തിരുവനന്തപുരം: എസ്.എസ്.എൽ.സി, ഹയർ സെക്കൻഡറി, വി.എച്ച്.എസ്.ഇ പരീക്ഷകൾ മാറ്റമില്ലാതെ നടക്കുമെന്ന് മുഖ്യമന്ത്രി. എസ്.എസ്.എൽ.സി, വി.എച്ച്.എസ്.ഇ പരീക്ഷ മേയ് 26 മുതലും ഹയർ സെക്കൻഡറി 27 മുതലും നടക്കും.
ലോക്ഡൗൺ നീട്ടുകയും വിദ്യാഭ്യാസ സ്ഥാപനങ്ങൾ 31 വരെ തുറക്കേണ്ടതില്ലെന്നു മാർഗനിർദേശം വരികയും ചെയ്ത സാഹചര്യത്തിൽ പരീക്ഷ മാറ്റുന്നത് വിദ്യാഭ്യാസ വകുപ്പ് ആലോചിച്ചിരുന്നു. ഇതുസംബന്ധിച്ച് തിങ്കളാഴ്ച പൊതുവിദ്യാഭ്യാസ മന്ത്രി സി. രവീന്ദ്രനാഥ് മുഖ്യമന്ത്രിയുമായി കൂടിക്കാഴ്ച നടത്തി. എന്നാൽ, പരീക്ഷ മാറ്റേണ്ട സാഹചര്യമില്ലെന്ന ധാരണയുടെ അടിസ്ഥാനത്തിൽ വൈകുന്നേരം മുഖ്യമന്ത്രി തീരുമാനം അറിയിക്കുകയായിരുന്നു.
പരീക്ഷ നടത്തിപ്പിനുള്ള ആവശ്യമായ മുന്നൊരുക്കങ്ങൾ നടത്താനും കൂടിക്കാഴ്ചയിൽ ധാരണയായി. ഇതിെൻറ ഭാഗമായി സ്കൂളുകൾ തുറന്ന് ശുചീകരണ പ്രവർത്തനങ്ങൾ നടത്താനും അനുമതി നൽകിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.