തിരുവനന്തപുരം: സംസ്ഥാനത്ത് സ്കൂളുകൾ തിങ്കളാഴ്ചമുതൽ സമ്പൂർണ അധ്യയനത്തിലേക്ക്. ഇതുവരെ ക്ലാസ് തുടങ്ങാതിരുന്ന ഒമ്പത്, ഒന്നാം വർഷ ഹയർസെക്കൻഡറി, വി.എച്ച്.എസ്.ഇ ക്ലാസുകൾകൂടി തിങ്കളാഴ്ച തുടങ്ങും. ഇതോടെ മുഴുവൻ ക്ലാസുകൾക്കും അധ്യയനം ആരംഭിക്കും.
ഒന്നാം വർഷ ഹയർസെക്കൻഡറി വിദ്യാർഥികൾക്ക് ക്ലാസ് തുടങ്ങുന്ന സാഹചര്യത്തിൽ തിങ്കളാഴ്ച രണ്ടാം വർഷ വിദ്യാർഥികൾക്ക് ക്ലാസ് ഒഴിവാക്കാൻ പ്രിൻസിപ്പൽമാർക്ക് ഹയർസെക്കൻഡറി അക്കാദമിക് ജോയൻറ് ഡയറക്ടർ നിർദേശം നൽകി. നവംബർ ഒന്നിന് ഒന്നുമുതൽ ഏഴുവരെ ക്ലാസുകളും പത്ത്, പ്ലസ് ടു ക്ലാസുകളുമാണ് തുടങ്ങിയത്.
എട്ടാം ക്ലാസുകാർക്ക് നവംബർ എട്ടിന് അധ്യയനം തുടങ്ങി. ഒന്നാം വർഷ ഹയർസെക്കൻഡറി, വി.എച്ച്.എസ്.ഇ പ്രവേശനം നേടിയ മുഴുവൻ വിദ്യാർഥികളും തിങ്കളാഴ്ച സ്കൂളിലെത്തണം. ആദ്യ ദിവസം തന്നെ പ്ലസ് വൺ വിദ്യാർഥികളെ സർക്കാർ പുറപ്പെടുവിച്ച മാർഗേരഖ പ്രകാരം ബാച്ചുകളാക്കുകയും തുടർന്നുള്ള ദിവസങ്ങളിൽ സ്കൂളുകളിൽ വരേണ്ട ദിവസങ്ങൾ ക്രമീകരിക്കുകയും ചെയ്യണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.