എങ്ങോട്ടാണ്​ ഈ രാജ്യം സഞ്ചരിക്കുന്നത്​?

ക​ഴി​ഞ്ഞ​യാ​ഴ്​​ച വി​ശ്രു​ത ന​ട​ൻ ദി​ലീ​പ്​ കു​മാ​റി​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച വാ​ർ​ത്ത ​േക​ട്ട​പ്പോ​ൾ അ​ദ്ദേ​ഹ​വും പ​ത്​​നി സൈ​റ ബാ​നു​വു​മാ​യി ന​ട​ത്തി​യ കൂ​ടി​ക്കാ​ഴ്​​ച​യും സം​ഭാ​ഷ​ണ​വും ഓ​ർ​മ​യി​ൽ വ​ന്നു. ഡ​ൽ​ഹി​യി​ലെ ഒ​രു ന​ക്ഷ​ത്ര ഹോ​ട്ട​ൽ ലോ​ബി​യി​ൽവെ​ച്ചാ​ണ്​ ഇ​ന്ത്യ​ൻ സി​നി​മ​യി​ലെ എ​ക്കാ​ല​ത്തെ​യും സൗ​മ്യ​സു​ന്ദ​ര താ​ര​ദ​മ്പ​തി​ക​ളെ ക​ണ്ട​ത്.

അ​തി​നുശേ​ഷം 1999ൽ ​ഒ​രു ദേ​ശീ​യ​ ദി​ന​പ​ത്ര​ത്തി​നുവേ​ണ്ടി സൈ​റ ബാ​നു​വു​മാ​യി അ​ഭി​മു​ഖം ന​ട​ത്തി. പാ​ക്​ സ​ർ​ക്കാ​റി​​​െൻറ ഉ​ന്ന​ത ബ​ഹു​മ​തി​യാ​യ നി​ശാ​നെ ഇം​തി​യാ​സ്​ പു​ര​സ്​​കാ​ര​ത്തി​നാ​യി ദി​ലീപ്​ കു​മാ​റി​നെ തെ​ര​ഞ്ഞെ​ടു​ത്ത​തി​നെ​ച്ചൊ​ല്ലി വി​വാ​ദം പു​ക​യു​ന്ന കാ​ല​ത്താ​യി​രു​ന്നു അ​ത്. പു​ര​സ്​​കാ​രം തി​ര​സ്​​ക​രി​ക്കാ​ൻ അ​ദ്ദേ​ഹ​ത്തി​നുമേ​ൽ സ​മ്മ​ർ​ദം ക​ന​ത്തു​നി​ന്നി​രു​ന്നു. ന​മ്മ​ൾ ജീ​വി​ക്കു​ന്ന​ത്​ ജ​നാ​ധി​പ​ത്യ സം​വി​ധാ​ന​ത്തി​ലാ​ണോ അ​തോ ഏ​കാ​ധി​പ​ത്യ​നു​ക​ത്തി​ൻ കീ​ഴി​ലോ എ​ന്ന്​ സൈ​റ അ​ന്ന്​ രോ​ഷ​വും സ​ങ്ക​ട​വും നി​റ​ഞ്ഞ സ്വ​ര​ത്തി​ൽ ചോ​ദി​ച്ച​തോ​ർ​ക്കു​ന്നു.

ബ്രി​ട്ടീഷ്​ സ​ർ​ക്കാ​ർ ന​ൽ​കി​യ സ​ർ പ​ദ​വി ര​വീ​ന്ദ്ര​നാ​ഥ​ ടാ​ഗോ​ർ തി​രി​ച്ചുന​ൽ​കി​യ സം​ഭ​വ​ത്തെ പ​ല​രും പ​രാ​മ​ർ​ശി​ക്കു​ന്നു​ണ്ടെ​ന്ന്​ ഞാ​ൻ ചൂ​ണ്ടി​ക്കാ​ട്ടി.

