല ക​ത്തു​ക​ൾ കൈ​മാ​റി​യി​രു​ന്നു. സൗ​മി​നി കോ​ളേ​ജി​ൽ കേ​റി​യ​തി​നു​ശേ​ഷം അ​ത് എ​ങ്ങ​നെ​യോ മു​റി​ഞ്ഞു​പോ​യി. പി​ന്നീ​ടു​ള്ള ജീ​വി​തം മു​ഴു​വ​നും വ​ല്ലാ​ത്തൊ​രു തി​ര​യി​ള​ക്ക​ങ്ങ​ളു​ടെ കാ​ല​മാ​യി​രു​ന്ന​തു​കൊ​ണ്ട് ആ​രോ​ടും ബ​ന്ധ​പ്പെ​ട​ണ​മെ​ന്നു തോ​ന്നി​യ​തു​മി​ല്ല.

വ​ട​ക്കെ​വി​ടെ​യോ ഒ​രു സ്റ്റീ​ൽ ക​മ്പ​നി​യി​ലെ ജ​ന​റ​ൽ മാ​നേ​ജ​ർ ആ​ണ​ത്രെ അ​വ​ളു​ടെ ഭ​ർ​ത്താ​വ്. ര​ണ്ടു ആ​ൺ​മ​ക്ക​ൾ. ര​ണ്ടു​പേ​രും പ​ഠി​ക്കാ​ൻ മി​ടു​ക്ക​ന്മാ​ർ. മൂ​ത്ത​യാ​ൾ എ​ൻ​ജി​നീ​യ​റി​ങ് പാ​സാ​യി ല​ണ്ട​നി​ൽ. ഇ​ള​യ​വ​ൻ അ​ഹ​മ്മ​ദാ​ബാ​ദ് ഐ.​ഐ.​എ​മ്മി​ൽ പ​ഠി​ക്കു​ന്നു.

‘‘നി​ന​ക്ക് ഒ​രു മോ​ള് മാ​ത്ര​മ​ല്ലേ ഉ​ള്ളൂ? അ​വ​ൾ എ​ന്തു​ചെ​യ്യു​ന്നു? നി​​ന്റെ ഹ​സ്ബ​ൻ​ഡ്? അ​ച്ഛ​ൻ പ​ല​യി​ട​ത്തും ജോ​ലി​ചെ​യ്തി​ട്ടു​ള്ള​തു​കൊ​ണ്ട് ഞ​ങ്ങ​ൾ പ​ല​ നാ​ടു​ക​ളി​ലും ക​ഴി​ഞ്ഞി​ട്ടു​ണ്ട്. എ​ന്നാ​ലും കൂ​ട്ട​ത്തി​ൽ ഏ​റ്റ​വും ഇ​ഷ്ടം നി​ങ്ങ​ളു​ടെ നാ​ടി​നോ​ടാ​ണ്. ഒ​രുപ​ക്ഷേ, നി​ന്റെ കു​ടും​ബ​വു​മാ​യു​ള്ള ബ​ന്ധ​മാ​വാം ഒ​രു​ കാ​ര​ണം. എ​ന്താ​യാ​ലും, ആ ​സ്ഥ​ലം ഇ​ഷ്ട​പ്പെ​ട്ട​തു​കൊ​ണ്ട് അ​വി​ടെ​നി​ന്നു​ള്ള ഒ​രു​ മാ​റ്റം ആ​വു​ന്ന​ത്ര വൈ​കി​ക്കാ​ൻ അ​ച്ഛ​ൻ നോ​ക്കി​യി​ട്ടു​ണ്ട്. സ​ത്യ​ത്തി​ൽ ജ​നി​ച്ചു​വ​ള​ർ​ന്ന പെ​രി​ന്ത​ൽ​മ​ണ്ണ​യു​മാ​യി എ​നി​ക്ക് കാ​ര്യ​മാ​യ അ​ടു​പ്പ​മൊ​ന്നു​മി​ല്ല. അ​ച്ഛ​നും അ​മ്മ​യും മ​രി​ച്ച​തി​നു​ശേ​ഷം ഞാ​ൻ അ​വി​ടെ പോ​യി​ട്ടി​ല്ല.

ആ​കെ​ക്കൂ​ടി​യു​ള്ള​ത് ചി​ല ബ​ന്ധു​ക്ക​ളാ​ണ്. അ​വ​രു​ടെ ച​ട​ങ്ങു​ക​ൾ​ക്കെ​ല്ലാം ക്ഷ​ണം വ​രാ​റു​ണ്ട്. അ​തി​നൊ​ക്കെ കൃ​ത്യ​മാ​യി സ​ന്ദേ​ശ​ങ്ങ​ളും അ​യ​ക്കാ​റു​ണ്ട്. ഇ​ത്ര​യും ദൂ​രെ​നി​ന്ന് എ​നി​ക്ക് ചെ​ല്ലാ​ൻ പ​റ്റി​ല്ലെ​ന്ന് എ​ല്ലാ​വ​ർ​ക്കു​മ​റി​യാം. നോ​ക്കാ​നാ​യി ആ​രു​മി​ല്ലാ​ത്ത​തു​കൊ​ണ്ട് കു​റ​ച്ചു ക​വു​ങ്ങി​ൻ തോ​ട്ട​ങ്ങ​ളു​ണ്ടാ​യി​രു​ന്ന​തെ​ല്ലാം കി​ട്ടി​യ വി​ല​ക്ക് വി​റ്റു​ക​ള​ഞ്ഞു. ഏ​താ​ണ്ട് അ​തു​പോ​ലെ​ത​ന്നെ​യാ​ണ് അ​ദ്ദേ​ഹ​ത്തി​​ന്റെ കാ​ര്യ​വും. മും​ബൈ​യി​ൽ ജ​നി​ച്ചു​വ​ള​ർ​ന്ന ആ ​പാ​ല​ക്കാ​ട്ടു​കാ​ര​ന് നാ​ട്ടി​ൽ വേ​രു​ക​ളി​ല്ല...”

കാ​ല​ത്തെ ക​ട​ന്നു​പോ​കാ​ൻ താ​ൽ​പ​ര്യ​മു​ള്ള വി​ലാ​സി​നി​ക്ക് പ​ല​തും പ​റ​യാ​നു​ണ്ട്, കേ​ൾ​ക്കാ​നും...

അ​വ​ളു​ടെ കു​ടും​ബ​വി​ശേ​ഷ​ങ്ങ​ൾ വാ​യി​ച്ച​പ്പോ​ൾ സൗ​മി​നി​യു​ടെ ക​ണ്ണു​ക​ൾ നി​റ​ഞ്ഞു. അ​വ​ളു​ടെ വാ​ക്കി​ന് മ​റു​വാ​ക്കി​ല്ലാ​ത്ത വീ​ട്. സ്നേ​ഹ​സ​മ്പ​ന്ന​നാ​യ ഭ​ർ​ത്താ​വ്. അ​വ​ൾ അ​യാ​ളെ ക​ളി​യാ​ക്കി​വി​ളി​ക്കു​ന്ന​ത് ‘ബോ​സ്’ എ​ന്നാ​ണ​ത്രെ. സ്വ​ന്ത​മാ​യ ഇ​ട​ങ്ങ​ൾ ക​ണ്ടെ​ത്തി​ക്ക​ഴി​ഞ്ഞ ആ​ൺ​മ​ക്ക​ൾ. ക​മ്പ​നി​യി​ൽ​ത​ന്നെ പി​ടി​പ്പ​ത് പ​ണി​യു​ള്ള​തു​കൊ​ണ്ട് ഭ​ർ​ത്താ​വ് പ​ല​പ്പോ​ഴും വൈ​കി​യാ​ണ് മ​ട​ങ്ങി​യെ​ത്തു​ക. എ​ന്നാ​ലും ഓ​ഫീ​സി​ൽ​നി​ന്നു ത​ന്നെ ഇ​ട​ക്കൊ​ക്കെ അ​വ​ളെ വി​ളി​ക്കാ​റു​ണ്ട്. അ​തു​പോ​ലെ മ​ക്ക​ളും.

അ​ഹ​മ്മ​ദാ​ബാ​ദി​ൽനി​ന്ന് മി​ക്ക​വാ​റും എ​ല്ലാ രാ​ത്രി​ക​ളി​ലും. അ​മേ​രി​ക്ക​യി​ൽ​നി​ന്ന് ആ​ഴ്ച​യി​ലൊ​രി​ക്ക​ൽ വീ​ഡി​യോ​കാ​ളി​ൽ. ഓ​ഫീ​സി​ൽ​നി​ന്ന് മ​ട​ങ്ങി​യെ​ത്തി​യാ​ൽ പൂ​ർ​ണ​മാ​യും ‘ഫാ​മി​ലി ടൈം’ ​ആ​ണ്. അ​വ​ർ​ക്കി​ട​യി​ൽ ര​ഹ​സ്യ​ങ്ങ​ളി​ല്ല. എ​ല്ലാ കാ​ര്യ​ങ്ങ​ളും ത​മ്മി​ൽ പ​റ​യാ​റു​ണ്ട്. അ​തി​നി​ട​ക്ക് ഫോ​ൺ പൊ​തു​വെ സൈ​ല​ന്റ് ആ​യി വെ​ക്കാ​ൻ ശ്ര​മി​ക്കാ​റു​ണ്ട് ഭ​ർ​ത്താ​വ്. അ​വ​ൾ​ക്ക് മൂ​പ്പ​ര് ബോ​സ് ആ​ണെ​ങ്കി​ലും വീ​ട്ടി​ലെ ബോ​സ് താ​ൻ ആ​ണെ​ന്ന് പ​റ​യാ​റു​ണ്ട്.

വി​ലാ​സി​നി എ​ഴു​തി​യി​രി​ക്കു​ന്നു:

“സാ​ധാ​ര​ണ വേ​ന​ൽ​ക്കാ​ല​ത്ത് ഞ​ങ്ങ​ൾ ഏ​തെ​ങ്കി​ലും ഹി​ൽ​സ്റ്റേ​ഷ​നി​ൽ പോ​കാ​റാ​ണ് പ​തി​വ്. യൂ​റോ​പ്പ് മു​ഴു​വ​നും ഏ​താ​ണ്ട് ക​ണ്ടു​ക​ഴി​ഞ്ഞു. ഇ​നി പോ​കാ​ൻ പ്ലാ​നു​ള്ള​ത് സ്കാ​ൻ​ഡി​നേ​വി​യ​ൻ രാ​ജ്യ​ങ്ങ​ളി​ലും സ്പെ​യി​നി​ലും. അ​ത് അ​ടു​ത്ത ത​വ​ണ. പി​ന്ന​ത്തെ കൊ​ല്ലം ര​ണ്ടു മ​ക്ക​ളോ​ടൊ​പ്പം ഓ​സ്‌​ട്രേ​ലി​യ​യി​ലും ന്യൂ​സി​ല​ൻ​ഡി​ലും. ഇ​ങ്ങ​നെ​യൊ​ക്കെ പ​രി​പാ​ടി ഇ​ട്ടു​ക​ഴി​ഞ്ഞു, എ​ന്തൊ​ക്കെ ന​ട​പ്പി​ലാ​കു​മെ​ന്നു ആ​ർ​ക്ക​റി​യാം, മ​നു​ഷ്യ​​ന്റെ കാ​ര്യ​മ​ല്ലേ? എ​ന്താ​യാ​ലും ഇ​ത്ത​വ​ണ ര​ണ്ടു മൂ​ന്നു മാ​സം മു​മ്പ് എ​​ന്റെ നി​ർ​ബ​ന്ധം കാ​ര​ണം നി​​ന്റെ നാ​ട്ടി​ൽ പോ​യി. അ​ത്ര​യേ​റെ പ​റ​ഞ്ഞി​രി​ക്കു​ന്നു ഞാ​ൻ ആ ​ഗ്രാ​മ​ത്തെ​പ്പ​റ്റി.

