മുഹമ്മദ് അര്‍ഷാദ് നബീല്‍, ഫായിസ്
കൊണ്ടോട്ടി: ലഹരിക്കടത്ത് സംഘത്തലവനും സഹായിയും കൊണ്ടോട്ടി പൊലീസിന്റെ പിടിയിലായി. നെടിയിരുപ്പ് സ്വദേശി കുണ്ടുകാടന്‍ ഫായിസ് എന്ന കൂമന്‍ ഫായിസ് (28), കൂട്ടാളി നെടിയിരുപ്പ് സ്വദേശി മങ്ങാട്ടുപറമ്പ് മുഹമ്മദ് അര്‍ഷാദ് നബീല്‍ (24) എന്നിവരാണ് പിടിയിലായത്.
കാല്‍ ലക്ഷം വിലവരുന്ന എം.ഡി.എം.എയും ഒരുലക്ഷം രൂപയുടെ കഞ്ചാവും പിടിച്ചെടുത്തു. രാത്രി ബൈക്കില്‍ സഞ്ചരിച്ച് ലഹരിവസ്തുക്കള്‍ വില്‍പന നടത്തുന്നതിനിടെയാണ് ഇരുവരും പിടിയിലായത്. ഇലക്ട്രോണിക് അളവുപകരണവും വാഹനവും കസ്റ്റഡിയിലെടുത്തു.
കൊണ്ടോട്ടി നഗരവും വിമാനത്താവള പരിസരവും കേന്ദ്രീകരിച്ച് മയക്കുമരുന്ന് ലോബി സജീവമാണ്. ഇക്കാര്യത്തില്‍ പരാതി വ്യാപകമാകുകയും പൊലീസ് നിരീക്ഷണം ശക്തമാക്കുകയും ചെയ്തതിനിെടയാണ് സംഘത്തലവന്‍തന്നെ പിടിയിലായത്.കൊണ്ടോട്ടി ഇന്‍സ്‌പെക്ടര്‍ മനോജ്, എസ്.ഐ നൗഫല്‍ എന്നിവരുടെ നേതൃത്വത്തില്‍ പ്രത്യേക അന്വേഷണസംഘമാണ് ഇവരെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.