''ടാ​ഗോ​ർ ഒ​രു പ്ര​ത്യേ​ക സാ​ഹ​ച​ര്യ​ത്തി​ൽ, അ​ദ്ദേ​ഹ​ത്തി​െൻറ സ്വ​ന്തം താ​ൽ​പ​ര്യ​ത്തി​ലാ​ണ്​ സ​ർ ബ​ഹു​മ​തി വേ​ണ്ടെ​ന്നുവെ​ച്ച​ത്. പു​ര​സ്​​കാ​രം തി​രി​ച്ചുന​ൽ​കൂ ദേ​ശ​ദ്രോ​ഹീ എ​ന്ന്​ ഒ​രാ​ളും അ​ദ്ദേ​ഹ​ത്തെ ചൂ​ണ്ടി പ​റ​ഞ്ഞി​ല്ല, ഭീ​ഷ​ണി​പ്പെ​ടു​ത്ത​ലോ ചാ​പ്പകു​ത്ത​ലോ ചീ​ത്ത​വി​ളി​യോ ഉ​ണ്ടാ​യി​രു​ന്നി​ല്ല'' -ഇ​താ​യി​രു​ന്നു അ​വ​രു​ടെ പ്ര​തി​വ​ച​നം. പാ​കി​സ്​​താ​നി​ൽ ക​ളി​ച്ചുനേ​ടി​യ ട്രോ​ഫി​ക​ളെ​ല്ലാം എ​റി​ഞ്ഞുക​ള​യാ​ൻ ന​മ്മു​ടെ ക്രി​ക്ക​റ്റ്​ താ​ര​ങ്ങ​ളോ​ട് പ​റ​യാ​ൻ ക​ഴി​യു​മോ, അ​ദ്വാ​നി സാ​ബി​നുപോ​ലും പാ​കി​സ്​​താ​നി​ൽനി​ന്ന്​ ഏ​തോ ബ​ഹു​മ​തി കി​ട്ടി​യി​രു​ന്നു എ​ന്നാ​ണ​റി​യു​ന്ന​ത്​- അ​വാ​ർ​ഡ്​ തി​രി​ച്ചുകൊ​ടു​ക്ക​ണ​മെ​ന്ന്​ പ​റ​യു​ന്ന​ത്​ ബാ​ലി​ശ​മാ​ണ്.

പ​രി​ത​ഃസ്​​ഥി​തി​യി​ൽ വ​ന്ന അ​പ​ഭ്രം​ശ​ത്തി​ൽ ഏ​റെ ഖി​ന്ന​യാ​യി​രു​ന്നു അ​വ​ർ. ഛിദ്ര​ത​ക​ളു​ടെ​യും കാ​ലു​ഷ്യ​ങ്ങ​ളു​ടെ​യും അ​ന്ത​രീ​ക്ഷ​ത്തെ അ​തി​ജ​യി​ച്ച്​ സ​മ​ഭാ​വ​ന​യും സ​മാ​ധാ​ന​വും പു​ല​രു​മെ​ന്ന്​ ഉ​റ​ച്ചു വി​ശ്വ​സി​ച്ചി​രു​ന്ന ഒ​രാ​ളു​ടെ വേ​ദ​ന​യാ​യി​രു​ന്നു അ​വ​രു​ടെ ഓ​രോ വാ​ക്കി​ലും. ''ഇ​തി​നുമുമ്പ്​​ ബാ​ബരി മ​സ്​​ജി​ദ്​ ത​ക​ർ​ത്ത​തി​നു​ പി​ന്നാ​ലെ വ​ന്ന ക​ലാ​പ​ങ്ങ​ളെ അ​ഭി​മു​ഖീ​ക​രി​ക്കേ​ണ്ടിവ​ന്നു ന​മു​ക്ക്. ചി​ല്ലു​ജാ​ല​ക​ത്തി​ൽ വി​ള്ള​ൽ വീ​ണ​തു​പോ​ലെ​യാ​ക്കി​ക്ക​ള​ഞ്ഞു അ​തെ​െൻറ സ്വ​പ്​​ന​ങ്ങ​ളെ. വി​ഭാ​ഗീ​യ ചി​ന്ത​ക​ളും പ്ര​വ​ണ​ത​ക​ളു​മി​ല്ലാ​തെ ഏ​വ​രും സ​മാ​ധാ​ന​പൂ​ർ​വം സ​ഹ​വ​ർ​ത്തി​ക്കു​മെ​ന്നായി​രു​ന്നു എ​െൻറ വി​ശ്വാ​സം.''

