ഇസ്ലാമാബാദ്: പ്രധാനമന്ത്രി നരേന്ദ്ര മോദിയെപോലെ ഭരണക്കസേരയിലിരിക്കാനല്ല, വിദേശപര്യടനം നടത്താനാണ് പാക് പ്രധാനമന്ത്രി നവാസ് ശരീഫിനും താല്‍പര്യം. കോടികള്‍ ചെലവഴിച്ച് അഞ്ചുദിവസം കൂടുമ്പോള്‍ ശരീഫ് വിദേശയാത്ര നടത്തുന്നുണ്ടെന്നാണ് റിപ്പോര്‍ട്ടുകള്‍. 185 ദിവസം നവാസ് ശരീഫ് വിദേശയാത്ര നടത്തിയതായി വിദേശകാര്യ മന്ത്രാലയം ദേശീയ അംസംബ്ളിയില്‍ അറിയിച്ചു. 2013 ജൂണിലാണ് ശരീഫ് പ്രധാനമന്ത്രിയായി ചുമതലയേറ്റത്. 17 തവണയാണ് ബ്രിട്ടന്‍ സന്ദര്‍ശിച്ചത്. രണ്ടുമാസത്തിലേറെ അവിടെ തങ്ങുകയും ചെയ്തു. നിരവധി തവണ അമേരിക്കയില്‍ പോയ ശരീഫ് 18 ദിവസം അവിടെ തങ്ങി. എല്ലാ വര്‍ഷവും തുര്‍ക്കിയിലേക്ക് ട്രിപ്പടിക്കുന്ന പാക് പ്രധാനമന്ത്രി അഞ്ചുതവണ സൗദി അറേബ്യ സന്ദര്‍ശിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.