ന്യൂഡൽഹി: 10, 12 ക്ലാസുകളിലേക്കുള്ള ഭാഷാ വിഷയങ്ങളിലെ സിലബസ് കൗൺസിൽ ഓഫ് ഇന്ത്യൻ സ്കൂൾ സർട്ടിഫിക്കറ്റ് എക്സാമിനേഷൻ (സി.ഐ.എസ്.ഇ) വെട്ടിക്കുറച്ചു. മറ്റ് വിഷയങ്ങളിലുള്ള സിലബസും കുറച്ചേക്കും. കോവിഡ് പ്രതിസന്ധിയെ തുടർന്ന് അധ്യയനം ശരിയായ രീതിയിൽ നടക്കാത്ത സാഹചര്യത്തിലാണ് ഐ.സി.എസ്.ഇ, ഐ.എസ്.സി സിലബസുകൾ കുറക്കുന്നത്.
ഈ വരുന്ന അക്കാദമിക് വർഷത്തിലേക്കുള്ള ഇംഗ്ലീഷ്, ഇന്ത്യൻ ഭാഷകളുടെ സിലബസാണ് കുറച്ചത്. പരിഷ്കരിച്ച സിലബസ് സി.ഐ.എസ്.ഇ വെബ്‌സൈറ്റിൽ പ്രസിദ്ധീകരിച്ചു. സ്കൂളുകളോട് ഇത് പിന്തുടരാനും ആവശ്യപ്പെട്ടിട്ടുണ്ട്. ഐ.സി.എസ്.ഇ, ഐ.എസ്.സി ബോർഡ് പരീക്ഷഫലങ്ങൾ ജൂലൈ 31നകം പ്രഖ്യാപിക്കുമെന്നാണ് പ്രതീക്ഷിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.