'യു.എസ്​ ജനതയുടെ തെരഞ്ഞെടുപ്പിനെ മാനിക്കുന്നു'; ബൈഡന്​​ ആശംസകൾ നേർന്ന്​ ചൈന

ബെയ്​ജിങ്​: യു.എസ്​ പ്രസിഡൻറ്​ തെരഞ്ഞെടുപ്പിൽ വിജയിച്ച ജോ ബൈഡന്​ ആശംസകളുമായി ചൈന. യു.എസ്​ ​പ്രസിഡൻറായി ജോ ബൈഡ​ൻ തെരഞ്ഞെടുക്കപ്പെട്ട്​ ഒരാഴ്​ചക്ക്​ ശേഷമാണ്​ ചൈനയുടെ പ്രതികരണം.

'അമേരിക്കൻ ജനതയുടെ തെരഞ്ഞെടുപ്പിനെ ഞങ്ങൾ മാനിക്കുന്നു. ജോ ബൈഡനും കമല ഹാരിസിനും ഞങ്ങളുടെ അഭിനന്ദനം അറിയിക്കുന്നു' -ചൈനീസ്​​ വിദേശകാര്യ മന്ത്രാലയം വക്താവ്​ വാങ്​ വെൻബിൻ പറഞ്ഞു.

യു.എസ്​ തെരഞ്ഞെടുപ്പിൽ പ്രസിഡൻറ്​ ഡോണൾഡ്​ ട്രംപിനെ പരാജയപ്പെടുത്തിയാണ്​ ​ൈബെഡൻ ജയിച്ചുകയറിയത്​. ഇന്ത്യൻ വംശജയായ കമല ഹാരിസ്​ വൈസ്​ പ്രസിഡൻറായും വിജയിച്ചു. ചൈനക്ക്​ പുറമെ റഷ്യ, മെക്​സിക്കോ തുടങ്ങിയ രാജ്യങ്ങൾ ബൈഡന്​ ആശംസകൾ അറിയിച്ചിരുന്നു.

2016ൽ ഡോണൾഡ്​ ട്രംപ്​ വിജയിച്ച്​ രണ്ടുദിവസത്തിനകം ചൈനീസ്​ പ്രസിഡൻറ്​ ഡോണൾഡ്​ ട്രംപ്​ ആശംസ അറിയിച്ചിരുന്നു. എന്നാൽ 2020ലെ തെരഞ്ഞെടുപ്പിൽ മാധ്യമങ്ങൾ വിജയിയെ പ്രഖ്യാപിച്ചെങ്കിലും വിജയം അംഗീകരിക്കാൻ ട്രംപ്​ തയാറായിരുന്നില്ല. അതിനാൽ ത​െന്ന ട്രംപുമായി ഒരു എതിർപ്പിന്​ ആഗ്രഹമില്ലാത്തതിനാൽ ചൈന ആശംസ അറിയിക്കുന്നതിൽനിന്ന്​ വിട്ടുനിൽക്കുകയായിരുന്നു​വെന്ന്​ ചാനൽ ന്യൂസ്​ ഏഷ്യ റിപ്പോർട്ട്​ ചെയ്​തു.

ഡോണൾഡ്​ ട്രംപ്​ അധികാരത്തിലെത്തിയ ശേഷം ചൈനയും യു.എസും തമ്മിലുള്ള ബന്ധം വഷളായിരുന്നു. കോവിഡ്​ മഹാമാരിയുടെ പേരിൽ ചൈനയെ കുറ്റപ്പെടുത്തിയ ട്രംപ്​ യു.എസിനും ആഗോള ജനാധിപത്യത്തിനും ഭീഷണിയാണെന്ന്​ അഭിപ്രായപ്പെട്ടിരുന്നു.

ചൈനയുമായുള്ള നയതന്ത്ര ബന്ധം മെച്ചപ്പെടുത്തൽ ബൈഡ​െൻറ ഏറ്റവും പ്രധാന അജണ്ടയായാണ്​ ​വിദഗ്​ധർ വിലയിരുത്തു​ന്നത്​. ആഗോള സാമ്പത്തിക രംഗത്തെ തിരിച്ചുകൊണ്ടുവരുന്നതിനും കാലാവസ്​ഥ വ്യതിയാനം പോലുള്ള ആഗോള പ്രശ്​നങ്ങളിൽ ഇട​െപടുന്നതിനും കോവിഡ്​ 19നെ നിയന്ത്രിക്കുന്നതിനും ചൈനയുടെ സാന്നിധ്യം യു.എസിന്​ ആവശ്യമായി വരുമെന്ന്​ കരുതുന്നതായും വിദഗ്​ധർ പറയുന്നു.