ദേ​ശീ​യ​പ​താ​ക​യോ​ട് സം​ഘ്പ​രി​വാ​റി​ന് പൊ​ടു​ന്ന​നേ സ്നേ​ഹം തോ​ന്നാ​ൻ കാ​ര​ണ​മെ​ന്താ​ണ്?; പോളിസ്റ്റർ പതാക പാറിക്കുന്നത് ആർക്ക് വേണ്ടി ?

2024ലെ ​ലോ​ക്സ​ഭ തെ​ര​ഞ്ഞെ​ടു​പ്പി​ന്​ ​പാ​ർ​ട്ടി​യെ സ​ജ്ജ​മാ​ക്കാ​ൻ ഈ ​മാ​സ​മാ​ദ്യം ഹൈ​ദ​രാ​ബാ​ദി​ൽ ചേ​ർ​ന്ന ബി.​ജെ.​പി ദേ​ശീ​യ നി​ർ​വാ​ഹ​ക​സ​മി​തി​യു​ടെ പ്ര​ധാ​ന പ്ര​ഖ്യാ​പ​ന​മാ​യി​രു​ന്നു 'ഹ​ർ ഘ​ർ തി​ര​ങ്ക' (എ​ല്ലാ വീ​ട്ടി​ലും ത്രി​വ​ർ​ണ പ​താ​ക). സ്വാ​ത​ന്ത്ര്യ​ല​ബ്ധി​യു​ടെ 75ാം വാ​ർ​ഷി​കാ​ഘോ​ഷ​ത്തി​ന്റെ ഭാ​ഗ​മാ​യി 20 കോ​ടി വീ​ടു​ക​ൾ​ക്ക്​ മു​ക​ളി​ൽ ദേ​ശീ​യ​പ​താ​ക ഉ​യ​ർ​ത്തു​ന്ന പ​രി​പാ​ടി​വ​ഴി രാ​ജ്യ​മൊ​ട്ടു​ക്കു​മു​ള്ള കു​ടും​ബ​ങ്ങ​ളി​ലേ​ക്ക് ക​ട​ന്നു​ചെ​ല്ലാ​ൻ ക​ഴി​യു​ന്ന പാ​ർ​ട്ടി ക​ർ​മ​പ​ദ്ധ​തി​യാ​യാ​ണ്​ ഇ​ത് വി​ശ​ദീ​ക​രി​ക്ക​പ്പെ​ട്ട​ത്.

മൂ​ന്നാ​ഴ്ച ക​ഴി​ഞ്ഞ​പ്പോ​ൾ രാ​ജ്യ​ത്തെ എ​ല്ലാ വീ​ടു​ക​ളി​ലും ആ​ഗ​സ്റ്റ്​ 13 മു​ത​ൽ 15വ​രെ ദേ​ശീ​യ​പ​താ​ക ഉ​യ​ർ​ത്തു​ന്ന 'ഹ​ർ ഘ​ർ തി​ര​ങ്ക' പ​ദ്ധ​തി​യി​ൽ പ​ങ്കു​ചേ​രാ​ൻ ട്വീ​റ്റു​ക​ളി​ലൂ​ടെ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത്​ ഷാ​യും ആ​ഹ്വാ​നം​ചെ​യ്തു. അ​തോ​ടെ സം​ഭ​വം കേ​ന്ദ്ര​സ​ർ​ക്കാ​റി​ന്റെ ഔ​ദ്യോ​ഗി​ക പ​രി​പാ​ടി​യെ​ന്ന മ​ട്ടി​ലാ​യി. ബി.​ജെ.​പി കേ​ന്ദ്ര​നേ​താ​ക്ക​ളും കേ​ന്ദ്ര​മ​ന്ത്രി​മാ​രും സ​മൂ​ഹ​മാ​ധ്യ​മ​ങ്ങ​ളി​ൽ ഇ​തൊ​രു കാ​മ്പ​യി​നാ​ക്കി മാ​റ്റു​ക​യും ചെ​യ്തു. പി​ന്നാ​ലെ ദേ​ശീ​യ​പ​താ​ക ഉ​യ​ർ​ത്തു​ന്ന​ത്​ സം​ബ​ന്ധി​ച്ച മാ​ർ​ഗ​നി​ർ​ദേ​ശ​ങ്ങ​ൾ കേ​ന്ദ്ര​സ​ർ​ക്കാ​ർ ശ​നി​യാ​ഴ്ച വൈ​കീ​ട്ട്​ പു​റ​ത്തി​റ​ക്കി​യ​പ്പോ​ഴാ​ണ്​ മാ​സ​ങ്ങ​ൾ മു​മ്പെ ന​ട​ത്തി​യ ആ​സൂ​ത്ര​ണ​ങ്ങ​ൾ ച​ർ​ച്ച​യി​ലേ​ക്ക്​ വ​രു​ന്ന​ത്.

