ന്യൂയോർക്ക്: ലോകത്ത് കോവിഡ് മഹാമാരി കാരണം ജീവൻ നഷ്ടമായവരുടെ എണ്ണം അരക്കോടി കവിഞ്ഞു. വേൾഡോമീറ്ററിന്‍റെ കണക്കുകൾ പ്രകാരം 50,04,370 പേരാണ് ഇതുവരെ കോവിഡ് ബാധിച്ച് മരിച്ചത്.
ആകെ കോവിഡ് രോഗികളുടെ എണ്ണം 24,67,43,439 ആയി ഉയർന്നു. 24 മണിക്കൂറിനിടെ 4,66,000 പുതിയ കോവിഡ് കേസുകളാണ് റിപ്പോർട്ട് ചെയ്തത്.
യു.എസ്.എ (4.67 കോടി), ഇന്ത്യ (3.4 കോടി), ബ്രസീൽ (2.1 കോടി) എന്നീ രാജ്യങ്ങളെയാണ് മഹാമാരി ഏറ്റവും രൂക്ഷമായി ബാധിച്ചത്. ഇൗ രാജ്യങ്ങൾ തന്നെയാണ് മരണസംഖ്യയുടെ കാര്യത്തിലും ആദ്യ മൂന്ന് സ്ഥാനങ്ങളിലെത്തിയത്. 7.6 ലക്ഷമാളുകളാണ് അമേരിക്കയിൽ കോവിഡ് ബാധിച്ച് മരിച്ചത്. 6.07 ലക്ഷമാളുകൾ മരിച്ച ബ്രസീലാണ് രണ്ടാമത്. ഇന്ത്യയിൽ 4.57 ലക്ഷം പേർ മഹാമാരിക്ക് കീഴടങ്ങി.
ലോകത്ത് ഇതുവരെ 22,35,29,314 പേർ കോവിഡിൽ നിന്ന് മുക്തി നേടിയിട്ടുണ്ട്. 1,82,09,755 പേരാണ് നിലവിൽ ചികിത്സയിലുള്ളത്. അതിൽ 74,768 പേരുടെ നില ഗുരുതരമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.