സത്യൻ
നിലമ്പൂർ: നൂറുലിറ്റർ വാഷും വാറ്റ് ഉപകരണങ്ങളുമായി മധ്യവയസ്കൻ വഴിക്കടവ് പൊലീസിന്റെ പിടിയിൽ. വഴിക്കടവ് വെള്ളക്കട്ട ബിർള ക്വാർട്ടേഴ്സിന് സമീപം മുരിയൻകണ്ടത്തിൽ സത്യനെയാണ് (51) സബ് ഇൻസ്പെക്ടർ ഒ.കെ. വേണു അറസ്റ്റ് ചെയ്തത്. വഴിക്കടവ് ഇൻസ്പെക്ടർ പി. അബ്ദുൽ ബഷീറിന് ലഭിച്ച രഹസ്യവിവരത്തിന്‍റെ അടിസ്ഥാനത്തിൽ നടത്തിയ പരിശോധനയിലാണ് ഇയാൾ പിടിയിലായത്. പ്രതിയുടെ വീടിന്‍റെ പരിസരത്ത് ആരും കണ്ടുപിടിക്കാത്ത രീതിയിലാണ് വാഷ്‌ സൂക്ഷിച്ചിരുന്നത്. അസി. സബ് ഇൻസ്പെക്ടർ കെ. മനോജ്, പൊലീസുകാരായ അബൂബക്കർ നാലകത്ത്, കെ. സുനിൽ, റിയാസ് ചീനി, കെ. ഷെരീഫ്, എസ്. പ്രശാന്ത് കുമാർ എന്നിവരാണ് പരിശോധന സംഘത്തിൽ ഉണ്ടായിരുന്നത്. പ്രതിയെ നിലമ്പൂർ കോടതിയിൽ ഹാജരാക്കി മഞ്ചേരി സബ് ജയിലിൽ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.