പത്താംതരം തുല്യത പരീക്ഷയെ കീഴടക്കാനൊരുങ്ങി മരക്കാർ ഹാജി, സം​സ്ഥാ​ന​ത്തെ ഏ​റ്റ​വും പ്രാ​യം കൂ​ടി​യ പ​ഠി​താ​വാണ്​ ഇദ്ദേഹം

വ​ളാ​ഞ്ചേ​രി: തി​ങ്ക​ളാ​ഴ്ച ആ​രം​ഭി​ക്കു​ന്ന പ​ത്താം ത​രം തു​ല്യ​ത പ​രീ​ക്ഷ​യി​ൽ വ​ളാ​ഞ്ചേ​രി ഹ​യ​ർ സെ​ക്ക​ൻ​ഡ​റി സ്കൂ​ളി​ലെ കേ​ന്ദ്ര​ത്തി​ൽ സം​സ്ഥാ​ന​ത്തെ ഏ​റ്റ​വും പ്രാ​യം കൂ​ടി​യ പ​ഠി​താ​വ് പ​രീ​ക്ഷ എ​ഴു​തും. മാ​റാ​ക്ക​ര ഗ്രാ​മ​പ​ഞ്ചാ​യ​ത്ത് അ​ഞ്ചാം വാ​ർ​ഡി​ലെ ക​ല്ലു​പാ​ലം പാ​ല​ക്ക​ത്തൊ​ടി മ​ര​ക്കാ​ർ ഹാ​ജി​യാ​ണ്​ (76) മു​തി​ർ​ന്ന പ​ഠി​താ​വ്.

ചെ​റു​പ്പ​ത്തി​ൽ പ​ഠ​നം നി​ർ​ത്തേ​ണ്ടി​വ​ന്ന ഇ​ദ്ദേ​ഹം 10 വ​ർ​ഷ​ത്തെ പ്ര​വാ​സ ജീ​വി​ത​ത്തി​നൊ​ടു​വി​ൽ നാ​ട്ടി​ൽ മ​ട​ങ്ങി​യെ​ത്തു​ക​യും വീ​ട്ടി​ൽ വെ​റ്റി​ല കൃ​ഷി​യി​ൽ ഏ​ർ​പ്പെ​ടു​ക​യും ചെ​യ്തു. മ​ത-​രാ​ഷ്​​ട്രീ​യ രം​ഗ​ങ്ങ​ളി​ൽ സ​ജീ​വ​മാ​കു​ന്ന​തി​നി​ട​ക്കാ​ണ് തു​ട​ർ​പ​ഠ​ന മോ​ഹ​മു​ദി​ച്ച​ത്. പ​ഞ്ചാ​യ​ത്ത് സാ​ക്ഷ​ര​ത പ്രേ​ര​ക് കെ.​പി. സി​ദ്ദീ​ഖി​െൻറ പ്രോ​ത്സാ​ഹ​നം ല​ഭി​ച്ച​തോ​ടെ ഏ​ഴാം ത​രം തു​ല്യ​ത​ക്ക് ചേ​ർ​ന്നു. ഏ​ഴാം ത​രം വി​ജ​യി​ച്ച ശേ​ഷം പ​ത്താം ക്ലാ​സ് പ​ഠ​ന​ത്തി​നാ​യി ക​രി​പ്പോ​ൾ ഗ​വ. ഹൈ​സ്കൂ​ളി​ലെ പ​ഠ​ന​കേ​ന്ദ്ര​ത്തി​ൽ ചേ​രു​ക​യാ​യി​രു​ന്നു.

ക​ഴി​ഞ്ഞ എ​സ്.​എ​സ്.​എ​ൽ.​സി പ​രീ​ക്ഷ​യി​ൽ മു​ഴു​വ​ൻ വി​ഷ​യ​ങ്ങ​ളി​ലും എ ​പ്ല​സ് നേ​ടി​യ പേ​ര​ക്കു​ട്ടി റി​ഫാ​ഹ്​ വ​ലി​യു​പ്പ​യെ ഓ​ൺ​ലൈ​ൻ കാ​ല പ​ഠ​ന​ത്തി​ൽ സ​ഹാ​യി​ക്കാ​നെ​ത്തി​യ​പ്പോ​ൾ ആ​ത്മ​വി​ശ്വാ​സം കൂ​ടി. തു​ല്യ​ത അ​ധ്യാ​പ​ക​രു​ടെ ഓ​ൺ​ലൈ​ൻ ക്ലാ​സി​നൊ​പ്പം സാ​ക്ഷ​ര​ത മി​ഷ​െൻറ യൂ​ട്യൂ​ബ് ചാ​ന​ലി​നെ​യും പ​ഠ​ന​പ്ര​വ​ർ​ത്ത​ന​ങ്ങ​ൾ​ക്കാ​യി ആ​ശ്ര​യി​ക്കു​ന്നു.

കു​റ്റി​പ്പു​റം ബ്ലോ​ക്ക് പ​ഞ്ചാ​യ​ത്ത് ന​ട​ത്തി​യ ഇ ​സാ​ക്ഷ​ര​ത പ്ര​ചാ​ര​ണ ബ്രാ​ൻ​ഡ്​ അം​ബാ​സി​ഡ​ർ കൂ​ടി​യാ​യി​രു​ന്നു മ​ര​ക്കാ​ർ ഹാ​ജി. സാ​ക്ഷ​ര​ത മി​ഷ​ൻ പ്ര​സി​ദ്ധീ​ക​ര​ണ​മാ​യ അ​ക്ഷ​ര​കൈ​ര​ളി​യു​ടെ മു​ഖ​ചി​ത്ര​മാ​യും മ​ര​ക്കാ​ർ ഹാ​ജി​യു​ടെ ക​മ്പ്യൂ​ട്ട​ർ പ​ഠ​ന​ചി​ത്രം വ​ന്നി​രു​ന്നു.

ഭാ​ര്യ​യും മ​ക്ക​ളും മ​രു​മ​ക്ക​ളും പേ​ര​ക്കു​ട്ടി​ക​ളും പ​ഠ​ന​ത്തി​ന് ആ​വ​ശ്യ​മാ​യ സ​ഹാ​യ​ങ്ങ​ൾ ന​ൽ​കി കൂ​ട്ടാ​യു​ണ്ട്. വ​ളാ​ഞ്ചേ​രി ഹ​യ​ർ സെ​ക്ക​ൻ​ഡ​റി സ്കൂ​ളി​ലെ പ​രീ​ക്ഷാ​കേ​ന്ദ്ര​ത്തി​ൽ ഹാ​ൾ ടി​ക്ക​റ്റ് വാ​ങ്ങാ​നെ​ത്തി​യ മ​ര​ക്കാ​ർ ഹാ​ജി​യെ അ​ഭി​ന​ന്ദി​ക്കാ​ൻ ബ്ലോ​ക്ക് പ​ഞ്ചാ​യ​ത്ത്‌ പ്ര​സി​ഡ​ൻ​റ് വ​സീ​മ വേ​ളേ​രി എ​ത്തി​യി​രു​ന്നു. പ്ര​സി​ഡ​ൻ​റി​നൊ​പ്പം സ്കൂ​ൾ പ്ര​ധാ​നാ​ധ്യാ​പി​ക ടി.​വി. ഷീ​ല, സാ​ക്ഷ​ര​ത മി​ഷ​ൻ ബ്ലോ​ക്ക് നോ​ഡ​ൽ പ്രേ​ര​ക് കെ.​ടി. നി​സാ​ർ ബാ​ബു എ​ന്നി​വ​രും ഉ​ണ്ടാ​യി​രു​ന്നു.