അ​ടു​ത്ത ടൗ​ണി​ലെ ഹോ​ട്ട​ലി​ൽ മു​റി​യെ​ടു​ത്തി​രു​ന്നു. അ​വി​ട​ന്ന് ടാ​ക്സി​യി​ലാ​ണ് പോ​യ​ത്. കു​ന്നി​ൻ​മു​ക​ളി​ൽ ന​മ്മ​ളി​രു​ന്നു സ്വ​പ്നം​കാ​ണാ​റു​ള്ള ആ ​പാ​റ​യെ​പ്പ​റ്റി ഞാ​ൻ ഒ​രു​പാ​ട് പ​റ​ഞ്ഞി​ട്ടു​ള്ള​തു​കൊ​ണ്ട് അ​ത് കാ​ണാ​ൻ മൂ​പ്പ​ർ​ക്കും വ​ലി​യ താ​ൽ​പ​ര്യ​മാ​യി​രു​ന്നു. സ​ന്ധ്യ​യാ​കു​ന്ന​തു​വ​രെ ആ ​പു​ഴ​യെ നോ​ക്കി ഇ​രു​ന്നെ​ങ്കി​ലും ഒ​രു സ്വ​പ്‍ന​വും കാ​ണാ​ൻ പ​റ്റി​യി​ല്ല​ല്ലോ​ന്ന് പ​റ​ഞ്ഞു എ​ന്നെ ഒ​രു​പാ​ട് ക​ളി​യാ​ക്കി. പ്രാ​യ​ത്തി​​​ന്റെ വ്യ​ത്യാ​സ​മാ​ണ് കാ​ര​ണ​മെ​ന്ന് പ​റ​ഞ്ഞു മ​ന​സ്സി​ലാ​ക്കാ​ൻ ഞാ​ൻ ശ്ര​മി​ച്ച​തു​മി​ല്ല.

പി​റ്റേ​ന്നാ​ണ് നി​​ന്റെ അ​മ്മ​യെ കാ​ണാ​ൻ പോ​യ​ത്. അ​ങ്ങേ​ർ​ക്കു വി​ശ്വ​സി​ക്കാ​ൻ പ​റ്റി​യി​ല്ല. ഇ​പ്പോ​ഴും എ​ന്തു സ്നേ​ഹ​മാ​ണ​വ​ർ​ക്ക്. ഇ​ത്ര​യും വ​ലി​യ വീ​ട് ഒ​ഴി​ഞ്ഞു​കി​ട​ക്കു​മ്പോ​ൾ എ​ന്തി​നാ​ണ് ഹോ​ട്ട​ലി​ൽ താ​മ​സി​ച്ച​തെ​ന്ന് ചോ​ദി​ച്ചു കു​റ​ച്ചു ശ​കാ​രി​ച്ചു. എ​​ന്റെ മു​ടി കൊ​റേ കൊ​ഴി​ഞ്ഞു​പോ​യ​ത് ശ​രി​ക്ക് താ​ളി​തേ​ച്ചു കു​ളി​ക്കാ​ഞ്ഞി​ട്ടാ​ണ​ത്രെ. എ​ന്നാ​ൽ, മു​ടി​യി​ൽ ന​ര​യും വീ​ഴി​ല്ല​ത്രേ. ന​ഗ​ര​ങ്ങ​ളി​ൽ ന​മ്മ​ൾ​ക്കൊ​ക്കെ കി​ട്ടു​ന്ന​ത് ഏ​തു​ത​രം വെ​ള്ള​മാ​ണെ​ന്ന് അ​വ​ർ​ക്കൊ​രു പി​ടി​യു​മി​ല്ല​ല്ലോ.”

വേ​റെ ചി​ല​തു​കൂ​ടി പ​റ​യാ​നു​ണ്ട് വി​ലാ​സി​നി​ക്ക്.

“നി​​ന്റെ മ​ക​ളെ​പ്പ​റ്റി പ​റ​ഞ്ഞ​പ്പോ​ഴൊ​ക്കെ അ​മ്മ​യു​ടെ മു​ഖ​ത്തു കാ​ണാ​നാ​യ ആ ​വാ​ത്സ​ല്യം കു​റ​ച്ചൊ​ക്കെ മ​ന​സ്സി​ലാ​ക്കാം. എ​പ്പോ​ഴും പേ​ര​ക്കു​ട്ടി​ക​ളോ​ട് ആ​യി​രി​ക്കു​മ​ല്ലോ മു​ൻ ത​ല​മു​റ​ക്ക് കൂ​ടു​ത​ൽ ഇ​ഷ്ടം. പ​ക്ഷേ നി​ന്റെ കാ​ര്യം ചോ​ദി​ച്ച​പ്പോ​ഴൊ​ക്കെ അ​വ​രു​ടെ മു​ഖ​ത്തു ക​ണ്ട താ​ൽ​പ​ര്യ​ക്കു​റ​വ് ഞ​ങ്ങ​ളെ വ​ല്ലാ​തെ അ​ല​ട്ടി. എ​ന്താ​ണി​ങ്ങ​നെ എ​ന്ന് ഭ​ർ​ത്താ​വ് പ​ല​ത​വ​ണ ചോ​ദി​ച്ചി​ട്ടും ഞാ​നൊ​ന്നും വി​ട്ടു​പ​റ​ഞ്ഞി​ല്ല. അ​മ്മ​യു​മാ​യു​ള്ള ബ​ന്ധം കൂ​ടു​ത​ൽ വ​ഷ​ളാ​കാ​തെ നോ​ക്കേ​ണ്ട​ത് നി​​ന്റെ ചു​മ​ത​ല​യാ​ണ്.

എ​ന്നേ​ക്കാ​ൾ ഏ​റെ ബു​ദ്ധി​യു​ള്ള നി​ന്നെ അ​തൊ​ക്കെ പ​റ​ഞ്ഞു മ​ന​സ്സി​ലാ​ക്കേ​ണ്ട കാ​ര്യ​മി​ല്ല​ല്ലോ. എ​ന്താ​യാ​ലും, അ​തു​ക​ണ്ട​പ്പോ​ൾ വ​ല്ലാ​തെ തോ​ന്നി​യ​തു​കൊ​ണ്ട് ഞാ​ൻ അ​പേ​ക്ഷി​ക്കു​ക​യാ​ണ്. ഉ​പ​ദേ​ശി​ക്കു​ക​യ​ല്ല. ഈ ​അ​ക​ലം കു​റ​ച്ചേ പ​റ്റൂ. അ​വ​രൊ​ക്കെ പ്രാ​യ​മാ​യ​വ​ര​ല്ലേ, അ​പ്പോ​ൾ അ​വ​രു​ടെ സ്വ​ഭാ​വ​ത്തി​ലും ചി​ല ഏ​ങ്കോ​ണി​പ്പു​ക​ൾ ക​ണ്ടേ​ക്കും. അ​തൊ​ക്കെ ക്ഷ​മി​ക്കേ​ണ്ട​ത് ന​മ്മ​ള​ല്ലേ?”

അ​വ​ളു​ടെ വ​ലി​യ അ​ത്ഭു​തം അ​മ്മ​യും മ​ക​ളും ത​മ്മി​ൽ ഫോ​ണി​ൽ​പോ​ലും ബ​ന്ധ​പ്പെ​ടാ​റി​ല്ലെ​ന്ന​താ​ണ്. ആ​കെ​ക്കൂ​ടി​യു​ള്ള പാ​ലം പേ​ര​ക്കു​ട്ടി​യാ​ണ്. സൗ​മി​നി​യു​ടെ ഫോ​ൺന​മ്പ​ർ അ​വ​ർ​ക്ക​റി​യി​ല്ല. വി​ലാ​സം ചോ​ദി​ച്ച​പ്പോ​ൾ അ​തു​മ​റി​യി​ല്ല. പി​ന്നീ​ട് അ​ച്ചു​വേ​ട്ട​നാ​ണ് ഒ​രു കു​ത്തി​ക്കു​റി​പ്പ് ത​ന്ന​ത്. അ​ങ്ങേ​ര്ടെ ഭാ​ര്യ ഒ​രു ഡ​യ​റി​യി​ൽ കു​റി​ച്ചി​ട്ടി​രു​ന്നു. അ​ത് ഇം​ഗ്ലീ​ഷി​ലാ​ക്കി​യെ​ടു​ത്തു. അ​തു​കൊ​ണ്ട് ഈ ​ക​ത്ത് ശ​രി​ക്ക് കി​ട്ടു​മോ​യെ​ന്നു​ത​ന്നെ ഉ​റ​പ്പി​ല്ല...

അ​ങ്ങ​നെ പോ​കു​ന്നു ആ ​ക​ത്ത്. കൂ​ട്ട​ത്തി​ൽ ഒ​ന്നു​കൂ​ടി. എ​ന്താ​യാ​ലും സൗ​മി​നി ഏ​റെ​ക്കാ​ല​മാ​യി വേ​റൊ​രു സ്ഥ​ലം താ​വ​ള​മാ​ക്കിക്ക​ഴി​ഞ്ഞ​ല്ലോ. ഇ​നി​യൊ​രി​ക്ക​ൽ അ​വി​ട​ന്ന് നാ​ട്ടി​ലേ​ക്കു മ​ട​ങ്ങു​മെ​ന്ന പ്ര​തീ​ക്ഷ​യും എ​നി​ക്കി​ല്ല. അ​തു​കൊ​ണ്ട് ചെ​ന്നു​പെ​ട്ട സ്ഥ​ല​ത്ത് അ​വ​ന​വ​​ന്റെ സാ​ന്നി​ധ്യം തെ​ളി​യി​ക്കാ​ൻ ആ​വു​ന്ന​ത്ര ശ്ര​മി​ക്കു​ക. ഒ​രു പ​ഴ​യ കൂ​ട്ടു​കാ​രി​യെ​ന്ന നി​ല​യി​ൽ അ​ത്ര മാ​ത്ര​മേ എ​നി​ക്ക് പ​റ​യാ​നു​ള്ളൂ...