കൈ​ത്ത​റി​യി​ൽ ഒ​രു​ക്കി​യ ഖാ​ദി കൊ​ണ്ടു മാ​ത്ര​മേ ദേ​ശീ​യ​പ​താ​ക​യു​ണ്ടാ​ക്കാ​വൂ എ​ന്നാ​യി​രു​ന്നു തു​ട​ക്കം​മു​ത​ലേ​യു​ള്ള വ്യ​വ​സ്ഥ. ഇ​ത് ക​ഴി​ഞ്ഞ ഡി​സം​ബ​ർ 30ന്​ ​കേ​ന്ദ്ര​സ​ർ​ക്കാ​ർ ഭേ​ദ​ഗ​തി ചെ​യ്തു. അ​ത്​ പ്ര​കാ​രം മെ​ഷീ​ൻ നി​ർ​മി​ത കോ​ട്ട​ണും സി​ൽ​ക്കും പോ​ളി​സ്റ്റ​റും ഉ​പ​യോ​ഗി​ച്ച്​ ദേ​ശീ​യ​പ​താ​ക​ക​ൾ ഉ​ണ്ടാ​ക്കാ​മെ​ന്ന വ്യ​വ​സ്ഥ വ​ന്നു. സൂ​ര്യോ​ദ​യം മു​ത​ൽ സൂ​ര്യാ​സ്ത​മ​യം വ​രെ മാ​ത്ര​മേ ദേ​ശീ​യ​പ​താ​ക പാ​റി​ക്കാ​വൂ എ​ന്ന വ്യ​വ​സ്ഥ, പ​താ​ക രാ​വും പ​ക​ലും പാ​റി​ക്കാം എ​ന്നാ​ക്കി ജൂ​ലൈ 20ന് ​പ​താ​ക​ച​ട്ടം വീ​ണ്ടും ഭേ​ദ​ഗ​തി ചെ​യ്തു.

