നൈസർഗിക സമരങ്ങളുടെ സമകാലിക പ്രസക്തികള്‍

പു​തു​വ​ർ​ഷ​ത്തി​ലേ​ക്ക് കാ​ലെ​ടു​ത്തു​​വെ​ക്കു​ന്ന രാ​ഷ്ട്രം ഇ​തു​വ​രെ ക​ണ്ടി​ട്ടി​ല്ലാ​ത്ത സാ​മ്പ​ത്തി​ക​മാ​യ അ​സ്ഥി​ര​ത​ക​ളും മ​ഹാ​മാ​രി​യു​ടെ ന​വ​ത​രം​ഗം സൃ​ഷ്ടി​ക്കു​ന്ന ഭീ​തി​ജ​ന​ക​മാ​യ സാ​ഹ​ച​ര്യ​വും നേ​രി​ടു​ക​യാ​ണ്. ഭ​ര​ണ​കൂ​ട​വും ജ​ന​ങ്ങ​ളും ഒ​ന്നി​ച്ചു പൊ​രു​തേ​ണ്ട സ​മ​കാ​ലി​ക ഭീ​ഷ​ണി​ക​ള്‍ പ​ക്ഷേ, പ​ല​തും ഭ​ര​ണ​കൂ​ട സ​മീ​പ​ന​ത്തി​ന്‍റെ കൂ​ടി സൃ​ഷ്ടി​യാ​ണ് എ​ന്ന​താ​ണ് വേ​ദ​നി​പ്പി​ക്കു​ന്ന പ​ര​മാ​ർ​ഥം. രാ​ജ്യം ക​ത്തി​യെ​രി​യു​മ്പോ​ള്‍ നീ​റോ ച​ക്ര​വ​ർ​ത്തി വീ​ണ വാ​യി​ച്ചു​വെ​ന്ന് പ​റ​യു​ന്ന​തു​പോ​ലെ രാ​ഷ്ട്രം നി​ര​ന്ത​ര​മാ​യ ദു​ര​ന്ത​ഭീ​ഷ​ണി​ക​ളെ നേ​രി​ടു​മ്പോ​ള്‍ ഔ​റം​ഗ​സീ​ബി​നെ​ക്കു​റി​ച്ച് നു​ണ​ക്ക​ഥ​ക​ള്‍ മെ​ന​യു​ന്ന​തി​നാ​ണ് അ​ടി​യ​ന്ത​ര​പ്രാ​ധാ​ന്യം എ​ന്നു​ക​രു​തു​ന്ന ഭ​ര​ണ​കൂ​ട​നേ​തൃ​ത്വം ഒ​രു തെ​ര​ഞ്ഞെ​ടു​പ്പി​ന്‍റെ കാ​ല​ത്തു​പോ​ലും ജ​ന​കീ​യ പ്ര​ശ്ന​ങ്ങ​ള്‍ ച​ർ​ച്ച​ചെ​യ്യി​ല്ല എ​ന്ന് ക​ടും​വാ​ശി​യി​ലാ​ണ്.

ഇ​ന്ത്യ​യു​ടെ മ​തേ​ത​ര​മാ​യ ഏ​കീ​കൃ​ത സം​ര​ച​ന​ക്ക് സാം​സ്കാ​രി​ക​മാ​യും രാ​ഷ്ട്രീ​യ​മാ​യും ച​രി​ത്ര​പ​ര​മാ​യ അ​ർ​ഥ​ത്തി​ല്‍ വ​ലി​യ സം​ഭാ​വ​ന​ക​ള്‍ ന​ൽ​കി​യ മു​ഗ​ള​രും നെ​ഹ്രു​വും രാ​ഷ്ട്ര​ത്തി​ന്‍റെ ശ​ത്രു​പ​ക്ഷ​മാ​ണ് എ​ന്ന നു​ണ​വ്യ​വ​ഹാ​രം​കൊ​ണ്ട് നേ​ട്ട​മു​ണ്ടാ​ക്കാ​ന്‍ ശ്ര​മി​ക്കു​ന്ന​ത് രാ​ജ്യം സാ​മ്പ​ത്തി​ക മു​ര​ടി​പ്പി​ന്‍റെ​യും പ​ട്ടി​ണി​യു​ടെ​യും തൊ​ഴി​ല്‍ രാ​ഹി​ത്യ​ത്തി​ന്‍റെ​യും ദേ​ശീ​യ പ്ര​തി​സ​ന്ധി​ക​ൾ​ക്കു​ മു​ന്നി​ല്‍ പ​ക​ച്ചു​നി​ൽ​ക്കു​മ്പോ​ഴാ​ണ് എ​ന്ന വൈ​രു​ധ്യം ഭ​യ​പ്പെ​ടു​ത്തു​ന്ന​താ​ണ്.

