ന്യൂഡൽഹി: സി.ബി.എസ്.ഇ പത്താം ക്ലാസ് പരീക്ഷാ ഫലം പ്രഖ്യാപിച്ചു. ഔദ്യോഗിക വെബ്‌സൈറ്റായ www.cbseresult.nic.in യിലൂടെ പരീക്ഷഫലം അറിയാം. 91.46 ആണ് ഇത്തവണത്ത വിജയശതമാനം. കഴിഞ്ഞ തവണത്തേതിനേക്കാൾ 0.36 ശതമാനം കൂടുതലാണ് ഇത്.
വിജയശതമാനത്തിൽ പെൺകുട്ടികൾ ആൺകുട്ടികളെ കടത്തിവെട്ടി. 93.31 ശതമാനം പെൺകുട്ടികൾ വിജയിച്ചപ്പോൾ ആൺകുട്ടികളുടെ വിജയശതമാനം 90.14 ശതമാനമാ‍ണ്. പരീക്ഷ എഴുതിയ 41,804 കുട്ടികൾ( 2.23 ശതമാനം) 95 ശതമാനത്തിൽ കൂടുതൽ മാർക്ക് കരസ്ഥമാക്കി.
തിരുവനന്തപുരം മേഖലയിലാണ് ഇത്തവണ കൂടിയ വിജയശതമാനം. 99.28 ശതമാനം. 98.25 ശതമാനവുമായി ചെന്നൈ മേഖലയും 98.23 ശതമാനവുമായി ബംഗളുരുവും തൊട്ടുപിന്നിലുണ്ട്. 18 ലക്ഷത്തോളം വിദ്യാർഥികളാണ് ആകെ പരീക്ഷ എഴുതിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.