അ​വ​ർ അ​ന്നേ ന​ൽ​കി അ​പാ​യസൂ​ച​ന

രാ​ജ്യ​ത്ത്​ കാ​ര്യ​ങ്ങ​ൾ നാം ​ക​രു​തു​ന്ന​പോ​ലെ വെ​ടി​പ്പാ​യ​ല്ല നീ​ങ്ങു​ന്ന​തെ​ന്ന്​ ആ​ദ്യ​മേ തി​രി​ച്ച​റി​ഞ്ഞ്​ വി​ളി​ച്ചുപ​റ​ഞ്ഞൊ​രാ​ൾ ഖു​ശ്​​വ​ന്ത്​ സി​ങ്​ ആ​യി​രി​ക്ക​ണം. ഫാ​ഷി​സം വി​ഷ​പ്പ​ല്ലു​ക​ൾ നീ​ട്ടി​ത്തു​ട​ങ്ങി​യെ​ന്നും വ​ർ​ഗീ​യ സ്‌​പ​ർധ അ​പാ​യ​ക​ര​മാ​യ തോ​തി​ൽ വ​ള​ർ​ന്ന​താ​യും അ​ദ്ദേ​ഹം ഓ​ർ​മ​പ്പെ​ടു​ത്തി.

''ഫാ​ഷി​സ്​​റ്റ്​ ശ​ക്തി​ക​ൾ ഇ​വ്വി​ധം രാ​ജ്യ​ത്ത്​ വ്യാ​പി​ക്കു​മെ​ന്ന്​ ന​മ്മി​ലാ​ർ​ക്കും സ​ങ്ക​ൽപി​ക്കാ​ൻ ക​ഴി​യു​മാ​യി​രു​ന്നി​ല്ല. യാ​തൊ​രു എ​തി​ർ​പ്പും കൂ​ടാ​തെ വ​ർ​ഗീ​യ ശക്തി​ക​ളെ അ​വ​ർ​ക്ക്​ തോ​ന്നി​യ​പോ​ലെ ചു​വ​ടു​വെ​ക്കാ​ൻ ന​മ്മ​ൾ അ​നു​വ​ദി​ച്ചു, അ​വ​രി​പ്പോ​ൾ ന​മ്മു​ടെ വീ​ട്ടു​പ​ടി​ക്ക​ൽ വ​ന്നുനി​ൽ​ക്കു​ന്നു. ഇ​ഷ്​​ട​മി​ല്ലാ​ത്ത പു​സ്​​ത​ക​ങ്ങ​ൾ ചു​​ട്ടെ​രി​ച്ചു, എ​തി​രാ​യെ​ഴു​തു​ന്ന മാ​ധ്യ​മ​പ്ര​വ​ർ​ത്ത​ക​രെ ത​ല്ലി​ച്ച​ത​ച്ചു, മ​റ്റൊ​രു ദൈ​വ​ത്തി​ൽ വി​ശ്വ​സി​ക്കു​ന്ന​തി​​െൻറ പേ​രി​ൽ ആ​ളു​ക​ളെ പ​ര​സ്യ​മാ​യി ക​ശാ​പ്പ്​ ചെ​യ്​​തു... 2002ൽ ​മ​ഹാ​ത്മാ​വിെൻറ ജന്മ​നാ​ട്ടി​ൽ ന​ട​ന്ന വം​ശ​ഹ​ത്യ​യും അ​തി​നു പി​ന്നാ​ലെ ന​രേ​ന്ദ്ര ​മോ​ദി നേ​ടി​യ ന​ടു​ക്കു​ന്ന വി​ജ​യ​വും രാ​ജ്യ​ത്തി​ന്​ ദു​ര​ന്ത​മാ​യി. ഹി​ന്ദു​ത്വ വ​ർ​ഗീ​യ​വാ​ദി​ക​ളു​ടെ ഫാ​ഷി​സ്​​റ്റ്​ അ​ജ​ണ്ട ആ​ധു​നി​ക ഇ​ന്ത്യ അ​ഭി​മു​ഖീ​ക​രി​ച്ച എ​ല്ലാ ദു​ര​ന്ത​ങ്ങ​ളേ​ക്കാ​ളും ഭ​യാ​ന​ക​മാ​ണ്.​''