ഭി​ന്ന​ശേ​ഷി​ക്കാ​രാ​യ കു​ട്ടി​ക​ൾ​ക്കാ​യി ലാ​ലാ​ജി ട്ര​സ്റ്റ് തു​ട​ങ്ങാ​ൻ ഉ​ദ്ദേ​ശി​ക്കു​ന്ന സ്കൂ​ളി​​ന്റെ ഗ​വേ​ണി​ങ് കൗ​ൺ​സി​ലി​​ന്റെ ആ​ദ്യ​യോ​ഗം സൗ​മി​നി​യു​ടെ ജീ​വി​ത​ത്തി​ലെ ഒ​രു പ്ര​ധാ​ന​പ്പെ​ട്ട ദി​വ​സ​മാ​യി മാ​റി. ന​ഗ​ര​ത്തി​ലെ പ​ല രം​ഗ​ങ്ങ​ളി​ലും പ്ര​വ​ർ​ത്തി​ക്കു​ന്ന കു​റെ സ്ത്രീ​ക​ളാ​യി​രു​ന്നു അ​തി​ലെ മ​റ്റു അം​ഗ​ങ്ങ​ൾ. പ​ല​രും സൗ​മി​നി​യെ​ക്കാ​ൾ പ്രാ​യ​ക്കൂ​ടു​ത​ലും ലോ​ക​പ​രി​ച​യ​വും ഉ​ള്ള​വ​ർ. ലാ​ലാ​ജി ട്ര​സ്റ്റി​​ന്റെ ക്ഷ​ണം ത​ള്ളി​ക്ക​ള​യാ​ൻ മ​ടി​യു​ള്ള​വ​ർ. ഇ​വ​രു​ടെ​യെ​ല്ലാം ന​ടു​വി​ൽ കൗ​ൺ​സി​ലി​ന്റെ ചെ​യ​ർ​പേ​ഴ്സ​ൺ എ​ന്ന നി​ല​യി​ൽ ഒ​രു വ​ശ​ത്തു​ള്ള ഒ​രു പ്ര​ധാ​ന​പ്പെ​ട്ട ക​സേ​ര​യി​ൽ ഇ​രു​ന്ന​ത് ത​ന്നെ ചെ​റി​യൊ​രു പ​രു​ങ്ങ​ലോ​ടെ​യാ​ണ്.

അ​ർ​ഹി​ക്കാ​ത്ത എ​വി​ടെ​യോ ചെ​ന്നു​പെ​ട്ട​തു​പോ​ലെ. അ​പ്പോ​ഴും സൗ​മി​നി​യു​ടെ മ​ന​സ്സി​ൽ പൊ​ങ്ങി​വ​ന്ന ഒ​രേ​യൊ​രു സം​ശ​യം എ​ന്തി​നു ഞാ​ൻ എ​ന്ന പ​ഴ​യ ചോ​ദ്യം​ത​ന്നെ. ഉ​ട​ൻ​ത​ന്നെ അ​വ​ർ​ത​ന്നെ ഉ​ത്ത​രം ക​ണ്ടെ​ത്തു​ക​യും ചെ​യ്തു. ഇ​വ​രൊ​ക്കെ ന​ഗ​ര​ത്തി​ലെ ഹെ​വി​വെ​യി​റ്റു​ക​ൾ ആ​ണെ​ങ്കി​ലും ട്ര​സ്റ്റി​ന് വേ​ണ്ട​ത് ‘പ്ര​വ​ർ​ത്തി​ക്കു​ന്ന ഒ​രു ത​ല​വ​നെ’​യാ​ണ്. മ​റ്റു​ള്ള​വ​രൊ​ക്കെ ഈ ​സ്ഥാ​പ​ന​ത്തി​ന് ഒ​രു ആ​ധി​കാ​രി​ക​ത കൊ​ടു​ക്കാ​ൻ ആ ​ക​സേ​ര​ക​ളി​ൽ ഇ​രി​ക്കു​ന്നു​വെ​ന്ന് മാ​ത്രം. സു​ഷ​മാ​ജി പ​റ​ഞ്ഞ​തു​പോ​ലെ അ​വ​രൊ​ക്കെ വ​ല്ല​പ്പോ​ഴും വ​ന്നു​ക​യ​റു​ന്ന അ​തി​ഥി​ക​ൾ മാ​ത്രം.

എ​ന്താ​യാ​ലും, സു​ഷ​മാ​ജി പ​റ​ഞ്ഞ​തു​പോ​ലെ, പു​തു​താ​യി തു​ട​ങ്ങു​ന്ന സ്ഥാ​പ​നത്തി​നാ​യി ചി​ല വ്യ​ക്ത​മാ​യ മാ​ർ​ഗനി​ർ​ദേ​ശ​ങ്ങ​ൾ കൊ​ടു​ക്കാ​നാ​യി സൗ​മി​നി​ക്ക്. ഭാ​വി​യി​ലേ​ക്ക് ഉ​റ്റു​നോ​ക്കി​ക്കൊ​ണ്ടാ​ണ് ഇ​ങ്ങ​നെ ഒ​രു പ​ദ്ധ​തി​യെ​പ്പ​റ്റി ലാ​ലാ​ജി ഗ്രൂ​പ്പ് ആ​ലോ​ചി​ക്കു​ന്ന​ത്. സെ​റി​ബ്ര​ൽ പാ​ൾ​സി മ​റ്റു​രാ​ജ്യ​ങ്ങ​ളി​ൽ കൂ​ടു​ത​ലാ​യി കാ​ണ​പ്പെ​ടു ന്ന​ത് ആ​ൺ​കു​ട്ടി​ക​ളി​ൽ ആ​ണെ​ന്ന​ത് പ​ല​രെ​യും വ​ല്ലാ​തെ അ​ല​ട്ടു​ന്നു. ഒ​രു​പ​ക്ഷേ ന​മ്മു​ടെ രാ​ജ്യ​ത്തും അ​ങ്ങ​നെ​ത​ന്നെ​യാ​യി​രി​ക്കും. അ​ത്ത​രം കു​ട്ടി​ക​ളെ വേ​ണ്ട​പോ​ലെ പ​രി​പാ​ലി​ക്കാ​നും അ​വ​രി​ൽ മ​റ​ഞ്ഞു​കി​ട​ക്കു​ന്ന ക​ഴി​വു​ക​ൾ ക​ണ്ടെ​ത്തി വി​ക​സി​പ്പി​ക്കാ​നു​മാ​യി ഒ​രു സ്ഥാ​പ​നം. ഭാ​വി​യി​ൽ ശാ​ന്തി​ന​ഗ​റി​നു​ത​ന്നെ അ​ഭി​മാ​ന​മാ​യി മാ​റി​യേ​ക്കാ​വു​ന്ന ഒ​രു സ്ഥാ​പ​നം... അ​തൊ​ക്കെ​യാ​ണ് അ​വ​രു​ടെ മ​ന​സ്സി​ൽ...

സൗ​മി​നി​യു​ടെ ആ​മു​ഖം ന​ന്നാ​യി സ്വീ​ക​രി​ക്ക​പ്പെ​ട്ടു എ​ന്ന​ത് മ​റ്റു മു​ഖ​ങ്ങ​ളി​ലെ പ്ര​തി​ക​ര​ണ​ങ്ങ​ളി​ൽ​നി​ന്ന് വ്യ​ക്ത​മാ​യി. കൂ​ട്ട​ത്തി​ൽ ചെ​റു​പ്പ​ക്കാ​രി​യാ​യ പ​ത്ര​പ്ര​വ​ർത്ത​ക​യു​ടെ മു​ഖ​ത്തെ ചെ​റി​യൊ​രു ആ​രാ​ധ​നാ​ഭാ​വ​വും. ആ ​യോ​ഗം ഉ​ദ്ദേ​ശി​ച്ച​തി​ലും കൂ​ടു​ത​ൽ നീ​ണ്ടു​പോ​യെ​ങ്കി​ലും ആ​രും പോ​കാ​നാ​യി എ​ണീ​റ്റി​ല്ല. മൊ​ബൈ​ൽ തു​റ​ന്ന​തു​മി​ല്ല. യോ​ഗം തു​ട​ങ്ങു​ന്ന​തി​നു മു​മ്പ് ത​ന്നെ മൊ​ബൈ​ൽ സൈ​ല​ന്റി​ൽ ഇ​ട​ണ​മെ​ന്ന് അ​പേ​ക്ഷി​ച്ചി​രു​ന്നു. എ​ല്ലാ​വ​രും പു​റ​ത്തി​റ​ങ്ങി​യ ശേ​ഷം ആ ​പ​ത്ര​ക്കാ​രി അ​ടു​ത്തു​കൂ​ടി.

‘‘ഞാ​ൻ പൂ​ർ​ണി​മ. ഒ​രു ഇം​ഗ്ലീ​ഷ് പ​ത്ര​ത്തി​ന്റെ ഇ​വി​ട​ത്തെ പ്ര​തി​നി​ധി​യാ​ണ്. മാ​ഡ​ത്തി​​ന്റെ ഹി​ന്ദി കേ​ട്ട​പ്പോ​ൾ ഒ​രു മ​ദ്രാ​സി​യാ​ണെ​ന്ന് തോ​ന്നി​യ​തേ​യി​ല്ല.’’

‘‘മ​ദ്രാ​സി​യ​ല്ല, മ​ല​യാ​ളി.’’ സൗ​മി​നി ഒ​രു ചെ​റു​ചി​രി​യോ​ടെ തി​രു​ത്തി. ‘‘മ​ദ്രാ​സ് ഞ​ങ്ങ​ളു​ടെ അ​യ​ൽ സം​സ്ഥാ​ന​മാ​ണെ​ങ്കി​ലും ഞ​ങ്ങ​ൾ അ​വി​ട​ത്തു​കാ​ര​ല്ല. പി​ന്നെ പ​ഴ​യ മ​ദ്രാ​സ് സം​സ്ഥാ​നം ഇ​ന്നി​ല്ല. അ​തി​ന്നു ത​മി​ഴ്നാ​ടാ​ണ്.’’

‘‘സോ​റി, പ​റ​ഞ്ഞു​പ​റ​ഞ്ഞു ശീ​ല​മാ​യി​പ്പോ​യി. പി​ന്നെ ഇ​വി​ടെ നി​ങ്ങ​ളു​ടെ നാ​ട്ടു​കാ​ർ അ​ധി​കം ഇ​ല്ല​താ​നും...’’

‘‘ഞാ​ൻ പ​ണ്ടു​ത​ന്നെ പ​ഠി​ച്ചു ഹി​ന്ദി പ​രീ​ക്ഷ​ക​ൾ പാ​സാ​യി​ട്ടു​ണ്ട്. പി​ന്നെ ഇ​വി​ടെ വ​ന്നശേ​ഷം ഒ​ഴു​ക്കോ​ടെ സം​സാ​രി​ക്കാ​നും പ​ഠി​ച്ചു. ഇ​പ്പോ​ൾ അ​ത്യാ​വ​ശ്യം പ്ര​സം​ഗി​ക്കാ​നും ക​ഴി​യും.’’

‘‘ന​ന്നാ​യി. ഇ​നി ഈ ​സി​റ്റി​യി​ലെ ചി​ല ച​ട​ങ്ങു​ക​ളി​ൽ പ്ര​സം​ഗി​ക്കാ​നു​ള്ള ക്ഷ​ണം കി​ട്ടി​യേ​ക്കും...’’

