വെട്ടുകേസ്​: പൊലീസ് ഒഴിവാക്കിയ പ്രതികളോട് വിചാരണ നേരിടാൻ കോടതി

തി​രു​വ​ന​ന്ത​പു​രം: ആ​നാ​ട് പു​ത്ത​ൻ​പാ​ലം ക​ള്ളു​ഷാ​പ്പി​ലെ സെ​യി​ൽ​സ്മാ​നെ വെ​ട്ടി​പ്പ​രി​ക്കേ​ൽ​പി​ച്ച കേ​സി​ൽ കു​റ്റ​പ​ത്ര​ത്തി​ൽ​നി​ന്ന്​ പൊ​ലീ​സ്​ ഒ​ഴി​വാ​ക്കി​യ പ്ര​തി​ക​​ളോ​ട്​ വി​ചാ​ര​ണ നേ​രി​ടാ​ൻ കോ​ട​തി​യു​ടെ ഉ​ത്ത​ര​വ്. ​ആ​നാ​ട് ത​ട​ത്ത​രി​ക​ത്ത് വീ​ട്ടി​ൽ നെ​ട്ട​റ​ക്കോ​ണം ഷി​ബു, ആ​ര്യ​നാ​ട് കോ​ട്ട​ക്ക​കം റോ​ഡ​രി​ക​ത്ത് വീ​ട്ടി​ൽ ആ​ര്യ​നാ​ട് അ​ജ​യ​ൻ എ​ന്നി​വ​രെ​യാ​ണ്​ പ്ര​തി​സ്ഥാ​ന​ത്ത് ചേ​ർ​ത്ത് വി​ചാ​ര​ണ നേ​രി​ടാ​ൻ കോ​ട​തി ഉ​ത്ത​ര​വി​ട്ട​ത്.

2008 ഏ​പ്രി​ൽ 15നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. നെ​ടു​മ​ങ്ങാ​ട് റേ​ഞ്ചി​ലെ പു​ത്ത​ൻ​പാ​ലം ക​ള്ളു​ഷാ​പ്പി​ലെ ജീ​വ​ന​ക്കാ​ര​നാ​യി​രു​ന്ന ആ​നാ​ട് സ്വ​ദേ​ശി ലാ​ലു എ​ന്ന ബാ​ല​ച​ന്ദ്ര​നെ ഷാ​പ്പി​ന്‍റെ ബി​നാ​മി ന​ട​ത്തി​പ്പു​കാ​രാ​യി​രു​ന്ന നെ​ട്ട​റ​ക്കോ​ണം ഷി​ബു​വി​ന്‍റേ​യും ആ​ര്യ​നാ​ട് അ​ജ​യ​ന്‍റെ​യും നേ​തൃ​ത്വ​ത്തി​ൽ എ​ട്ടു​പേ​ർ ഷാ​പ്പി​ന​ക​ത്ത് ക​യ​റി മാ​ര​ക​മാ​യി വെ​ട്ടി​പ്പ​രി​ക്കേ​ൽ​പി​ച്ചെ​ന്നാ​ണ്​ കേ​സ്. ആ​ക്ര​മ​ണ​ത്തി​ൽ ബാ​ല​ച​ന്ദ്ര​ന്‍റെ വ​ല​ത്തേ കൈ​യി​ലെ ര​ണ്ടു വി​ര​ലു​ക​ളും, കാ​ൽ​പാ​ദ​ങ്ങ​ളും പൂ​ർ​ണ​മാ​യും വേ​ർ​പെ​ട്ടി​രു​ന്നു.

