സഫാരി ഹൈപ്പർമാർക്കറ്റ് ഇൻഡസ്​ട്രിയൽ ഏരിയ ഉദ്​ഘാടനം നാളെ

ദോഹ: പ്രമുഖ ഹൈപ്പർമാർക്കറ്റ് ശൃംഖലയായ സഫാരി ഗ്രൂപ്പിന്റെ പുതിയ ഹൈപ്പർമാർക്കറ്റ് ഇൻഡസ്​ട്രിയൽ ഏരിയയിലെ സ്​ട്രീറ്റ് 16ൽ ബുധനാഴ്​ച തുറന്നു പ്രവർത്തനം ആരംഭിക്കും. പുതിയ ശാഖയുടെ ഉദ്ഘാടനത്തോടനുബന്ധിച്ച് ഉപഭോക്താക്കൾക്ക് ആകർഷകമായ നിരവധി ഓഫറുകളും പ്രമോഷനുകളും സമ്മാന പദ്ധതികളുമാണ് സഫാരി നൽകുന്നത്.

ഇൻഡസ്​ട്രിയൽ ഏരിയയിലെയും സമീപ പ്രദേശങ്ങളിലെയും ഉപഭോക്താക്കളുടെ സൗകര്യാർഥം സനയ്യ 16ാമത്​ സ്​ട്രീറ്റിലാണ് ഔട്ട്​ലെറ്റ് പ്രവർത്തനമാരംഭിക്കുന്നത്. 2005ൽ സഫാരി ഹൈപ്പർമാർക്കറ്റിന്റെ തുടക്കം മുതൽതന്നെ ഇൻഡസ്​ട്രിയൽ ഏരിയയിലെ കുറഞ്ഞ വരുമാനക്കാരായ ഉപഭോക്താക്കൾക്ക് കുറഞ്ഞ വിലയിൽ ഗുണമേന്മ നിറഞ്ഞ ഉൽപന്നങ്ങൾ ലഭ്യമാക്കുന്നതിനായി വിവിധ പ്രമോഷനുകളിലൂടെ വൻ വിലക്കുറവാണ് സഫാരി അവതരിപ്പിച്ചത്. കൂടാതെ നിരവധി സമ്മാന പദ്ധതികളും ഉപഭോക്താക്കൾക്കായി അവതരിപ്പിച്ചിരുന്നു.

എല്ലാ ഔട്ട്​ലറ്റുകളിലും ലഭ്യമാകുന്ന മികച്ച പ്രമോഷനുകളും പുതിയ ഔട്ട്​ലറ്റുകളിൽ മാത്രമായുള്ള പ്രത്യേക ഓഫറുകളും ഇൻഡസ്​ട്രിയൽ ഏരിയയിലെ പുതിയ ഹൈപ്പർമാർക്കറ്റിലും ലഭ്യമാവും.

50 റിയാലിന് ഷോപ്പിങ്​ നടത്തു​മ്പോൾ ഒരു ലക്ഷം റിയാലിന്റെ കാഷ് പ്രൈസുകളും 65 ഇഞ്ച് ടി.വി, ലാപ്​ടോപ്​, സാംസങ് മൊബൈൽ അടക്കം അരലക്ഷം റിയാൽ വരെ മൂല്യമുള്ള സമ്മാനങ്ങളും നേടാം. ഉദ്ഘാടന ദിവസം മുതൽ 2023 ഫെബ്രുവരി 15 വരെയാണ് പ്രമോഷൻ പുതിയ ഔട്ട്​ലറ്റിൽ ലഭ്യമാവുക.

സഫാരിയുടെ പുതിയ മെഗാ പ്രമോഷനായ സഫാരി വിൻ ഫൈവ്​ നിസാൻ പെട്രോൾ കാർ പ്രമോഷനിലൂടെ അഞ്ച്​ നിസാൻ പെട്രോൾ 2022 മോഡൽ കാറുകൾ സമ്മാനമായി നേടാനുള്ള അവസരവും ഉപഭോക്താക്കൾക്കായി സഫാരി ഒരുക്കിയിട്ടുണ്ട്​. ഏത് ഔട്ട്​ലറ്റുകളിൽനിന്നും 50 റിയാലിന് ഷോപ്പിങ്​ നടത്തുമ്പോൾ ലഭിക്കുന്ന റാഫിൾ കൂപ്പൺ നറുക്കെടുപ്പിലൂടെ ഏതൊരാൾക്കും ഈ മെഗാ സമ്മാന പദ്ധതിയിൽ പങ്കാളികളാകാവുന്നതാണ്.