‘‘പ​ക്ഷേ, എ​നി​ക്ക് തീ​രെ സ​മ​യ​മി​ല്ല. ഒ​രു​പാ​ട് ബ​ദ്ധ​പ്പാ​ടു​ണ്ട്.’’

‘‘അ​റി​യാം. ഇ​വി​ട​ത്തെ ഒ​രു അ​റി​യ​പ്പെ​ടു​ന്ന ക​ണ​ക്ക് ടീ​ച്ച​ർ ആ​ണ​ല്ലോ. പി​ന്നൊ​രു കാ​ര്യം. മാ​ഡ​ത്തി​ന്റെ ഹി​ന്ദി​യേ​ക്കാ​ൾ കേ​ൾ​ക്കാ​ൻ ര​സം ഇം​ഗ്ലീ​ഷാ​ണ്. എ​​ന്റെ ഒ​രു ബ​ന്ധു​വി​​ന്റെ മ​ക​ൾ മാ​ഡ​ത്തി​​ന്റെ ക്ലാ​സി​ൽ പ​ഠി​ക്കു​ന്നു​ണ്ട്. അ​വ​ളാ​ണ് പ​റ​ഞ്ഞ​ത് മാ​ഡം ഷേ​ക്സ്പി​യ​റി​നെ​യും ഷെ​ല്ലി​യെ​യു​മൊ​ക്കെ പ​റ്റി ക്ലാ​സി​ൽ പ​റ​യാ​റു​ണ്ടെ​ന്ന്. ഒ​രു ക​ണ​ക്ക് ടീ​ച്ച​ർ അ​തൊ​ക്കെ പ​റ​യു​ന്ന​തി​ൽ അ​വ​ർ​ക്ക് വ​ലി​യ അ​ത്ഭു​തം തോ​ന്നി.’’

‘‘സ​ത്യ​ത്തി​ൽ ഇം​ഗ്ലീ​ഷ് പ്ര​ധാ​ന വി​ഷ​യ​മാ​യി പ​ഠി​ച്ച് പിഎ​ച്ച്.ഡി എ​ടു​ക്കാ​നൊ​ക്കെ ആ​യി​രു​ന്നു മോ​ഹം. പ​ക്ഷേ, എ​ങ്ങ​നെ​യോ വ​ഴി​തെ​റ്റി മാ​ത് സി​ൽ എ​ത്തി​യെ​ന്ന് മാ​ത്രം.’’

വീ​ട്ടി​ൽ തി​രി​ച്ചെ​ത്തി​യ​പ്പോ​ഴേ​ക്കും സു​ഷ​മാ​ജി​യു​ടെ വി​ളി​വ​ന്നു.

‘‘ക​ൺ​ഗ്രാ​റ്റ്‌​സ് സൗ​മി​നി​ജി. ഇ​ന്ന​ത്തെ തു​ട​ക്കം ഗം​ഭീ​ര​മാ​യെ​ന്ന് ആ ​പ​ത്ര​ക്കാ​രി പൂ​ർ​ണി​മ പ​റ​ഞ്ഞു. മി​ടു​ക്ക​ത്തി​യാ​ണ് അ​വ​ൾ.’’

‘‘കു​റ​ച്ചു പ​രി​ച​യ​ക്കു​റ​വു​ണ്ടാ​യി​രു​ന്നെ​ങ്കി​ലും പൊ​തു​വെ കു​ഴ​പ്പ​മി​ല്ലാ​യി​രു​ന്നു​വെ​ന്ന് തോ​ന്ന​ണു.’’

‘‘അ​ത്ര​യൊ​ക്കെ മ​തി​യെ​ന്നേ. ഇ​തൊ​രു പൊ​തു​യോ​ഗ​മ​ല്ല​ല്ലോ. മ​ന​സ്സി​ൽ തോ​ന്നു​ന്ന കാ​ര്യ​ങ്ങ​ൾ ആ​ത്മാ​ർ​ഥ​ത​യോ​ടെ സം​സാ​രി​ച്ചാ​ൽ മ​തി​യ​ല്ലോ. കേ​ൾ​ക്കു​ന്ന​വ​ർ​ക്ക് പെ​ട്ടെ​ന്ന് മ​ന​സ്സി​ലാ​വും അ​തൊ​ക്കെ. ആ​ത്മാ​ർ​ഥ​ത​യു​ടെ കു​റ​വാ​ണ​ല്ലോ ഇ​ന്ന​ത്തെ പൊ​തു​രം​ഗ​ത്തെ പ്ര​ധാ​ന പ്ര​ശ്നം. പ​റ​യു​ന്ന​തൊ​ന്ന്, ചെ​യ്യു​ന്ന​ത് മ​റ്റൊ​ന്നും. ഇ​തൊ​ക്കെ പൊ​തു​ജ​നം കാ​ണു​ന്നു​ണ്ടെ​ന്ന കാ​ര്യം അ​വ​ർ മ​റ​ക്കു​ന്നു. ന​മ്മ​ളൊ​ന്നും സാ​ധാ​ര​ണ രാ​ഷ്ട്രീ​യ​ക്കാ​ര​ല്ല​ല്ലോ. അ​ൽ​പം സ​ത്യ​സ​ന്ധ​ത​യൊ​ക്കെ ആ​വാം. പി​ന്നെ ആ ​പൂ​ർ​ണി​മയു​മാ​യി പ​രി​ച​യം​വെ​ക്കു​ന്ന​ത് ന​ല്ല​താ​ണ്.

ഈ ​ന​ഗ​ര​ത്തി​ൽ ചു​വ​ടു​റ​പ്പി​ക്കാ​ൻ ഇ​ത്ത​രം ബ​ന്ധ​ങ്ങ​ൾ അ​ത്യാ​വ​ശ്യ​മാ​ണ്. സം​സ്ഥാ​ന​ത്തെ ഏ​റ്റ​വും പ്ര​ചാ​ര​വും വി​ശ്വാ​സ്യ​ത​യു​മു​ള്ള ഇം​ഗ്ലീ​ഷ് പ​ത്ര​ത്തി​​ന്റെ ഇ​വി​ട​ത്തെ സീ​നി​യ​ർ ക​റ​സ്പോ​ണ്ട​ന്റ് ആ​ണ​വ​ൾ. ജ​ന​ങ്ങ​ളു​ടെ പ​ൾ​സ് ശ​രി​ക്കും അ​റി​യാ​വു​ന്ന​വ​ൾ. ര​ണ്ടു മൂ​ന്നു കൊ​ല്ല​ത്തി​നു​ള്ളി​ൽ അ​വ​ൾ ബ്യൂ​റോ ചീ​ഫ് ആ​യേ​ക്കു​മെ​ന്നാ​ണ് കേ​ൾ​ക്കു​ന്ന​ത്. അ​തു​കൊ​ണ്ടു​ത​ന്നെ​യാ​ണ് അ​വ​ർ അ​വ​ളെ ഉ​പ​ദേ​ശ​ക സ​മി​തി​യി​ൽ കൊ​ണ്ടു​വ​ന്ന​തും.’’

ചു​വ​ടു​റ​പ്പി​ക്ക​ൽ... അ​തോ വേ​രി​റ​ക്ക​ലോ? ഇ​ത് അ​തി​ന് പ​റ്റി​യ വ​ള​ക്കൂ​റു​ള്ള മ​ണ്ണാ​ണോ എ​ന്നൊ​ന്നും ഒ​രി​ക്ക​ലും ചി​ന്തി​ച്ചി​ട്ടി​ല്ല. എ​ന്താ​യാ​ലും, വി​ലാ​സി​നി​യു​ടെ ക​ത്തി​ലെ വാ​ക്കു​ക​ൾ​ക്ക് ഇ​പ്പോ​ൾ ഒ​രു​പാ​ട് അ​ർ​ഥ​ങ്ങ​ൾ കാ​ണാ​ൻ ക​ഴി​യു​ന്നു. ‘‘ചെ​ന്നു​പെ​ട്ട സ്ഥ​ല​ത്തു സാ​ന്നി​ധ്യം അ​റി​യി​ക്കാ​ൻ ശ്ര​മി​ക്കു​ക’’ എ​ന്നാ​ണ് അ​വ​ൾ പ​റ​ഞ്ഞ​ത്. അ​ല്ലെ​ങ്കി​ലും അ​വ​ളു​ടെ വാ​ക്കു​ക​ളു​ടെ അ​ർ​ഥം ശ​രി​ക്ക് മ​ന​സ്സി​ലാ​ക്കാ​ൻ കു​റ​ച്ചു​സ​മ​യം എ​ടു​ക്കാ​റു​ണ്ട്.

“പി​ന്നെ, അ​ധി​കം വൈ​കാ​തെ ഇ​തി​​ന്റെ ഔ​പ​ചാ​രി​ക ഉ​ദ്‌​ഘാ​ട​നം ന​ട​ത്താ​നാ​ണ് അ​വ​രു​ടെ പ​രി​പാ​ടി. ഒ​രു സീ​നി​യ​ർ മ​ന്ത്രി​യു​ടെ തീ​യ​തി കി​ട്ടാ​​ൻ കാ​ത്തി​രി​ക്കു​ക​യാ​ണ് ട്ര​സ്റ്റ്. അ​യാ​ൾ വെ​റു​മൊ​രു വാ​ച​ക​മ​ടി​ക്കാ​ര​ൻ ആ​ണെ​ങ്കി​ലും ഈ ​പ്ര​ദേ​ശ​ത്ത് ന​ല്ല സ്വാ​ധീ​ന​മു​ള്ള​യാ​ളാ​ണ്. മാ​ത്ര​മ​ല്ല, ഇ​വി​ട​ത്തെ ജാ​തി​രാ​ഷ്ട്രീ​യ​ത്തി​​ന്റെ പി​ൻ​ബ​ലം​കൊ​ണ്ട് അ​ടു​ത്ത​ത​വ​ണ​യും അ​യാ​ൾ ജ​യി​ക്കു​ക​യും മ​ന്ത്രി​യാ​കു​ക​യും ചെ​യ്യും. അ​തു​കൊ​ണ്ട് ലാ​ലാ​ജി ഗ്രൂ​പ്പി​നെ സം​ബ​ന്ധി​ച്ചി​ട​ത്തോ​ളം അ​യാ​ൾ ‘കാം ​കാ ആ​ദ്‌​മി’ (പ്ര​യോ​ജ​നം ഉ​ള്ള ആ​ൾ) ആ​ണ്.”

