വാഷിങ്ടൺ: ഫലപ്രദമായ കോവിഡ് പ്രതിരോധ വാക്സിൽ ഈ വർഷം തന്നെ പുറത്തിറക്കുമെന്ന് യു.എസ് പ്രസിഡൻറ് ഡൊണാൾഡ് ട്രംപ്. കോവിഡ് വാക്സിൻ പരീക്ഷണം പൂർത്തിയാകാൻ 2021 രണ്ടാം പാദം വരെ കാത്തിരിക്കണമെന്ന സെേൻറഴ്സ് ഫോർ ഡിസീസ് കൺട്രോൾ ആൻറ് പ്രിവെൻഷൻ ഡയറക്ടർ റോബർട്ട് റെഡ്ഫീൽഡിെൻറ വാദം തള്ളിയ ട്രംപ്, തെറ്റായ വിവരമാണതെന്നും അദ്ദേഹത്തിന് തെറ്റു പറ്റിയതാകാമെന്നും പറഞ്ഞു.
യു.എസ് കോവിഡ് വാക്സിൻ പരീക്ഷണത്തിൻെറ അവസാനഘട്ടത്തിലാണ്. ഒക്ടോബറിന് വാക്സിൽ കുത്തിവെപ്പ് നടത്താം- ട്രംപ് വ്യക്തമാക്കി.
2021 െൻറ രണ്ടാംപാദത്തോടെയോ മൂന്നാം പാദത്തോടെയോ മാത്രമേ പ്രതിരോധ വാക്സിൻ പുറത്തിറക്കാൻ കഴിയൂയെന്ന് റോബർട്ട് റെഡ്ഫീൽഡ് പ്രസ്താവനയിൽ പറഞ്ഞിരുന്നു. ആദ്യം വാക്സിൻ പുറത്തിറക്കുക എന്നല്ല, സുരക്ഷിതവും ഫലപ്രദവുമായ വാക്സിൻ പൊതുജനങ്ങൾക്ക് ലഭ്യമാക്കുക എന്നതാണ് ലക്ഷ്യമിടുന്നതെന്നും സി.ഡി.സി മേധാവി വ്യക്തമാക്കിയിരുന്നു.
തെരഞ്ഞെടുപ്പ് നടക്കാനിരിക്കെ, കോവിഡ് അതിവ്യാപനം തടയാൻ കഴിഞ്ഞില്ലെന്നും വാക്സിൻ പരീക്ഷണത്തിൽ മുന്നേറാനായില്ലെന്നുമുള്ള ആരോപണങ്ങൾ ട്രംപ് ഭരണകൂടത്തിന് നേരെ ഉയരുന്നുണ്ട്.
ഫലപ്രദമായ വാക്സിൻ കണ്ടെത്താൻ ശാസ്ത്രജ്ഞർക്കാകുമെന്ന് പ്രതീക്ഷയുണ്ടെന്നും എന്നാൽ ട്രംപിൽ തീരെ വിശ്വാസമില്ലെന്ന് എതിർസ്ഥാനാർഥി ജോ ബൈഡൻ നേരത്തെ പ്രതികരിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.