ക​ള്ളി​ൽ സ്പി​രി​റ്റ് ക​ല​ർ​ത്തി വി​ൽ​ക്കാ​ൻ ആ​വ​ശ്യ​പ്പെ​ട്ട​ത് എ​തി​ർ​ത്ത​താ​ണ് വി​രോ​ധ കാ​ര​ണ​മെ​ന്നാ​ണ്​ കേ​സ്. കൃ​ത്യ​ത്തി​ന് മൂ​ന്നാം ദി​വ​സം ആ​ശു​പ​ത്രി കി​ട​ക്ക​യി​ൽ​വെ​ച്ച് നെ​ടു​മ​ങ്ങാ​ട് പൊ​ലീ​സ് മു​മ്പാ​കെ ബാ​ല​ച​ന്ദ്ര​ൻ മൊ​ഴി കൊ​ടു​ത്തി​രു​ന്നു. ത​ന്നെ ആ​ക്ര​മി​ച്ച​വ​രു​ടെ പേ​ര് വി​വ​ര​ങ്ങ​ൾ പൊ​ലീ​സി​നോ​ട് പ​റ​ഞ്ഞി​രു​ന്നെ​ന്നും പ്ര​തി​ക​ളു​ടെ രാ​ഷ്ടീ​യ സ്വാ​ധീ​ന​ത്താ​ൽ പൊ​ലീ​സ് യ​ഥാ​ർ​ഥ പ്ര​തി​ക​ളെ ഒ​ഴി​വാ​ക്കി​യാ​ണ് കോ​ട​തി​യി​ൽ കു​റ്റ​പ​ത്രം ഹാ​ജ​രാ​ക്കി​യ​തെ​ന്നും ചീ​ഫ് വി​സ്താ​ര​മ​ധ്യേ ബാ​ല​ച​ന്ദ്ര​ൻ ആ​റാം അ​ഡീ​ഷ​ന​ൽ സെ​ഷ​ൻ​സ് ജ​ഡ്ജി കെ. ​വി​ഷ്ണു മു​മ്പാ​കെ മൊ​ഴി ന​ൽ​കി. പൊ​ലീ​സ് ഒ​ഴി​വാ​ക്കി​യ പ്ര​തി​ക​ളെ കൂ​ടി ഉ​ൾ​പ്പെ​ടു​ത്തി വി​ചാ​ര​ണ ന​ട​ത്ത​ണ​മെ​ന്ന പ്രോ​സി​ക്യൂ​ഷ​ൻ അ​പേ​ക്ഷ അ​നു​വ​ദി​ച്ച് വി​ചാ​ര​ണ​ന​ട​പ​ടി​ക​ൾ കോ​ട​തി നി​ർ​ത്തി​വെ​ച്ചു. സാ​ക്ഷി കോ​ട​തി മു​മ്പാ​കെ പ​റ​ഞ്ഞ പ്ര​തി​ക​ളാ​യ നെ​ട്ട​റ​ക്കോ​ണം ഷി​ബു, ആ​ര്യ​നാ​ട് അ​ജ​യ​ൻ എ​ന്നി​വ​രോ​ട് ന​വം​ബ​ർ 14 ന് ​കോ​ട​തി മു​മ്പാ​കെ ഹാ​ജ​രാ​കാ​ൻ കോ​ട​തി സ​മ​ൻ​സ് ഉ​ത്ത​ര​വ് ചെ​യ്തു.

ക​ര​കു​ളം സ​തി​ഭ​വ​നി​ൽ കു​ഞ്ഞു​മോ​ൻ എ​ന്ന ലി​ജേ​ഷ്, കാ​ഞ്ഞി​രം​പാ​റ ഇ​ട​പ്പ​റ​മ്പി​ൽ വീ​ട്ടി​ൽ പ്ര​വീ​ൺ, ഏ​ണി​ക്ക​ര ബി​നു​ഭ​വ​നി​ൽ പ​ൾ​സ​ർ അ​നി എ​ന്ന അ​നി​ൽ​കു​മാ​ർ, ക​ര​കു​ളം ആ​റ്റ​രി​ക​ത്ത് വീ​ട്ടി​ൽ വി​നോ​ദ്, കാ​ഞ്ഞി​രം​പാ​റ വി.​കെ.​പി ന​ഗ​റി​ൽ കൊ​ച്ച​പ്പി ബി​നു എ​ന്ന ബി​നു​കു​മാ​ർ, കാ​ഞ്ഞി​രം​പാ​റ ശ്രീ​ശൈ​ലം വീ​ട്ടി​ൽ ഉ​ണ്ണി, പാ​റ​ക്കു​ഴി റി​ജു എ​ന്ന ശ്യാം ​എ​ന്നി​വ​രാ​ണ് ഒ​ന്നു മു​ത​ൽ ഏ​ഴു​വ​രെ പ്ര​തി​ക​ൾ. പ്രോ​സി​ക്യൂ​ഷ​ന് വേ​ണ്ടി പ​ബ്ലി​ക്​ പ്രോ​സി​ക്യൂ​ട്ട​ർ എം. ​സ​ലാ​ഹു​ദ്ദീ​ൻ ഹാ​ജ​രാ​യി.