ചു​വ​ടു​റ​പ്പി​ക്ക​ലോ വേ​രി​റ​ക്ക​ലോ? സു​ഷ​മാ​ജി ഫോ​ൺ വെ​ച്ച​തി​നു​ശേ​ഷ​വും അ​വ​രു​ടെ വാ​ക്കു​ക​ൾ കാ​തി​ൽ മു​ഴ​ങ്ങു​ന്ന​താ​യി സൗ​മി​നി​ക്ക് തോ​ന്നി. ദൂ​രെ ഏ​തോ നാ​ട്ടി​ൽ​നി​ന്ന് ഏ​തോ കാ​ല​ത്ത് ഇ​വി​ടെ അ​ഭ​യം തേ​ടു​മ്പോ​ൾ ഈ ​സ്ഥ​ലം ഏ​തെ​ന്നോ ഒ​രു​കാ​ല​ത്ത് ത​നി​ക്കി​വി​ടെ വേ​രി​റ​ക്കാ​ൻ ക​ഴി​യു​മെ​ന്നോ എ​ന്നൊ​ന്നും ആ​ലോ​ചി​ച്ചി​ട്ടി​ല്ല ഒ​രി​ക്ക​ലും. എ​ന്നും ഇ​തൊ​രു കു​ടി​യേ​റ്റ​ക്കാ​ര​​ന്റെ ഇ​ട​ത്താ​വ​ളം മാ​ത്ര​മാ​യി​രു​ന്നു. ഈ ​മ​ണ്ണ് ത​നി​ക്ക് യോ​ജി​ക്കു​ന്ന​താ​ണോ​യെ​ന്നും ഇ​തേ​വ​രെ ആ​ലോ​ചി​ച്ചി​ട്ടി​ല്ല.

പി​ന്നീ​ട് ഈ ​നാ​ടി​നെ​യും അ​വി​ട​ത്തെ ആ​ളു​ക​ളെ സ്നേ​ഹി​ക്കാ​നും അ​വ​രോ​ട് സൗ​മ്യ​മാ​യി ഇ​ട​പെ​ടാ​നും ക​ഴി​ഞ്ഞ​ത് സ്കൂ​ളി​ലെ അ​ധ്യാ​പ​ന ജോ​ലി​യി​ൽ​നി​ന്നാ​ണ്. സൗ​മി​നി എ​ന്ന പേ​രു​ത​ന്നെ പ​ല​രും സൗ​മ്യ​മാ​യി ഇ​ട​പെ​ടു​ന്ന ഒ​രാ​ൾ എ​ന്ന​നി​ല​യി​ലാ​ണ് ക​ണ്ട​ത്. ഇ​പ്പോ​ൾ പു​തി​യ ആ​ശ​യ​ങ്ങ​ളും ആ​വ​ശ്യ​ങ്ങ​ളും പൊ​ങ്ങി​വ​രു​മ്പോ​ൾ ഈ ​നാ​ടു​മാ​യു​ള്ള ഇ​ഴ​യ​ടു​പ്പം താ​ന​റി​യാ​തെ മു​റു​കു​ന്ന​തു​പോ​ലെ. അ​തി​ൽ ഇ​വി​ടെ​ത്ത​ന്നെ ജ​നി​ച്ചു​വ​ള​ർ​ന്ന മോ​ളു​ടെ പ​ങ്ക് വ​ള​രെ വ​ലു​താ​ണ്. അ​വ​ളെ സം​ബ​ന്ധി​ച്ചി​ട​ത്തോ​ളം ഇ​ത് അ​വ​ളു​ടെ ജ​ന്മ​നാ​ട് ത​ന്നെ​യാ​ണ്. ത​​ന്റെ നാ​ട് അ​വ​ൾ​ക്കൊ​രു വി​ദൂ​ര സ്വ​പ്ന​വും. വ​ല്ല​പ്പോ​ഴും പോ​യി​വ​രാ​നു​ള്ള നാ​ട്. അ​മ്മാ​മ്മ​യു​ടെ നാ​ട്. അ​ച്ചു​വേ​ട്ട​ന്റെ​യും ഇ​ന്ദി​ര​യു​ടെ​യും നാ​ട്.

അ​ൽ​പം ക​ഴി​ഞ്ഞു ത​ള​ർ​ന്ന് അ​വ​ശ​യാ​യാ​ണ് പാ​ർ​വ​തി വ​ന്നു​ക​യ​റി​യ​ത്. വ​ന്നപാ​ടെ പ​ങ്ക​യു​ടെ വേ​ഗം കൂ​ട്ടി അ​വ​ൾ സോ​ഫ​യി​ൽ വീ​ണു.

“എ​ന്താ മോ​ളേ, എ​ന്തേ ഇ​ത്ര വൈ​കി​യ​ത്?”

“ഒ​ന്നും പ​റ​യ​ണ്ടാ​ന്റെ അ​മ്മേ. കു​ട്ട്യോ​ള് കൂ​ടി​വ​രു​മ്പൊ ലേ​റ്റ് ആ​യി​ട്ടും ക്ലാ​സ് എ​ടു​ക്കേ​ണ്ടി​വ​രും.’’

“സ്വാ​ഭാ​വി​കം. ഓ​ട്ടോ​വി​ല​ല്ലേ വ​ന്ന​ത്?”

“അ​ല്ലാ​മ്മേ. ഞാ​ൻ പ​ഠി​പ്പി​ക്ക​ണ ഒ​രു കു​ട്ടീ​ടെ ബൈ​ക്കി​​ന്റെ പൊ​റ​കി​ൽ കേ​റി. ഞാ​ൻ വേ​ണ്ടാ​ന്ന് പ​റ​ഞ്ഞി​ട്ടും അ​വ​ള് നി​ർ​ബ​ന്ധി​ച്ച​പ്പോ​ൾ കേ​റാ​ൻ തോ​ന്നി. അ​വ​ള് പോ​ണ​തും ഈ ​വ​ഴി​ത​ന്നെ. സെ​ക്ട​ർ വ​ണ്ണി​ൽ ആ​ണെ​ന്ന് മാ​ത്രം.”

“ഞാ​ൻ അ​ന്നേ പ​റ​ഞ്ഞ​താ ലോ​ൺ എ​ടു​ത്തു ഒ​രു ബൈ​ക്ക് വാ​ങ്ങാ​ന്ന്. അ​പ്പൊ കു​ട്ട്യ​ന്നാ​ണ് ഇ​പ്പൊ വേ​ണ്ടാ​ന്ന് പ​റ​ഞ്ഞ​ത്.”

“അ​തി​നൊ​രു കാ​ര​ണം​ണ്ട്. എ​ന്താ​യാ​ലും ഇ​നീ​ള്ള പ​ഠി​പ്പി​ന് വേ​റൊ​രു സ്ഥ​ല​ത്തു പോ​ണ​ല്ലോ. അ​തി​നി​ട​യി​ൽ ഇ​വ​ടെ ഒ​രു ബൈ​ക്കി​ന് പ​ണം മു​ട​ക്ക​ണ്ടാ​ന്ന് ക​രു​തി.”

“ആ​യി​ക്കോ​ട്ടെ. അ​മ്മ ചാ​യ​യെ​ടു​ക്കാം.”

“ഇ​ന്ന​ത്തെ മീ​റ്റി​ങ്?”

“അ​സ്സ​ലാ​യി. ഒ​ക്കെ വി​ശ​ദാ​യി​ട്ട് പ​റ​യാം. ആ​ദ്യം നീ ​ചാ​യ കു​ടി​ക്ക്.”

സൗ​മി​നി തി​ടു​ക്ക​ത്തി​ൽ അ​ടു​ക്ക​ള​യി​ലേ​ക്ക് ന​ട​ന്നു. പാ​ർ​വ​തി ഒ​രു പ്ര​ത്യേ​ക​ത​രം ഹെ​ർ​ബ​ൽ ചാ​യ മാ​ത്ര​മേ കു​ടി​ക്കൂ. അ​തും ക​ടു​പ്പ​ത്തി​ലു​ള്ള ക​ട്ട​ൻ. പാ​ലും പ​ഞ്ച​സാ​ര​യും വേ​ണ്ട. ചി​ല കാ​ര്യ​ങ്ങ​ളി​ൽ നി​ർ​ബ​ന്ധ​ബു​ദ്ധി​യാ​ണ​വ​ൾ. ഒ​രു വീ​ടാ​യാ​ൽ ഒ​രു ജിം ​കൂ​ടാ​തെ വ​യ്യെ​ന്ന് അ​വ​ൾ ആ​വ​ർ​ത്തി​ക്കാ​റു​ണ്ട്. പ​ക്ഷേ, ഇ​ന്ന​ത്തെ ചു​റ്റു​പാ​ടു​ക​ൾ അ​തി​നു അ​നു​വ​ദി​ക്കു​ന്നി​ല്ലെ​ന്നു​മാ​ത്രം.

അ​ൽ​പം ക​ഴി​ഞ്ഞു ചു​ടു​ചാ​യ മൊ​ത്തി​ക്കു​ടി​ച്ചു​കൊ​ണ്ട് പാ​ർ​വ​തി തെ​ല്ലൊ​രു ആ​വേ​ശ​ത്തോ​ടെ ചോ​ദി​ച്ചു:

‘‘ഇ​ന്ന​ത്തെ പ​രി​പാ​ടി എ​ങ്ങ​നെ​യി​രു​ന്നു​വെ​ന്ന് പ​റ​ഞ്ഞി​ല്ല​ല്ലോ.’’

‘‘ന​ന്നാ​യെ​ന്നാ​ണ് പ​ല​രും പ​റ​ഞ്ഞ​ത്‌. പി​ന്നെ എ​​ന്റെ പ്ര​കൃ​തം വെ​ച്ച് ഞാ​ൻ ആ​രോ​ടും ചോ​യ്ക്കാ​നും പോ​യി​ല്ല. സ​ത്യ​ത്തി​ൽ എ​നി​ക്ക് വ​ല്ല്യ തൃ​പ്തി​യൊ​ന്നും തോ​ന്നി​യി​ല്ല. ന​മ്മ​ളൊ​ന്നും പ്ര​സം​ഗ​ക​ര​ല്ല​ല്ലൊ. ഉ​ള്ളി​ലു​ള്ള കാ​ര്യ​ങ്ങ​ൾ ആ​ത്മാ​ർ​ഥ​മാ​യി പ​റ​ഞ്ഞെ​ന്ന് മാ​ത്രം. ആ ​പ​ത്ര​ക്കാ​രി പൂ​ർ​ണി​മ അ​തി​ഗം​ഭീ​രം എ​ന്നാ​ണ് പ​റ​ഞ്ഞ​ത്. സ​ത്യ​ത്തി​ൽ ഞാ​ൻ അ​വ​ളെ ആ​ദ്യാ​യി​ട്ടാ​ണ് കാ​ണ​ണ​ത്. പ​ക്ഷേ, സു​ഷ​മാ​ജി പ​റ​ഞ്ഞ​ത്‌ അ​വ​ൾ ഈ ​രം​ഗ​ത്തെ ഒ​രു സൂ​പ്പ​ർ​സ്റ്റാ​ർ ആ​ണെ​ന്നാ​ണ്.’’