എ​ന്നാ​ല്‍, തി​ക​ച്ചും ഹ​താ​ശ​മാ​യ ഈ ​കാ​ല​ത്ത് പ്ര​ത്യാ​ശ​യു​ടെ സ്ഫു​ര​ണ​ങ്ങ​ള്‍ ജ്വ​ലി​ച്ചു​യ​രു​ന്ന നി​ര​വ​ധി സ​ന്ദ​ർ​ഭ​ങ്ങ​ൾ​ക്ക്​ പോ​യ​വ​ർ​ഷം രാ​ജ്യം സാ​ക്ഷ്യം​വ​ഹി​ക്കു​ക​യു​ണ്ടാ​യി. ഫാ​ഷി​സ​ത്തി​ന്‍റെ സാം​സ്കാ​രി​ക ദേ​ശീ​യ​ത നി​ർ​മി​തി ഒ​രു വ​ശ​ത്ത് ത​കൃ​തി​യാ​യി ന​ട​ക്കു​ക​യും യ​ഥാ​ർ​ഥ​രാ​ഷ്ട്രം സാ​മ്പ​ത്തി​ക​മാ​യും സാ​മൂ​ഹി​ക​മാ​യും ശി​ഥി​ലീ​ക​രി​ക്ക​പ്പെ​ടു​ക​യും ചെ​യ്യു​ന്ന കാ​ഴ്ച ഹി​ന്ദു​ത്വ​ഭ​ര​ണം തു​ട​ങ്ങി​യ കാ​ലം മു​ത​ല്‍ ക​ണ്ടു​വ​രു​ന്ന​താ​ണെ​ങ്കി​ലും പോ​യ​വ​ർ​ഷം അ​തി​നെ​തി​രെ തീ​വ്ര​മാ​യ ചെ​റു​ത്തു​നി​ൽ​പു​ക​ള്‍ ശ​ക്തി​പ്പെ​ട്ട കാ​ല​യ​ള​വ്‌ കൂ​ടി​യാ​യി​രു​ന്നു.

കാ​ർ​ഷി​ക മേ​ഖ​ല​യി​ലും തൊ​ഴി​ല്‍ മേ​ഖ​ല​യി​ലും സ​ർ​ക്കാ​ര്‍ ന​ട​പ്പി​ലാ​ക്കു​ന്ന പ​രി​ഷ്ക​ര​ണ​ങ്ങ​ൾ​ക്കെ​തി​രെ രാ​ജ്യ​വ്യാ​പ​ക​മാ​യി ന​ട​ന്ന സ​മ​ര​ങ്ങ​ള്‍ ഹി​ന്ദു​ത്വ ദേ​ശീ​യ​ത​ക്കെ​തി​രെ​യു​ള്ള സ​മ​ര​ങ്ങ​ള്‍ എ​ന്ന് നേ​രി​ട്ടു​പ​റ​യാ​നാ​വി​ല്ലെ​ങ്കി​ലും പു​തി​യ സ​ർ​ക്കാ​ര്‍ ന​യ​ങ്ങ​ളെ ഹി​ന്ദു​ത്വ​ഫാ​ഷി​സ​ത്തി​ന്‍റെ പൊ​തു അ​ജ​ണ്ട​യി​ൽ​നി​ന്ന് വേ​ർ​പെ​ടു​ത്തി​ക്കാ​ണാ​ന്‍ ക​ഴി​യി​ല്ല എ​ന്ന​തും പ്ര​ധാ​ന​മാ​യി​രു​ന്നു. കാ​ർ​ഷി​ക നി​യ​മ​ങ്ങ​ൾ​ക്കെ​തി​രെ ക​ർ​ഷ​ക​ര്‍ ന​ട​ത്തി​യ ധീ​ര​മാ​യ ചെ​റു​ത്തു​നി​ൽ​പും വ്യ​വ​സാ​യ-​തൊ​ഴി​ല്‍ നി​യ​മ​നി​ർ​മാ​ണ​ങ്ങ​ൾ​ക്കെ​തി​രെ ഇ​ന്ത്യ​യി​ലെ പ്ര​മു​ഖ ട്രേ​ഡ് യൂ​നി​യ​നു​ക​ള്‍ ന​ട​ത്തി​യ ശ​ക്ത​മാ​യ സ​മ​ര​ങ്ങ​ളും പൗ​ര​ത്വ നി​യ​മ​ങ്ങ​ൾ​ക്കെ​തി​രെ ന്യൂ​ന​പ​ക്ഷ​ങ്ങ​ള്‍ ന​ട​ത്തി​യ ഐ​തി​ഹാ​സി​ക സ​മ​ര​ങ്ങ​ൾ​പോ​ലെ ക​രു​ത്തു​റ്റ​തും ജ​ന​കീ​യ​മാ​യ ഇ​ച്ഛാ​ശ​ക്തി​യും വി​ളി​ച്ച​റി​യി​ക്കു​ന്ന​താ​യി​രു​ന്നു.

