ന്യൂഡൽഹി: അധ്യാപക യോഗ്യത പരീക്ഷയായ യു.ജി.സി നെറ്റിെൻറ പുതുക്കിയ ഷെഡ്യൂൾ നാഷനൽ ടെസ്റ്റിങ് ഏജൻസി (എൻ.ടി.എ) പ്രസിദ്ധീകരിച്ചു. പുതുക്കിയ ഷെഡ്യൂൾ പ്രകാരം ഒക്ടോബർ ആറ്, ഏഴ്, എട്ട് തീയതികളിലും ഒക്ടോബർ 17മുതൽ 19വരെയുമായിരിക്കും പരീക്ഷ. രണ്ടുഘട്ടങ്ങളിലായാണ് പരീക്ഷ നടത്തുക.
ഒക്ടോബർ പത്തിന് മറ്റു ചില പരീക്ഷകൾ നടക്കുന്നതിനാൽ ഉദ്യോഗാർഥികളുടെ ആവശ്യം പരിഗണിച്ചാണ് പരീക്ഷ തീയതിയിലെ മാറ്റം. നേരത്തേ ഒക്ടോബർ ആറുമുതൽ 11 വരെ പരീക്ഷ നടത്താനായിരുന്നു എൻ.ടി.എയുടെ തീരുമാനം.
സെപ്റ്റംബർ അഞ്ചുവരെയാണ് പരീക്ഷക്ക് രജിസ്റ്റർ ചെയ്യാൻ അവസരം. രാവിലെ ഒമ്പതുമുതൽ 12 മണിവരെയും രണ്ടാം ഷിഫ്റ്റ് മൂന്നുമുതൽ ആറുമണി വരെയും നടക്കും. കൂടുതൽ വിവരങ്ങൾ ugcnet.nta.nic.in, www.nta.ac.in എന്നീ വെബ്സൈറ്റുകളിൽ ലഭിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.