വി​ശ്വ​നാ​ഥ​ന്റെ മരണം കൊ​ല​പാ​ത​ക​മെ​ന്ന് ജന​കീ​യ വ​സ്​​തു​താ​ന്വേ​ഷ​ണ റി​പ്പോ​ർ​ട്ട് പ്ര​സി​ദ്ധീ​ക​രി​ച്ചു; പൊ​ലീ​സി​ന് രൂ​ക്ഷ വി​മ​ർ​ശ​നം

 ക​ൽ​പ​റ്റ: കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ഭാ​ര്യ​യു​ടെ പ്ര​സ​വ​ത്തി​ന് കൂ​ട്ടി​രി​ക്കാ​നെ​ത്തി​യ ക​ൽ​പ​റ്റ അ​ഡ് ലേ​ഡ് സ്വ​ദേ​ശി വി​ശ്വാ​നാ​ഥ​​ന്റെ മ​ര​ണം കൊ​ല​പാ​ത​ക​മാ​കാ​നാ​ണ് സാ​ധ്യ​ത​യെ​ന്ന് വ​സ്തു​താ​ന്വേ​ഷ​ണ റി​പ്പോ​ർ​ട്ട്. പി.​യു.​സി.​എ​ൽ സം​സ്​​ഥാ​ന സെ​ക്ര​ട്ട​റി അ​ഡ്വ. പി.​എ. പൗ​ര​ന്റെ നേ​തൃ​ത്വ​ത്തി​ലു​ള്ള ഐ​ക്യ​ദാ​ർ​ഢ്യ സ​മി​തി ന​ട​ത്തി​യ ജ​ന​കീ​യ വ​സ്തു​താ​ന്വേ​ഷ​ണ റി​പ്പോ​ർ​ട്ടി​ൽ പൊ​ലീ​സി​നെ​തി​രെ​യും രൂ​ക്ഷ​വി​മ​ർ​ശ​ന​മു​ണ്ട്.

പാ​റ​വ​യ​ൽ കോ​ള​നി​യി​ലെ സോ​മ​ന്റെ​യും പാ​റ്റ​യു​ടെ​യും ഏ​ഴു മ​ക്ക​ളി​ൽ നാ​ലാ​മ​നാ​യ വി​ശ്വ​നാ​ഥ​നെ ക​ഴി​ഞ്ഞ ഫെ​ബ്രു​വ​രി 11നാ​ണ് മെ​ഡി​ക്ക​ൽ കോ​ള​ജ് പ​രി​സ​ര​ത്ത് ആ​ളൊ​ഴി​ഞ്ഞ പ​റ​മ്പി​ലെ ഉ​യ​ര​മു​ള്ള മ​ര​ക്കൊ​മ്പി​ൽ ഉ​ടു​മു​ണ്ടി​ൽ തൂ​ങ്ങി​യ നി​ല​യി​ൽ ക​ണ്ടെ​ത്തി​യ​ത്. ഭാ​ര്യ​യു​ടെ പ്ര​സ​വ​ത്തി​ന് കൂ​ട്ടി​രി​ക്കാ​നെ​ത്തി​യ വി​ശ്വ​നാ​ഥ​നെ ഫെ​ബ്രു​വ​രി 10ന് ​പു​ല​ർ​ച്ച കാ​ണാ​താ​വു​ക​യാ​യി​രു​ന്നു. 10ന് ​പ​ക​ലും രാ​ത്രി​യും തൂ​ങ്ങി​മ​രി​ച്ച സ്ഥ​ല​ത്ത​ട​ക്കം പ​രി​ശോ​ധി​ച്ചി​രു​ന്നെ​ങ്കി​ലും ക​ണ്ടെ​ത്താ​നാ​യി​രു​ന്നി​ല്ല. 11ന് ​രാ​വി​ലെ​യാ​ണ് മൃ​ത​ദേ​ഹം കാ​ണു​ന്ന​ത്. മോ​ഷ​ണ​ക്കു​റ്റം ആ​രോ​പി​ച്ച് രാ​ത്രി ഒ​രു കൂ​ട്ടം മ​ർ​ദി​ച്ച​താ​യി വി​ശ്വാ​നാ​ഥ​ൻ ഭാ​ര്യ​യു​ടെ അ​മ്മ​യോ​ട് പ​റ​ഞ്ഞ​തി​നു​ശേ​ഷ​മാ​ണ് കാ​ണാ​താ​വു​ന്ന​ത്.

