തിരുവനന്തപുരം: സംസ്‌ഥാനത്തെ സ്‌കൂളുകളിൽ പാദവാർഷിക പരീക്ഷ സെപ്റ്റംബർ മൂന്ന് മുതൽ 12 വരെ നടക്കും. മുസ്ലിം കലണ്ടർ പ്രകാരം പ്രവർത്തിക്കുന്ന സ്‌കൂളുകൾക്കും ടൈംടേബിൾ ബാധകമാണ്‌. ഓണാവധി 13 മുതൽ ആരംഭിക്കുമെങ്കിലും പരീക്ഷ ദിവസങ്ങളിൽ സർക്കാർ അവധി പ്രഖ്യാപിച്ചാൽ അന്നത്തെ പരീക്ഷ 13ന് നടത്തേണ്ടതാണെന്നും പൊതുവിദ്യാഭ്യാസ വകുപ്പ്‌ പുറത്തിറക്കിയ അറിയിപ്പിൽ പറയുന്നു.
ഹൈസ്‌കൂൾ വിഭാഗങ്ങൾക്ക് സെപ്റ്റംബർ മൂന്നിനും എൽ.പി, യു.പി വിഭാഗങ്ങൾക്കും പ്ലസ്‌ ടുവിനും നാലിനുമാണ് പരീക്ഷ ആരംഭിക്കുക. ഹൈസ്‌കൂൾ വരെ രാവിലെ 10 മുതല്‍ 12.15 വരെയും ഉച്ചക്ക് 1.30 മുതല്‍ 3.45 വരെയുമാണ് പരീക്ഷ. വെള്ളിയാഴ്ചകളില്‍ ഉച്ചകഴിഞ്ഞ് പരീക്ഷ രണ്ട് മുതല്‍ 4.15 വരെ ആയിരിക്കും. പ്ലസ്‌ ടുവിന്‌ രാവിലെ 9.30നും ഉച്ചക്ക് ശേഷമുള്ള പരീക്ഷ 1.30നുമാണ്‌ ആരംഭിക്കുക. 15 മിനിറ്റ് കൂൾ ഓഫ് ടൈം ആയും ക്രമീകരിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.