ക​ർ​ഷ​ക​സ​മ​രം നേ​രി​ട്ട് ബി.​ജെ.​പി​യു​ടെ ഹൈ​ന്ദ​വ​രാ​ഷ്ട്രീ​യ​ത്തെ ആ​ക്ര​മി​ക്കു​ന്ന​താ​യി​രു​ന്നി​ല്ല. എ​ൺ​പ​തു​ക​ള്‍ മു​ത​ല്‍ ഇ​ന്ത്യ പി​ന്തു​ട​ർ​ന്നു​പോ​ന്ന നി​യോ​ലി​ബ​റ​ല്‍ സാ​മ്പ​ത്തി​ക​ന​യ​ങ്ങ​ളു​ടെ ച​ട്ട​ക്കൂ​ടി​നു​ള്ളി​ല്‍ നി​ൽ​ക്കു​ന്ന​തും എ​ന്നാ​ല്‍, മു​ൻ​കാ​ല കോ​ൺ​ഗ്ര​സ് സ​ർ​ക്കാ​റു​ക​ള്‍ ഇ​ക്കാ​ര്യ​ത്തി​ല്‍ പു​ല​ർ​ത്തി​യി​രു​ന്ന ദു​ർ​ബ​ല​മാ​യ സം​യ​മ​ന​ങ്ങ​ളെ​പ്പോ​ലും നി​രാ​ക​രി​ക്കു​ന്ന​തു​മാ​യ പു​തി​യ കാ​ർ​ഷി​ക-​വ്യ​വ​സാ​യ നി​യ​മ​ങ്ങ​ളാ​ണ് ക​ർ​ഷ​ക​രും ട്രേ​ഡ് യൂ​നി​യ​നു​ക​ളും ചോ​ദ്യം​ചെ​യ്ത​ത്. ട്രേ​ഡ് യൂ​നി​യ​നു​ക​ളു​ടെ എ​തി​ർ​പ്പ്​ ഏ​റ​ക്കു​റെ പ​ര​മ്പ​രാ​ഗ​ത ശൈ​ലി​യി​ലു​ള്ള​താ​യി​രു​ന്നെ​ങ്കി​ല്‍ ക​ർ​ഷ​ക​സ​മ​രം നൂ​ത​ന​മാ​യ ഒ​രു സം​ഘ​ർ​ഷ​മു​ഖ​മാ​ണ് വെ​ട്ടി​ത്തു​റ​ന്ന​ത്. ഒ​രു കൊ​ളോ​ണി​യ​ല്‍ വി​രു​ദ്ധ സ​ഹ​ന​സ​മ​ര​ത്തി​ന്‍റെ ഊ​ർ​ജ​വും തീ​ക്ഷ്​​ണ​ത​യും അ​ത് പ്ര​സ​രി​പ്പി​ച്ചു എ​ന്ന​ത് നി​സ്ത​ർ​ക്ക​മാ​യ കാ​ര്യ​മാ​ണ്. പ​ഞ്ചാ​ബി​ലെ​യും ഉ​ത്ത​രേ​ന്ത്യ​ന്‍ പ്ര​ദേ​ശ​ങ്ങ​ളി​ലെ​യും കാ​ർ​ഷി​ക​മേ​ഖ​ല​യി​ല്‍ ഹ​രി​ത​വി​പ്ല​വ​ത്തി​ന്‍റെ​യും പോ​സ്റ്റ്‌-​നി​യോ​ലി​ബ​റ​ല്‍ സാ​മ്പ​ത്തി​ക ഇ​ട​പെ​ട​ലു​ക​ളു​ടെ​യും പ​ശ്ചാ​ത്ത​ല​ത്തി​ല്‍ ഉ​ണ്ടാ​യി​ട്ടു​ള്ള കാ​ർ​ഷി​ക മു​ത​ലാ​ളി​ത്ത​ത്തി​ന്‍റെ വ​ള​ർ​ച്ച സൃ​ഷ്ടി​ച്ച വ​ലി​യ വ​ർ​ഗ​വി​ഭ​ജ​ന​ങ്ങ​ളെ അ​വ​ഗ​ണി​ച്ചു​കൊ​ണ്ടാ​ണ് വ​ൻ​കി​ട ചെ​റു​കി​ട ക​ർ​ഷ​ക​രും ഒ​രു വ​ലി​യ വി​ഭാ​ഗം ക​ർ​ഷ​ക​ത്തൊ​ഴി​ലാ​ളി​ക​ളും ഐ​ക്യ​ത്തോ​ടെ സ​മ​ര​രം​ഗ​ത്തേ​ക്ക് ക​ട​ന്നു​വ​ന്ന​ത്.

