ചാവക്കാട്: പതിനൊന്നുകാരനെ പ്രകൃതി വിരുദ്ധമായി പീഡിപ്പിച്ചയാൾ അറസ്റ്റിൽ. തെക്കൻ പാലയൂർ തുപ്രാട്ടു വീട്ടിൽ സുനിലിനെയാണ് (49) ചാവക്കാട് പൊലീസ് അറസ്റ്റ് ചെയ്തത്. പുറത്തു പറഞ്ഞാൽ മർദിക്കുമെന്ന് ഇദ്ദേഹം കുട്ടിയെ ഭീഷണിപ്പെടുത്തിയിരുന്നു.
സംഭവം പുറത്തറിഞ്ഞതോടെ ഒളിവിൽ പോയ സുനിലിനെ തന്ത്രപൂർവം നടത്തിയ അന്വേഷണത്തിലൂടെയാണ് പിടികൂടിയത്. എല്ലാ ദിവസവും അതിരാവിലെ ഇയാൾ പാവറട്ടിയിലുള്ള ഒരു ചായക്കടയിൽ വരുന്നുണ്ടെന്ന രഹസ്യ വിവരം ലഭിച്ചതിനെ തുടർന്ന് നടത്തിയ നീക്കത്തിലാണ് പ്രതി വലയിലായത്.
ചാവക്കാട് സ്റ്റേഷൻ എസ്.എച്ച്.ഒ കെ.എസ്. സെൽവരാജിന്‍റെ നേതൃത്വത്തിൽ എസ്.ഐമാരായ എം. യാസിർ, കെ. സുനു, വനിത സീനിയർ സി.പി.ഒ എം. ഗീത, സി. ജയകൃഷ്ണൻ, കെ. പ്രദീപ്, എസ്. ബൈജു, എം. റെജിൽ എന്നിവരടങ്ങുന്ന പൊലീസ് സംഘമാണ് പ്രതിയെ പിടികൂടിയത്. ഇയാളെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.