സമൂഹമാധ്യമങ്ങളിൽ വ്യാജ അക്കൗണ്ട്​ നിർമിച്ച്​ പെണ്‍കുട്ടികളെ കെണിയിൽ പെടുത്തി പണം തട്ടിയ യുവാവ്​ അറസ്​റ്റിൽ

നെ​ടു​ങ്ക​ണ്ടം: സ​മൂ​ഹ​മാ​ധ്യ​മ അ​ക്കൗ​ണ്ടു​ക​ൾ വ​ഴി വീ​ട്ട​മ്മ​മാ​രെ​യും പെ​ണ്‍കു​ട്ടി​ക​ളെ​യും കെ​ണി​യി​ൽ​പെ​ടു​ത്തി പ​ണം ത​ട്ടി​യ കേ​സി​ല്‍ കൊ​ല്ലം സ്വ​ദേ​ശി​യാ​യ യു​വാ​വി​നെ നെ​ടു​ങ്ക​ണ്ടം പൊ​ലീ​സ് കോ​യ​മ്പ​ത്തൂ​രി​ല്‍നി​ന്ന്​ അ​റ​സ്​​റ്റ്​ ചെ​യ്തു. നെ​ടു​ങ്ക​ണ്ടം സ്വ​ദേ​ശി​നി​യാ​യ 17കാ​രി​യു​ടെ പ​രാ​തി​യി​ൽ കൊ​ല്ലം ശൂ​ര​നാ​ട് സ്വ​​ദേ​ശി ര​ഞ്​​ജി​ത്ത് ആ​ര്‍. പി​ള്ളൈ​യാ​ണ്​ (29) അ​റ​സ്​​റ്റി​ലാ​യ​ത്. സൈ​നി​ക ഉ​ദ്യോ​ഗ​സ്ഥ​ന്‍ ച​മ​ഞ്ഞാ​യി​രു​ന്നു ത​ട്ടി​പ്പ്. ഫേ​സ്ബു​ക്കി​ലും ഇ​ൻ​സ്​​റ്റ​ഗ്രാ​മി​ലും അ​ജ​യ്. ആ​ര്‍ എ​ന്ന പേ​രി​ല്‍ അ​ക്കൗ​ണ്ട് തു​ട​ങ്ങി​യ ശേ​ഷം ഉ​ന്ന​ത സൈ​നി​ക ഉ​ദ്യോ​ഗ​സ്ഥ​രു​ടെ യൂ​ണി​ഫോം ധ​രി​ച്ച യു​വാ​ക്ക​ളു​ടെ ആ​ക​ര്‍ഷ​ക ചി​ത്ര​ങ്ങ​ള്‍ പ്രൊ​ഫൈ​ല്‍ ചി​ത്ര​മാ​ക്കി​യാ​യി​രു​ന്നു ത​ട്ടി​പ്പ്. സം​ഭ​വ​ത്തെ​ക്കു​റി​ച്ച് നെ​ടു​ങ്ക​ണ്ടം പൊ​ലീ​സ് പ​റ​യു​ന്ന​ത്:

പ​ട്ടാ​ള​ക്കാ​ര​നാ​യ ഭാ​ര്യ സ​ഹോ​ദ​ര​നൊ​പ്പം 2018ല്‍ ​ര​ഞ്​​ജി​ത്ത് പു​ണെ​യി​ല്‍ പ​ട്ടാ​ള​ക്കാ​രു​ടെ കാ​ൻ​റീ​നി​ല്‍ ജോ​ലി ചെ​യ്തി​രു​ന്നു. പി​ന്നീ​ട് കോ​യ​മ്പ​ത്തൂ​രി​ലെ​ത്തി പെ​യി​ൻ​റി​ങ് ജോ​ലി ചെ​യ്യു​ന്ന​തി​നി​ടെ​യാ​ണ് പെ​ണ്‍കു​ട്ടി​ക​ളെ​യും വീ​ട്ട​മ്മ​മാ​രെ​യും ത​ട്ടി​പ്പി​നി​ര​യാ​ക്കി​യ​ത്. ന​വ​മാ​ധ്യ​മ​ങ്ങ​ളി​ല്‍ വ്യാ​ജ​അ​ക്കൗ​ണ്ടി​ല്‍നി​ന്ന്​ ഫ്ര​ണ്ട് റി​ക്വ​സ്​​റ്റ്​ അ​യ​ച്ച് വീ​ട്ട​മ്മ​മാ​രു​മാ​യും വി​ദ്യാ​ര്‍ഥി​നി​ക​ളു​മാ​യും സൗ​ഹൃ​ദം സ്ഥാ​പി​ക്കും. തു​ട​ര്‍ന്ന്്് ഇ​വ​രു​ടെ ചി​ത്ര​ങ്ങ​ള്‍ ശേ​ഖ​രി​ച്ച്​ ഭീ​ഷ​ണി​പ്പെ​ടു​ത്തി പ​ണം കൈ​ക്ക​ലാ​ക്കു​ക​യാ​യി​രു​ന്നു പ​തി​വ്. എ​ന്നാ​ല്‍, ഇ​യാ​ള്‍ ഒ​രു ത​വ​ണ​പോ​ലും വി​ഡി​യോ കാ​ളി​ല്‍ വ​ന്നി​ട്ടി​ല്ലെ​ന്ന്​ ത​ട്ടി​പ്പി​ന് ഇ​ര​യാ​യ​വ​ര്‍ പ​റ​ഞ്ഞു.

500 മു​ത​ല്‍ 10000 രൂ​പ​വ​രെ പ​ല​രി​ല്‍നി​ന്നാ​യി ത​ട്ടി​യെ​ടു​ത്തു.

17കാ​രി ക​ഴി​ഞ്ഞ മൂ​ന്നി​നാ​ണ് നെ​ടു​ങ്ക​ണ്ടം സ്​​റ്റേ​ഷ​നി​ല്‍ പ​രാ​തി ന​ല്‍കി​യ​ത്. തു​ട​ര്‍ന്ന് നെ​ടു​ങ്ക​ണ്ടം പൊ​ലീ​സും ജി​ല്ല സൈ​ബ​ര്‍ സെ​ല്ലും ചേ​ര്‍ന്ന് ട​വ​ര്‍ ലൊ​ക്കേ​ഷ​ന്‍ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ൽ കോ​യ​മ്പ​ത്തൂ​രി​ലെ താ​മ​സ​സ്ഥ​ലം ക​ണ്ടെ​ത്തി. ഇ​വി​ടെ റെ​യ്ഡ് ന​ട​ത്തി പ്ര​തി ത​ട്ടി​പ്പി​ന് ഉ​പ​യോ​ഗി​ച്ച ഫോ​ണും പി​ടി​ച്ചെ​ടു​ത്തു. ഒ​രു ഫോ​ണ്‍ ത​ട്ടി​പ്പി​ന് മാ​ത്ര​മാ​യാ​ണ് ഉ​പ​യോ​ഗി​ച്ചി​രു​ന്ന​ത്. നെ​ടു​ങ്ക​ണ്ടം സി.​ഐ ബി.​എ​സ്. ബി​നു, എ​സ്.​ഐ ജി. ​അ​ജ​യ​കു​മാ​ര്‍, പൊ​ലീ​സ് ഓ​ഫി​സ​ര്‍മാ​രാ​യ സു​നി​ല്‍ മാ​ത്യു, എ​ന്‍.​എ. മു​ജി​ബ്, ആ​ര്‍. ര​ഞ്​​ജി​ത്ത് എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു അ​ന്വേ​ഷ​ണം. പ്ര​തി​യെ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍ഡ് ചെ​യ്തു.