ഭ​ര​ണ​കൂ​ട​ത്തി​ന്‍റെ പ​ര​മാ​ധി​കാ​ര രൂ​പ​ങ്ങ​ളാ​യ ഭ​ര​ണ​ഘ​ട​ന​യെ​യും പാ​ർ​ല​മെ​ന്‍റി​നെ​യും മ​റ​യാ​ക്കി മാ​ര​ക​മാ​യ നി​ഷേ​ധ​വ​ശ​ങ്ങ​ളു​ള്ള നി​യ​മ​നി​ർ​മാ​ണ​ങ്ങ​ള്‍ ന​ട​പ്പി​ലാ​ക്ക​വെ എ​ത്ര വ​ലി​യ ക​ർ​ഷ​ക പ്ര​ക്ഷോ​ഭ​ത്തി​നാ​ണ് ഇ​തു​ വ​ഴി​യൊ​രു​ക്കു​ക എ​ന്ന​തി​നെ​ക്കു​റി​ച്ച് ബി.​ജെ.​പി​ക്ക് വ​ലി​യ ധാ​ര​ണ​യു​ണ്ടാ​യി​രു​ന്നി​ല്ല. ആ ​അ​ർ​ഥ​ത്തി​ല്‍ ക​ർ​ഷ​ക​സ​മ​ര​ത്തി​ന്‍റെ സ​ർ​ഗാ​ത്മ​ക​ത അ​ന​ന്യ​മാ​യി​രു​ന്നു. അ​ടി​സ്ഥാ​ന​ത​ല​ത്തി​ൽ​നി​ന്ന്​ ആ​രം​ഭി​ച്ച​തും വ​ൻ​കി​ട ക​ർ​ഷ​ക​ര്‍കൂ​ടി ഭാ​ഗ​ഭാ​ക്കാ​യ​തു​മാ​ണ് ഈ ​സ​മ​രം എ​ന്ന​തി​ന്‍റെ രാ​ഷ്ട്രീ​യ​മാ​യ അ​ർ​ഥം അ​വ​സാ​ന​ഘ​ട്ടം​വ​രെ​യും സം​ഘ്​​പ​രി​വാ​റി​നു വെ​ളി​വാ​യി​ല്ല. ഫാ​ഷി​സ​ത്തി​ന്‍റെ ഗ്രാ​മ​ങ്ങ​ളി​ലെ ശ​ക്തി എ​പ്പോ​ഴും വ​ൻ​കി​ട മു​ത​ലാ​ളി​ത്ത ക​ർ​ഷ​ക​രോ ഫ്യൂ​ഡ​ല്‍ ക​ർ​ഷ​ക പ്ര​ഭു​ക്ക​ളോ ആ​യി​രി​ക്കും.