ഈ​യ​ടു​ത്ത കാ​ലം വ​രെ നാ​ഗ്പു​രി​ലെ കേ​ന്ദ്ര കാ​ര്യാ​ല​യ​ത്തി​ൽ​ ഉ​യ​ർ​ത്താ​ൻ ത​യാ​റാ​വാ​ത്ത ദേ​ശീ​യ​പ​താ​ക​യോ​ട് സം​ഘ്പ​രി​വാ​റി​ന് പൊ​ടു​ന്ന​നേ സ്നേ​ഹം തോ​ന്നാ​ൻ കാ​ര​ണ​മെ​ന്താ​ണ്? ദേ​ശീ​യ​പ​താ​ക​യേ​ന്തി, സ​ർ​ഫ​റോ​ഷി കി ​ത​മ​ന്ന ആ​ല​പി​ച്ച് സ​മാ​ധാ​ന​പ​ര​മാ​യി സ​മ​രം ന​ട​ത്തു​ന്ന വി​​ദ്യാ​ർ​ഥി​ക​ൾ ഉ​ൾ​പ്പെ​ടെ​യു​ള്ള പൗ​ര​ത്വ​സ​മ​ര​ക്കാ​ർ​ക്കു​നേ​രെ വെ​ടി​യു​തി​ർ​ക്കാ​ൻ ആ​ളെ പ​റ​ഞ്ഞ​യ​ച്ച​വ​ർ ഇ​പ്പോ​ൾ രാ​പ്പ​ക​ൽ ദേ​ശീ​യ​പ​താ​ക​യെ​ക്കു​റി​ച്ച് സം​സാ​രി​ക്കു​ന്ന​ത് എ​ന്തു​കൊ​ണ്ടാ​ണ്? ഏ​റെ പ​ണി​പ്പെ​ട്ടി​ട്ടും കാ​വി​ക്കൊ​ടി​യോ​ട് അ​ടു​ക്കാ​ൻ കൂ​ട്ടാ​ക്കാ​ത്ത രാ​ജ്യ​ത്തെ വ​ലി​യൊ​രു​വി​ഭാ​ഗ​ത്തെ ത​ങ്ങ​ളി​ലേ​ക്ക്​ അ​ടു​പ്പി​ക്കു​ക​യാ​ണ് ഈ ​കാ​മ്പ​യി​ൻ കൊ​ണ്ട് അ​വ​ർ ഉ​ദ്ദേ​ശി​ക്കു​ന്ന രാ​ഷ്ട്രീ​യ​ല​ക്ഷ്യം. എ​ന്നാ​ൽ, അ​തി​ന​പ്പു​റ​മു​ള്ള സാ​മ്പ​ത്തി​ക താ​ൽ​പ​ര്യ​ങ്ങ​ളും ഈ ​കാ​മ്പ​യി​നി​ലും അ​തി​നു മു​​ന്നോ​ടി​യാ​യി ന​ട​ത്തി​യ ച​ട്ട​ഭേ​ദ​ഗ​തി​യി​ലു​മു​ണ്ട്. എ​ന്നാ​ൽ, ബി.​ജെ.​പി​യു​ടെ രാ​ഷ്ട്രീ​യ​ത​ന്ത്ര​ങ്ങ​ളു​ടെ വ്യാ​പ്തി​യെ​ക്കു​റി​ച്ച് ഒ​രു ചു​ക്കു​മ​റി​യി​ല്ലെ​ന്ന് വ്യ​ക്​​ത​മാ​ക്കു​ന്ന​താ​യി​രു​ന്നു 'ഹ​ർ ഘ​ർ തി​ര​ങ്ക' കാ​മ്പ​യി​നോ​ടു​ള്ള പ്ര​തി​പ​ക്ഷ പ്ര​തി​ക​ര​ണ​ങ്ങ​ൾ.

ആ​ർ​ക്കു​വേ​ണ്ടി​യാ​യി​രു​ന്നു ഈ ​ച​ട്ട​മാ​റ്റം?