ന​മ്മു​ടെ രാ​ജ്യ​ത്തെ സ്​​നേ​ഹി​ക്കു​ക​യും വ​ർ​ഗീ​യ ശ​ക്തി​ക​ളി​ൽനി​ന്ന്​ ര​ക്ഷി​ക്ക​ണ​മെ​ന്ന്​ ആ​ഗ്ര​ഹി​ക്കു​ക​യും ചെ​യ്യു​ന്നു​വെ​ങ്കി​ൽ എ​ന്തു വി​ല​കൊ​ടു​ത്തും അ​തി​നെ​തി​രെ പൊ​രു​ത​ണ​മെ​ന്ന്​ എ​ന്നും എ​പ്പോ​ഴും ഖു​ശ്​​വ​ന്ത്​ പ​റ​ഞ്ഞുകൊ​ണ്ടി​രു​ന്നു.

വി​ഖ്യാ​ത എ​ഴു​ത്തു​കാ​ര​ൻ മു​ൽ​ക്​​രാ​ജ്​ ആ​ന​ന്ദും ന​മ്മ​ളൊ​രു മൂ​ന്നാം​കി​ട രാ​ഷ്​​ട്ര​മാ​യി മാ​റു​ന്നു​വെ​ന്ന് പ​ണ്ടേ ആ​കു​ല​പ്പെ​ട്ടി​രു​ന്നു. ​ അ​ജ​ന്ത, എ​ല്ലോ​റ ഗു​ഹ​ക​ൾ പ​ണി​ത അ​തേ രാ​ജ്യ​ത്തെ ആ​ളു​ക​ൾത​ന്നെ​യാ​ണോ ന​മ്മ​ളെ​ന്ന്​ സം​ശ​യി​ച്ചുപോ​കു​ന്നു​വെ​ന്നും ക്രി​യാ​ത്മക സ​മൂ​ഹ​മാ​യി​രു​ന്ന ന​​മ്മ​ളി​ന്ന്​ നാ​ശ​ചി​ത്ത​രാ​യി മാ​റി​യി​രി​ക്കുന്ന​താ​യും അ​ദ്ദേ​ഹം പ​റ​യു​മാ​യി​രു​ന്നു. അ​തി​ക്ര​മ​ങ്ങ​ൾ അ​ത്ര​മ​ാ​ത്രം അ​തി​രു​വി​ട്ടി​രി​ക്കു​ന്നു, ന​മു​ക്ക്​ എ​ന്താ​ണ്​ സം​ഭ​വി​ക്കു​ന്ന​ത്​?

ഇരകളെ പിന്നെയും വേട്ടയാടു​േമ്പാൾ

അ​തി​ക്ര​മ​ങ്ങ​ളും ന​ശീ​ക​ര​ണ​വും തു​ട​രു​ന്ന​തി​നൊ​പ്പം മ​റ്റൊ​രു ദു​ഷ്​​പ്ര​വ​ണ​തകൂ​ടി വ​ർ​ധി​ച്ചുവ​രു​ന്നു. ക​ലാ​പ​ങ്ങ​ളി​ലും അ​ന്യാ​യ​ങ്ങ​ളി​ലും ഇ​ര​യാ​ക്ക​പ്പെ​ടു​ന്ന സാ​ധു​ക്ക​ൾ​ക്കുമേ​ൽ കു​റ്റാ​രോ​പ​ണമു​ദ്ര​യും ചു​മ​ത്ത​പ്പെ​ടു​ന്നു. ഡൽ​ഹി​യി​ൽ ക​ഴി​ഞ്ഞ വ​ർ​ഷം ന​ട​ന്ന വം​ശീ​യാ​തി​ക്ര​മ​ത്തി​ൽ ന​മ്മ​ള​ത്​ ക​ണ്ട​താ​ണ്. പ​രി​ക്കേ​റ്റ്​ മ​ര​ണ​വ​ക്കി​ൽ നി​ന്ന ഒ​രു​പാ​ട്​ പേ​ർ​ക്ക്​ ആ​ശ്വാ​സ​മേ​കി​യ അ​ൽ​ഹി​ന്ദ്​ ആ​ശു​പ​ത്രി​യി​ലെ ഡോ. ​എം.​എ. അ​ൻ​വ​റിെൻറ പേ​രും ഡ​ൽ​ഹി പൊ​ലീ​സ്​ കു​റ്റ​പ​ത്ര​ത്തി​ൽ കു​ത്തി​ക്ക​യ​റ്റി​യി​രി​ക്കു​ന്നു. ഇ​ര​ക​ളെ വേ​ട്ട​യാ​ടു​ന്ന പ്ര​ക്രി​യ ഇ​പ്പോ​ഴും തു​ട​ർ​ന്നു​പോ​രു​ക​യാ​ണെ​ന്ന്​ ആ​ക്​​ടി​വി​സ്​​റ്റു​ക​ളും അ​ക്കാ​ദ​മീ​ഷ്യന്മാ​രും ഈ​യി​ടെ ന​ട​ത്തി​യ പ​ഠ​ന​വും അ​ടി​വ​ര​യി​ട്ടു​ പ​റ​യു​ന്നു.

