ബെർലിൻ: ബസ് യാത്രക്കിടെ ആറുപേരെ കത്തികൊണ്ട് കുത്തിപ്പരിക്കേൽപിച്ച കേസിൽ 32കാരി അറസ്റ്റിൽ. ജർമൻ പൗരയാണ് അറസ്റ്റിലായത്. കൊളോണിന് കിഴക്കുള്ള സീഗനിലാണ് ആക്രമണം നടന്നത്.
വെള്ളിയാഴ്ച വൈകീട്ട് 7.40നായിരുന്നു സംഭവം. പരിക്കേറ്റവരിൽ മൂന്നുപേരുടെ നില ഗുരുതരമാണെന്ന് പൊലീസ് അറിയിച്ചു. പ്രാദേശിക ഉത്സവത്തിൽ പങ്കെടുക്കാൻ പോകുന്ന 40 യാത്രക്കാരാണ് ബസിലുണ്ടായിരുന്നത്. 16 മുതൽ 30 വരെ വയസ്സുള്ളവർക്കാണ് പരിക്കേറ്റത്. ഇവരിൽ മൂന്നുപേർ പ്രാഥമിക ചികിത്സക്കു ശേഷം ശനിയാഴ്ച രാവിലെയോടെ ആശുപത്രി വിട്ടു.
സംഭവത്തിന് പിന്നിൽ മത, രാഷ്ട്രീയ ഉദ്ദേശ്യമുണ്ടെന്നതിന് തെളിവ് ലഭിച്ചില്ലെന്ന് അധികൃതർ അറിയിച്ചു.
നോർത്ത് റൈൻ -വെസ്റ്റ്ഫാലിയ സ്റ്റേറ്റിലെ സോളിംഗനിൽ മൂന്നുപേരെ കത്തികൊണ്ട് കുത്തി കൊലപ്പെടുത്തുകയും എട്ടുപേരെ പരിക്കേൽപിക്കുകയും ചെയ്ത സംഭവം നടന്ന് ഒരാഴ്ചക്കു ശേഷമാണ് സീഗനിലെ കത്തിക്കുത്ത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.