‘‘ശ​ര്യാ. സ​ത്യ​ത്തി​ൽ അ​വ​ളെ​ക്കൊ​ണ്ട് ഒ​രു ഇ​ന്റ​ർ​വ്യൂ ചെ​യ്യി​ക്കാ​ൻ പ​ല​രും പാ​ടു​പെ​ടാ​റു​ണ്ട്. ആ​രെ​യും കൂ​ട്ടാ​ക്കാ​ത്ത പ്ര​കൃ​ത​മാ​യ​തു​കൊ​ണ്ട് മു​ക​ളി​ലു​ള്ള​വ​രും ശു​പാ​ർ​ശ ചെ​യ്യാ​റി​ല്ല.’’

‘‘പി​ന്നെ ഈ ​സ്ഥാ​പ​ന​ത്തി​ന്റെ ഔ​പ​ചാ​രി​ക ഉ​ദ്‌​ഘാ​ട​നം ഉ​ട​നെ​ത​ന്നെ ന​ട​ത്താ​നാ​ണ് അ​വ​രു​ടെ പ്ലാ​ൻ. ഒ​രു സീ​നി​യ​ർ മ​ന്ത്രി​യു​ടെ ഡേ​റ്റി​ന് വേ​ണ്ടി കാ​ത്തി​രി​ക്കു​ക​യാ​ണ് അ​വ​ർ.’’

‘‘അ​മ്മ​ക്ക് ക​യ​റി​പ്പോ​കാ​നു​ള്ള അ​ടു​ത്ത ച​വി​ട്ടു​പ​ടി.’’

‘‘ഒ​ന്ന് ചു​മ്മാ​തി​രി​ക്കൂ മോ​ളേ.’’

‘‘സ​ത്യ​മാ​ണ്. അ​മ്മ​ക്ക് അ​മ്മ​യു​ടെ ഉ​ള്ളി​ൽ മ​റ​ഞ്ഞു​കി​ട​ക്ക​ണ ക​ഴി​വും ശ​ക്തി​യും പു​റ​ത്തു​കാ​ണി​ക്കാ​നു​ള്ള ശ​രി​യാ​യ അ​വ​സ​രം. ആ​ദ്യ​ത്തെ പ​ബ്ലി​ക് അ​പ്പി​യ​റ​ൻ​സ്. ശാ​ന്തി​ന​ഗ​റി​ലെ സാ​ധാ​ര​ണ ജ​ന​ങ്ങ​ളെ നേ​രി​ടാ​നു​ള്ള ഒ​ര​വ​സ​രം... ടേ​ക്കി​റ്റ് ഫ്രം ​മി, യൂ ​ആ​ർ ഷു​വ​ർ ടു ​ഗോ പ്ലേ​സ​സ്.’’

‘‘എ​ന്നെ വ​ല്ലാ​തെ​യ​ങ്ങു പൊ​ക്ക​ല്ലേ മോ​ളേ. ഒ​ടു​വി​ൽ താ​ഴേ​യി​ടേ​ണ്ടി​വ​രും.’’

‘‘ടീ​ച്ച​റ​മ്മ സ്വ​യ​മ​ങ്ങു​ താ​ഴാ​ൻ നോ​ക്കു​വാ​ണ്. അ​ത്ര​ക്ക് വി​ന​യ​മൊ​ന്നും പാ​ടി​ല്ല ഇ​ന്ന​ത്തെ കാ​ല​ത്തു ക​ഴി​ഞ്ഞു​കൂ​ടാ​ൻ...’’

പി​ന്നീ​ട് സ്വ​പ്ന​ത്തി​ലെ​ന്നോ​ണം എ​ന്തൊ​ക്കെ​യോ പ​റ​ഞ്ഞു​പോ​കു​ക​യാ​യി​രു​ന്നു സൗ​മി​നി.

‘‘വെ​ളു​പ്പി​ന് ഉ​റ​ക്ക​ത്തി​നും ഉ​ണ​ർ​വി​നും ഇ​ട​യി​ലു​ള്ള ഇ​ട​വേ​ള​ക​ളി​ൽ അ​ങ്ങ​നെ സ​ഞ്ച​രി​ക്കു​ക​യാ​യി​രു​ന്നു ഞാ​ൻ. പു​ല​രി​ക്ക് മു​മ്പു​ള്ള അ​ര​ണ്ട വെ​ട്ട​ത്തി​ലൂ​ടെ... വ​ഴു​ക്ക​ലു​ള്ള വ​ര​മ്പ​ത്തൂ​ടെ. എ​ങ്ങോ​ട്ടെ​ന്ന​റി​യാ​തെ​യു​ള്ള യാ​ത്ര. അ​തി​ശ​യാ​ണ്, ആ ​വ​ഴി​യി​ലൊ​ന്നും ഒ​രു ക​യ​റ്റ​വും ക​ണ്ടി​ല്ല. ഇ​റ​ക്ക​വും. അ​റ്റം കാ​ണാ​നാ​വാ​ത്ത സ​മ​ത​ലം. എ​നി​ക്ക​ന്നെ അ​തി​ശ​യം തോ​ന്നാ​റു​ണ്ട്. കി​ളി​ക​ളും മ​ര​ഞ്ചാ​ടി​ക​ളു​മൊ​ക്കെ മു​ക​ളി​ലെ കൊ​മ്പു​ക​ളി​ലാ​ണ് നോ​ട്ട​മി​ടാ​റ്. അ​വ​ര​ങ്ങ​നെ ചാ​ടി​ച്ചാ​ടി പോ​കും. പ​റ​ന്നു​പ​റ​ന്നു പോ​കും. ഞാ​ൻ​ മാ​ത്രം എ​ന്തേ ഇ​ങ്ങ​നെ?”

“ഇ​റ​ക്ക​ങ്ങ​ൾ മാ​ത്രം ക​ണ്ട​യാ​ളെ മോ​ഹി​പ്പി​ക്ക​ണ​ത് സ​മ​ത​ല​ങ്ങ​ളാ​വാം. പ​ക്ഷേ, ഏ​തു ഇ​റ​ക്ക​ത്തി​നും ഒ​രു ക​യ​റ്റം കൂ​ടാ​തെ വ​യ്യ​ല്ലോ.” പ​ര​ന്ന ചി​രി​യാ​ണ് പാ​ർ​വ​തി​യു​ടെ മു​ഖ​ത്ത്.

“ഇ​ത്ര ന​ല്ല മ​ല​യാ​ളം പ​റ​യാ​ൻ നീ ​എ​ന്നു പ​ഠി​ച്ചു?”

“അ​മ്മേ​ടെ ചോ​ര​യി​ലു​ണ്ട​ല്ലോ ന​മ്മ​ടെ ഭാ​ഷ.”

അ​വ​ർ ത​മ്മി​ലു​ള്ള ത​ർ​ക്കം അ​ങ്ങ​നെ നീ​ണ്ടു​പോ​യി. ഒ​ടു​വി​ൽ, തോ​റ്റ മ​ട്ടി​ൽ സൗ​മി​നി പി​ൻ​വാ​ങ്ങി​യ​തോ​ടെ അ​ന്ന​ത്തെ നാ​ട​കം അ​വി​ടെ അ​വ​സാ​നി​ച്ചു.

പാ​ർ​വ​തി പ​റ​ഞ്ഞ​തു​പോ​ലെ ആ ​സ്ഥാ​പ​ന​ത്തി​​ന്റെ ഉ​ദ്‌​ഘാ​ട​നം ഗം​ഭീ​ര​മാ​യൊ​രു ച​ട​ങ്ങാ​യി​രു​ന്നു. പ​തി​വി​ന് വി​പ​രീ​ത​മാ​യി മ​ന്ത്രി മ​ഹോ​ദ​യ​നും പ​രി​വാ​ര​ങ്ങ​ളും പ​റ​ഞ്ഞ സ​മ​യ​ത്തു​ത​ന്നെ പൊ​ടി​പ​ര​ത്തു​ന്ന കാ​റു​ക​ളി​ൽ പാ​ഞ്ഞെ​ത്തി. ശി​ങ്കി​ടി​ക​ളു​ടെ നി​ല​ക്കാ​ത്ത ആ​ര​വം. നേ​താ​വി​നു​ള്ള ജ​യ് വി​ളി​ക​ൾ. പ​ട​ക്ക​ങ്ങ​ൾ. ഈ ​പ്ര​ദേ​ശ​ത്ത് അ​ദ്ദേ​ഹ​ത്തി​നു​ള്ള സ്വാ​ധീ​നം തെ​ളി​യി​ക്കു​ന്ന ത​ര​ത്തി​ലൊ​രു ശ​ക്തി​പ്ര​ക​ട​നം. പ​ന്ത​ൽ നി​റ​ഞ്ഞു​ക​വി​ഞ്ഞി​രു​ന്നു. അ​ത് പ്ര​തീ​ക്ഷി​ച്ചി​രു​ന്ന​തു​കൊ​ണ്ട് വി​ശാ​ല​മാ​യൊ​രു പ​ന്ത​ൽ ഒ​രു​ക്കാ​ൻ പ്ര​ത്യേ​കം ശ്ര​ദ്ധി​ച്ചി​രു​ന്നു സം​ഘാ​ട​ക​ർ. പ​ന്ത​ലി​ന് പു​റ​ത്ത് അ​ദ്ദേ​ഹ​ത്തെ സ്വാ​ഗ​തം​ചെ​യ്യു​ന്ന ഒ​രു കൂ​റ്റ​ൻ ക​ട്ട്ഔ​ട്ടും സ്ഥാ​പി​ച്ചി​രു​ന്നു. തെ​ര​ഞ്ഞെ​ടു​പ്പ് അ​ടു​ത്തി​രു​ന്ന​തി​നാ​ലാ​വാം ക​ഴി​യു​ന്ന​ത്ര ജ​ന​ത്തെ അ​വി​ടെ​യെ​ത്തി​ക്കാ​ൻ അ​ണി​ക​ൾ ശ്ര​ദ്ധി​ച്ചി​രു​ന്നു.

ചു​രു​ക്ക​ത്തി​ൽ ഭി​ന്ന​ശേ​ഷി​ക്കാ​രാ​യ കു​ട്ടി​ക​ൾ​ക്കാ​യി ഇ​ങ്ങ​നെ​യൊ​രു വ​ലി​യ സം​രം​ഭം ഒ​രു​ക്കി​യ ലാ​ലാ​ജി ട്ര​സ്റ്റി​ന്റെ സം​ഭാ​വ​ന പു​റ​കി​ലേ​ക്ക് പോ​യി, എ​ല്ലാം മ​ന്ത്രി​യു​ടെ പ​ല നേ​ട്ട​ങ്ങ​ളി​ൽ ഒ​ന്നാ​യി​മാ​ത്രം വാ​ഴ്ത്ത​പ്പെ​ട്ടു. അ​തു​കൊ​ണ്ടു​ത​ന്നെ അ​ദ്ദേ​ഹ​ത്തി​​ന്റെ പ്ര​സം​ഗ​ത്തി​​ന്റെ ഓ​രോ ഘ​ട്ട​ത്തി​ലും നി​റ​ഞ്ഞ കൈ​യ​ടി​ക​ളാ​യി​രു​ന്നു. സ്വ​ന്തം ത​ട്ട​കം. അ​ണി​ക​ളു​ടെ പ്രോ​ത്സാ​ഹ​നം... അ​ങ്ങ​നെ പ്ര​സം​ഗം നീ​ണ്ടു​പോ​യി. പ​തി​വ് വാ​ച​ക​മ​ടി​ക​ളും പൊ​ള്ള​യാ​യ വാ​ഗ്ദാ​ന​ങ്ങ​ളും. ചി​ല​ർ കോ​ട്ടു​വാ​യി​ട്ടു. ചി​ല​യി​ട​ങ്ങ​ളി​ൽ മൊ​ബൈ​ലു​ക​ൾ മി​ന്നി...