ന​ഗ​ര​ങ്ങ​ളി​ല്‍ ഈ ​പ​ങ്കു​വ​ഹി​ക്കു​ന്ന​ത് മ​ധ്യ​വ​ർ​ഗ​ങ്ങ​ളും ഇ​ട​ത്ത​ര​ക്കാ​രു​മാ​ണ്. സ​ർ​ക്കാ​ർ പാ​ർ​ല​മെ​ന്‍റി​ല്‍ പാ​സാ​ക്കി​യ കാ​ർ​ഷി​ക- വ്യ​വ​സാ​യ നി​യ​മ​ങ്ങ​ള്‍ ഒ​റ്റ​യ​ടി​ക്ക് ഈ ​വി​ഭാ​ഗ​ങ്ങ​ളെ ബി.​ജെ.​പി ഭ​ര​ണ​ത്തി​ന്‍റെ ആ​പ​ത്​​സാ​ധ്യ​ത​ക​ള്‍ തൊ​ട്ട​റി​യാ​ന്‍ ഇ​ട​യാ​ക്കി എ​ന്ന​ത് പ്ര​ധാ​ന​മാ​ണ്. ഈ ​നി​യ​മ​ങ്ങ​ള്‍ ന​ട​പ്പാ​ക്കി​യ സാ​ഹ​ച​ര്യ​വും പ്ര​ധാ​ന​മാ​യി​രു​ന്നു. രാ​ഷ്ട്രം കോ​വി​ഡ് മ​ഹാ​മാ​രി​യു​ടെ ആ​ക്ര​മ​ണ​ത്തി​ല്‍ ന​ട്ടം​തി​രി​യു​മ്പോ​ള്‍ അ​തി​നെ​തി​രെ കാ​ര്യ​മാ​യി ഒ​ന്നും ചെ​യ്യാ​ന്‍ ത​യാ​റാ​വാ​തി​രു​ന്ന ഭ​ര​ണ​കൂ​ടം തി​ടു​ക്ക​പ്പെ​ട്ടു ന​ട​പ്പി​ലാ​ക്കി​യ ഈ ​നി​യ​മ​ങ്ങ​ള്‍ ലോ​ക​വ്യാ​പാ​ര​സം​ഘ​ട​ന​യു​ടെ​യും ഇ​ന്ത്യ​യി​ലെ ക്രോ​ണി മൂ​ല​ധ​ന​ത്തി​ന്‍റെ​യും താ​ൽ​പ​ര്യ​ങ്ങ​ളെ ഒ​രു​പോ​ലെ സം​ര​ക്ഷി​ക്കു​ന്ന​വ​യാ​യി​രു​ന്നു.

ക​ഴി​ഞ്ഞ ഫെ​ബ്രു​വ​രി​യി​ൽ അ​വ​ത​രി​പ്പി​ച്ച ബ​ജ​റ്റി​ലാ​ണ് ധ​ന​കാ​ര്യ​മ​ന്ത്രി നി​ർ​മ​ല സീ​താ​രാ​മ​ൻ പൊ​തു​മേ​ഖ​ല ബാ​ങ്കു​ക​ളെ സ്വ​കാ​ര്യ​വ​ത്​​ക​രി​ക്കു​മെ​ന്ന് പ്ര​ഖ്യാ​പി​ച്ച​ത്. ബാ​ങ്കു​ക​ളു​ടെ ഓ​ഹ​രി വി​ൽ​പ​ന​യി​ലൂ​ടെ 1.75 ല​ക്ഷം​കോ​ടി സ​മാ​ഹ​രി​ക്കു​ക എ​ന്ന ല​ക്ഷ്യം മു​ൻ​നി​ർ​ത്തി ഐ.​ഡി.​ബി.​ഐ ബാ​ങ്ക​ട​ക്കം മൂ​ന്നു പൊ​തു​മേ​ഖ​ല ബാ​ങ്കു​ക​ളെ​യും ജ​ന​റ​ൽ ഇ​ൻ​ഷു​റ​ൻ​സ് ക​മ്പ​നി​യെ​യും അ​ടി​യ​ന്ത​ര​മാ​യി സ്വ​കാ​ര്യ​വ​ത്​​ക​രി​ക്കാ​നാ​ണ് സ​ർ​ക്കാ​ർ ശ്ര​മി​ക്കു​ന്ന​ത്. മ​റ്റൊ​ന്ന് അ​ങ്ങേ​യ​റ്റം അ​ശാ​സ്ത്രീ​യ​മാ​യി ന​ട​ത്തു​ന്ന ബാ​ങ്കു​ക​ളു​ടെ ല​യ​ന​മാ​ണ്. സ്വ​കാ​ര്യ​വ​ത്​​ക​ര​ണ​ത്തി​നും ബാ​ങ്കു​ക​ളു​ടെ വ​രേ​ണ്യ​വ​ത്​​ക​ര​ണ​ത്തി​നു​മാ​ണ്​ ഈ ​സ​മീ​പ​നം കൂ​ടു​ത​ല്‍ സ​ഹാ​യി​ക്കു​ക എ​ന്ന് ബാ​ങ്കി​ങ്​ മേ​ഖ​ല​യി​ലെ തൊ​ഴി​ലാ​ളി യൂ​നി​യ​നു​ക​ള്‍ ആ​രോ​പി​ക്കു​ന്നു. സ​മ്പ​ദ് വ്യ​വ​സ്ഥ​യി​ല്‍ ബാ​ങ്കി​ങ്​ സൗ​ക​ര്യ​ങ്ങ​ള്‍ കൂ​ടു​ത​ല്‍ ജ​ന​ങ്ങ​ളി​ലേ​ക്ക് കു​റ​ഞ്ഞ നി​ര​ക്കി​ല്‍ എ​ത്തി​ക്കാ​നു​ള്ള സ​ർ​ക്കാ​റി​ന്‍റെ നി​ശ്ച​യ​ദാ​ർ​ഢ്യ​മാ​യി​രു​ന്നു 1969ലെ ​ബാ​ങ്ക് ദേ​ശ​സാ​ത്​​ക​ര​ണ​ത്തി​ല്‍ തെ​ളി​ഞ്ഞു​ക​ണ്ട​ത്.