മെ​ഡി​ക്ക​ൽ കോ​ള​ജ് പ​രി​സ​രം പോ​ലെ ആ​ൾ​ക്കൂ​ട്ട​വും ബ​ഹ​ള​വും നി​റ​ഞ്ഞ പ്ര​ദേ​ശ​ത്തു​നി​ന്ന് ഒ​രു ആ​ദി​വാ​സി യു​വാ​വ് ഇ​രു​ളി​ലേ​ക്ക് ഓ​ടി​മ​റ​ഞ്ഞു​വെ​ന്ന് ബ​ന്ധു​ക്ക​ൾ സ്റ്റേ​ഷ​നി​ലെ​ത്തി പ​രാ​തി ന​ൽ​കി​യി​ട്ടും പൊ​ലീ​സ്​ വേ​ണ്ട​ത്ര ഗൗ​ര​വ​ത്തി​ലെ​ടു​ത്തി​ല്ലെ​ന്നും റി​പ്പോ​ർ​ട്ടി​ൽ പ​റ‍യു​ന്നു. ദു​രൂ​ഹ സാ​ഹ​ച​ര്യ​ത്തി​ൽ തൂ​ങ്ങി മ​രി​ച്ച നി​ല​യി​ൽ ക​ണ്ടെ​ത്തി​യി​ട്ടും ആ​ർ.​ഡി.​ഒ റാ​ങ്കി​ലു​ള്ള ഉ​ദ്യോ​ഗ​സ്ഥ​ൻ എ​ത്തി ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കാ​തെ, താ​ഴെ​യി​റ​ക്കി ആ​ത്മ​ഹ​ത്യ​യെ​ന്ന് വ​രു​ത്തി ഫ​യ​ൽ അ​വ​സാ​നി​പ്പി​ക്കു​ന്ന ത​ര​ത്തി​ലു​ള്ള ഇ​ട​പെ​ട​ലാ​ണ് പൊ​ലീ​സി​ന്റെ ഭാ​ഗ​ത്തു​നി​ന്നു​ണ്ടാ​യ​ത്. ഉ​യ​ര​ത്തി​ലു​ള്ള മ​ര​ത്തി​ൽ ക​യ​റാ​ൻ വി​ശ്വ​നാ​ഥ​ന് ക​ഴി​യി​ല്ലെ​ന്ന് ജ്യേ​ഷ്ഠ​ന​ട​ക്ക​മു​ള്ള​വ​ർ സാ​ക്ഷ്യ​പ്പെ​ടു​ത്തു​ന്നു​ണ്ട്. ശാ​സ്ത്രീ​യ പ​രി​ശോ​ധ​ന​ക്കു​പോ​ലും ത​യാ​റാ​യി​ല്ലെ​ന്ന​ത​ട​ക്കം പൊ​ലീ​സി​നെ​തി​രെ ഗു​രു​ത​ര ആ​രോ​പ​ണ​ങ്ങ​ളും റി​പ്പോ​ർ​ട്ടി​ലു​ണ്ട്.

