പാവറട്ടി: അന്തർസംസ്ഥാന തൊഴിലാളിയെ എയർഗൺ കൊണ്ട് വെടിവെച്ചു. അസം സ്വദേശി മഹിബുൽ ഇസ്‌ലാമിനാണ് (28) വയറിന് വെടിയേറ്റത്. വെങ്കിടങ് തൊയക്കാവിൽ കഴിഞ്ഞ ദിവസമാണ് സംഭവം. തൊയക്കാവ് സ്വദേശി രാജേഷാണ് വെടിവെച്ചത്. പ്രതി ഒളിവിലാണ്. ഇയാൾക്കെതിരെ പാവറട്ടി പൊലീസ് കേസെടുത്തു. ചാവക്കാട്ടെ സ്വകാര്യ ആശുപത്രിയിൽ ശസ്ത്രക്രിയയിലൂടെ വയറിൽനിന്ന് വെടിയുണ്ട പുറത്തെടുത്തു.
രാജേഷിന്റെ വീടിനു സമീപം ജോലിക്കെത്തിയതായിരുന്നു മഹിബുൽ ഇസ്‌ലാമും മറ്റൊരാളും. ഇവർ തമ്മിൽ ഇതിനിടെ വഴക്കുണ്ടായി. വഴക്ക് തീർക്കാൻ രാജേഷ് ഇടപെട്ടു. തർക്കം രൂക്ഷമായതോടെ രാജേഷ് വീട്ടിനുള്ളിൽനിന്ന് എയർഗൺ കൊണ്ടുവന്ന് വെടിവെക്കുകയായിരുന്നുവെന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.