ഖാ​ദി​മേ​ഖ​ല​ക്ക് എ​ക്കാ​ല​വും ഉ​ണ​ർ​വു​പ​ക​രാ​റു​ണ്ട് സ്വാ​ത​ന്ത്ര്യ​ദി​ന, റി​പ്പ​ബ്ലി​ക്​ ദി​ന വേ​ള​ക​ൾ. ഖാ​ദി​യു​ടെ പി​ന്നി​ലെ ലാ​ളി​ത്യ ആ​ദ​ർ​ശ​ത്തെ കൈ​യൊ​ഴി​ഞ്ഞു​വെ​ങ്കി​ലും ച​ട്ട​ത്തി​ലെ നി​ബ​ന്ധ​ന​മൂ​ലം കൈ​ത്ത​റി ഖ​ദ​ർ തു​ണി​യി​ൽ ത​യാ​റാ​ക്കി​യ ദേ​ശീ​യ​പ​താ​ക ചേ​ർ​ത്തു​പി​ടി​ക്കാ​ൻ നി​ർ​ബ​ന്ധി​ത​രാ​യി​രു​ന്നു രാ​ജ്യ​ത്തെ സ​ക​ല​രാ​ഷ്ട്രീ​യ​ക്കാ​രും. പി​ന്നീ​ട് ഖ​ദ​ർ സി​ൽ​ക്കി​ലും വൂ​ളി​ലും പ​താ​ക നി​ർ​മി​ക്കാ​ൻ അ​നു​മ​തി ന​ൽ​കി​യി​രു​ന്നു​വെ​ങ്കി​ലും കൃ​ത്രി​മ​ത്തു​ണി​ത്ത​ര​ങ്ങ​ൾ​കൊ​ണ്ട് ദേ​ശീ​യ​പ​താ​ക അ​നു​വ​ദ​നീ​യ​മാ​യി​രു​ന്നി​ല്ല. പി​ന്നെ എ​ന്തു​കൊ​ണ്ടാ​ണ് ഇ​പ്പോ​ൾ പോ​ളി​സ്റ്റ​റി​ലും പ​താ​ക നി​ർ​മി​ക്കാ​ൻ അ​നു​മ​തി ന​ൽ​കി​യ​ത്? ഖാ​ദി​ത്തു​ണി ആ​വ​ശ്യ​ത്തി​ന് കി​ട്ടാ​ഞ്ഞി​ട്ടാ​ണോ എ​ന്ന ചോ​ദ്യ​ത്തി​ന് പ്ര​സ​ക്തി​യേ ഇ​ല്ല. രാ​ജ്യ​ത്തെ ആ​യി​ര​ക്ക​ണ​ക്കി​ന് ഖാ​ദി ഭ​ണ്ഡാ​റു​ക​ളി​ൽ സൂ​ക്ഷി​ച്ചി​രി​ക്കു​ന്ന ഖ​ദ​ർ തു​ണി​ശേ​ഖ​രം അ​ത്ര​യേ​റെ​യു​ണ്ട്.

പോ​ളി​സ്റ്റ​റി​ന് അ​നു​മ​തി ന​ൽ​കി​യ പ​താ​ക​ച​ട്ട ഭേ​ദ​ഗ​തി റ​ദ്ദാ​ക്ക​ണ​മെ​ന്നാ​വ​ശ്യ​പ്പെ​ട്ട് ചെ​ങ്കോ​ട്ട​യി​​ലും രാ​ഷ്ട്ര​പ​തി ഭ​വ​നി​ലു​മ​ട​ക്കം ഉ​യ​ർ​ത്താ​നു​ള്ള ദേ​ശീ​യ​പ​താ​ക ത​യാ​റാ​ക്കു​ന്ന, ബ്യൂ​റോ ഓ​ഫ് ബി​സി​ന​സ് സ്റ്റാ​ന്റേ​ഡ്സ് (ബി.​ഐ.​എ​സ്) അം​ഗീ​കാ​ര​മു​ള്ള ഏ​ക ദേ​ശീ​യ​പ​താ​ക യൂ​നി​റ്റാ​യ ഹു​ബ്ബ​ള്ളി ബെ​ൻ​ഗേ​രി​യി​ലു​ള്ള ക​ർ​ണാ​ട​ക ഖാ​ദി ​​ഗ്രാ​മോ​ദ്യോ​ഗ് സം​യു​ക്ത സം​ഘം പ്ര​വ​ർ​ത്ത​ക​ർ പ്ര​ധാ​ന​മ​ന്ത്രി​ക്കും ആ​ഭ്യ​ന്ത​ര​മ​ന്ത്രി​ക്കും മാ​സ​ങ്ങ​ൾ​ക്ക് മു​മ്പേ ക​ത്ത​യ​ച്ചി​രു​ന്നു. ഒ​രു പ്ര​തി​ക​ര​ണ​വു​മു​ണ്ടാ​യി​ല്ല. വ​ർ​ഷം​തോ​റും ര​ണ്ട​ര​ക്കോ​ടി രൂ​പ​യു​ടെ പ​താ​ക ത​യാ​റാ​ക്കാ​ൻ ഓ​ർ​ഡ​ർ ല​ഭി​ക്കു​ന്ന സം​ഘ​ത്തി​ന് സ്വാ​ത​ന്ത്ര്യ​ദി​ന​വും ഹ​ർ ഘ​ർ തി​രം​ഗ പ​ദ്ധ​തി​യും പ​ടി​വാ​തി​ൽ​ക്ക​ൽ നി​ൽ​ക്കു​മ്പോ​ഴും സാ​ധാ​ര​ണ ല​ഭി​ക്കു​ന്ന ഓ​ർ​ഡ​റി​ന്റെ പ​കു​തി പോ​ലും ല​ഭി​ച്ചി​ട്ടി​ല്ല. കോ​വി​ഡ് പ്ര​തി​സ​ന്ധി​മൂ​ലം ഏ​റെ ത​ക​ർ​ച്ച നേ​രി​ട്ട ഖാ​ദി- സ്ത്രീ​ശാ​ക്തീ​ക​ര​ണ സം​രം​ഭ​ങ്ങ​ൾ ദേ​ശീ​യ​പ​താ​ക നി​ർ​മാ​ണ​ത്തി​ലൂ​ടെ പി​ടി​ച്ചു​നി​ൽ​ക്കാ​ൻ ശ്ര​മി​ക്ക​വെ​യാ​ണ് ഇ​ങ്ങ​നെ​യൊ​രു തി​രി​ച്ച​ടി.

കാ​ർ​ഷി​ക​ന​യ​ങ്ങ​ളാ​വ​ട്ടെ, ഇ​റ​ക്കു​മ​തി ന​യ​ങ്ങ​ളാ​വ​ട്ടെ ഓ​രോ തീ​രു​മാ​ന​ങ്ങ​ളും ഭേ​ദ​ഗ​തി​ക​ളും ത​ങ്ങ​ളു​ടെ ച​ങ്ങാ​തി​മാ​രാ​യ മു​ത​ലാ​ളി​മാ​ർ​ക്ക് നേ​ട്ട​വും ലാ​ഭ​വും സ​മ്മാ​നി​ക്കു​ന്ന​താ​വ​ണ​മെ​ന്ന് കേ​ന്ദ്ര​സ​ർ​ക്കാ​റി​ന് നി​ർ​ബ​ന്ധ​മു​ണ്ട്.

രാ​ജ്യ​ത്തെ പൊ​തു​മേ​ഖ​ലാ ബാ​ങ്കു​ക​ൾ​ക്ക് 29,500 കോ​ടി രൂ​പ​യു​ടെ കു​ടി​ശ്ശി​ക വ​രു​ത്തി​യ മും​ബൈ​യി​ലെ അ​ലോ​ക് ഇ​ൻ​ഡ​സ്ട്രീ​സ് എ​ന്ന തു​ണി ഉ​ൽ​പാ​ദ​ക ക​മ്പ​നി​യെ കേ​ന്ദ്ര​സ​ർ​ക്കാ​റി​ന്റെ ഹെ​യ​ർ​ക​ട്ട് എ​ന്ന ചു​ളു​വി​ല ക​ച്ച​വ​ടം വ​ഴി വെ​റും 5000 കോ​ടി രൂ​പ​ക്ക് സ്വ​ന്ത​മാ​ക്കി​യോ​ടെ രാ​ജ്യ​ത്തെ ഏ​റ്റ​വും വ​ലി​യ പോ​ളി​സ്റ്റ​ർ ഉ​ൽ​പാ​ദ​ക​രാ​യി മാ​റി​യി​രി​ക്കു​ന്നു അം​ബാ​നി​യു​ടെ റി​ല​യ​ൻ​സ് ഇ​ൻ​ഡ​സ്ട്രീ​സ് ലി​മി​റ്റ​ഡ്. രാ​ജ്യ​ത്ത് ഉ​ൽ​പാ​ദി​പ്പി​ക്കു​ന്ന പോ​ളി​സ്റ്റ​ർ പ​താ​ക​ക​ളി​ൽ ഭൂ​രി​ഭാ​ഗ​വും എ​വി​ടെ നി​ന്നാ​യി​രി​ക്കു​മെ​ന്ന​തി​നെ​പ്പ​റ്റി ഇ​നി കൂ​ടു​ത​ൽ പ​റ​യേ​ണ്ട​തി​ല്ല​ല്ലോ.

