ശ്രീധര്‍,മനോവ
വളാഞ്ചേരി: കാറിലെ രഹസ്യ അറയിൽ കടത്തുകയായിരുന്ന കണക്കിൽപ്പെടാത്ത 87,65,720 രൂപയുമായി രണ്ടുപേര്‍ വളാഞ്ചേരി പൊലീസിന്റെ പിടിയിൽ. കോയമ്പത്തൂര്‍ സെല്‍വപുരം പോത്തന്നൂര്‍ സ്വദേശികളായ ശ്രീധര്‍ (64), മനോവ (25) എന്നിവരാണ് പിടിയിലായത്.
രഹസ്യ അറയില്‍ കടത്താന്‍ ശ്രമിച്ച പണമാണ് കഞ്ഞിപ്പുരയിൽ വെച്ച് തമിഴ്നാട് രജിസ്ട്രേഷനുള്ള കാറിൽ നിന്ന് പിടികൂടിയത്. കുഴല്‍പ്പണ മാഫിയക്കെതിരെ ജില്ല പൊലീസ് മേധാവി സുജിത് ദാസിന്‍റെ നേതൃത്വത്തിൽ മലപ്പുറം പൊലീസ് കുറഞ്ഞ കാലയളവിനുള്ളിൽ ഏകദേശം 40 കോടി രൂപയോളം കുഴൽപണം പിടികൂടിയിരുന്നു. വളാഞ്ചേരി പൊലീസ് മാത്രം ഏകദേശം 12 കോടി രൂപയോളം പിടികൂടി. പരിശോധന ശക്തമാക്കുമെന്ന് വളാഞ്ചേരി സ്റ്റേഷൻ ഹൗസ് ഓഫിസർ കെ.ജെ. ജിനേഷ് അറിയിച്ചു. പൊലീസ് സംഘത്തിൽ എസ്.ഐ അജീഷ് കെ. ജോൺ, ഉണ്ണികൃഷ്ണൻ, സിവിൽ ഓഫിസർ ക്ലിൻറ് ഫെർണാണ്ട്‌സ് എന്നിവരുമുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.