മുഹമ്മദ് അനീസ്
കണ്ണൂർ: നഗരമധ്യത്തിൽ അണ്ടർ ബ്രിഡ്ജ് വഴി നടന്നുപോവുകയായിരുന്ന പെൺകുട്ടിയെ കയറിപ്പിടിച്ച യുവാവിനെ പൊലീസ് അറസ്റ്റ് ചെയ്തു. കൊളച്ചേരി പാട്ടയം സ്വദേശി മുഹമ്മദ് അനീസിനെയാണ് (44) നാട്ടുകാരുടെ സഹായത്തോടെ ടൗൺ പൊലീസ് പിടികൂടിയത്. ചൊവ്വാഴ്ച വൈകീട്ട് അഞ്ചരയോടെയായിരുന്നു സംഭവം.
പന്നേൻപാറയിലെ അച്ഛന്‍റെ വീട്ടിലേക്ക് പോകുകയായിരുന്ന 19കാരിയാണ് അതിക്രമത്തിനിരയായത്. രണ്ടു പെൺമക്കളും അമ്മയും ഒരുമിച്ചായിരുന്നു വീട്ടിൽനിന്ന് യാത്ര പുറപ്പെട്ടത്. ഇളയമകളും അമ്മയും ഇരുചക്ര വാഹനത്തിലും മൂത്ത മകളോട് ബസിൽ കണ്ണൂരിലെത്താനും പറഞ്ഞു. ഇളയ മകളെ പന്നേൻപാറയിലെ വീട്ടിലിറക്കി മൂത്ത മകളെ കൂട്ടിക്കൊണ്ടുപോകുന്നതിന് ഇരുചക്ര വാഹനത്തിൽ അമ്മ പാറക്കണ്ടിക്ക് സമീപം എത്തുന്നതിനു തൊട്ടുമുമ്പായിരുന്നു സംഭവം. യുവാവ് മദ്യലഹരിയിലായിരുന്നുവെന്ന് പറയുന്നു. പെൺകുട്ടി ധൈര്യം സംഭരിച്ച് നിലവിളി കൂട്ടിയതോടെ ഓടിക്കൂടിയ സമീപത്തുണ്ടായിരുന്നവർ ഇയാളെ പിടിച്ചുവെച്ച് പൊലീസിൽ അറിയിക്കുകയായിരുന്നു. യുവതിയുടെയും അമ്മയുടെ പരാതിയിൽ കേസെടുത്ത് പ്രതിയെ അറസ്റ്റ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.