കാ​മ്പ​യി​ന്റെ ഭാ​ഗ​മാ​യി കോ​ടി​ക്ക​ണ​ക്കി​ന് രൂ​പ​യു​ടെ ​കൊ​ടി സ​ർ​ക്കാ​റും വി​വി​ധ സ​ർ​ക്കാ​ർ വ​കു​പ്പു​ക​ളും അ​ർ​ധ​സ​ർ​ക്കാ​ർ സ്ഥാ​പ​ന​ങ്ങ​ളും വി​ല​കൊ​ടു​ത്തു​വാ​ങ്ങി വി​ത​ര​ണം ചെ​യ്യും. ദേ​ശീ​യ​പ​താ​ക​യോ​ടു​ള്ള ആ​ദ​ര​വു​മൂ​ലം നി​ർ​മാ​ണ യൂ​നി​റ്റി​ൽ ക​യ​റു​ന്ന​തി​ന് മു​മ്പ് ചെ​രി​പ്പു​പോ​ലും അ​ഴി​ച്ച് പു​റ​ത്തി​ടു​ന്ന ഗ്രാ​മീ​ണ​സ്​​ത്രീ​ക​ൾ നി​ർ​മി​ക്കു​ന്ന പ​താ​ക​ക​ൾ ഖാ​ദി ഭ​ണ്ഡാ​റി​ൽ കെ​ട്ടി​ക്കി​ട​ക്കു​മ്പോ​ൾ സ​ർ​ക്കാ​ർ ഖ​ജ​നാ​വി​ൽ​നി​ന്ന് കോ​ടി​ക​ൾ കു​ത്ത​ക മു​ത​ലാ​ളി​യു​ടെ ഭ​ണ്ഡാ​ര​ത്തി​ലേ​ക്ക് പോ​കു​മെ​ന്ന് സ്പ​ഷ്ടം. ഒ​പ്പം ശ​ത്രു​ക്ക​ളെ നേ​രി​ടു​ന്ന​തി​നെ​ക്കു​റി​ച്ച് പ്ര​ധാ​ന​മ​ന്ത്രി വീ​മ്പു​പ​റ​യു​ന്ന നേ​ര​​ത്ത് ഇ​ന്ത്യ​ൻ അ​തി​ർ​ത്തി​യി​ൽ ക​ട​ന്നു​ക​യ​റി റോ​ഡും ഗ്രാ​മ​ങ്ങ​ളും വ​രെ നി​ർ​മി​ച്ച ചൈ​ന​യി​ൽ ഉ​ൽ​പാ​ദി​പ്പി​ക്ക​പ്പെ​ട്ട ക​ണ്ടെ​യി​ന​ർ ക​ണ​ക്കി​ന് പ​താ​ക​ക​ളും ഇ​ന്ത്യ​യി​ൽ പാ​റി​ക്ക​ളി​ക്കും. മു​വ​ർ​ണ​ക്കൊ​ടി​യെ മു​ഖ​ത്ത് പ​റ്റി​യ വി​യ​ർ​പ്പ് തു​ട​ക്കാ​നു​ള്ള തു​ണി​ക്ക​ണ്ട​മാ​ക്കാ​ൻ മ​ടി​യി​ല്ലാ​ത്ത​വ​ർ​ക്ക് അ​തി​ലൊ​ക്കെ എ​ന്ത് പ്ര​യാ​സം തോ​ന്നാ​ൻ!