തൃശൂർ: പാലിയേറ്റിവ് കെയര്‍ (സാന്ത്വന ചികിത്സ) എന്ന ശാസ്ത്രശാഖയെ എം.ബി.ബി.എസ് കരിക്കുലത്തില്‍ ഉള്‍പ്പെടുത്താനുള്ള നടപടി ആരോഗ്യ സർവകലാശാലയിൽ പുരോഗമിക്കുന്നതായി ‘പാലിയം ഇന്ത്യ’ ചെയർമാൻ ഡോ. എം.ആര്‍. രാജഗോപാല്‍ പറഞ്ഞു. മെഡിക്കല്‍ അധ്യാപകരുടെ ദ്വിദിന ശില്‍പശാലയില്‍ സംസാരിക്കുകയായിരുന്നു അദ്ദേഹം. രജിസ്ട്രാര്‍ ഡോ. എസ്. ഗോപകുമാര്‍ ഉദ്ഘാടനം ചെയ്തു.
മുപ്പതോളം മെഡിക്കല്‍ വിദ്യാഭ്യാസ വിദഗ്ധര്‍ ശിൽപശാലയിൽ പങ്കെടുക്കുന്നുണ്ട്. ആറു മാസമായി തിരുവനന്തപുരത്തെ ‘പാലിയം ഇന്ത്യ’യുമായി സഹകരിച്ച് നടക്കുന്ന ഓണ്‍ലൈന്‍ പരിശീലന പരിപാടിയുടെ സര്‍വകലാശാല കാമ്പസില്‍ നടക്കുന്ന ദ്വിദിന സമാപന പരിപാടിക്ക് ഡോ. എം.എം. സുനില്‍ കുമാര്‍, ഡോ. ആര്‍. സജിത്ത് കുമാര്‍, ഡോ. ഗീത ഗോവിന്ദരാജ്, ഡോ. കെ.എസ്. ഷാജി, ഡോ. വി.വി. ഉണ്ണികൃഷ്ണന്‍ എന്നിവര്‍ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.