കൊച്ചി: യുവതിക്കുനേരെ നഗ്നത പ്രദർശനം നടത്തുകയും അതിക്രമം നടത്തുകയും ചെയ്ത യുവാവ് പൊലീസ് പിടിയിൽ. നിലമ്പൂർ അമരമ്പലം കുറ്റമ്പാറ പറകുണ്ടിൽ വീട്ടിൽ പി.അജ്മൽ (22) ആണ് അറസ്റ്റിലായത്. വെള്ളിയാഴ്ച രാത്രി ഒമ്പതിന് പാലാരിവട്ടം ജനത റോഡിൽ അടിമുറി ലൈനിലുള്ള താമസസ്ഥലത്തേക്ക് നടന്നുവരികയായിരുന്ന യുവതിയോട് ബൈക്കിലെത്തിയ അജ്മൽ നഗ്നത പ്രദർശനം നടത്തുകയും കൈക്ക് പിടിച്ച് വലിച്ച് ബൈക്കിൽ കയറ്റാൻ ശ്രമിക്കുകയുമായിരുന്നു.
ഓൺലൈൻ ഫുഡ് കമ്പനിയുടെ ഡെലിവറി ബോയ് ആയി ജോലി ചെയ്യുകയാണ് അജ്മൽ. ഇയാളുടെ ബൈക്കിന്‍റെ നമ്പർ കേന്ദ്രീകരിച്ച് നടത്തിയ അന്വേഷണത്തിലാണ് പിടിയിലായത്. അജ്മൽ മുമ്പും സമാന കേസുകളിൽ പ്രതിയാണെന്ന് പൊലീസ് പറഞ്ഞു. പാലാരിവട്ടം ഇൻസ്പെക്ടർ ജോസഫ് സാജന്‍റെ നേതൃത്വത്തിലുള്ള സംഘമാണ് ഇയാളെ പടികൂടിയത്. പ്രതിയെ എറണാകുളം കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.