വാഷിങ്ടൺ: ഭൂമിയിലെ ശുദ്ധ ജലത്തിന്റെ അളവ് ക്രമാതീതമായി കുറയുന്നതായി കണ്ടെത്തൽ. നാസ-ജർമ്മൻ സാറ്റലൈറ്റ് ഡാറ്റ ഉപയോഗിച്ചുള്ള പുതിയ പഠനമാണ് മെയ് 2014 മുതൽ ഭൂമിയുടെ ശുദ്ധജല സ്രോതസ്സുകളിൽ അമ്പരപ്പിക്കുന്ന ഇടിവ് കണ്ടെത്തിയത്.
ഗ്രഹത്തിൻ്റെ ഭൂഖണ്ഡങ്ങൾ നീണ്ട വരണ്ട ഘട്ടത്തിലേക്ക് പ്രവേശിക്കുകയാണെന്നാണ് സർവേസ് ഇൻ ജിയോഫിസിക്‌സിൽ പ്രസിദ്ധീകരിച്ച ഗവേഷണം സൂചിപ്പിക്കുന്നത്. ഇത് ആഗോള ജലസുരക്ഷയെക്കുറിച്ചുള്ള ആശങ്കകൾ ഉയർത്തുന്നു.
2015 മുതൽ 2023 വരെ ഉപരിതല ജലവും ഭൂഗർഭ ജലാശയങ്ങളും ഉൾപ്പെടെ, കരയിൽ സംഭരിച്ചിരിക്കുന്ന ശുദ്ധജലത്തിൻ്റെ ശരാശരി അളവ് 2002-2014 ലെ ശരാശരിയേക്കാൾ 290 ക്യുബിക് മൈൽ കുറവായിരുന്നു. ബ്രസീലിലെ കടുത്ത വരൾച്ചയോടെയാണ് ഈ ഇടിവ് ആരംഭിച്ചത്. തുടർന്ന് ഒന്നിലധികം ഭൂഖണ്ഡങ്ങളിലുടനീളം വലിയ വരൾച്ചയുണ്ടായി.
നിരന്തരമായ ജലശോഷണത്തിന് കാലാവസ്ഥാ വ്യതിയാനം ഒരു പ്രധാന കാരണമാണെന്ന് സംശയിക്കുന്നു. ആഗോളതാപനം അന്തരീക്ഷത്തിലെ ജലബാഷ്പത്തിൻ്റെ അംശം വർദ്ധിപ്പിക്കുന്നു, ഇത് കൂടുതൽ തീവ്രമായ മഴയ്ക്ക് കാരണമാകുന്നു. മഴയ്‌ക്കിടയിലുള്ള വരണ്ട കാലങ്ങൾ മണ്ണിനെ ഫലപ്രദമായി വെള്ളം ആഗിരണം ചെയ്യുന്നതിൽ നിന്ന് തടയുകയും ഭൂഗർഭജല നികത്തൽ കുറയ്ക്കുകയും ചെയ്യുന്നു.
വരൾച്ചക്കാലത്ത്, കൃഷിക്കും നഗര ഉപയോഗത്തിനും ഭൂഗർഭജലത്തെ ആശ്രയിക്കുന്നത് ജലവിതരണം കുറയുന്നതിൻ്റെ കാരണമാകുന്നു. ജലസ്രോതസ്സുകളിലെ ഈ ക്ഷാമം ദാരിദ്ര്യത്തിനും, രോഗസാധ്യത വർദ്ധിപ്പിക്കാനും ഇടയാവും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.