വാഷിങ്ടൺ: കോവാക്സിന്‍റെ അടിയന്തര ഉപയോഗത്തിന് ലോകാരോഗ്യ സംഘടനയോട് അനുമതി തേടി മരുന്ന് നിർമാതാക്കളായ ഭാരത് ബയോടെക്. ഇതിനായി ഭാരത് ബയോടെക് 90 ശതമാനം രേഖകളും സമർപ്പിച്ചുവെന്നാണ് റിപ്പോർട്ട്.
ബാക്കിയുള്ള രേഖകൾ ജൂണിനകം സമർപ്പിക്കുമെന്നാണ് സൂചന. വൈകാതെ തന്നെ കോവാക്സിൻ അടിയന്തരമായി ഉപയോഗിക്കാനുള്ള അനുമതി ലോകാരോഗ്യ സംഘടന നൽകുമെന്നാണ് പ്രതീക്ഷിക്കുന്നത്. കോവാക്സിന്‍റെ മൂന്നാംഘട്ട പരീക്ഷണങ്ങൾ യു.എസിൽ പുരോഗമിക്കുകയാണ്.
ഇന്ത്യ സ്വതന്ത്രമായി വികസിപ്പിച്ചെടുത്ത ആദ്യത്തെ കോവിഡ് വാക്സിനാണ് കോവാക്സിൻ. ഐ.സി.എം.ആർ, നാഷണൽ ഇൻസ്റ്റിറ്റ്യൂട്ട് ഓഫ് വൈറോളജി എന്നിവയുടെ സഹകരണത്തോടെ ഭാരത് ബയോടെകാണ് കോവാക്സിൻ വികസിപ്പിച്ചെടുത്തത്. ഭാരത് ബയോടെക് തന്നൊയാണ് വാക്സിൻ നിർമാണം നടത്തുന്നതും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.