ദ​ക്ഷി​ണാ​ഫ്രി​ക്ക​ൻ മു​ൻ പ്ര​സി​ഡ​ൻ​റ്​ എ​ഫ്.​ഡ​ബ്ല്യു ഡി ​ക്ല​ർ​ക്ക്​​​ അ​ന്ത​രി​ച്ചു

ജൊ​ഹാ​ന​സ്​ ബ​ർ​ഗ്​: ദ​ക്ഷി​ണാ​ഫ്രി​ക്ക​യി​ലെ വ​ർ​ണ​വി​വേ​ച​ന കാ​ല​ഘ​ട്ട​ത്തി​ലെ വെ​ളു​ത്ത വ​ർ​ഗ​ക്കാ​ര​നാ​യ അ​വ​സാ​ന പ്ര​സി​ഡ​ൻ​റ്​ ഫ്രെ​ഡ​റി​ക്​ വി​ല്യം ഡി ​ക്ല​ർ​ക്ക്​​ (85) അ​ന്ത​രി​ച്ചു. അ​ർ​ബു​ദം ബാ​ധി​ച്ച്​ ചി​കി​ത്സ​യി​ലാ​യി​രു​ന്നു. കേ​പ്​ ടൗ​ണി​ലെ വ​സ​തി​യി​ലാ​യി​രു​ന്നു അ​ന്ത്യം.​എ​ഫ്.​ഡ​ബ്ല്യു ഡി ​ക്ല​ർ​ക്ക്​​ ഫൗ​ണ്ടേ​ഷ​നാ​ണ്​ മ​ര​ണ​വി​വ​രം അ​റി​യി​ച്ച​ത്. ദ

​ക്ഷി​ണാ​ഫ്രി​ക്ക​യു​ടെ ജ​നാ​ധി​പ​ത്യ​ത്തി​ലേ​ക്കു​ള്ള പ​രി​വ​ർ​ത്ത​ന​ത്തി​ൽ പ്ര​ധാ​ന പ​ങ്കു​വ​ഹി​ച്ച വ്യ​ക്തി​യാ​ണ്. അതേസമയം,രാജ്യത്ത്​ കറുത്ത വർഗക്കാർക്കെതിരെ നടന്ന അതിക്രമങ്ങളിൽ ക്ലർക്കിനു പങ്കുണ്ടായിരുന്നു എന്നും വാദമുണ്ട്​. അതിനാൽ ത​െൻറ അധികാരകാലത്ത്​ വംശീയ വിവേചനം അവസാനിപ്പിക്കാൻ അദ്ദേഹം നടത്തിയ ശ്രമങ്ങളെ സംശയത്തോടെ വീക്ഷിക്കുന്നവരും കുറവല്ല.

1989-1994 വ​രെ​യാ​ണ്​ ക്ല​ർ​ക്ക്​ ദ​ക്ഷി​ണാ​ഫ്രി​ക്ക​ൻ പ്ര​സി​ഡ​ൻ​റാ​യി​രു​ന്ന​ത്. 1990 ൽ ​ 27 വ​ർ​ഷ​​ത്തെ ജ​യി​ൽ ജീ​വി​ത​ത്തി​ന്​ വി​രാ​മ​മി​ട്ട്​ നെ​ൽ​സ​ൺ മ​ണ്ടേ​ല​യെ മോ​ചി​പ്പി​ച്ചു. 1993ൽ ​ മ​ണ്ടേ​ല​യു​മാ​യി സ​മാ​ധാ​ന നൊ​ബേ​ൽ പ​ങ്കി​ട്ടു. 1994ൽ ​മ​ണ്ടേ​ല ദ​ക്ഷി​ണാ​ഫ്രി​ക്ക​യു​ടെ പ്ര​സി​ഡ​ൻ​റാ​യ​പ്പോ​ൾ ഉ​പ​പ്ര​സി​ഡ​ൻ​റാ​യി​രു​ന്നു ക്ല​ർ​ക്ക്​. എ​ലി​ത​യാ​ണ്​ ഭാ​ര്യ. ജാ​ൻ, സൂ​സ​ൻ എ​ന്നി​വ​ർ മ​ക്ക​ളാ​ണ്.