ഏ​താ​നും വ​ർ​ഷം മു​മ്പ്​​ ന​ട​ന്ന സ​മാ​ന​മാ​യ ഒ​രു സം​ഭ​വം ഇ​വി​ടെ എ​ടു​ത്തുപ​റ​യു​ന്ന​ത്​ പ്ര​സക്ത​മാ​കു​മെ​ന്ന്​ തോ​ന്നു​ന്നു. 2006 സെ​പ്​​റ്റം​ബ​ർ എ​ട്ടി​ന്​ ഒ​രു വി​ശേ​ഷ ദി​വ​സം മാ​ലേ​ഗാ​വി​ലെ മ​സ്​​ജി​ദി​ന​ു​ സ​മീ​പം ന​ട​ന്ന ബോം​ബ്​ സ​്​​ഫോ​ട​ന​ത്തി​ൽ നാ​ൽ​പ​തോ​ളം പേ​ർ കൊ​ല്ല​പ്പെ​ട്ടി​രു​ന്നു. ജീ​വാ​പാ​യം സം​ഭ​വി​ച്ച​തേ​റെ​യും മു​സ്​​ലിം​ക​ൾ​ക്കാ​ണ്.

എ​ന്നി​ട്ടും ബ​ജ്​​റം​ഗ്​​ദ​ൾ പോ​ലു​ള്ള ഹി​ന്ദു​ത്വ വ​ർ​ഗീ​യ സം​ഘ​ങ്ങ​ളെ​ക്കു​റി​ച്ച്​ ആ​ദ്യ​ഘ​ട്ട​ത്തി​ൽ അ​ന്വേ​ഷി​ച്ച​തേ​യി​ല്ല, പ​ക​രം മു​സ്​​ലിം​ക​ളെ​യാ​ണ്​ സം​ശ​യ​ത്തി​​െൻറ മു​ന​യി​ൽ നി​ർ​ത്തി​യ​തും കു​റ്റാ​രോ​പി​ത​രാ​ക്കി ജ​യി​ലി​ല​ട​ച്ച​തും. ബ​ജ്​​റംഗ്​​ദ​ൾ അ​വ​രു​ടെ അ​ണി​ക​ളെ​ ബോം​ബ്​ നി​ർ​മി​ക്കാ​നും വെ​ടി​വെ​ക്കാ​നും പ​രി​ശീ​ലി​പ്പി​ച്ചുവ​രു​ന്ന, ഒ​ട്ട​ന​വ​ധി തെ​ളി​വു​ക​ളു​ണ്ടാ​യി​രു​ന്ന വേ​ള​യി​ലാ​യി​ട്ടും അ​വ​ർ​ക്കെ​തി​രെ അ​ന്വേ​ഷ​ണം ന​ട​ക്കാ​ഞ്ഞ​ത്​ എ​ന്തുകൊ​ണ്ടാ​ണ്​? എ​ൽ.​കെ. അ​ദ്വാ​നി​യെ​പ്പോ​ലു​ള്ള​വ​രു​ടെ സം​ര​ക്ഷ​ണ​വ​ല​യ​ത്തിലാ​യി​രു​ന്നു ഈ ​സം​ഘ​ട​ന എ​ന്ന​തുകൊ​ണ്ടുത​ന്നെ.