ബാ​ങ്ക് ദേ​ശ​സാ​ത്​​ക​ര​ണ​വും കു​ത്ത​ക​വ്യാ​പാ​ര നി​യ​ന്ത്ര​ണ​നി​യ​മ​വും അ​ടി​സ്ഥാ​ന​മേ​ഖ​ല​ക​ളി​ലും നി​ർ​മാ​ണ​മേ​ഖ​ല​യി​ലും നേ​രി​ട്ടു​ള്ള സ​ർ​ക്കാ​ര്‍ മൂ​ല​ധ​ന​നി​ക്ഷേ​പ​വു​മെ​ല്ലാം ഇ​ന്ത്യ​ന്‍ ജ​ന​ത​യു​ടെ പ​ട്ടി​ണി​യും ദാ​രി​ദ്ര്യ​വും ക്ര​മേ​ണ ഇ​ല്ലാ​താ​ക്കു​ന്ന​തി​ന് സ​ഹാ​യി​ക്കു​ന്ന ക്ഷേ​മ​രാ​ഷ്ട്ര സ​മീ​പ​ന​ങ്ങ​ളാ​യി​രു​ന്നു. ഇ​വ​യെ​ല്ലാം അ​ട്ടി​മ​റി​ക്കു​ന്ന ന​യ​ങ്ങ​ളാ​ണ് ഇ​പ്പോ​ള്‍ സ​ർ​ക്കാ​ര്‍ സ്വീ​ക​രി​ച്ചി​ട്ടു​ള്ള​ത്. 1980ക​ൾ​ക്കു​ശേ​ഷം അ​ത്ത​രം നി​യോ​ലി​ബ​റ​ല്‍ ന​യ​ങ്ങ​ള്‍ വ്യാ​പ​ക​മാ​യി വി​ന്യ​സി​ക്ക​പ്പെ​ട്ടു എ​ന്ന കാ​ര്യ​ത്തി​ല്‍ ത​ർ​ക്ക​മി​ല്ല. എ​ന്നാ​ല്‍, പു​തി​യ ഹി​ന്ദു​ത്വ സ​ർ​ക്കാ​ര്‍ ആ ​രം​ഗ​ത്തെ അ​ടി​സ്ഥാ​ന അ​ച്ച​ട​ക്ക​ങ്ങ​ള്‍പോ​ലും കാ​റ്റി​ല്‍പ​റ​ത്തു​ന്ന സ​മീ​പ​ന​മാ​ണ് സ്വീ​ക​രി​ച്ചി​ട്ടു​ള്ള​ത്.

