കോഴിക്കോട്: കോഴിക്കോട് നഗരത്തിൽ വിദ്യാർഥിനി കൂട്ടബലാത്സംഗത്തിനിരയായതായി പരാതി. എറണാകുളം സ്വദേശിനിയായ നഴ്സിങ് വിദ്യാർഥിനിയാണ് പീഡനത്തിനിരയായത്. സുഹൃത്തുക്കളായ രണ്ടുപേർ നിർബന്ധിച്ച് മദ്യം നൽകി മയക്കിയശേഷം ബലാത്സംഗം ചെയ്തുവെന്നാണ് പരാതി. സംഭവത്തിൽ കസബ പൊലീസ് കേസെടുത്ത് അന്വേഷണമാരംഭിച്ചു.
ശനിയാഴ്ച രാത്രി പ്രതികളുടെ താമസസ്ഥലത്തേക്ക് പെൺകുട്ടിയെ വിളിച്ചുവരുത്തുകയും തുടർന്ന് ബലമായി വലിയ അളവിൽ മദ്യം കുടിപ്പിച്ചുവെന്നും ബോധരഹിതയായതോടെ പീഡിപ്പിച്ചുവെന്നുമാണ് പെൺകുട്ടി പൊലീസിന് മൊഴി നൽകിയത്. സുഹൃത്തും അയാളുടെ സുഹൃത്തും ചേർന്നാണത്രെ പീഡിപ്പിച്ചത്. പ്രതിയുടെ മൊബൈൽ ഫോൺ നമ്പർ ഉൾപ്പെടെ കൈമാറിയിട്ടുണ്ട്. സൈബർ സെല്ലിന്‍റെ സഹായത്തോടെയാണ് ഇരുവർക്കുമായി പൊലീസ് അന്വേഷണം നടത്തുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.