കുമളി: ഒപ്പം താമസിച്ചിരുന്ന സ്ത്രീയെ തീവെച്ച് കൊല്ലാൻ ശ്രമം. കുമളി ചക്കുപള്ളം മേനോൻ മേട്ടിലാണ് സംഭവം. പെയിന്റിങ് കോൺട്രാക്ടറായ അനിൽകുമാറാണ് (52) കൂടെത്താമസിച്ചിരുന്ന അനിതയെ (42) കൊല്ലാൻ ശ്രമിച്ചത്. സംഭവം സംബന്ധിച്ച് പൊലീസ് പറയുന്നത്:
വിവാഹിതനായ അനിൽകുമാർ 10 വർഷമായി അനിതയോടൊപ്പമായിരുന്നു താമസം. കഴിഞ്ഞദിവസം രാത്രി ഇരുവരും തമ്മിലുണ്ടായ തർക്കത്തെത്തുടർന്ന് അനിൽകുമാർ പെട്രോളിൽ മുണ്ട് മുക്കിയശേഷം അനിതയെ തീകൊളുത്താനായിരുന്നു ശ്രമം. വീട്ടിലുണ്ടായിരുന്നവർ ഉടൻ വെള്ളവും പുതപ്പും ഉപയോഗിച്ച് തീകെടുത്തിയെങ്കിലും ഇരുവർക്കും സാരമായി പൊള്ളലേറ്റു.
ഇരുവരെയും കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. കുമളി ഇൻസ്പെക്ടർ ജോബിൻ ആന്റണിയുടെ നേതൃത്വത്തിൽ പൊലീസ് കേസെടുത്ത് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.