ഇ​താ​വ​ട്ടെ സാ​മ്പ​ത്തി​ക​മേ​ഖ​ല​യി​ലെ ത​ക​ർ​ച്ച​ക്ക് ആ​ക്കം​കൂ​ട്ടു​ക​യാ​ണ്. ആ ​അ​ർ​ഥ​ത്തി​ല്‍ ബാ​ങ്കി​ങ്​ മേ​ഖ​ല​യി​ലെ യൂ​നി​യ​നു​ക​ളു​ടെ ഏ​കീ​കൃ​ത പ്ലാ​റ്റ്ഫോ​മാ​യ യു​നൈ​റ്റ​ഡ് ഫോ​റം ഓ​ഫ് ബാ​ങ്ക് യൂ​നി​യ​ന്‍ നേ​തൃ​ത്വം ന​ൽ​കു​ന്ന ദേ​ശ​വ്യാ​പ​ക​മാ​യു​ള്ള സ​മ​ര​ങ്ങ​ൾ​ക്ക്​ കേ​വ​ല​മാ​യ ട്രേ​ഡ് യൂ​നി​യ​ന്‍ താ​ൽ​പ​ര്യ​ങ്ങ​ള്‍ മാ​ത്ര​മ​ല്ല ഉ​ള്ള​ത് എ​ന്ന് മ​ന​സ്സി​ലാ​ക്കേ​ണ്ട​തു​ണ്ട്. ക​ഴി​ഞ്ഞ​വ​ർ​ഷം ബാ​ങ്ക് ജീ​വ​ന​ക്കാ​ര്‍ നി​ര​വ​ധി സ​മ​ര​ങ്ങ​ള്‍ ന​ട​ത്തു​ക​യു​ണ്ടാ​യി. ഇ​വ​യെ​ല്ലാം ബാ​ങ്കി​ങ്​ മേ​ഖ​ല​യി​ലെ അ​മി​ത​മാ​യ നി​യോ​ലി​ബ​റ​ല്‍ ന​യ​ങ്ങ​ള്‍ ഇ​ന്ത്യ​ന്‍ സ​മ്പ​ദ്​​വ്യ​വ​സ്ഥ​യി​ല്‍ വ​രു​ത്തി​വെ​ക്കു​ന്ന ഭീ​മ​മാ​യ ബാ​ധ്യ​ത​ക​ൾ​ക്കും എ​തി​രാ​യി​ട്ടാ​യി​രു​ന്നു. എ​ന്നാ​ല്‍, അ​വ ക​ർ​ഷ​ക​സ​മ​ര​ത്തി​ന്‍റെ അ​ത്ര പൊ​തു​ശ്ര​ദ്ധ നേ​ടി​യി​ല്ല. സ്വാ​ഭാ​വി​ക​മാ​യും ന​ഗ​ര​വാ​സി​ക​ളാ​യ ഇ​ട​ത്ത​ര​ക്കാ​രു​ടെ സ​മ​ര വി​രു​ദ്ധ​വി​ചാ​ര​ങ്ങ​ളു​ടെ ധാ​ർ​മി​ക​രോ​ഷ​ത്തി​ന് അ​വ​ര്‍ ഇ​ര​യാ​വു​ക​യും ചെ​യ്തു.

ഇ​ത്ത​രം സ​മ​ര​ങ്ങ​ളെ ഹി​ന്ദു​ത്വ​രാ​ഷ്ട്രീ​യ​ത്തി​നു​കൂ​ടി എ​തി​രാ​യു​ള്ള സ​മ​ര​ങ്ങ​ളു​ടെ ഭാ​ഗ​മാ​ക്കി ഒ​പ്പം​നി​ൽ​ക്കു​ക എ​ന്ന​ത് പ്ര​തി​പ​ക്ഷ​പാ​ർ​ട്ടി​ക​ള്‍ ഏ​റ്റെ​ടു​ക്കേ​ണ്ട ഉ​ത്ത​ര​വാ​ദി​ത്ത​മാ​ണ്. പു​റം​കാ​ഴ്ച​യി​ല്‍ ഇ​വ കേ​വ​ലം സാ​മ്പ​ത്തി​ക സ​മ​ര​ങ്ങ​ളാ​യി​രി​ക്കാം. ഇ​വ​യു​ടെ അ​ടി​സ്ഥാ​ന​പ​ര​മാ​യ മു​ദ്രാ​വാ​ക്യ​ങ്ങ​ള്‍ കോ​ൺ​ഗ്ര​സും മ​റ്റു പ്ര​തി​പ​ക്ഷ​പാ​ർ​ട്ടി​ക​ളും ത​ങ്ങ​ൾ​ക്ക്​ അ​ധി​കാ​ര​മു​ള്ള സ്ഥ​ല​ങ്ങ​ളി​ല്‍ മു​മ്പ്​ ന​ട​പ്പി​ലാ​ക്കി​യ നി​യോ​ലി​ബ​റ​ല്‍ ന​യ​ങ്ങ​ളെ​ത്ത​ന്നെ ചോ​ദ്യം ചെ​യ്യു​ന്ന​വ​യാ​യി​രി​ക്കാം. പ​ക്ഷേ, ഹി​ന്ദു​ത്വ​ഭ​ര​ണ​കൂ​ടം ഭ​ര​ണ​യു​ക്തി​യി​ല്‍ കൊ​ണ്ടു​വ​ന്ന ഹ​ത്യാ​ധി​കാ​ര​ത്തി​ന്‍റെ​യും മൃ​ത്യു​രാ​ഷ്ട്രീ​യ​ത്തി​ന്‍റെ​യും ഹിം​സാ​ത്മ​ക​സ​മീ​പ​ന​ത്തോ​ടാ​ണ് ക​ർ​ഷ​ക​രും യു​വാ​ക്ക​ളും തൊ​ഴി​ലാ​ളി​ക​ളും ഇ​ന്ന് സ​മ​ര​മു​ഖ​ങ്ങ​ള്‍ തു​റ​ക്കു​ന്ന​ത് എ​ന്ന വ​സ്തു​ത​ക്കു നേ​രെ ക​ണ്ണ​ട​ക്കു​ന്ന​ത് അ​ർ​ഥ​മി​ല്ല.

