പിടിയിലായ പ്രതികൾ
കല്ലമ്പലം: യുവാവിനെ വെട്ടിക്കൊലപ്പെടുത്താൻ ശ്രമിച്ച കേസിലെ രണ്ട് പ്രതികള കല്ലമ്പലം പൊലീസ് അറസ്റ്റ് ചെയ്തു. ചെമ്മരുതി മാവിൻമൂട് പുത്തൻവിള വീട്ടിൽ ജിജിത്ത് ( 36 ), നാവായിക്കുളം ചിറ്റായിക്കോട് കല്ലൂർകുഴി പ്രസാദം വിട്ടിൽ ജോസ് എന്നുവിളിക്കുന്ന പ്രസാദ് ( 18 ) എന്നിവരാണ് അറസ്റ്റിലായത്.
2021 ജനുവരി 13 ന് രാത്രി ഏഴരയോടെ കല്ലമ്പലം പൊലീസ് സ്റ്റേഷൻ പരിധിയിൽ പെട്ട കടവൂർകോണത്ത് വച്ച് റീഗു എന്ന യുവാവിനെ വെട്ടുകത്തി കൊണ്ട് വെട്ടി കൊലപ്പെടുത്താൻ ശ്രമിച്ച കേസിലാണ് പ്രതികൾ അറസ്റ്റിലായത്.
പൊലീസ് സ്റ്റേഷനിൽ നിന്ന് മോട്ടോർസൈക്കിൾ ഇറക്കികൊടുക്കാത്തതിലുള്ള വിരോധം കാരണമായിരുന്നു അക്രമമെന്ന് പൊലീസ് പറഞ്ഞു. കല്ലമ്പലം പോലീസ് സ്റ്റേഷൻ ഇൻസ്പെക്ടർ ഐ. ഫറോസിൻ്റെ നേതൃത്വത്തിൽ സബ് ഇൻസ്പെക്ടർ വി.ഗംഗാപ്രസാദ് , എ.എസ്.ഐ ഷാജി, എസ്.സി.പി.ഒ ഷാൻ, സി.പി.ഒ വിനോദ് എന്നിവർ ചേർന്നാണ് പ്രതികളെ അറസ്റ്റു ചെയ്തത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു .
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.