ഡി.വൈ.എഫ്.ഐയുടെ നേതൃത്വത്തിൽ സർവിസ് നടത്തുന്ന ആംബുലസിന് മുകളിൽ പൊടി വിതറിയ നിലയിൽ
പൂക്കോട്ടുംപാടം: രാത്രിയുടെ മറവിൽ പൂക്കോട്ടുംപാടം അങ്ങാടിയിലെ വാഹനങ്ങളിലും വ്യാപാര സ്ഥാപനങ്ങളിലും റോഡിലും വെളുത്ത പൊടി വിതറിയതായി പരാതി. ഡി.െവെ.എഫ്.ഐയുടെ നേതൃത്വത്തിൽ സർവിസ് നടത്തുന്ന ആംബുലസിന് മുകളിൽ പൊടി വിതറിയതിനെ തുടർന്ന് പൊലീസിൽ പരാതി നൽകി. പൂക്കോട്ടുംപാടം അങ്ങാടിയിൽ രാത്രി പാർക്ക് ചെയ്ത കാറുകളിലും ഇരുചക്ര വാഹനങ്ങളിലും വ്യാപാര സ്ഥാപനങ്ങളുടെ ചുമരുകളിലും പൊടി വിതറിയിട്ടുണ്ട്. രാവിലെ അങ്ങാടിയിലെത്തിയവർ പൊടി കാണുകയും വാഹന ഉടമകളെ അറിയിക്കുകയുമായിരുന്നു.
ആബുലൻസിൽ ഉൾപ്പെടെ പൊടി വിതറിയ സംഭവത്തിലെ ദുരൂഹത പുറത്ത് കൊണ്ടുവരണമെന്നും കുറ്റക്കാർക്ക് എതിരെ നിയമ നടപടി സ്വീകരിക്കണമെന്നും വ്യാപാരികളും ഡ്രൈവർമാരും ആവശ്യപ്പെട്ടു. ഇത് സംബന്ധിച്ച് പരാതി നൽകിയതായും ഇവർ പറഞ്ഞു. പൊലീസ് സി.സി.ടി.വി ഉൾപ്പെടെയുള്ളവ പരിശോധിച്ച് അന്വേഷണം ആരംഭിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.