പ​രാ​തി​യു​മാ​യി ചെ​ന്ന​പ്പോ​ൾ പൊ​ലീ​സ്​ ഉ​ദ്യോ​ഗ​സ്​​ഥ​ൻ വി​ശ്വ​നാ​ഥ​നെ​തി​രെ മോ​ഷ​ണ പ​രാ​തി​യു​ണ്ട് എ​ന്നു​പ​റ​ഞ്ഞ് മോ​ശ​മാ​യി പെ​രു​മാ​റാ​നാ​ണ് ശ്ര​മി​ച്ച​തെ​ന്ന് സ​ഹോ​ദ​ര​ൻ വി​നോ​ദ് പ​റ​യു​ന്നു. എ​ന്നാ​ൽ, തു​ട​ർ​ന്ന് അ​ന്വേ​ഷി​ച്ച​പ്പോ​ൾ ആ ​ദി​വ​സ​ങ്ങ​ളി​ൽ മോ​ഷ​ണ​മോ പ​രാ​തി​യോ മെ​ഡി​ക്ക​ൽ കോ​ള​ജ് കാ​ത്തി​രി​പ്പു​കേ​ന്ദ്ര​ത്തി​ൽ​നി​ന്നോ സു​ര​ക്ഷ ജീ​വ​ന​ക്കാ​രി​ൽ​നി​ന്നോ ഉ​ണ്ടാ​യി​ട്ടി​ല്ലെ​ന്നാ​ണ് അ​റി​ഞ്ഞ​ത്. റീ ​പോ​സ്റ്റ് മോ​ർ​ട്ടം വേ​ണ​മെ​ന്ന സ​ഹോ​ദ​ര​ന്റെ ആ​വ​ശ്യ​ത്തി​ലും തു​ട​ർ ന​ട​പ​ടി ഉ​ണ്ടാ​യി​ല്ല. വി​ശ്വ​നാ​ഥ​ന്റെ മൊ​ബൈ​ൽ ഫോ​ണി​ൽ​നി​ന്ന് അ​വ​സാ​ന​മാ​യി മൂ​ന്നു ത​വ​ണ വി​ളി​ക്കാ​ൻ ശ്ര​മി​ച്ച​ത് പൊ​ലീ​സ്​ ആ​സ്ഥാ​ന​ത്തെ ടോ​ൾ​ഫ്രീ ന​മ്പ​റി​ലേ​ക്കാ​ണ്. തൂ​ങ്ങി മ​രി​ക്കാ​ൻ പോ​കു​ന്ന ഒ​രാ​ൾ എ​ന്തി​ന് പൊ​ലീ​സി​നെ വി​ളി​ക്ക​ണ​മെ​ന്ന ചോ​ദ്യ​ത്തി​ന് ഉ​ത്ത​ര​മി​ല്ല. പൊ​ലീ​സ്​ അ​ധി​കാ​രി​ക​ളു​ടെ​യും പൊ​തു​സ​മൂ​ഹ​ത്തി​ന്റെ​യും ആ​ദി​വാ​സി വി​രു​ദ്ധ വം​ശീ​യ​ത​യും പൊ​തു​ബോ​ധ​വും വി​ശ്വ​നാ​ഥ​ന്റെ കാ​ര്യ​ത്തി​ലും പ്ര​ക​ട​മാ​ണെ​ന്നും റി​പ്പോ​ർ​ട്ടി​ൽ പ​റ​യു​ന്നു.

ഡോ. ​പി.​ജി. ഹ​രി (ആ​രോ​ഗ്യ ജാ​ഗ്ര​ത), കെ. ​കാ​ർ​ത്തി​കേ​യ​ൻ (ബ്രാ​ഹ് മ​ണ്യ ഹി​ന്ദു​ത്വ ഫാ​ഷി​സ്റ്റ് വി​രു​ദ്ധ​മു​ന്ന​ണി), സി.​പി. ന​ഹാ​സ്​ (പു​രോ​ഗ​മ​ന യു​വ​ജ​ന പ്ര​സ്​​ഥാ​നം), മു​ഹ​മ്മ​ദ് ഹ​നീ​ൻ (ഡി.​എ​സ്.​എ), ഷാ​ജ​ഹാ​ൻ (മ​നു​ഷ്യാ​വ​കാ​ശ പ്ര​വ​ർ​ത്ത​ക​ൻ), ഷാ​ന്റോ ലാ​ൽ (പോ​രാ​ട്ടം), ഗൗ​രി വ​യ​നാ​ട് (ആ​ദി​വാ​സി മ​നു​ഷ്യാ​വ​കാ​ശ പ്ര​വ​ർ​ത്ത​ക), വി​ൻ​സെ​ന്റ് ത​ട​മ്പാ​ട്ടു​താ​ഴം (വി​വ​രാ​വ​കാ​ശ പ്ര​വ​ർ​ത്ത​ക​ൻ) എ​ന്നി​വ​രും വ​സ്തു​താ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്നു.