നീ​ണ്ട​കാ​ലം രാ​ജ്യ​ത്തി​നു​വേ​ണ്ടി പോ​രാ​ടി​യ കേ​ണ​ൽ വേ​ദി​യു​ടെ ഒ​ര​റ്റ​ത്തി​രു​ന്നു മീ​ശ പി​രി​ച്ചു ഈ ​ത​മാ​ശ​ക​ളൊ​ക്കെ ആ​സ്വ​ദി​ച്ചു​കൊ​ണ്ടി​രു​ന്നു. അ​ധ്യ​ക്ഷ​യാ​യി ന​ടു​വി​ലി​രു​ന്ന ചെ​യ​ർ​പേ​ഴ്‌​സ​ൺ സു​ഷ​മ​ക്ക് ഇ​തൊ​രു പ​തി​വ് കോ​മ​ഡി ഷോ​യാ​ണെ​ങ്കി​ൽ തെ​ല്ലൊ​രു പ​രി​ഭ്ര​മ​ത്തോ​ടെ വേ​ദി​യു​ടെ അ​റ്റ​ത്തി​രി​ക്കു​ന്ന സൗ​മി​നി​ക്ക് അ​തൊ​രു പു​തി​യ അ​നു​ഭ​വ​മാ​യി​രു​ന്നു. ത​ങ്ങ​ളു​ടെ നേ​ട്ട​ങ്ങ​ൾ​ക്കൊ​ക്കെ പു​തി​യൊ​രു അ​വ​കാ​ശി അ​ര​ങ്ങ​ത്തെ​ത്തു​ന്ന കാ​ഴ്ച അ​വ​ർ​ക്കും ന​ന്നെ ര​സി​ച്ചു.

സ​ദ​സ്സി​ൽ​നി​ന്ന് പാ​ർ​വ​തി അ​മ്മ​യു​ടെ നേ​ർ​ക്ക് ത​ള്ള​വി​ര​ൽ ഉ​യ​ർ​ത്തി​ക്കാ​ട്ടി. അ​ടു​ത്തി​രി​ക്കു​ന്ന നീ​ലി​മ​യു​ടെ മു​ഖ​ത്ത് നി​റ​ഞ്ഞ ചി​രി. പൂ​ർ​ണി​മ​ക്കാ​ണെ​ങ്കി​ൽ ഇ​തുപോ​ല​ത്തെ ത​മാ​ശ​ക​ൾ എ​ത്ര​യോ ക​ണ്ടി​രി​ക്കു​ന്നു​വെ​ന്ന മ​ട്ട്.

പ​തി​വ് പെ​ർ​ഫോ​മ​ൻ​സി​നു ശേ​ഷം കൊ​ടി​വെ​ച്ച കാ​റു​മാ​യി പൊ​ടി​പ​റ​ത്തി​ക്കൊ​ണ്ട് മ​ന്ത്രി​യും അ​നു​ച​ര​ന്മാ​രും പാ​ഞ്ഞു​പോ​യ​തോ​ടെ പ​ന്ത​ൽ പാ​തി​യും കാ​ലി​യാ​യി.

‘‘ഇ​നി ന​മു​ക്ക​ൽ​പം സീ​രി​യ​സ് കാ​ര്യ​ങ്ങ​ൾ കേ​ൾ​ക്കാം.’’ കേ​ണ​ൽ സു​ഷ​മ​യു​ടെ കാ​തി​ൽ പി​റു​പി​റു​ത്തു. അ​തേ​വ​രെ ചി​രി​യ​ട​ക്കാ​ൻ പാ​ടു​പെ​ട്ടി​രു​ന്ന അ​വ​ർ​ക്കും ഒ​ന്ന് ഉ​ള്ളു തു​റ​ന്ന് ചി​രി​ക്കാ​നാ​യി. ശേ​ഷി​ച്ച സ​ദ​സ്സി​നും ഇ​തേ അ​ഭി​പ്രാ​യ​മാ​യി​രി​ക്കു​മെ​ന്ന കാ​ര്യ​ത്തി​ൽ അ​വ​ർ​ക്കും സം​ശ​യ​മു​ണ്ടാ​യി​രു​ന്നി​ല്ല.

സു​ഷ​മാ​ജി​ക്ക് ഔ​പ​ചാ​രി​ക​ത​ക്ക​പ്പു​റ​മാ​യി കാ​ര്യ​മാ​യൊ​ന്നും പ​റ​യാ​നു​ണ്ടാ​യി​രു​ന്നി​ല്ല. ജ​നം കാ​ത്തി​രു​ന്ന​ത് സൗ​മി​നി ടീ​ച്ച​റു​ടെ അ​വ​ത​ര​ണ​ത്തി​നാ​യി​രു​ന്നു. പൊ​തു​വേ​ദി​യി​ൽ​നി​ന്ന് അ​ധി​കം കേ​ൾ​ക്കാ​ത്ത ശ​ബ്ദം. അ​വ​രാ​ക​ട്ടെ ആ​രെ​യും നി​രാ​ശ​പ്പെ​ടു​ത്തി​യ​തു​മി​ല്ല. ഈ ​സ്ഥാ​പ​നം ഭാ​വി​യി​ൽ എ​ന്തൊ​ക്കെ​യാ​ണ് ചെ​യ്യാ​ൻ പോ​കു​ന്ന​ത് എ​ന്ന​തി​നെ​പ്പ​റ്റി അ​വ​ർ​ക്ക് വ്യ​ക്ത​മാ​യ കാ​ഴ്ച​പ്പാ​ടു​ണ്ടാ​യി​രു​ന്നു. ഈ ​കു​ട്ടിക​ളി​ൽ പ​ല​രും അ​പ​ക​ർ​ഷ​താ​ബോ​ധ​ത്തോ​ടെ മ​റ്റു​ള്ള​വ​രി​ൽ​നി​ന്ന് അ​ക​ന്നു​നി​ൽ​ക്കാ​ൻ ശ്ര​മി​ക്കു​ന്ന​വ​രാ​ണ്.

പ്ര​ത്യേ​കി​ച്ചും ഇ​ട​ത്ത​ര​ക്കാ​രു​ടെ കു​ട്ടി​ക​ൾ. അ​വ​രെ എ​ങ്ങ​നെ ന​മ്മു​ടെ പൊ​തു​സ​മൂ​ഹ​വു​മാ​യി കൂ​ട്ടി​യി​ണ​ക്കാ​ൻ ക​ഴി​യും എ​ന്ന​താ​ണ് പ്ര​ശ്‍നം. ത​ങ്ങ​ൾ​ക്ക് കി​ട്ടു​ന്ന വി​വ​രം​വെ​ച്ച് അ​വ​രി​ൽ പ​ല​രും ഒ​രു​പാ​ട് ക​ഴി​വു​ക​ൾ ഉ​ള്ള​വ​രാ​ണ്. മ​റ​ഞ്ഞു കി​ട​ക്കു​ന്ന അ​ത്ത​രം ക​ഴി​വു​ക​ൾ ക​ണ്ടെ​ത്തി അ​വ​രെ സ​മൂ​ഹ​ത്തി​ന്റെ മു​ഖ്യ​ധാ​ര​യി​ലേ​ക്ക് കൊ​ണ്ടു​വ​രു​ക​യെ​ന്ന​താ​ണ് ഈ ​സ്ഥാ​പ​ന​ത്തി​​ന്റെ പ്ര​ധാ​ന ല​ക്ഷ്യ​ങ്ങ​ളി​ലൊ​ന്ന്. അ​വ​ർ​ക്ക് വേ​ണ്ട​ത് സി​മ്പ​തി​യ​ല്ല എ​മ്പ​തി​യാ​ണ്, സൗ​മി​നി ആ​വ​ർ​ത്തി​ച്ചു. അ​വ​രു​ടെ വി​കാ​രവി​ചാ​ര​ങ്ങ​ൾ അ​വ​രു​ടെ​ത​ന്നെ ക​ണ്ണി​ലൂ​ടെ കാ​ണാ​നു​ള്ള ശ്ര​മം.

അ​ത്ത​ര​മൊ​രു താ​ദാ​ത്മ്യംകൊ​ണ്ടേ ഉ​ദ്ദേ​ശി​ച്ച ഫ​ലം​കി​ട്ടാ​ൻ സാ​ധ്യ​തയു​ള്ളൂ... ഞ​ങ്ങ​ളു​ടെ പ്ര​വ​ർ​ത്ത​ന​ത്തി​​ന്റെ പു​രോ​ഗ​തി​യ​നു​സ​രി​ച്ചു ര​ണ്ടാം ഘ​ട്ട​ത്തി​ൽ വി​ദേ​ശ​ത്തു​നി​ന്ന് ചി​ല വി​ദ​ഗ്ധ​ന്മാ​രെ കൊ​ണ്ടു​വ​ന്നു പ​രി​ശീ​ല​നം ന​ട​ത്തി​ക്കാ​നും ആ​ലോ​ചി​ക്കു​ന്നു​ണ്ട്. ചു​രു​ക്ക​ത്തി​ൽ ഭാ​വി​യി​ൽ ഒ​രു മാ​തൃ​കാ സ്ഥാ​പ​ന​മാ​യി മാ​റി സം​സ്ഥാ​ന​ത്തി​​ന്റെ മ​റ്റു ഭാ​ഗ​ങ്ങ​ളി​ൽനി​ന്നു​ള്ള​വ​രെ​യും ഇ​തു​മാ​യി ബ​ന്ധ​പ്പെ​ടു​ത്താ​ൻ ക​ഴി​യ​ണം...

നീ​ണ്ടു​നി​ന്ന കൈ​യ​ടി​ക​ളോ​ടെ​യാ​ണ് പ​ന്ത​ലി​ലു​ള്ള​വ​ർ ആ ​അ​വ​ത​ര​ണ​ത്തെ സ്വീ​ക​രി​ച്ച​ത്. യോ​ഗ​ത്തി​നു​ശേ​ഷം സൗ​മി​നി​യെ മാ​റ്റി​നി​ർ​ത്തി അ​ഭി​ന​ന്ദി​ച്ച​ശേ​ഷം കേ​ണ​ൽ ലേ​ശം വി​കാ​ര​ഭ​രി​ത​നാ​യാ​ണ് സം​സാ​രി​ച്ച​ത്.

