ആഡംബര നൗക മുങ്ങി കാണാതായ ബ്രിട്ടീഷ് ടെ​ക് വ്യവസായിയുടെ മൃതദേഹം കണ്ടെത്തി

സി​സി​ലി (ഇ​റ്റ​ലി): തെ​ക്ക​ൻ ഇ​റ്റ​ലി​യി​ലെ സി​സി​ലി ദ്വീ​പി​ൽ കൊ​ടു​ങ്കാ​റ്റി​നെ​ തു​ട​ർ​ന്ന് ആ​ഡം​ബ​ര നൗ​ക ക​ട​ലി​ൽ മു​ങ്ങി കാണാതായ ബ്രി​ട്ടീ​ഷ് ടെ​ക് വ്യ​വ​സാ​യി മൈ​ക് ലി​ഞ്ചിന്‍റെ മൃതദേഹം കണ്ടെത്തി.

കുടുംബത്തിന്‍റെ ഉടമസ്ഥതയിലുള്ള നൗകയിൽ മൈ​ക് ലി​ഞ്ചിന്‍റെ മകൾ 18കാരി ഹന്ന, ആഗോള ബാങ്കിങ് സ്ഥാപനമായ മോ​ർ​ഗ​ൻ സ്റ്റാ​ൻ​ലി ഇ​ൻ​റ​ർ​നാ​ഷ​ണ​ലി​ന്റെ ചെ​യ​ർ​മാ​ൻ ജോ​നാ​ഥ​ൻ ബ്ലൂ​മ​ർ, ജൂഡി, ക്ലിഫോർഡ് അഭിഭാഷകൻ ക്രിസ് മോർവില്ല, ഭാര്യ നെദ മോർവില്ല എന്നീ അഞ്ച് ​പേ​രെ കൂടി കാ​ണാ​താ​യിട്ടുണ്ട്. ഇവർക്ക് വേണ്ടിയുള്ള തിരച്ചിൽ പുരോഗമിക്കുകയാണ്.

ക​പ്പ​ലി​ലെ പാ​ച​ക​ക്കാ​ര​ന്റെ മൃ​ത​ദേ​ഹം ക​ണ്ടെ​ത്തി​യി​ട്ടു​ണ്ട്. 50 മീ​റ്റ​ർ ക​ട​ലി​ന​ടി​യി​ൽ കി​ട​ക്കു​ന്ന നൗ​ക​യി​ലു​ള്ള​വ​ർ​ക്കാ​യി മു​ങ്ങ​ൽ വി​ദ​ഗ്ധ​രു​ടെ നേ​തൃ​ത്വ​ത്തി​ൽ തി​ര​ച്ചി​ൽ ന​ട​ത്തി ​വ​രി​ക​യാ​ണ്.

തെ​ക്ക​ൻ ഇ​റ്റ​ലി​യി​ലെ സി​സി​ലി ദ്വീ​പി​ൽ കൊ​ടു​ങ്കാ​റ്റി​നെ​ തു​ട​ർ​ന്നാണ് ആ​ഡം​ബ​ര നൗ​ക ക​ട​ലി​ൽ മു​ങ്ങിയത്. തി​ങ്ക​ളാ​ഴ്ച രാ​വി​ലെ നാ​ലി​ന് മെ​ഡി​റ്റ​റേ​നി​യ​ൻ ദ്വീ​പി​ന്റെ തീ​ര​ത്തു​നി​ന്ന് 700 മീ​റ്റ​ർ അ​ക​ലെ പ​ലേ​ർ​മോ​യു​ടെ കി​ഴ​ക്ക് പോ​ർ​ട്ടി​സെ​ല്ലോ തു​റ​മു​ഖ​ത്തി​ന് സ​മീ​പ​മാ​യി​രു​ന്നു അ​പ​ക​ടം.

തു​റ​മു​ഖ​ത്ത് ന​ങ്കൂ​ര​മി​ട്ട 56 മീ​റ്റ​ർ നീ​ള​മു​ള്ള ‘ദി ​ബ​യേ​സി​യ​ൻ’ നൗ​ക തീ​ര​ത്തേ​ക്ക് ക​ട​ൽ ആ​ഞ്ഞ​ടി​ച്ച​തോ​ടെ കാ​റ്റി​നും മ​ഴ​ക്കും ഇ​ട​യി​ൽ​പെ​ട്ട് മു​ങ്ങു​ക​യാ​യി​രു​ന്നു. 10 ജീ​വ​ന​ക്കാ​രും 12 യാ​ത്ര​ക്കാ​രു​മ​ട​ക്കം 22 പേ​രാ​ണ് നൗ​ക​യി​ലു​ണ്ടാ​യി​രു​ന്ന​ത്. ഒ​രു വ​യ​സു​കാ​രി​യാ​യ ബ്രി​ട്ടീ​ഷ് പെ​ൺ​കു​ട്ടി ഉ​ൾ​പ്പെ​ടെ 15 പേ​രെ ര​ക്ഷ​പ്പെ​ടു​ത്തി.

11 ബി​ല്യ​ൻ ഡോ​ള​ർ ത​ട്ടി​പ്പി​ൽ അ​മേ​രി​ക്ക കു​റ്റ​വി​മു​ക്ത​നാ​ക്കി​യ ഓ​ട്ടോ​ണ​മി കോ​ർ​പ​റേ​ഷ​ന്റെ സ്ഥാ​പ​ക​നാ​ണ് 59 വ​യ​സു​ള്ള മൈ​ക്ക് ലി​ഞ്ച്.