കിരീടാവകാശി ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹിനൊപ്പം അമീർ തുർക്കി ബിൻ മുഹമ്മദ് ബിൻ അബ്ദുൽ അൽസഊദ്
കുവൈത്ത് സിറ്റി: സൗദി മന്ത്രിസഭാംഗം അമീർ തുർക്കി ബിൻ മുഹമ്മദ് ബിൻ അബ്ദുൽ അൽസഊദ് ഔദ്യോഗിക സന്ദർശനത്തിനായി കുവൈത്തിലെത്തി. കുവൈത്തിലെ സൗദി അംബാസഡർ സുൽത്താൻ ബിൻ സാദ് ബിൻ ഖാലിദ് അൽസഊദ്, ഗതാഗത- ലോജിസ്റ്റിക്‌സ് മന്ത്രി, (എൻജിനീയർ) സാലിഹ് ബിൻ നാസർ അൽ ജാസർ, ഗതാഗത- ലോജിസ്റ്റിക്‌സ് ഡെപ്യൂട്ടി മന്ത്രി ഡോ. റുമൈഹ് ബിൻ മുഹമ്മദ് അൽ റുമൈഹ്, ഓഫിസ് ഡയറക്ടർ ജനറൽ ഹമദ് ബിൻ സുലൈമാൻ അൽ സലീം എന്നിവരും സന്ദർശന സംഘത്തിലുണ്ട്.
കിരീടാവകാശി ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹുമായി അമീർ തുർക്കി ബിൻ മുഹമ്മദ് ബിൻ അബ്ദുൽ അൽസഊദ് ബുധനാഴ്ച കൂടിക്കാഴ്ച നടത്തി. സൗദി ഭരണാധികാരി സൽമാൻ രാജാവ്, കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ എന്നിവരുടെ ആശംസകൾ അമീർ തുർക്കി ബിൻ മുഹമ്മദ് ബിൻ അബ്ദുൽ അൽസഊദ്, കിരീടാവകാശിയെ അറിയിച്ചു. കിരീടാവകാശി ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹ് തന്റെ ആശംസകൾ തിരിച്ചും കൈമാറി.
കിരീടാവകാശിയുടെ ദിവാൻ ശൈഖ് അഹ്മദ് അബ്ദുല്ല അൽ അഹ്മദ് അസ്സബാഹ്, അമീരി ദിവാൻ കാര്യ മന്ത്രി ശൈഖ് മുഹമ്മദ് അബ്ദുല്ല അൽ മുബാറക് അസ്സബാഹ്, വൈദ്യുതി-ജലം-പൊതുമരാമത്ത് കാര്യ മന്ത്രി ഡോ. അമാനി സുലൈമാൻ ബുഖാമസ്, വിദേശകാര്യ മന്ത്രി ശൈഖ് സലീം അബ്ദുല്ല അൽ ജാബിർ അസ്സബാഹ് എന്നിവരും കൂടിക്കാഴ്ചയിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.