നൈ​സ​ർ​ഗി​ക സ​മ​ര​ങ്ങ​ള്‍ സൃ​ഷ്ടി​ക്കു​ന്ന നി​ര​ന്ത​ര​മാ​യ ചെ​റു​ത്തു​നി​ൽ​പി​ല്ലാ​തെ സാം​സ്കാ​രി​ക ഫാ​ഷി​സ​ത്തെ തു​റ​ന്നു​കാ​ട്ടു​വാ​നോ ചെ​റു​ക്കു​വാ​നോ ക​ഴി​യി​ല്ല എ​ന്ന യാ​ഥാ​ർ​ഥ്യം നാം ​മ​ന​സ്സി​ലാ​ക്കേ​ണ്ട​തു​ണ്ട്. എ​ഴു​പ​തു​ക​ളി​ല്‍ അ​ന്ന​ത്തെ വ​ല​തു​പ​ക്ഷം കോ​ൺ​ഗ്ര​സി​നെ പ​രാ​ജ​യ​പ്പെ​ടു​ത്തി​യ​ത് ഉ​ത്ത​രേ​ന്ത്യ​യി​ല്‍ ജ​യ​പ്ര​കാ​ശ് നാ​രാ​യ​ണ​ന്‍ രൂ​പം​കൊ​ടു​ത്ത അ​ഴി​മ​തി വി​രു​ദ്ധ സ​മ​ര​ത്തെ ത​ങ്ങ​ളു​ടെ രാ​ഷ്ട്രീ​യ അ​ജ​ണ്ട​യി​ലേ​ക്ക് സ​മ​ർ​ഥ​മാ​യി സ്വാം​ശീ​ക​രി​ച്ചു​കൊ​ണ്ടാ​യി​രു​ന്നു.

ഇ​പ്പോ​ള്‍ ബി.​ജെ.​പി അ​ധി​കാ​ര​ത്തി​ല്‍ വ​ന്ന​തും അ​ണ്ണാ​ഹ​സാ​രെ പോ​ലു​ള്ള ത​ങ്ങ​ളു​ടെ ചി​ല ക​പ​ട ജ​ന​കീ​യ​മു​ഖ​ങ്ങ​ളു​ടെ സ​മ​ര​സാ​ഹ​സ​ങ്ങ​ൾ​ക്ക്​ പി​ന്നി​ല്‍ ചേ​ർ​ന്നു​നി​ന്നു​കൊ​ണ്ടാ​ണ് എ​ന്ന് ന​മു​ക്ക​റി​യാം. എ​ന്നാ​ല്‍, ഇ​ന്ന് ദേ​ശീ​യ​ത​ല​ത്തി​ല്‍ നി​ല​നി​ൽ​പി​നാ​യു​ള്ള യ​ഥാ​ർ​ഥ ജ​ന​കീ​യ സ​മ​ര​ങ്ങ​ളു​ടെ വേ​ലി​യേ​റ്റ​മാ​ണ് ഉ​ണ്ടാ​വു​ന്ന​ത്. ഈ ​സ​മ​ര​ങ്ങ​ളെ ഏ​കോ​പി​പ്പി​ക്കു​ക​യും അ​വ​യോ​ട് ഐ​ക്യ​ദാ​ർ​ഢ്യ​പ്പെ​ടു​ക​യും അ​വ​യി​ല്‍ ല​യി​ച്ചു​ചേ​രു​ക​യും ചെ​യ്യു​ന്ന​തി​ലൂ​ടെ മാ​ത്ര​മേ ദീ​ർ​ഘ​കാ​ലാ​ടി​സ്ഥാ​ന​ത്തി​ല്‍ ഹി​ന്ദു​ത്വ ഫാ​ഷി​സ​ത്തി​നെ​തി​രെ​യു​ള്ള തെ​ര​ഞ്ഞെ​ടു​പ്പു വി​ജ​യ​ങ്ങ​ൾ​പോ​ലും സാ​ധ്യ​മാ​വു​ക​യു​ള്ളു എ​ന്ന് ഔ​പ​ചാ​രി​ക പ്ര​തി​പ​ക്ഷ​വും തി​രി​ച്ച​റി​യേ​ണ്ട​തു​ണ്ട്.