പ്ര​ത്യ​ക്ഷ സ​മ​ര​വു​മാ​യി രം​ഗ​ത്തു വ​രും - ഐ​ക്യ​ദാ​ർ​ഢ്യ സ​മി​തി

ക​ൽ​പ​റ്റ: വി​ശ്വ​നാ​ഥ​ന്റെ കു​ടും​ബ​ത്തി​ന് നീ​തി കി​ട്ടു​ന്ന​തു​വ​രെ പ്ര​ത്യ​ക്ഷ സ​മ​ര​വു​മാ​യി രം​ഗ​ത്തു​വ​രു​മെ​ന്ന് ഐ​ക്യ​ദാ​ർ​ഢ്യ സ​മി​തി ഭാ​ര​വാ​ഹി​ക​ളും വി​ശ്വ​നാ​ഥ​​ന്റെ കു​ടും​ബ​വും വാ​ർ​ത്താ സ​മ്മേ​ള​ന​ത്തി​ൽ പ​റ​ഞ്ഞു. നി​യ​മ​പോ​രാ​ട്ടം തു​ട​രും. വി​ശ്വ​നാ​ഥ​െൻറ അ​സ്വാ​ഭാ​വി​ക മ​ര​ണ​ത്തി​ന് പി​ന്നി​ലെ യ​ഥാ​ർ​ഥ ചി​ത്രം പു​റ​ത്തു​കൊ​ണ്ടു വ​ന്നു നി​യ​മ​ന​ട​പ​ടി​ക​ൾ ആ​രം​ഭി​ക്ക​ണം. കോ​ട​തി​യു​ടെ​യോ മ​റ്റേ​തെ​ങ്കി​ലും ഏ​ജ​ൻ​സി​യു​ടെ​യോ മേ​ൽ​നോ​ട്ട​ത്തി​ൽ നി​ഷ്പ​ക്ഷ അ​ന്വേ​ഷ​ണം വേ​ണം.

അ​നാ​ഥ​മാ​യ വി​ശ്വ​നാ​ഥ​ന്റെ കു​ടും​ബ​ത്തി​ന് അ​ർ​ഹ​മാ​യ എ​ല്ലാ അ​വ​കാ​ശ​ങ്ങ​ളും ഉ​ട​ൻ ല​ഭ്യ​മാ​ക്കു​ന്ന​തോ​ടൊ​പ്പം ഭാ​ര്യ ബി​ന്ദു​വി​ന് ആ​ശ്രി​ത നി​യ​മ​നം ന​ൽ​ക​ണ​മെ​ന്നും ഇ​വ​ർ ആ​വ​ശ്യ​പ്പെ​ട്ടു. പി​ഞ്ചു​കു​ഞ്ഞു​മാ​യി ജോ​ലി​ക്കു​പോ​കാ​ൻ​പോ​ലും ക​ഴി​യാ​ത്ത അ​വ​സ്ഥ​യാ​ണെ​ന്നും വാ​ഗ്ദാ​നം ചെ​യ്ത ജോ​ലി അ​ടി​യ​ന്ത​ര​മാ​യി ല​ഭ്യ​മാ​ക്ക​ണ​മെ​ന്നും വി​ശ്വ​നാ​ഥ​ന്റെ ഭാ​ര്യ ബി​ന്ദു പ​റ​ഞ്ഞു. വാ​ർ​ത്ത സ​മ്മേ​ള​ന​ത്തി​ൽ അ​ഡ്വ. പി.​എ. പൗ​ര​ൻ, ഡോ. ​പി.​ജി. ഹ​രി, വി​ശ്വ​നാ​ഥ​ന്റെ ഭാ​ര്യ​യു​ടെ അ​മ്മ ലീ​ല എ​ന്നി​വ​രും പ​ങ്കെ​ടു​ത്തു.