ഒ​ഡി​ഷ​യി​ലെ കു​ഗ്രാ​മ​ങ്ങ​ളി​ൽ കു​ഷ്​​ഠ​രോ​ഗി​ക​ൾ​ക്കി​ട​യി​ൽ പ്ര​വ​ർ​ത്തി​ച്ചി​രു​ന്ന പാ​സ്​​റ്റ​ർ ഗ്ര​ഹാം സ്​റ്റെ​യ്ൻ​സും ര​ണ്ടു മ​ക്ക​ളും ചു​ട്ടു​കൊ​ല്ല​പ്പെ​ട്ട​പ്പോ​ൾ ഒ​​ട്ടേ​റെ തെ​ളി​വു​ക​ൾ എ​തി​രാ​യി ഉ​ണ്ടാ​യി​രു​ന്നി​ട്ടും അ​ന്ന്​ ആ​ഭ്യ​ന്ത​ര വ​കു​പ്പ്​ കൈ​യാ​ളി​യി​രു​ന്ന അ​ദ്വാ​നി പ​റ​ഞ്ഞ​ത്​ ബ​ജ്റം​ഗ്​​ദ​ളു​കാ​ർ ഇ​ങ്ങനെ​യൊ​ന്നും ചെ​യ്യി​ല്ലെ​ന്നാ​യി​രു​ന്നു. എ​ന്നി​രു​ന്നാ​ലും അ​ന്വേ​ഷ​ണ​ങ്ങ​ൾ​ക്കൊ​ടു​വി​ൽ അ​ത്​ വെ​ളി​പ്പെ​ട്ടു, അ​റു​കൊ​ല ചെ​യ്​​തു​കൂ​ട്ടി​യ​ത്​ ബ​ജ്റം​ഗ്​​ദ​ൾ നേ​താ​വാ​യ ധാരാസി​ങ്​ ആ​ണെ​ന്ന സ​ത്യം.​

ന​മു​ക്കു​ ചു​റ്റും ന​ട​ക്കു​ന്ന കാ​ര്യ​ങ്ങ​ൾ സ​ത്യം സ​ത്യ​മാ​യി റി​പ്പോ​ർ​ട്ട്​ ചെ​യ്യു​ന്ന മാ​ധ്യ​മപ്ര​വ​ർ​ത്തക​രെ​യും രാ​ഷ്​​ട്രീ​യ നി​രീ​ക്ഷ​കരെ​യും എ​ഴു​ത്തു​കാ​രെ​യു​മെ​ല്ലാം ഭ​ര​ണ​കൂ​ടം ഉ​ന്നം​വെ​ച്ച്​ വേ​ട്ട​യാ​ടു​ന്ന സം​ഭ​വ​ങ്ങ​ൾ അ​പാ​യ​ക​ര​മാംവി​ധം വ​ർ​ധി​ച്ചുവ​രു​ന്നു. അ​ടി​യ​ന്തര​മാ​യി ഈ ​അ​ന്യാ​യ​ത്തി​ന്​ അ​റു​തി​വ​രു​ത്താ​നാ​യി​ല്ലെ​ങ്കി​ൽ എ​ങ്ങ​നെ​യാ​ണ്​ മാ​ധ്യ​മ​പ്ര​വ​ർ​ത്ത​ക​ർ​ക്ക്​ നി​ർ​ഭ​യ​മാ​യി ത​ങ്ങ​ളു​ടെ ക​ട​മ നി​ർ​വ​ഹി​ക്കാ​നാ​വു​ക? ശ്വാ​സംമു​ട്ടി​ക്കു​ന്ന നി​സ്സ​ഹാ​യാ​വ​സ്​​ഥ​യും നി​രാ​ശ​യും വ​രി​ഞ്ഞുമു​റു​ക്കു​ക​യാ​ണ്​ ന​മ്മെ.മുമ്പും മോ​ശ​പ്പെ​ട്ട സം​ഭ​വ​ങ്ങ​ളും ഭ​ര​ണനി​ർ​വ​ഹ​ണ​വു​മെ​ല്ലാം ഉ​ണ്ടാ​യി​ട്ടു​ണ്ട്​- പ​ക്ഷേ, അ​ന്ന്​ അ​തി​നെ​തി​രെ ചോ​ദ്യം ഉ​ന്ന​യി​ക്കാ​നു​ള്ള സാ​ഹ​ച​ര്യംകൂ​ടി ഈ ​ജ​നാ​ധി​പ​ത്യ മ​തേ​ത​ര രാ​ജ്യ​ത്ത്​ അ​വ​ശേ​ഷി​ച്ചി​രു​ന്നു.