ന്യൂയോർക്: അസോസിയേറ്റഡ് പ്രസിന്റെ ഇവ്ജിനി മലോലെറ്റ്ക പകർത്തിയ, റഷ്യൻ ആക്രമണത്തെത്തുടർന്ന് യുക്രെയ്നിലെ മരിയുപോൾ പ്രസവാശുപത്രിയിൽനിന്ന് ഗർഭിണിയെ ഒഴിപ്പിക്കുന്ന ചിത്രം വേൾഡ് പ്രസ് ഫോട്ടോ പുരസ്കാരത്തിന് അർഹമായി.
127 രാജ്യങ്ങളിൽനിന്നുള്ള 3752 ഫോട്ടോഗ്രാഫർമാരുടെ 60000ത്തിലേറെ ചിത്രങ്ങളിൽനിന്നാണ് ജേതാക്കളെ തിരഞ്ഞെടുത്തത്. സ്റ്റോറി ഓഫ് ദി ഇയർ പുരസ്കാരം, അഫ്ഗാനിസ്താനിലെ ജനങ്ങളുടെ ദുരിതം വിവരിക്കുന്ന മാഡ്സ് നിസ്സനിന്റെ ചിത്ര പരമ്പരക്കാണ്. 2021ൽ ഇദ്ദേഹത്തിന് ഫോട്ടോ ഓഫ് ദി ഇയർ പുരസ്കാരം ലഭിച്ചിരുന്നു.
ലോങ് ടേം പ്രോജക്ട് പുരസ്കാരം മധ്യേഷ്യയിലെ ജലസ്രോതസ്സ് മാനേജ്മെന്റിനെക്കുറിച്ചുള്ള അനുഷ് ബാബജൻയാനിന്റെ ‘ബാറ്റേഡ് വാട്ടർ’ ചിത്ര പരമ്പരക്കാണ്. ഓപൺ ഫോർമാറ്റ് പുരസ്കാരം ഈജിപ്തിലെ മുഹമ്മദ് മഹ്ദിയുടെ ‘ദി ഡോർ ഡോണ്ട് നോ മി’ പരമ്പരക്ക് ലഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.