അറിഞ്ഞില്ലേ, കഴിഞ്ഞ രാത്രി ചന്ദ്രൻ നമ്മുടെ തൊട്ടടുത്തുണ്ടായിരുന്നു; ഇതാണ്​ ചിത്രം

2021 ലെ ആദ്യ സൂപ്പർ മൂണായിരുന്നു കഴിഞ്ഞ രാത്രി കടന്നു പോയത്. പഴുത്തു തുടങ്ങിയ സിന്ദൂര മാമ്പഴം പോലെ ഇന്നലെ രാത്രി മാനത്ത്​ തിളങ്ങി നിന്നിരുന്ന ചന്ദ്ര​െൻറ ചിത്രങ്ങൾ പങ്കുവെക്കുന്ന ഹരത്തിലാണ്​ സാമൂഹിക മാധ്യമങ്ങളിൽ പലരുമി​പ്പോൾ. ചന്ദ്ര​െൻറ തിളങ്ങി നിൽക്കുന്ന ചിത്രങ്ങൾ നാഷനൽ എയറോനോട്ടിക്​സ്​ ആൻഡ്​ സ്​പേസ്​ അഡ്​മിനിസ്​ട്രേഷൻ (നാസ) യും പങ്കുവെച്ചിട്ടുണ്ട്​.

സാധാരണയിലും കവിഞ്ഞ വലിപ്പവും തിളക്കവും തോന്നിച്ച ചന്ദ്ര​െൻറ ചിത്രങ്ങൾ പങ്കുവെക്കുന്നതിനിടയിൽ എന്താണ്​ സൂപ്പർ മൂണെന്ന ചർച്ചയും സജീവമാണ്​. ചന്ദ്രനൊക്ക ഇങ്ങടുത്തെത്തി, ലോകാവസാനമായി എന്ന അതിശയോക്​തി കലർത്തിയ പ്രചരണങ്ങളും ചൂടുപിടിക്കുന്നുണ്ട്​.

പൂർണ ചന്ദ്രൻ അതി​െൻറ ഭ്രമണപഥത്തിലെ, ഭൂമിയോട്​ ഏറ്റവും അടുത്ത സ്​ഥലത്തെത്തുന്നതാണ്​ സൂപ്പർ മൂണെന്ന്​ പറയുന്ന പ്രതിഭാസം. പിങ്ക്​ നിറത്തിൽ തിളങ്ങി നിൽക്കുന്നതുകൊണ്ട്​ പിങ്ക്​ മൂണെന്നും വിളിക്കാറുണ്ട്​. ചന്ദ്ര​െൻറ ഭ്രമണപഥം പൂർണ വൃത്താകൃതിയിലോ ഭൂമിയുടെ അതേ രൂപത്തിലോ അല്ലാത്തതിനാൽ, പല സ്​ഥാനത്തുനിന്നും ഭൂമിയിലേക്കുള്ള ദൂരം പലതാണ്​. എന്നാലും, സാധാരണയായി ചന്ദ്രനിൽ നിന്ന്​ ഭൂമിയിലേക്കുള്ള ശരാശരി ദൂരമായി കണക്കാക്കുന്നത്​ 3,82,900 കിലോ മീറ്ററാണ്​. ചില ദിവസങ്ങളിൽ ചന്ദ്രൻ ഭൂമിയോട്​ അടുക്കുകയും ചില ദിവസങ്ങളിൽ അകലുകയും ചെയ്യും.

ഒാരോ ചന്ദ്ര മാസത്തിലും ഭൂമിയും ചന്ദ്രനും തമ്മിലുള്ള ഇൗ അകലം വ്യത്യാസപ്പെടും. ഏറ്റവും അടുത്തെത്തുന്ന സ്​ഥാനവും അകലുന്ന സ്​ഥാനവുമൊക്ക ഇങ്ങനെ മാറും. സൂപ്പർ മൂൺ പ്രതിഭാസമുണ്ടാകു​േമ്പാൾ ഭുമിയും ചന്ദ്രനും തമ്മിലുള്ള അകലം 358000 കിലോമീറ്ററായി കുറയും.

അടുത്തെത്തുന്ന ചന്ദ്ര​െൻറ വലുപ്പവും തിളക്കവും കൂടിയതായി തോന്നുക സ്വഭാവികമാണ്​. എന്നാൽ, ച​ന്ദ്ര​െൻറ  ഇൗ വ്യത്യാസങ്ങൾ എല്ലായ്​പോയും കണ്ണുകൊണ്ട്​ തിരിച്ചറിയാനാകില്ല.