ലണ്ടൻ: കരാറില്ലാതെ യൂറോപ്യൻ യൂനിയൻ വിടുന്നതിനെ നേരിടാൻ ഭരണപക്ഷ എം.പിമാരുടെ പിന്തുണയോടെ പ്രതിപക്ഷം പാർലമെൻറിൽ അവതരിപ്പിച്ച പ്രമേയം പാസ്സായി. 21 ഭരണപക്ഷ അംഗങ്ങളുടെ കൂടി പിന്തുണയോടെയാണ് പ്രമേയം പാസായത്. 301നെതിരെ 328 അംഗങ്ങളുടെ പിന്തുണയോടെയാണ് പ്രമേയം പാസായത്. ഇതേതുടർന്ന് രാജ്യത്ത് പൊതു തെരഞ്ഞെടുപ്പ് നേരത്തേ പ്രഖ്യാപിക്കുമെന്ന് ബോറിസ് ജോൺസൺ അറിയിച്ചു.
ബ്രെക്സിറ്റ് വിഷയത്തിൽ പ്രധാനമന്ത്രി ബോറിസ് ജോൺസണ് കനത്ത തിരിച്ചടി നൽകി ഭരണകക്ഷിയായ കൺസർവേറ്റീവ് പാർട്ടി എം.പിയായ ഫിലിപ്പ് ലീ കൂറുമാറി. ഇതോടെ ബ്രിട്ടീഷ് പാർലമെൻറിൽ ബോറിസ് േജാൺസൺ പാർലമെൻറിൽ ഭൂരിപക്ഷം നഷ്ടമായി.
ലീ ലിബറൽ ഡെമോക്രാറ്റിക് പാർട്ടിയിലേക്ക് കൂറുമാറിയത്. പ്രധാനമന്ത്രി പാർലമെൻറിനെ അഭിസംബോധന ചെയ്യുേമ്പാൾ ലീ പ്രതിപക്ഷത്തിെൻറ ബെഞ്ചിലാണ് ഇരുന്നത്. വരും ദിനങ്ങളിൽ കൂടുതൽ എം.പിമാർ കൂറുമാറാൻ സാധ്യതയുണ്ടെന്നാണ് രാഷ്ട്രീയ നിരീക്ഷകരുടെ വിലയിരുത്തൽ.
ബ്രെക്സിറ്റിനെ എതിർക്കാനാണ് പ്രതിപക്ഷ നീക്കമെങ്കിൽ ഒക്ടോബറിൽ പൊതുതെരഞ്ഞെടുപ്പ് നടത്തുമെന്ന് ബോറിസ് മുന്നറിയിപ്പു നൽകിയിരുന്നു. ഒക്ടോബർ 31ന് ബ്രെക്സിറ്റ് പൂർത്തിയാക്കാനാണ് ബോറിസ് ഉദ്ദേശിക്കുന്നത്. ഇതിനിടെയാണ് 21 ഭരണപക്ഷ എം.പിമാരുടെ നേതൃത്വത്തിൽ ലേബർ പാർട്ടി എതിർപ്പ് ഉയർത്തിയത്. പ്രമേയം പാസായ സ്ഥിതിക്ക് യൂറോപ്യൻ യൂനിയൻ വിടുന്നതിന് 2020 ജനുവരി 31 വരെ ബോറിസ് ജോൺസന് സമയം തേടേണ്ടിവരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.