“എ​​ന്റെ മ​ന​സ്സി​ലു​ള്ള കാ​ര്യ​ങ്ങ​ൾ​ത​ന്നെ അ​ടു​ക്കും ചി​ട്ട​യു​മാ​യി ടീ​ച്ച​ർ വി​വ​രി​ക്കു​ന്ന​തു കേ​ട്ട​പ്പോ​ൾ സ​ത്യ​ത്തി​ൽ ക​ണ്ണു​ക​ൾ നി​റ​ഞ്ഞു​പോ​യി. നി​ങ്ങ​ൾ ആ​വ​ർ​ത്തി​ച്ച എ​മ്പ​തി ത​ന്നെ​യാ​ണ് ഇ​വി​ട​ത്തെ പ്ര​ധാ​ന പ്ര​ശ്‍നം. പ​ല​ർ​ക്കും അ​വ​രോ​ട് അ​നു​ക​മ്പ​യു​ണ്ട്. പ​ക്ഷേ, അ​വ​രു​ടെ മ​ന​സ്സു​മാ​യി താ​ദാ​ത്മ്യം സ്ഥാ​പി​ക്കാ​ൻ ശ്ര​മി​ക്കു​ന്നി​ല്ല. ടീ​ച്ച​ർ​ക്ക​റി​യാ​മ​ല്ലോ. ഞ​ങ്ങ​ളു​ടേ​ത് വ​ലി​യൊ​രു കൂ​ട്ടു​കു​ടും​ബ​മാ​ണ്. കു​ടും​ബ​ത്തി​ലെ ഒ​രു ആ​ൺ​കു​ട്ടി​ക്ക് ജ​ന്മ​നാ ഇ​ത്ത​രം വൈ​ക​ല്യ​ങ്ങ​ൾ ക​ണ്ട​തോ​ടെ അ​വ​​ന്റെ അ​ച്ഛ​ന​മ്മ​മാ​ർ വ​ല്ലാ​തെ ത​ള​ർ​ന്നു​പോ​യി.

വ​ള​രെ വൈ​കി പി​റ​ന്ന ഏ​ക സ​ന്താ​നം. കാ​ണാ​നും മി​ടു​ക്ക​ൻ. മ​റ്റു​ള്ള​വ​രു​ടെ കൂ​ട്ട​ത്തി​ൽ ഓ​ടി​ന​ട​ന്നു ക​ളി​ക്കു​ക​യും ചെ​യ്യും. പ​ക്ഷേ, ബു​ദ്ധി വേ​ണ്ട രീ​തി​യി​ൽ വ​ള​ർ​ന്നി​ട്ടി​ല്ലെ​ന്നു​ മാ​ത്രം. ആ​കാ​വു​ന്ന ചി​കി​ത്സ​ക​ളൊ​ക്കെ ചെ​യ്‌​തെ​ങ്കി​ലും യാ​തൊ​രു ഫ​ല​വും ക​ണ്ടി​ല്ല. അ​വ​ര​വ​നെ മാ​റ്റി​യി​രു​ത്തി ലാ​ളി​ക്കു​ക​യും ഭ​ക്ഷ​ണം കൊ​ടു​ക്കു​ക​യു​മൊ​ക്കെ ചെ​യ്യു​ന്ന​ത് ക​ണ്ട​പ്പോ​ൾ എ​നി​ക്കൊ​രു ഉ​പാ​യം തോ​ന്നി. പി​ന്നീ​ട് അ​വ​നെ ഞ​ങ്ങ​ളു​ടെ തീ​ൻ​മേ​ശ​യി​ൽ അ​ടു​ത്തി​രു​ത്താ​ൻ തു​ട​ങ്ങി. പ​തി​യെ ത​നി​ക്ക് വേ​ണ്ട വി​ഭ​വ​ങ്ങ​ൾ അ​വ​ൻ​ത​ന്നെ തെ​ര​ഞ്ഞെ​ടു​ത്തു ക​ഴി​ക്കു​ന്ന​ത് ക​ണ്ട​പ്പോ​ൾ ഉ​ണ്ടാ​യ സ​ന്തോ​ഷം...” കേ​ണ​ൽ ക​ണ്ണ് തു​ട​ച്ചു. അ​ൽ​പം ക​ഴി​ഞ്ഞേ അ​ദ്ദേ​ഹ​ത്തി​ന് തു​ട​രാ​നാ​യു​ള്ളൂ.

“അ​വ​നു ന​ന്നാ​യി സി​ത്താ​ർ വാ​യി​ക്കാ​ൻ ക​ഴി​യു​മെ​ന്ന് ഞ​ങ്ങ​ൾ മ​ന​സ്സി​ലാ​ക്കി​യ​ത് പി​ന്നീ​ടാ​ണ്. അ​വ​​ന്റെ ഒ​രു അ​മ്മാ​യി സി​ത്താ​ർ വാ​യി​ക്കു​ന്ന​തു കേ​ട്ട് അ​ടു​ത്തു ചെ​ന്നി​രു​ന്ന​താ​ണ​ത്രേ. അ​വ​നെ പ​രി​ശീ​ലി​പ്പി​ക്കാ​ൻ ഏ​ർ​പ്പാ​ട് ചെ​യ്ത ഗു​രു അ​തി​ശ​യത്തോ​ടെ പ​റ​ഞ്ഞ​ത് താ​ൻ പ​റ​ഞ്ഞു​കൊ​ടു​ക്കു​ന്ന പാ​ഠ​ങ്ങ​ൾ വ​ള​രെ എ​ളു​പ്പ​ത്തി​ൽ അ​വ​ന് മ​ന​സ്സി​ലാ​ക്കാ​ൻ ക​ഴി​യു​ന്നു എ​ന്നാ​ണ്. അ​ങ്ങ​നെ ഭാ​വി​യി​ൽ അ​വ​ൻ വ​ലി​യൊ​രു സി​ത്താ​റി​സ്റ്റ് ആ​യാ​ൽ അ​ത്ഭു​ത​പ്പെ​ടേ​ണ്ട​തി​ല്ലെ​ന്ന്.”

“അ​താ​ണ് ഞാ​ൻ സൂ​ചി​പ്പി​ച്ച​ത്, ഇ​ത്ത​രം പ​രി​മി​തി​ക​ളു​ള്ള പ​ല കു​ട്ടി​ക​ളു​ടെ​യും ഉ​ള്ളി​ൽ മ​റ​ഞ്ഞു​കി​ട​ക്കു​ന്ന ഒ​രു​പാ​ട് ക​ഴി​വു​ക​ൾ ക​ണ്ടേ​ക്കു​മെ​ന്ന്. അ​വ​രു​ടെ ഉ​ള്ളി​ൽ താ​ള​മു​ണ്ട്, ല​യ​മു​ണ്ട്. ചി​ല​ർ​ക്ക് ഫ്ലൂ​ട്ട് വാ​യി​ക്കാ​ൻ പ​റ്റും, മ​റ്റു ചി​ല​ർ​ക്ക് ത​ബ​ല​യും. പ​ക്ഷേ ത​ക്ക സ​മ​യ​ത്തു​ത​ന്നെ അ​തൊ​ക്കെ ക​ണ്ടെ​ത്തി വ​ള​ർ​ത്തി​യെ​ടു​ക്ക​ലാ​ണ് പ്ര​ധാ​ന കാ​ര്യം. താ​ങ്ക​ളെ​പ്പോ​ലെ ചു​റ്റു​പാ​ടു​ള്ള​വ​ർ​ക്ക് അ​ത് എ​ളു​പ്പ​ത്തി​ൽ സാ​ധി​ച്ചേ​ക്കും. പ​ക്ഷേ, പാ​വ​ങ്ങ​ളു​ടെ കാ​ര്യ​ത്തി​ലോ?”

“സ​ത്യ​മാ​ണ്, ടീ​ച്ച​ർ​ത​ന്നെ ഇ​ക്കാ​ര്യ​ത്തി​ൽ മു​ൻ​കൈ​യെ​ടു​ത്താ​ൽ എ​ന്തു​വേ​ണ​മെ​ങ്കി​ലും ചെ​യ്യാ​ൻ ലാ​ലാ​ജി കു​ടും​ബം ത​യാ​റാ​ണ്. ഒ​രുപ​ക്ഷേ ലാ​ലാ​ജി​യു​ടെ ആ​ത്മാ​വാ​യി​രി​ക്കും അ​തി​ൽ ഏ​റ്റ​വും കൂ​ടു​ത​ൽ സ​ന്തോ​ഷി​ക്കു​ക.”

“എ​നി​ക്ക് മാ​ർ​ഗ​നി​ർ​ദേ​ശം കൊ​ടു​ക്കാ​നേ ക​ഴി​യൂ...”

“കു​ഴ​പ്പ​മി​ല്ല, അ​തി​നു​വേ​ണ്ട സ​പ്പോ​ർ​ട്ട് സി​സ്റ്റം ഞ​ങ്ങ​ൾ​ത​ന്നെ ഒ​രു​ക്കി​ത്ത​രാം. വാ​സ്ത​വ​ത്തി​ൽ, ടീ​ച്ച​ർ അ​ന്ന് സ്കൂ​ളി​ൽ​നി​ന്നു​പോ​ന്ന​ത് ന​ന്നാ​യെ​ന്ന് തോ​ന്നു​ന്നു. ഇ​ത്ത​രം കാ​ര്യ​ങ്ങ​ളി​ലാ​ണ് സ​മൂ​ഹം ടീ​ച്ച​റു​ടെ നേ​തൃ​ത്വം ആ​ഗ്ര​ഹി​ക്കു​ക.”

“അ​യ്യോ, ടീ​ച്ചി​ങ് എ​​ന്റെ പ്ര​ധാ​ന ക​ർ​മ​മേ​ഖ​ല​യാ​ണ്. അ​തെ​നി​ക്ക് മ​റ​ക്കാ​നാ​വി​ല്ല.”

“ആ​യി​ക്കോ​ട്ടെ. പ​ക്ഷേ, ശാ​ന്തി​ന​ഗ​ർ സൗ​മി​നി ടീ​ച്ച​റെ​പ്പോ​ലെ ഒ​രു അ​പൂ​ർ​വ വ്യ​ക്തി​യി​ൽ​നി​ന്ന് ഇ​തി​ൽ കൂ​ടു​ത​ൽ ആ​ഗ്ര​ഹി​ക്കു​ന്നു. പി​ന്നെ ഞ​ങ്ങ​ളു​ടെ ട്ര​സ്റ്റ് ടീ​ച്ച​റെ വേ​റെ ചി​ല ഉ​ത്ത​ര​വാ​ദി​ത്ത​ങ്ങ​ൾ​കൂ​ടി ഏ​ൽ​പി​ക്കാ​ൻ ഉ​ദ്ദേ​ശി​ക്കു​ന്നു​ണ്ട്. അ​തൊ​ക്കെ വ​ഴി​യെ പ​റ​യാം.”

പി​ന്നീ​ട് കേ​ണ​ലി​​ന്റെ മു​ഖ​ത്തു കാ​ണാ​നാ​യ ക​ള്ള​ച്ചി​രി​യു​ടെ പൊ​രു​ൾ തേ​ടു​കയാ​യി​രു​ന്നു സൗ​മി​നി.

(തു​ട​രും)

(ചിത്രീകരണം: സതീഷ്​ ചളിപ്പാടം)